Die Zimbabwiese President, Emmerson Mnangagwa kom later die week in Windhoek aan vir ‘n staatsbesoek van twee dae.Dit sal vooraf gegaan word met Namibië en Zimbabwe se negende sitting van die Gesamentlike Kommissie vir Samewerking in Windhoek. Die Uitvoerende Direkteur van die Namibiese Ministerie van Internasionale Betrekkinge en Samewerking, Selma Ashipala-Musavyi is ons gas .

Iran het die Britse olietenkskip vrygelaat om sy vaart voort te sit na internasionale reaksie. Iran het in die Golf-gebied beslag gelê op die vaartuig .Die Britse Minister van Buitelandse Sake, Jeremy Hunt het vroeër gewaarsku dat Iran se optree nie geduld sal word nie. Vir sy mening Brooks Spector kenner van die Internasionale politiek.

Die regspan van die voormalige Suid-Afrikaanse president, Jacob Zuma, en die getuienis-leier van die kommissie van ondersoek na staatskaping, advokaat Paul Pretorius, is tot gister kans gegee om hulle verskille oor Zuma se ondervraging uit te stryk. Die kommissie het tot vandag verdaag nadat Zuma se regspan gedreig het om hom aan die verrigtinge te onttrek. Ulrich Roux regskenner uit Suid-Afrika met sy mening..

Die beplande Afrika Kontinentale Vryehandelsgebied sal die wêreld se grootste vryhandelsgebied wees. Die Afrika Unie raam dat die implementering van die ooreenkoms oor die potensiaal beskik om inter-Afrika handel teen 2022 met 60 persent op te stoot. Die Hoof van die Skool van Ekonomie en Sakewetenskappe by die Wits Sakeskool in Johannesburg Professor Jannie Rossouw sluit by ons aan.

Die 2019 Rugbykampioenskap-reeks met Argentinië, Australië, Suid-Afrika en Nieu-Seeland begin môre. Suid-Afrika speel môre-middag teen Australië en Nieu-Seeland môre-aand teen Argentinië. Bakkies Botha voormalige Springbokspeler is ons gas.

Droogtetoestande in Namibië is besig om aanleiding te gee tot ‘n toenemende aantal veevrektes in sekere dele van die land. Die Namibiese Produsente Droogtehulp groep is in die lewe geroep om onder andere hulpbehoewende produsente by te staan met voer vir hulle diere met die heersende droogte. Die voorsitter van die groep, Henriëtte le Grange sluit by ons aan.

Die boek met die titel “The role of the highest courts of the United States of America and South Africa and the European Court of Justice in Foreign Affairs” deur dr Riaan Eksteen, voormalige Suid-Afrikaanse ambassadeur in Namibië word binnekort in die hoofstad bekendgestel. Dr Eksteen gesels vanuit Swakopmund.

‘n Avontuur van ‘n leeftyd wag op vier ingenieurstudente van die Universiteit Stellenbosch aan boord van Suid-Afrika se poolnavorsingskip, die SA Agulhas II. Jesslyn Bossau van Windhoek is een van die studente.

Die getuienis van oud president Jacob Zuma van Suid-Afrika voor die Zondo-kommissie oor staatskaping het behoorlik die tonge los. Professor Andre Duvenhage, hoogleraar in Politieke Wetenskap aan die Noordwes Universiteit op Potchefstroom met sy mening.

Die Suid-Afrikaanse Reserwebank besluit die week oor rentekoerse in die buurland. Ekonome glo dat die bank, Rentekoerse gaan verlaag. Dawie Roodt die Hoof ekonoom van die Efficient Groep in Gauteng het met Kosmos 94.1 nuus gepraat.