Die Verkiesingskommissie van Namibië is vasbeslote dat die elektroniese stemmasjiene in die komende verkiesing gebruik sal word. Dit kom te midde van dreigemente deur sommige partye om dit in die hof te betwis. Politieke ontleder Hoze Riruako met sy mening.

Volgens die Speaker van die Nasionale Vergadering van Namibië, Professor Peter Katjavivi het 2019 baie uitdagings vir hulle gebied maar die parlement het baie mylpale behaal. Professor Katjavivi is ons gas vanoggend.

Die Suid-Afrikaanse Lugdiens sê hy is baie bekommerd oor vakbonde se dreigemente van arbeidsoptrede tydens sy hervormingsproses. Die staatsonderneming het begin met Artikel 189-beraadslaging met sy personeel, aangesien hy beraam om meer as 900 werknemers af te dank as deel van sy omdraaistrategie. Media strateeg en ontleder in Suid Afrika, Professor Nixon Kariithi sluit by ons aan.

Konstruksiewerk wat gemik is op die uitbreiding van die lughawe is op die oomblik aan die gang by die Hosea Kutako Internasionale Lughawe. Die 250-miljoen dollar kontrak het einde September begin. Dan Kamati, woordvoerder van die Namibiese Lughawensmaatskappy sluit by ons aan vir die jongste.

Krieket Namibië se uitreikprogram begin vandag waartydens hulle verskillende skole en klubs besoek. Beide die nasionale mans en vroue krieketspanne sal deel uitmaak van afrigtingskursusse, afrigtingsklinieke en FNB kwotaprogramme in verskillende Namibiese streke. Johan Muller, die hoof uitvoerende beampte van Krieket Namibië gesêls hieroor.

Met die eerste reën wat in die noorde geval het is daar weer teen-malaria aktiwiteite wat gaan plaasvind, maar daar is sekere uitdagings in die verband. Dr Richard Kamwi, E8 ambassadeur in die SAOG-streek het met Kosmos 94.1 Nuus hieroor gesêls.

Daar is die afgelope tyd verskeie voorvalle aangemeld in Namibië waartydens geweldadige, massa familiemoorde gepleeg is. Die jongste voorval is laas week in die noorde aangemeld waar selfs ‘n baba en ‘n familie troeteldier met ‘n panga aangeval is. Die bekende sielkundige van Windhoek, Dokter Shaun Whittaker sluit by ons aan.

Die Vereniging van Afrika Diamantproduserende Lande het kommer uitgespreek oor die bedreiging wat sintetiese diamante vir die natuurlike diamantindustrie inhou. Bedreigings sluit ook kleiner winste regoor die diamant waardeketting. Riaan Burger, die hoof uitvoorende beampte van Namdeb sluit by ons aan.

Die minister van omgewingsake en toerisme, Pohamba Shifeta, het sy kommer uitgespreek oor die toenemende korrupsiesake wat in die land aangemeld is. Ons het soveel onpatriotiese Namibiërs wat nie die welstand van die land in ag neem nie, het hy gesê. Hy is ons gas vanoggend in die verband.

Die hoof van die Valke in Suid-Afrika, Godfrey Lebeya, verwag binnekort optrede teen diegene wat betrokke was by die plundering van die VBS Mutual Bank. Volgens die jongste beramings deur die likwaditeur Anoosh Rooplal is daar 2,7 miljard rand geplunder by die bank deur bestuurslede. Daar is plaaslike belangstelling in die saak omdat die verlore 200 miljoen Namibiese dollar van die bankrot SME Bank ook deur VBS Mutual Bank belê is. Dawie Klopper beleggingsekonoom by PSG Konsult in Gauteng sluit by ons aan.