Die Suid-Afrikaanse dokumentêre rolprent oor renosterstropery, Stroop, Journey into the Rhino Horn War, word Sondagaand op Mnet uitgesaai. Stroop, soos wat daar in kort na die film verwys word, is deur Bonné de Bod en Susan Scott vervaardig. Die rolprent het reeds talle oorsese toekennings gekry. Bonne sluit by ons aan.

Die 2019 Windhoekse handels en landbouskou word vanjaar van 30 September tot 5 Oktober in die hoofstad gehou. Vanjaar by die skou kan daar baie meer vermaak en stalletjies verwag word volgens die Uitvoerende Visepresident van die Skou, Harald Schmidt.Hy is ons gas vanoggend.

Die Betaalvereniging van Namibië het samewerking met die Duitse Agentskap vir Internasionale Ontwikkeling het‘n veldtog in Windhoek bekendgestel om groter bewustheid te skep oor bedrog in die Namibiese betaalstelsel. Saima Herman, die Regulatoriese- en Nakomingsbestuurder by die Betaalvereniging sluit by ons aan..

Het jy al van ‘n eetbare strooitjie gehoor waarmee jy jou koeldrank of melkskommel drink. Wel Leila Siljeur ‘n tweede jaar student in Chemiese Ingenieurswese aan die universiteit van Stellenbosch het met haar passie vir omgewingsvolhoubaarheid besluit om eetbare en omgewingsvriendelike strooitjies onder haar eie handelsmerk Eat Me Straws te ontwerp.Die strooitjies bestaan uit ‘n reeks van drie – gewoon, gesond en streng vegetaries .Leila is ons gas.

Die Uitvoerende Direkteur van die World Future Council is van mening dat die volgende tien jaar kritiek vir die mensdom gaan wees. Alexandra Wandel het gereageer op die jongste inligting oor klimaatsverandering, volhoubare ekosisteme en gesondheid. Sy sluit by ons aan uit Duitsland

Die heersende Namibiese droogte het volgens statistiek vleispryse negatief beinvloed. Andre Mouton, Meatco se Uitvoerende Lewendehawe Aankoper sluit by ons aan.

Die Walvisbaai Corridor Groep hou die elfde jaarlikse werkswinkel op 26 & 27 September by die NUST Hotel Skool in Windhoek en die publiek kan inskryf vir die volgende kursusse:“Die hantering van gevaarlike goedere, aankope en verkryging, pakhuis en inventaris beheer. Die koste beloop NS 1000. Clive Smith die Hoof Uitvoerende beampte van die Walvisbaai Corridor Groep sluit by ons aan.

Verkeersowerhede in Namibië het hulle kommer uitgespreek oor die afgelope naweek se sterftes en beserings op die land se paaie. 23 mense is dood in verskeie noodlottige motorongelukke en 37 is beseer. In een van die noodlottigste ongelukke met ‘n oorlaaide Quantum-bussie met 45 insittendes is dertien mense, onderwie tien kinders dood. Die jongste slagoffer was slegs ses maande oud.Adjunk Kommissaris Amalia Gawanas van Nampol se Nasionale Verkeers afdeling sluit by ons aan.

Die Namibiese groep vir die rugbywêreldbekerreeks wat Vrydag in Japan begin is reeds hard besig in die land met voorbereidings. Ons gas uit Japan is Daniella Filipovic' woordvoerder van die Namibiese Rugby Unie

Berigte op sosiale en ander media oor die waarde van wyle president Robert Mugabe van Zimbabwe se boedel is besig om internasionaal opslae te maak. Bedrae van etlike miljarde Amerikaanse doller word genoem. Vir sy mening , Eddie Cross ‘n ekonoom in Zimbabwe.