Die Namibiese krieketspan het gekwalifiseer vir die T20 Wêreldbeker reeks in 2020 in Australië. Gerhard Erasmus die Kaptein van die span sluit by ons aan.

Die nasionale Redakteursforum in Suid-Afrika, Sanef, sê hy sal aan president Cyril Ramaphosa skryf oor die bewerings van omkopery teen die buurland se minister van Minerale Bronne en Energie, Gwede Mantashe. Mantashe het na bewering twee joernaliste van die Sunday World omgekoop om nie berigte te publiseer oor sy beweerde buite-egtelike verhouding met 'n student nie. Sanef het Mantashe sewe dae tyd gegee om in 'n beëdigde verklaring duidelikheid te gee oor sy teenstrydige verklarings. Professor Amanda Gouws ‘n Politieke wetenskaplike aan die universiteit van Stellenbosch is ons gas.

Ivan van Rooyen is die nuwe hoofafrigter van die Emirates Lions in Gauteng. Hy volg Swys de Bruin op wat vroeër uitgetree het. Ons praat nou eksklusief met Ivan...

Namibië se mielievoorraad is volgens berigte uitgeput en die land sal moet invoer om aan sy plaaslike vraag te kan voorsien.Namib Meulens se handel spesialis Koos Ferreira sluit by ons aan met die jongste.

Sommige Afrikalande is volgens berigte onstabiel as gevolg van verswakkende ekonomiese omstandighede en konflik. Dr Charles Sinkala, ‘n Internasionale Kundige oor die kontinent sluit by ons aan met ‘n perspektief.

Die Suid-Afrikaanse Minister van Finansies, Tito Mboweni, lewer vandag sy middeltermynbegroting in die buurland se parlement. Mboweni sal na verwagting 'n gewysigde strategie ter tafel lê met die oog op beter ekonomiese groei. Die Suid-Afrikaanse ekonoom, Jana van Deventer sluit by ons aan met haar mening..

Die dood van die leier van die Islamitiese Staat ISIS se leier, Abu Bakr al-Baghdadi in ‘n Amerikaanse teen terreur-operasie bly in die nuus.. Daar is kommer dat president Donald Trump se inligting aan die media oor Al-Baghdadi se dood ‘n teenreaksie kan veroorsaak. ‘n Direkteur by die Terrorisme Navorsing en Analiese Konsortium in Suid-Afrika Jasmine Opperman met haar mening.

Die redakteursforum van Suid-Afrika, Sanef, wil hê die buurland se Minister van Energie, Gwede Mantashe, moet die name bekend maak van die twee joernaliste oor wie hy erken het dat hy hulle betaal het om ʼn storie oor sy verhouding met ʼn student uit die media te hou. Ben Rootman van die Suid Afrikanse Persklub sluit by ons aan.

Betogings deur verbruikers is internasionaal besig om toe te neem teen stygende lewenskoste en moeilike lewensomstandighede asgevolg van ekonomiese druk.Herbert Jauch, arbeidsnavorser in Namibië is ons gas.

Suid Afrika is oppad na die Rudby Wêreldbeker finaal volgende week Saterdag met die wete daar is nog baie werk om te doen, volgens afrigter Rassie Erasmus. Die span het gister vir Wallis geklop met 19-16 in ‘n taai wedstryd wat neergekom het op losskakel Handre Pollard. Ons het onsself ‘n kans gegee. In die afgelope 18 maande net ons vier keer teen Engeland gespeel so ons weet hoe hulle speel, het Erasmus gesê. Voormalige Springbok Kobus Wiese sluit by ons aan.