Boodskappe van meegevoel en empatie word steeds ontvang met die skielike dood van die oud Spirngbok James Small. Die president van die Suid-Afrikaanse Rugbyunie, Mark Alexander sê as deel van die Springbokspan wat in 1995 die Wêreldbeker verower het, sal James Small altyd 'n spesiale plek in die harte van Suid-Afrikaners hê. Sy oud Spanmaat Chester Williams sluit by ons aan oor wat hy van James sal onthou

Die droogte in Namibië plaas produsente en gemeenskappe landwyd daagliks onder druk en volgens kundiges neem dit in sekere dele kritieke afmetings aan met die nuwe reënseisoen wat eers teen Oktober moontlik begin. Kobus von Weits die takbestuur van Agra op Aranos sluit by ons aan.

Die Nasionale Tesourie in Suid-Afrika beplan om die belastingwet van 1962 op 1 Maart 2020 te verander wat tot gevolg sal hê dat Suid-Afrikaners wat in die buiteland en in Namibië werk, belas gaan word. Die regsfirma, Webber Wentzel, se Cor Kraamwinkel in Gauteng is ons gas.

Insekte soos spinnekoppe soek volgens kundiges skuilplek in huise gedurende wintermaande en mens moet maar gereeld spinnerakke verwyder en onder beddens kyk en skoonmaak om byte te voorkom wat soms ernstig kan wees. Vic Boshoff ‘n bekende spinnekopkenner in Suid-Afrika sluit by ons aan.

Reaksie word steeds ontvang oor die skuldigbevinding van die Namibiese Minister van Onderwys, Kuns en Kultuur, Katrina Hanse-Himarwa, op klagte van korrupsie . Die klagte hou verband met die minister se pligte as goewerneur van die Hardapstreek van 2005 tot 2014, voor die aanstelling in haar huidige pos.Die Namibiese Ombudsman advokaat John Walters met sy mening

Namibië is van vandag af die gasheer vir die 5de sitting van die Namibië-Angola Gesamentlike kommissie vir Samewerking. Die meer as 40 bilaterale ooreenkomste wat tussen die twee lande onderteken is sal op die agenda wees en die implementering daarvan bespreek word.Die Uitvoerende Direkteur in die Ministerie van Internasionale Betrekkinge en Samewerking, Selma Ashipala-Musavyi sluit by ons aan..

Reaksie word ontvang oor die nuus dat die Namibiese Minister van Onderwys, Kuns en Kultuur, Katrina Hanse-Himarwa, skuldig bevind is op klagte van korrupsie teen haar. Die klagte hou verband met die minister se pligte as goewerneur van die Hardapstreek van 2005 tot 2014, voor die aanstelling in haar huidige pos. Die Namibiese regskenner professor Nico Horn met sy mening

Duisende mense het in strate regdeur Soedan byeen ter viering van 'n magsdelingooreenkoms, verlede week wat tussen die regerende militêre raad en 'n koalisie, bestaande uit die opposisie en protesgroepe, beklink is vir die oorgangstydperk in aanloop tot die verkiesing. Die twee partye het ooreengekom om 'n soewereine raad in te stel en dit om die beurt te beheer vir 'n tydperk van drie jaar . Minette van der Bijl ‘n Namibiese burger wat in die Soedan werk sluit by ons aan uit die Soedan.

Die Springbokke is hard aan die voorberei vir die 2019 Rugby Kampioenskapsreeks wat aanstaande week begin. Rayaan Adriaanse woordvoerder van die Springbokspan is ons gas.

Nigerië het die Vryehandels-ooreenkoms in Niamey in Niger by 'n buitengewone beraad van die Afrika-Unie onderteken. Die ooreenkoms sal groot geleenthede bied vir Suider-Afrikaanse sakeondernemings bied om na nuwe markte in Wes- en Noord-Afrika uit te brei.Professor Willie Breytenbach Afrika-kenner met sy mening