Suid-Afrikaanse bioloë en omgewingskundiges het spesifieke prioriteite uitgestippel waarop navorsers kan fokus om die plant- en diereryk ten beste in die volgende dekade te bewaar. Dié prioriteite is in drie onlangse artikels in vaktydskrifte vervat. Uit al drie hierdie artikels is dit duidelik dat die uitdagings wat ons op biodiversiteitsgebied in die gesig staar, groter is as wat die biologiese wetenskappe alleen kan oplos,” sê een van die kenners wat tot al drie publikasies bygedra het, professor Karen Esler van die Universiteit Stellenbosch se Departement Bewaringsekologie en Entomologie en sy is vanoggend ons gas.

Standard Bank Namibië het openbaar gegaan en sal 16 persent van sy aandele op die Nambiese aandelebeurs lys op 15 November. Aandele verkoop teen 8 dollar 90 elk en is oop vir die publiek tot 1 November. Kosmos 94.1 nuus gesels met Eric van Zyl, ‘n ekonoom vir IJG Securities.

Die inisiatief van ‘n groep Namibiërs om van die land se paaie te rehabiliteer is in volle gang. Een van die lede van die span, Chris Theron sê dinge verloop baie goed op die oomblik. Hy verduidelik aan Kosmos 94.1 nuus.

Die gewese leier van die DA in Suid-Afrika, Mmusi Maimane het uit die party én as parlementslid bedank. Dit volg nadat hy eergister as DA-leier bedank het. Sy bedanking uit die DA en die parlement kom as 'n verrassing nadat hy eergister aangedui het dat hy as parlementslid en lid van die DA aanbly.Die Suid-Afrikkaanse politieke analis professor Dirk Kotze.

Die Springbok-regtervleuel Cheslin Kolbe het nie voldoende herstel van ʼn enkelbesering nie en kon nie oorweeg word vir Sondag se Wêreldbeker-halfeindstryd teen Wallis in Jokohama, Japan, nie. Afrigter Rassie Erasmus het hom met S’bu Nkosi vervang in die enigste verandering aan die wedstrydgroep wat die gasheer in die halfeindronde verslaan het. Die spanne skop om elfuur Sondagoggend Namibiese tyd af.Kosmos 94.1 nuus het met die Springbokke se woordvoerder, Rayaan Adriaanse gepraat oor die span se program tot Sondag.

Die Britse Bloodhound supersoniese motor is besig met hoë-spoed toetsritte van tot 800 kilometer per uur by Hakskeenpan in die Noord-Kaap van Suid-Afrika.Die motor wil aanstaande jaar 'n wêreld landspoedrekord van duisend-600 kilometer per uur daar opstel. Peter Nekotjane van die projek sluit by ons aan..

Minstens 47 Afrika staats en regeringshoofde is in Sochi in Rusland vir die eerste Rusland-Afrika Spitsberaad wat nou einde se kant toe staan. President Hage Geingob het reeds met sy Russiese eweknie vergader oor bilaterale betrekkinge tussen die twee lande. Dr Charles Sinkala ‘n Internasionale kundige oor internasionale betrekkinge sluit by ons aan uit Gauteng.

Die droogte in die land is besig om in felheid toe te neem en dit plaas volgens berigte baie druk op produsente.Piet Gouws die President van die Namibiese Landbou Unie met die jongste.

Sewe minderjarige meisies, waarvan die jongste vier en die oudste 15 jaar oud is, het na bewering binne ’n kwessie van drie dae die jongste slagoffers in Namibië se voortgesette vlaag van kindermolestering geword. Die euwel is volgens kundiges besig om toe te neem. Dr Veronica Theron, tegniese adviseur van mev Geingos, sluit by ons aan.

1 Wat is fout met ons gemeenskap dat so baie kinders in die verband probleme kry?

2 Wat moet familielede doen as hulle bewus raak hiervan?

Die Monetêre Beleidskomitee van die Bank van Namibië maak vanoggend sy besluit oor rentekoerse bekend. Dr Omu Kakujaha Matundu van die Ekonomiese Fakulteit aan die Universiteit van Namibië met sy mening.

1  Your views on this doc?

2  What will be the best option from a consumer's point of view?