President Cyril Ramaphosa van Suid-Afrika is soos ons in die nuus gehoor het in Londen waar hy opnuut sal fokus op buitelandse belegging in Suid-Afrika. Hy spreek vandag konferensiegangers toe by die Financial Times se beraad oor Afrika. Professor Jannie Rossouw hoof van die Sakeskool by Wits in Johannesburg sluit by ons aan.

Oud president Jacob Zuma van Suid-Afrika se verhoor op klagte van korrupsie,rampokkery, bedrog en belasting ontduiking begin môre nadat sy aansoek dat sy vervolging permanent gestaak word, met koste van die hand gewys is. Professor Andre Duvenhage hoogleraar in Politieke Wetenskap aan die Noordwes Universiteit op Potchefstroom is ons gas.

Vanjaar se Pick & Pay Cycle Classic is die naweek by die Hage Geingob stadion in Windhoek. Voorbereidings is op die oomblik in volle gang vir die geleentheid wat môre en Sondag plaasvind. Danny Meyer, die President van die Rotariërklub in Windhoek sluit by ons aan.

Die Namibiese Minister van Finansies, Calle Schlettwein, is ons gas vanoggend oor die jongste Wêreld Mededingendheids verslag van die Wêreldbank.

Die Springbokke is besig om voort te berei vir hulle volgende wedstryd in die 2019 Rugby Wêreldbeker-reeks. Suid-Afrika sal teen Skotland, Japan of Ierland speel in die kwarteindronde.Rayaan Adriaanse die Springbokke se woordvoerder sluit by ons aan uit Japan.

Internasionale ekonomiese faktore soos die sogenaamde handelsoorlog tussen Amerika en Sjina en ander gebeure het volgens kundiges ‘n invloed op ons streek.Dr Azar Jammine ‘n Suid-Afrikaanse ekonoom met sy mening.

Die Namibiese Eerste Minister, Dr. Saara Kuugongelwa-Amadhila het die jongste inligting bekend gemaak oor die regering se noodmaatreëls en hulpprogramme om gemeenskappe en produsente wat deur die knellende droogte geraak word, te help. Ons sluit aan by die Eerste Minister.

Turning point Namibia” bly gekant teen die wettiging van dagga in die land.Die groep sê dagga lei tot gebroke families, kinders wat skole verlaat, werksverliese en in sommige gevalle selfs lewensverlies. Sara Elago, die stigter van “Turning Point Namibia” is ons gas.

Die Namibiese krieketspan is in Dubai waar hulle gaan deelneem aan die T20 Wêreldbeker kwalifiserende wedstryde. Rudie van Vuuren die President van Krieket Namibië het die jongste.

Reaksie word ontvang oor die getuienis wat voor die Zondo-kommissie oor staatskaping in Johannesburg gelewer word en wat wydlopend mense impliseer. Professor Hussein Solomon ‘n Politieke ontleder van Suid Afrika met sy mening.