Il-punti ewlenin: il-Membri tal-PE u l-membri parlamentari tal-Ukrajna jiddiskutu t-tfassil ta’ futur Ewropew komuni; regoli ġodda dwar l-iskrinjar għall-investimenti barranin fl-UE; u l-għoli tal-ħajja, it-tibdil fil-klima u l-opportunitajiet ta’ xogħol huma t-tħassib ewlieni għaż-żgħażagħ madwar l-UE.

Il-punti ewlenin: il-Membri tal-PE jivvjaġġaw lejn Washington DC biex jiddiskutu r-relazzjonijiet trans-Atlantiċi mal-kontropartijiet tal-Istati Uniti; abbozz ta’ rapport dwar il-futur tal-agrikoltura fl-UE; ir-rakkomandazzjonijiet għall-Istrateġija Ewropea li jmiss għar-Reżiljenza tal-Ilma.

Il-punti ewlenin: il-Membri tal-PE jitolbu li d-drittijiet tal-bniedem ikunu fil-qalba tat-taħditiet ta’ paċi tal-Ukrajna; għada, is-Sottokumitat tal-Parlament għad-Drittijiet tal-Bniedem se jiltaqa’ mal-ġurnalisti biex jerġa’ jikkonferma l-impenn tal-UE li tipproteġi l-libertà tal-media; il-Membri tal-PE jesploraw ir-regoli tal-kompetizzjoni biex jindirizzaw il-kriżi tal-akkomodazzjoni.

Il-punti ewlenin: il-Parlament Ewropew adotta l-pjan direzzjonali tiegħu biex jappoġġja lill-industriji intensivi fl-enerġija; se ssir seduta ta’ smigħ pubblika dwar l-implimentazzjoni tal-Ftehim dwar il-Kummerċ u l-Kooperazzjoni bejn l-UE u r-Renju Unit; se jsir skambju ta’ fehmiet dwar l-istat tal-libertà tal-istampa fid-dinja.

Il-punti ewlenin: l-Unjoni Ewropea tirreaġixxi għat-tariffi imposti mill-Istati Uniti fuq il-prodotti kollha importati mill-Unjoni Ewropea; matul is-sessjoni plenarja, il-Parlament stabbilixxa l-prijoritajiet tiegħu għall-baġit tal-UE għall-2026; u l-Membri tal-PE appellaw għal azzjoni aktar b’saħħitha mill-UE b’reazzjoni għat-theddid lejn is-sigurtà globali.

Il-punti ewlenin: illum huwa l-aħħar jum ta’ din is-sessjoni plenarja. Fi Strażburgu, il-Membri tal-PE jiddiskutu l-pjan ta’ azzjoni l-ġdid għal industrija kompetittiva u dekarbonizzata tal-azzar u tal-metalli fl-UE; il-Parlament jiddibatti dwar is-sitwazzjoni tad-drittijiet fundamentali fl-Ungerija; u l-Membri tal-PE japprovaw pakkett ġdid ta’ għajnuna finanzjarja għall-Eġittu u l-Ġordan.

Il-punti ewlenin: is-sessjoni plenarja tkompli fi Strażburgu. Il-Membri tal-PE ddiskutew l-eżiti tal-laqgħa tal-Kunsill Ewropew; il-Membri tal-PE ddiskutew ukoll l-objettivi tal-politika estera, ta’ difiża u ta’ sigurtà komuni tal-UE; u l-Parlament Ewropew afferma mill-ġdid l-appoġġ sod tiegħu għall-Ukrajna fis-Summit ta’ Bucha.

Il-punti ewlenin: bħalissa tinsab għaddejja sessjoni plenarja ġdida fi Strażburgu: il-Membri tal-PE se jiddibattu l-appoġġ għall-industrija tal-azzar, il-mobbiltà militari bejn l-Istati Membri, u t-theddid għad-drittijiet fundamentali fl-Ungerija.

Il-punti ewlenin: tinsab għaddejja sessjoni plenarja ġdida tal-Parlament Ewropew; il-Membri tal-PE se jivvalutaw l-eżitu tas-summit tal-UE li sar fl-20 ta’ Marzu; fuq l-aġenda jinsabu wkoll l-investiment fis-settur tad-difiża tal-UE u s-sitwazzjoni fit-Turkija.

Il-punti ewlenin: nhar it-Tnejn se tibda sessjoni plenarja ġdida. Fi Strażburgu, il-Membri tal-PE se jivvalutaw l-eżitu tal-aħħar laqgħa tal-Kunsill Ewropew u se jiddibattu dwar il-politika barranija, ta’ sigurtà u ta’ difiża tal-UE; punti oħra fuq l-aġenda jinkludu diskussjoni dwar kif għandhom jiġu appoġġjati l-industriji intensivi fl-enerġija. Ilbieraħ, il-Kumitat speċjali dwar it-Tarka Ewropea għad-Demokrazija ddiskuta l-ġlieda kontra d-diżinformazzjoni online.