Soos ons reeds in die nuus gehoor het...Die ervare agsteman Duane Vermeulen sal die Springbokke aanvoer in Saterdag se Kampioenskapstoets teen die All Blacks in Wellington, Nieu-Seeland. Vir meer besonderhede oor die span en die voorbereiding vir Saterdag sluit ons aan by Ryaan Adriaanse woordvoerder van die Springbokspan in Wellington, Nieu-Seeland .

President Emmerson Mnangagwa van Zimbabwe is op ‘n ampsbesoek in die land.Die Namibiese Minister van Finansies Calle Schlettwein is ons gas in die verband..

Die Suid-Afrikaanse Minister van Finansies, Tito Mboweni se Spesiale Toedelingswetsontwerp in die buurland se Nasionale Vergadering wat wat die weg baan vir 'n finansiële inspuiting vir sukkelende staatsinstellings bly in die nuus. Die buurland se minister sê die regering sal reserwefondse gebruik om die SAUK, Denel en die S.A.L by te staan,. Jana vanDeventer, ‘n Ekonoom van Suid- Afrika met haar mening

Die “Dare to Care” inisiatief in Namibië is bekendgestel om produsente by te staan met voer vir lewendehawe tydens die heersende droogte. Die inisiatief word aangebied in samewerking met die Namibiese Landbou Unie, die Namibiese Opkomende Kommersiële Boere Unie en die privaatsektor en word deur die Namibiese Landbou Unie geadministreer. Roelie Venter van die Namibiese Landbou Unie het meer.

Reaksie word ontvang oor die jongste damvlakke in Namibië. Die Namibiese Baars Hengelvereniging sê die lae vlakke van sekere damme in die land moet dringend aangespreek word deur belanghebbers en munisipaliteite. Richard Grant, die Voorsitter van die Namibiese Baars Hengelvereniging sluit by ons aan..

Die Springbokke is steeds in die vyfde plek op die wêreldranglys, ná Saterdag se oorwinning oor Australië op Ellispark in Johannesburg, maar het die gaping verklein tussen hulle en Engeland wat in die vierde plek is. Nieu-Seeland is steeds in die eerste posisie . Die Bokke kom die naweek te staan teen die gedugte All Blacks. Brenden Nel van Supersport in Suid- Afrika sluit by ons aan..

Reaksie word uit Zimbabwe ontvang oor die buurland se president Emmerson Mnangagwa wat later die week ‘n staatsbesoek aan Namibië bring.. Hy is Zimbabwe se derde president en sal Namibië vir ‘n tweede keer besoek sedert sy inhuldiging in November 2017.Eddie Cross ‘n ekonoom van Zimbabwe sluit by ons aan.

Die Springbokgroep is nou almal in Nieu –Seeland vir hulle volgende wedstryd in die Rugbykampioenskapsreeks Saterdag teen Nieu Seeland in Wellington. Rayaan Adriaanse woordvoerder van die Springbokspan sluit by ons aan uit Wellington..

Die nuwe weergawe van die Walt Disney-rolprent The Lion King wat pas vrygestel is lok gemengde reaksie uit. Volgens sommige is dit ‘n besonderhede weergawe terwyl ander weer voel dit voldoen nie aan die verwagtinge wat daar geskep is nie. Leon van Nierop bekende Suid-Afrikaanse rolprentkenner en resensent met sy mening

Dit was sopas 50 jaar gelede dat die Amerikaanse ruimtevaarders Neil Armstrong en Buzz Aldrin die eerste mense geword het om op die Maan te loop. Die geleentheid is deur meer as 500 miljoen mense op televisie dopgehou. Die maantuig, Eagle, het die aand 18 minute na tien Namibiese tyd geland. Net meer as ses en 'n halfuur later het Armstrong sy linkervoet op die maan se oppervlak geplaas en verklaar dat dit "'n klein treetjie is vir die mens, maar 'n reuse sprong vir die mensdom is. Dr Japie van Zyl van Nasa is ons gas uit Amerika