Euskara ardatz hartuta, ‘Geroa euskaratik’ kanpaina abiatu du Kontseiluak. Kanpainak Gizarte berdinzale eta demokratikoagoa eraikitzeko, euskarak ere erdigunean egon behar duela eskatuko du.

Hitzaren eskolan izena emateko epea ireki dute. Iñigo Aranbarri, Maddi Barber, Haizea Barcenilla, Andoni Egaña, Xabier Erkizia eta Arantxa Iturbe ariko dira irakasle, bakoitza hitzaren adierazpide batetik. Ekainaren 7ra arte egongo da izena emateko aukera zabalik.

Kimuak 2020ra aurkezteko epea zabalik da. Lehiarako filmak aurkezteko epea ekainaren 30era arte egongo da zabalik. Aukeraketan parte hartu nahi dutenek 30 minututik beherako iraupena duten lanak bidali beharko dituzte.

Peru Galbetek ‘Nor zara zu?’ izeneko hirugarren lan luzea argitaratu du. Oraingoz formatu digitalean eskuratu ahal izango da lan berria, baina formatu fisikoan ere kaleratuko duela iragarri du musikariak.

Sarako Idazleen Biltzarra irailaren 6an eta 7an izango dela iragarri dute. Antolakuntzak apirileko egitarauari ahal den neurrian eusten saiatuko dela nabarmendu du.

Euskal Herriko kulturgintzaren egoera larria salatzeko, greba digitalerako deia egin dute apirilaren 21 eta 22rako. Deialdiak gogoeta eta eztabaida soziala piztea, erakunde publikoei premiazko neurriak hartu behar direla exigitzea eta euskal kulturgintzaren ekosistema osatzen dutenentzat elkargunea antolatzea ditu helburu.

14 urtetik beherakoen Arabako Bertso Eskolartekoa modu birtualean izango da. Lanak banaka edo taldeka aurkez daitezke eta posta elektroniko bidez bidali beharko dira maiatzaren 21a baino lehen.

Gasteizko Zurrunbilo jaialdia topaketa birtuala bilakatuko da bihar. Jaialdian parte hartu behar zuten hizlarietako batzuk “hodei birtualean” egongo dira, bideo txiki batzuk aurkeztuz eta haien hausnarketak partekatuz. Jaialdia bera azaroan egingo dutela iragarri du Baratza Aretoak.

Maria Riverok Parentesiak izeneko diskoa aurkeztu du. Lan berrian Miguel de la Rosa, Zuriñe Hidalgo eta Iker Lauroba musikariek ere parte hartu dute.

Parentesiak izeneko disko berria aurkeztu du gaur Maria Riverok. Hilabete askoko lana izan da musikariarentzat, eta gauden egoeran gauden arren, estreinaldiaren datari eustea erabaki du.

Diskoan Miguel de la Rosa, Zuriñe Hidalgo eta Iker Lauroba musikariek ere parte hartu dute.