Een van die Amerikaanse president, Donald Trump, se naaste bondgenote, Senator Lindsey Graham, het hom gestriem oor sy besluit om Amerika se soldate uit Sirië te onttrek. Graham het gesê die stap sal Turkye in staat stel om met militêre aanvalle in die gebied te begin, wat op 'n ramp kan afstuur. Hy sê hy gaan die Amerikaanse kongres dringend versoek om die besluit te herroep.Brooks Spector, ‘n kenner van die Amerikaanse politiek sluit by ons aan..

Die seekoei-bevolking in die Kavango delta en ander dele is volgens berigte onder groot druk asgevolg van die droogte . Die Namibiese Minister van die omgewing en toerisme Pohamba Shifeta is ons gas vanoggend.

Die ekonomiese situasie in Namibië lyk volgens die jongste statistiek in aanloop tot die einde van die jaar steeds nie goed nie en kan selfs verder versleg.Die Uitvoerende Voorsitter van die Olthaver en List Groep,Sven Thieme sluit by ons aan met sy mening.

Die Namibiese ombudsman advokaat John Walters het gereageer op President Cyril Ramaphosa van Suid-Afrika wat die wetsontwerp op Rolprente en Publikasies onderteken het wat onder andere sogenaamde "wraakpornografie" tot 'n misdryf verklaar. Avokaat Walters sluit by ons aan.

Vandag presies oor 2 maande gaan daar groot feeste wees op Swakopmund, wanneer die kusdorp sy Kwela Dorp van die Jaar Makiti hou, op 6 en 7 Desember.Die bemarkingsbestuurder van Destination Swakopmund, OLIVER AHRENS, wat saam met kykNET die Makiti reël en wat baie hard werk om Swakopmund as ‘n internasionale vakansiebestemming te vestig en bevorder, sê alles loop baie mooi, wat die Makiti-naweek se voorbereidings betref. Hy sluit by ons aan

Die 2019 November Movember inisiatief van die Namibiese Kankervereniging in Windhoek is bekendgestel. Die inisiatief is deel van die bewusmakingsveldtog vir mans se gesondheid, veral met betrekking tot prostaat- en testikulêre kanker. Inskrywings vir Movember is beskikbaar by die Kankerverening in Windhoek en Rolf Hansen van die Kankervereniging het meer.

Nieu-Seeland is weer bo-aan die punteleer van Groep B ná sy oorwinning van 71--9 oor Namibië. Die All Blacks het elf drieë aangeteken en met die oorwinning 'n bonuspunt verseker. Die Namibiese rugbylegende Hakkies Husselman sluit by ons aan met sy mening

Namibiese studente wat in Brittanje wil gaan studeer kan volgens berigte na hulle studies voltooi is nog twee jaar in die land aanbly en daar werk. Vir meer besonderhede sluit ons aan by JP Breytenbach van Breytenbach’s Immigration Consultants in Londen.

Die president van die Namibiese Landbou Unie het gereageer op die groot veeverliese en ander negatiewe faktore wat op die oomblik in die land ervaar word as gevolg van die droogte. Ryno van der Merwe sluit by ons aan.

Sondag draf die Welwitschias uit teen die All Blacks van Nieu- Seeland in die Rugby Wêreldbeker toernooi in Japan. Daniella Filipovic, woordvoerder van die Namibiese rugbyspan praat met ons uit Japan.