Luzi Bergamin, Hans Fischer e Karl Grossmann: Trais cumponists grischuns da num e da pum.Els èn naschids al principi dal 20avel tschientaner ed èn daventads musicants e cumponists impurtants. Dad els vegnan tocs fitg populars sco: «Im Welschdörfli z'Chur», «Eckstein-Schottisch», «Am Bündnerball in Zürich» ubain «Obervazer Fecker». Quests tocs vegnan interpretads da chapellas grischunas e da tut la Svizra.

Dal «Aroser Schottisch» e «Nozzas sü Tschlin» fin «Salüds a Müstair».Cun ina schelta da las numerusas cumposiziuns deditgadas a cuntradas, muntognas e lieus fa «La populara» in viadi tras noss chantun: «Nozzas sü Tschlin», «Am Crestasee» ubain «Dr Schlappiner-Schottisch». Cun las chapellas: Clavadatsch, Viamala, Adlergruess, Vadret, Bodaguat e bleras autras.

Las melodias popularas las pli enconuschentas dal Grischun e da la Svizra.Tar mintga gener da musica datti ils gronds favurits, ils hits e semperverds. En la musica populara èn quai tocs sco: En urchige Muotathaler, Dr Wentalaschieber, Im alta Schyn, Maloja Wind ed il Eckstein Schottisch. Quels tocs vegnan interpretads da furmaziuns sco la Chapella Oberalp, Engadiner Ländlerfründa, Peter Zinsli e sia chapella e dal trio d'orgelins Markus Flückiger & Edgar Ott.

«So tönt das Herz der Schweiz» - è il motto da la 30avla Festa svizra da jodladers.12'000 jodladers, sunatibas e bittabandieras, 1'500 producziuns da patg, 15 locals da silenzi, 24 tendas da festa, 1'500 voluntaris e var 150'000 visitadersDals 22 fin ils 25 da zercladur ha gì lieu a Brig-Glis la Festa svizra da jodladers, sunatibas e bittabandieras. RTR è stà da la partida ed ha registrà per la SSR producziuns da patg ed il concert da gala. La populara porta impressiuns canticas da Brig.

In disc ch'è vegni realisà per la festa d'Unspunnen.La festa tradiziunala è quest onn dals 26 d'avust fin ils 3 da settember ad Interlaken, cun blers eveniments da tradiziun: ina festa da lutga, stumplar il crap d'Unspunnen ed er blera musica populara. Sin quel disc sa preschentan bleras chapellas. Per exempel ils «Stelser buaba», «Bündner Ländlermix», «Schabernack» ubain il quartet d'orgelins «Urwurzu». Dapli questa gievgia saira a las 19.00 al Radio Rumantsch e sin rtr.ch sco podcast.

Musica populara cul tema «ir ad alp».Plaun a plaun cumenza la stagiun d'ir ad alp. Tschients da pasters e signuns van lura cun vatgas e vadels, chauras e nursas sin las alps grischunas.Quellas vegnan era avant en blers da noss tocs populars:Alp Muranza, Alp Sanaspans, Alp Fondei, Prätsch-Alp ubain la Engstligenalp. E vus udis er dal Canova Alpufzug e dal Prättigauer Alpspektakel. Dapli questa gievgia saira a las 19.00 al Radio Rumantsch u sin rtr.ch sco podcast.

Trais cumponists grischuns da num e da pum.Dacurt avain nus preschentà duas emissiuns da musica populara cun cumposiziuns da Luzi Bergamin, Hans Fischer, Karl Grossmann, Stefan Battaglia e Paul Kollegger. Oz datti ina schelta da tocs da 3 ulteriurs gronds cumponists grischuns: da Josias Jenny, Urs Glauser e da Peter Zinsli. Lur tocs enconuschents èn: «Dia alt Schanfiggerpost», «Dr Pfyffestopfer», ubain il «Im Bündnerstil». Quests tocs vegnan interpretads da chapellas dal Grischun e da tut la Svizra. Dapli questa gievgia saira a las 19.00 al RR e sin rtr.ch sco podcast.

In disc nov cun musicants prominents da la Svizra interna.En la populara datti tuns novs da furmaziuns da musica populara da la Svizra Centrala e dal chantun Berna: per exempel dal trio d'orgelins da Kurt Schmid, da la furmaziun da vaglia cun Carlo Brunner, Dani Häusler, Willi Valotti ed auters musicants che preschentan il disc «Innerschwyzer Ländler Stärnstund».

Da la mazurca «Alvetern» fin tar il schottisch «Soldanella».En la populara dad oz datti in puschel flurs offerì da furmaziuns da tut il Grischun e da tut la Svizra. Da las chapellas: «Zavretta», «Engiadina», «Arflina», «Oberalp» e bleras autras. Cun tocs davart il «Leontopodium», la «Gentiana» ubain il «Dianthus», da stailalvas, giansaunas e neglas.

La distincziun la pli impurtanta da la musica populara en Svizra.Cun quella vegnan onuradas persunalitads ch'han aquistà gronds merits a favur da la musica populara. Quest atun survegn Dani Häusler la clav da violina. Cun 43 onns è el in dals giuvens ch'han quell'onur. En «La populara» udis da sia musica, però er tocs da persunalitads ch'han survegnì auters onns la clav da violina d'aur. Per exempel Willy Valotti, Ueli Mooser, Res Schmid ubain Carlo Brunner.