Die Adjunk Eerste Minister en Minister van Buitelandse Sake en Samewerking, Netumbo Nandi Ndaitwah maak vandag tydens ‘n spesiale geleentheid die planne bekend vir die opgradering van die Hosea Kutako Internasionale lughawe buite die hoofstad. Dan Kamati,van die Namibiese Lughawensmaatskappy sluit by ons aan.

Bank Windhoek het hulle nuwe gouekaart of te wel Selekt Gold vir kliënte bekendgestel. Vir meer hieroor sluit ons aan by Andre Le Roux van Bank Windhoek.

Wetenskaplikes het ‘n nuwe planeet baie ligjare van die aarde af ontdek, wat volgens berigte dalk wel lewe kan onderhou met water ,leefbare temperature en ‘n atmosfeer. Professor Pieter Meintjies Astrofiskus aan die Vrystaatse universiteit in Bloemfontein met sy mening

Die Suid-Afrikaanse Instituut vir Sekerheidstudies sê die algemene styging in misdaad in die buurland is ‘n bron van kommer.Dr Johan Burger van die Instituut sluit by ons aan.

Die Britse hoë-kommissariaat in Windhoek, sê Namibiese sakelui kan steeds vrylik handeldryf met Brittanje nadat 'n ooreenkoms ingevolge Brittanje se ekonomiese vennootskapsooreenkoms of te wel EPA in beginsel aanvaar is..Naomi Boys woordvoerder van die Britse hoë- kommissariaat in Windhoek sluit by ons aan..

Die Namibiese groep vir die 2019 Rugby wêreldbeker reeks vertrek vandag na Japan. Hulle openingswestryd is op 22 September teen Italië. Die Hoofafrigter van die span Phil Davies.

Staatsbeheerde ondernemings in Namibië is volgens berigte op die hoogste valk onder die soeklig. Vir ‘n perspektief sluit ons aan by die Minister van Finansies, Calle Schlettwein.

Produsente is volgens berigte op die oomblik in ‘n kritieke tyd met die heersende droogte terwyl hulle wag op die eerste lente reën. Vir sy mening sluit ons aan by die president van die Namibiese landbou Unie, Ryno van der Merwe

Die NBC het ingrypende besparingsmaatreëls bekendgemaak om koste te bespaar en te oorleef. Die voorsitter van die openbare uitsaaier se raad, Sven Thieme is ons gas.

Die Namibiese Instituut vir Openbare Beleids Navorsings bied môre ‘n paneelbespreking aan oor ‘n verslag in verband met die sogenaamde Africa Growth & Opportuntiy Act of te wel AGOA. Die aanbieding sal ook handel oor die betekenis van AGOA vir Namibiese sakelui. Graham Hopwood, die Uitvoerende Direkteur van die Instituut het meer.