Il flum Rain stat en il center da l'emissiun Artg musical, in omagi al grond flum europeic che nascha en il Grischun. Sper chanzuns per chors virils e maschadads ed er da la chantautura Corin Curschellas stat en spezial in'ovra en il center:"La canzun dal Rein". Il scrivent Theo Candinas ha scrit il text e Peter Appenzeller ha mess quel en musica. Igl è la cantata per il giubileum da 150 onns Chor viril Ligia Grischa (l'onn 2002).