En il rom dal Festival da la chanzun rumantscha ha gì lieu ier, sonda a Trun il final da la concurrenza da novas cumposiziuns. Trais chors ad hoc han interpretà las 12 chanzuns tschernidas d'ina giuria d'experts, mintgamai quatter per gener da chor (chor d'uffants/giuvenils, chor viril e chor maschadà). Il publicum là a Trun en il Center communal ha lura anc elegì las trais chanzuns preferidas, ina per gener chor. Cun questa concurrenza ha il Festival da la chanzun rumantscha (FCR) dà novs impuls a la litteratura chorala. Co han las chanzuns premiadas tunà? Tgi ha cumponì ellas? L'Artg musical spezial che cuzza duas uras porta questa concurrenza registrada ier suentermezdi a Trun. Moderaziun: Elin Batista.