Die bestuurder wat daarvan beskuldig word dat hy die Namibiese fiestryer, die 38-jarige Ingrid van Wyk Scholtz Vrydagaand op die Westelike Verbypad doodgery het en weggejaag het, is gister deur die polisie gearresteer. Beserings onder fietsryers raak algemeen en ons sluit aan by Irene Styen, die Sekretaris-Generaal van die Namibiese Fietsry Federasie.

Kenners verwag dat Suid-Afrika Vrydag dalk deur die kredietagentskap Standard and Poor's van stabiel afgegradeer kan word na negatief. Vir sy mening Dr Omu Kakujaha-Matundu, van die ekonomiese fakulteit by Unam.

Die Namibiese verkiesings word op 27 November gehou. In aanloop tot die verkiesings is daar skok-onthullings gemaak oor onder meer korrupsie tydens die toekenning van viskwotas . Professor Lesley Blaauw, ‘n politieke ontleder van die Universiteit van Namibië sluit by ons aan.

Volgens berigte uit Suid-Afrika is daar groot kommer oor die voortbestaan van boere asgevolg van die droogte. Daar is volgens berigte ook talle boere wat op die oomblik probeer om verdere hulp by banke in die buurland kry. Bennie van Zyl, Hoofbestuurder TLU-SA is ons gas.

Die Motorvoertuig Ongelukkefonds het die Yellow Dot veldtog geloods as een van vele strategieë om die veiligheid van kinders as kwesbare padgebruikers te verseker. Die veldtog leer kinders hoe om veilig in en uit ‘n voertuig te klim en gebruik geel plakkers op die linker agterruit van voertuie. Surihe Gaomas-Guchu, hoof van korporatiewe kommunikasie by die fonds sluit by ons aan.

Daar is goeie nuus vir liefhebbers van Afrikaanse drama. Drie nuwe drama-reekse sal volgende jaar op Kyknet uitgesaai word. Ons sluit aan by Levana Cloete, bestuurder van korporatiewe aangeleenthede by MultiChoice Namibië.

Dis vanjaar die 51ste Total Tara Tydren wat Donderdag afskop en Saterdag klaarmaak in Windhoek. Die tydren word aangebied deur die Windhoek en Walvisbaai motorklubs en begin in Swakopmund en eindig by die Tony Rust renbaan. Jaco van Dyk, een van die deelnemers, is ons gas.

Die jongste weervoospellings dui aan dat die reën vir eers wegbeweeg het en dat warm toestande regoor die land sal heers. Oor die algemeen wil dit voorkom dat die toestande tans in die Indiese-oseaan nie gunstig is vir goeie neerslae in die streek nie. Die Stille-oseaan se toestande word ook fyn dopgehou. Die Suid-Afrikaanse klimatoloog Johan van den Berg van Santam Landbou sluit by ons aan met sy mening.

Die eerste voorlopige uitslae is bekend na die afloop van Woensdag se stemmery deur Namibiërs wat in die buiteland woon of werk, sowel as lede van die polisie, weermag en korrektiewe dienste. Die onafhanklike kandidaat, Swapo-lid Dr. Panduleni Itula het baie goed gevaar. Dietrich Wemmert, navorser by die Instituut vir Openbare Beleidsnavorsing sluit by ons aan.

Die Brave Warriors het Woensdag vir Tsjad geklop op die Sam Nujoma stadion in die hoofstad as deel van die 2021 Afrika Nasiesbeker kwalifiserende wedstryde. Die Brave Warriors het met 2 – 1 gewen en hulle speel die Sondag teen Guinee. Woody Jacobs, die hulpafrigter van die Brave Warriors gesels met Kosmos 94. 1 Nuus.