Volgens die jongste weermodelle lyk dit of die eerste lentereën in Namibië vanjaar later as gewoonlik verwag word. Sondag breek lente amptelik aan op 1 September. Die Suid-Afrikaanse klimatoloog, Johan van der Berg van Santam Landbou met sy mening.

Die internasionale rugby-fokus is op die oomblik op die 2019 Rugby Wêreldbeker-reeks wat op 20 September in Japan begin.. Namibië is in Groep B ingedeel met lande soos Nieu Seeland, Italië, Kanada en Suid-Afrika. Nicolas van Santen die Kommunikasie Bestuurder van die 2019 RugbyWêreldbekerreeks se reëlingskomitee in Japan sluit by ons aan.

President Hage Geingob woon die week die sewende Tokio Internasionale Konferensie vir Afrika Ontwikkeling in Japan by . Klaus Schade van die Ekonomiese Vereniging van Namibië sluit by ons aan.

Die Suid-Afrikaanse minister van Finansies, Tito Mboweni het 'n strategie vir ekonomiese groei in die buurland bekendgestel. Die dokument met die titel "Ekonomiese transformasie, Inklusiewe groei en Mededingendheid" is op die buurland se Tesourie se webblad gepubliseer. ‘n Suid-Afrikaanse ekonoom Jana van Deventer met ‘n perspektief.

Reaksie word ontvang op die besluit van Cites dat olifantkalfies nie langer uit die natuur geneem mag word en aan dieretuine verkoop word nie, nadat ʼn handelsverbod goedgekeur is by ʼn vergadering van die Konvensie in Switserland. Dr Peter Cunningham, 'n ekoloog van Namibië met sy mening.

Die bekende Suid-Afrikaanse skrywer James Brent Styan het gereageer op die dood van die hoof van die maatskappy ,African Global voorheen bekend as Bosssa Gavin Watson . Styan het ‘n boek met die titel “ The Bosssa Billions” geskryf en is ons gas.

Die afgelope G 7 Beraad in Frankryk het volgens berigte goed afgeloop en president Cyril Ramaphosa van Suid-Afrika het dit bygewoon. Vir sy mening oor die beraad sluit ons aan by Professor Jannie Rossouw hoof van die skool vir Ekonomiese en Sake Wetenskappe aan die Wits universiteit in Johannesbyrg.

Die Namibiese rugbyspan is besig om voor te berei vir hulle volgende opwarmingswedstryd Saterdag teen die Southern Kings in Windhoek.Daniella Fillipovic, die woordvoerder van die Namibiese Rugby Unie sluit by ons aan.

Die Windhoek Gimnasium Privaatskool in die hoofstad gaan die week voort om die naweek se tragedie te verwerk, toe twee leerders gesterf en ‘n aantal beseer is in ‘n busongeluk met ‘n toergroep van die skool duskant Mariental. Die Besurende Direkteur van die skool Collette Rieckert is ons gas.

Groot getalle mense het volgens berigte gister se heldedag-vierings op Otjiwarongo bygewoon.Die Goewerneur van die Otjozondjupastreek , Otto Ipinge sluit by ons aan.