Mancini è stà in dals represchentants ils pli populars da l'uschenumnà «Easy Listening»: musica lucca, leva ed agila. Ses semperverds «Moon River» e «Pink Panther» valan sco ils emprims bestsellers da l'istoriga da la musica da film.

Mancini aveva in agen stil unic, cun gronda levezza ed ina simpladad e clerezza surprendenta. El era influenzà da musica da swing, jazz e musica da l'America latina, dentant era dals impressiunists franzos Claude Debussy e Maurice Ravel. 

L'«Artg musical» sa deditgescha al cumponist che festivass quest onn ses 100avel anniversari.