Kosmos 94.1 gesels met Armin Wieland, Stigter en Besturende Direkteur van V5Digital oor 'Facebook Bot' en hoe dit jou help met bemarking en navorsing.

Die ontplooiing van die Suid-Afrikaanse weermag op die Kaapse Vlakte is in volle gang. Dit is gedoen om die Suid-Afrikaanse polisie te help om die vlaag moorde in die gebied te bekamp. Dr Johan Burger van die Instituut van Sekerheids studies in Suid Afrika met sy mening.

Die woordestryd tussen Amerika en ander Europese lande en Iran is volgens berigte besig om die veiligheidsituasie in die streek te bedreig. Brooks Spector ‘n kenner van die Amerikaanse politiek gesels met Marcel Theron.

Die 2019 Rugbykampioenskap is die agtste weergawe van die uitgebreide Suidelike-Halfrond rugbykampioenskap, met Argentinië, Australië, Suid-Afrika en Nieu-Seeland. Suid-Afrika speel Saterdagmiddag teen Australië en Nieu-Seeland teen Argentinië. Corne Krige, voormalige Springbok kaptein het met Kosmos 94.1 gesels.

Die veldtog, Jeug teen besoedeling Namibië ,word vandag in die hoofstad bekendgestel. Die inisiatief van die Europese Unie is daarop gemik om bewusmaking te kweek by mense en veral die jeug oor die gevolge van besoedeling en rommel. Susan-Marie Lewis media woordvoerder van die Europese Unie se diplomatieke missie in Windhoek het meer.

Streng maatreëls sal geld wanneer oudpresident Jacob Zuma van Suid-Afrika van vandag af voor die kommissie van ondersoek na staatskaping verskyn. Zuma sal die geleentheid kry om sy kant van die saak te stel, na bewerings teen hom in vorige getuienis voor die kommissie. Zuma het ingestem om vir tot vyf dae in die week die kommissie se verrigtinge by te woon, maar dit is nog nie duidelik of hy sy samewerking sal gee vir enige kruisondervraging nie. Die kommissie het sy versoek om die vrae vooraf te ontvang, van die hand gewys. Die Suid-Afrikaanse regskenner Jannie Kruger met sy mening.

Agri Gauteng en Agri SA bied vroeg aanstaande maand ‘n ekspo aan. Daar sal onder andere interaksie met landbou uitstallers wees, opleidingsessies, netwerk sessies en veilings sal ook aangebied word. Christo van der Rheede, Adjunk Uitvoerende Direkteur van Agri SA gesels met Marcel Theron.

Hier is ‘n dametjie met ‘n besondere gawe. Die 10 jarige Mikayla Nel van Klerksdorp in Suid-Afrika is aangewys as die algehele wenner van Talent America, ‘n gesogte talentsoekkompetisie. Sy het aan vier dans, twee model en een drama-items deelgeneem. Mikayla is nou ons eksklusiewe gas op die Kosmos-verhoog.

Tanzanië het volgens berigte vanjaar genoeg mielies geproduseer en het ‘n surplus om uit te voer. Dr Theo de Jager, die voorsitter van die Konfederasie van Suider-Afrikaanse Landbou-unies is ons gas.

Die Namibiese Professionele Jagter Vereniging hou op 16 Julie ‘n gespreksaand in die hoofstad vir die publiek, joernaliste,natuurbewaarders en die Ministerie van die Omgewing en Toerisme na aanleiding van al die geskryf en gepraat die afgelope tyd oor trofeejag en ander kwessies wat natuur en wildbewaring raak.Die president van die Vereniging Danene van der Westhuizen sluit by ons aan..