Die Assistent Sekretaris Generaal van die Mynwerkers Unie Paul Situmba sluit aan by Kosmos 94.1 Nuus vanoggend om te praat oor die moontlike sluiting van die Tschudimyn. Weatherly het skuld van meer as 140 miljoen Amerikaanse dollar, oftewel 2,1 miljard Namibiese dollar. Meer as 400 werksgeleenthede kan verlore gaan sou die myn toemaak.

Afrobarometer se jongste opname handel oor belasting. In samewerking met Survey Warehouse het hulle verskeie interessante bevindings gemaak. Klaus Schade ‘n plaaslike ekonoom sluit by ons aan.

Daar het reeds meer as 25 000 mense ingeskryf vir ons Wen ‘n Erf-SMS-kompetisie wat op 31 Januarie ten einde loop, so die tyd om deel te neem, loop nou vining uit. Die ontwikkelaar van die Hentiesbaai Gholf en Leefstyl Landgoed en die man wat aan Kosmos 94.1 luisteraars die erf van ter waarde van meer as 400-duisend Namibiese dollar beskikbaar gestel het as prys vir ‘n SMS-kompetisie, Paul van Biljon, gesels met Kosmos 94.1 Nuus.

Die Ruach Elohim Stigting op Swakopmund het reeds honderde oproepe ontvang van vroue en meisies wat navraag wou doen oor die bababoks wat ingerig is as ‘n veilige plek vir babas en kindertjies van tot twee jaar oud, wat om een of ander rede nie deur die ma kan of wil versorg en grootgemaak word nie. Ons sluit vanoggend aan by die stigter Ronel Peters.

Na ‘n uitdagende aantal jare in Namibië is die BBP per-capita syfer op die oomblik slegs 316 dollar groter as in 2012. Dit verteenwoordig volgens ekonome ‘n daling van 8,9 persent oftewel 5 650 dollar teenoor die hoogtepunt in 2015. Dr Omu Kakujaha-Matundu van die Ekonomiese Fakulteit aan die Universiteit van Namibië sluit by ons aan.

Toerisme bly groei al is die plaaslike ekonomie in resessie. Die Minister van Toerisme Pohamba Shifeta het aangekondig dat internasionale besoekers met 3,2 persent toegeneem het in 2018 teenoor 2017. Gitta Paetzold van die Namibiese Gasvryheidsvereniging is ons gas.

Die Namibiese hofrol het die afgelope tyd baie appelsake bevat. Op gister se rol was daar 30 appelsake. Dr Nico Horn, ‘n regskenner in Namibië sê dis nie totaal ongewoon nie... Hy gesels met Kosmos 94.1 Nuus.

Die Namibiese Kwartaallikse Ekonomiese Hersiening vir die vierde kwartaal van 2019 is deur die Instituut van Openbare Beleidsnavorsing bekend gemaak. Die land se makro-ekonomiese prestasie is sedert die tweede kwartaal van 2016 onder druk en het sedertdien geen tekens van ‘n groot opswaai getoon nie. Graham Hopwood, van die Instituut vir Openbare Beleidsnavorsing in Windhoek het ‘n paar faktore uitgesonder wat kommer wek.

FNB Namibië het die jongste verhurings indeks bekendgemaak. Dit wil voorkom asof syfers effe beter vertoon al krimp dit steeds. Volgens Ruusa Nandago, FNB se groepsekonoom, is dit omdat verhuring verkies word bo die koop van eiendom as gevolg van die huidige ekonomiese toestande. Sy sluit by ons aan.

Ekonome het gereageer op nuus van Statistieke Suid-Afrika dat die land se top 1 persent se inkomste tussen 2011 en 2015 gegroei het met 50 persent terwyl die inkomste van 50 persent van die armste mense tussen 15 en 25 persent gedaal het in dieselfde periode. Dawie Roodt, Hoof Ekonoom van die Efficient Groep in Gauteng is ons gas.