Omgewingsaktiviste sê ongeveer 'n miljoen spesies word deur uitwissing in die gesig gestaar regoor die planeet. Afgevaardigdes van 180 lande woon 'n beraad van die internasionale drukgroep Cites in Genève in Switserland by en het klimaatsverandering as uiters belangrik ook vir Afrika suid van die Sahara wat Namibië insluit uitgesonder wat aanpassings verg in die volgende tien jaar. Die Suid-Afrikaanse klimatoloog Dave Pepler is ons gas..

Die Namibiese Ministerie van Gesondheid en Maatskaplike Dienste het sy tevredenheid uitgespreek oor die merkbare afname in die aantal Hepatitus E gevalle wat die afgelope tyd in die Khomas en Erongostreke aangemeld is.Die Uitvoerende Direkteur van die Ministerie Ben Nangombe sluit by ons aan.

Die Voorsitter van die ANC in Suid-Afrika se subkomitee vir ekonomiese transformasie Enoch Godongwana,voel die geld in die buurland se private en openbare pensioenfondse moet gebruik word om skuld van sukkelende staatsondernemings soos Eskom en die SAL te help delg . Dawie Klopper ‘n Beleggings Ekonoom by PSG Konsult in Gauteng met sy mening.

Die eerste Chinese vroue ruimtevaarder Liu Yang besoek Namibië die week. Sy word vergesel deur nog ‘n ruimtevaarder Chen Dong wat 33 dae in die ruimte deurgebring het.Lu Hairong woordvoerder van die Chinese ambassade in Namibië sluit by ons aan.

Die “International Future Council “ het 67 nominansies ontvang van regoor die wêreld vir die sogenaamde Future Policy 2019-toekenning oor Jeugbemagtiging. Die Raad is ‘n onafhanklike liggaam wat in Hamburg in Duitsland begin is om oplossings en beleidstoepassings te vind vir toekomstige geslagte. Daar is volgens berigte op die oomblik meer as 1komma 8 miljard jeugdiges wêreldwyd, die grootste getal ooit, met nagenoeg 87 persent in opkomende lande. Alexandra Wandel die hoof uitvoerende beampte van die Raad is ons gas..

Die Namibiese rugbyspan is hard besig met voorbereidings vir die Wêreldbekertoernooi aanstaande maand in Japan. Vir die jongste sluit ons aan by Daniella Fillipovic woordvoerder van die Namibiese rugby unie

Die Namibiese Minister van Finansies, Calle Schlettwein, gee vanoggend sy mening oor die invloed van die afgelope ekonomiese spitsberaad op die land se ekonomie. Hy sluit by ons aan.

Die Springbokkaptein Duane Vermeulen sê die verowering van die 2019 Rugbykampioenskap is belangrike voorbereiding vir die Wêreldbekertoernooi wat volgende maand in Japan begin. Die Bokke het Argentinië in Salta met 46-13 verpletter om die reeks die eerste keer sedert 2009 te wen en kom vandag in Suid-Afrika aan. Brendan Nel, oud Springbok is ons gas.

Soos jy in die nuus gehoor het is dit vandag die gedenkdiens van wyle Des Werner, die pa van Megan die Suid-Afrikaanse tiener wat die U Dream projek van Kaap na Kairo suksesvol voltooi het. Des en Werner Froneman, albei direkteure van die projek, is dood toe hulle vliegtuig neergestort het. Belinda Werner, Des se vrou, sluit eksklusief vanoggend by ons aan.

Die premier van die Wes-Kaap, Alan Winde, sê minder mense is die afgelope tyd in die Kaapse metro’s vermoor vandat die Suid-Afrikaanse weermag in die gebied ontlpooi is..Hy sluit by ons aan uit Kaapstad..