Ina «Populara» cun «Stümpelis» ed auters sauts curts e sperts.

Er en la musica populara datti sauts da different gener. Intgins èn pli plauns, sco las marzurcas, polcas u ils valsers. Lura datti era da quels pli sperts, sco ils schottischs ed ils ländlers. Tar ils ländlers datti anc ina spezialitad: ils «Stümpelis» ch’ins auda savens en ils chantuns Uri, Sviz, Sur e Sutsilvania – tocs plain schlantsch e rassa e mintgatant era cun chant. En «La populara» d'oz udis blers sauts da quest gener, tocs sco: «Jetzt wird gäuerlet», «Dr Tirligiiger», «En urchige Bündnerwalzer», «Barba Not da Seraplana», ubain la marcha «In dr Garfiunerhütte». Quels tocs vegnan interpretads dal Prättigauer Power, dal Ländlertrio Tänzig, dal Ländlertrio Holdrio, dals Quöllfrisch-Buebe, ils Bündner Spitzbueba ed autras chapellas che fan musica che procura per buna luna.

Cun blers semperverds da la musica populara.

En la «populara» dad oz faschain nus in viadi musical tras tut la Svizra. Nus ans fermain ad Arosa, Schlarigna, Cuira, en il Signuradi, ad Adelboden, sin il Säntis e sin il Rinerhorn. Quai sun tocs enconuschents da la musica populara dal Grischun, dal Appenzell, dals chantuns Berna e Valais e da la Svizra centrala. Vus udis il «Pfynwald-Ländler», «Dür's Seeland», «Am Dorffescht z'Celerina», «Rund um de Säntis», «Am Silvaplaner-See», «Klänge vom Oberalp» e la «Habsburger-Mazurka».

Sauts da las chapellas Altfrentsch, Husistein-Musik, Laseyer, Husmusig Jeremias vo Bärn ed ils Münsiger Spiellüt.

En la musica populara svizra sunan bleras furmaziuns cun instruments tradiziunals. En il Grischun savens cun 2 clarinettas, 2 orgelets e cuntrabass, en autras regiuns accordeons ed er clavazin. En ils tschientaners passads aveva la violina ina rolla impurtanta, uschia tar la musica dals Fränzlis ubain da la Husistein-Musik. Lura vegnivan er duvrads instruments sco l’arpet, la citra, flautas e violoncellos. Perquai udis vus sauts da las furmaziuns Husistein Musik, Münsiger Spiellüt, Hanneli-Musig e da la chapella Trio Räss, polcas e valsers – però er mazurcas.

Ina sala plaina, ina sairada per star da cumpagnia e blera musica populara dal Grischun e dals chantuns Appenzell, Berna e Sviz.

Mintg’onn il principi da schaner è in dals eveniments ils pli impurtants per tut ils amis da la musica populara: l’inscunter da chapellas a Landquart. Quest onn e quel vegnì organisà per la 59avla giada, e da la partida èn stadas furmaziuns da renum. Il «Ämmitaler Ländlerquintett», las chapellas «Viamala», «Arflina», «Clavadatsch», «Erni» ed er ils giuvens dal «Prättigauer Power». Ulteriurs giasts: las furmaziuns «Bärner Ländlers», «Panyer Hengertmusig», «Gontner Loft», «Ländler Panasche», e «Beni Gasser cun ses musicants». Nus avain registrà tut las represchentaziun ed avain er fatg registraziuns da video che vus pudais guardar sin «Play festas» sin nosssa pagina rtr.ch/play.

Echo vom Schattenhalb, Echo vom Urnerländli, Kapelle Echo vom Hirsch, Kapelle Echo vom Kinzig e bleras autras.

En la populara dad oz preschentain nus blera musica da chapellas da tut la Svizra cun in num marcant. Savens è «Echo» ina part da lur num, per exempel «Echo vom Säntis», «Echo vom Tödi», «Echo vom Gätterli» ubain «Echo vom Geisshimmel». Quellas chapellas vegnan surtut da la Svizra Interna, però era dals chantuns Berna, Valais e Grischun. Vus udis sauts sco: Dr Hölzäler, Uf um Ofuhoru, Dr tifig Sepp, Uf em Bärebode e Xaver am Bass.

«La storta da Crusch», «Berewegge, Chäs ond Brot» e «Crestawald».

Tar la musica populara èn pel solit ils instruments el center – i vegn però er chantà, e quai cun gust e passiun. Savens èn quai chanzuns da cumpagnia deditgadas a patria, tradiziuns ed amur. Ed er qua datti ils gronds favurits, ils hits e semperverds. Per exempel chanzuns sco: «S Träumli», «La storta da Crusch», «Berewegge, Chäs ond Brot» ubain «Crestawald». E nus tadlain era in pèr chanzuns dal disc «Hoch überm Näbelmeer» ch'è gist cumparì, in disc da la chapella Oberalp ensemen cun Werner Schmid da Cuira.

Musica nova da las chapellas «Schwyzerörgeli-Trio Spychergruess», «La Brante de Bernex», «Res Schmid & frars Marti» - ed er tocs plain schlantsch da la furmaziun «Kasimusig» che celebrescha la musica da Kasi Geisser.

En la populara dad oz preschentain nus blera musica nova da furmaziuns da tut la Svizra. In disc cun blera rassa e schlantsch vegn da la chapella bernaisa «Schwyzerörgeli-Trio Spychergruess», tuns genuins datti da la chapella «Kasimusig» che celebrescha la musica da Kasi Geisser, lura udis las furmaziuns da Hans Brog, la chapella genevrina «La Brante de Bernex» - e novitads datti er da «Res Schmid & frars Marti».

Ina sairada cun blera musica populara dal Grischun e da tut la Svizra.

Mintg’onn al principi da schaner è in dals eveniments ils pli impurtants per tut ils amis e las amias da la musica populara: star da cumpagnia e giudair la musica ed atmosfera da l’inscunter da chapellas a Landquart. Quest onn vegn quel organisà per la 59 avla giada, e da la partida èn furmaziuns da renum sco il «Ämmitaler Ländlerquintett», las chapellas «Viamala», «Arflina», «Clavadatsch», «Erni» ed er ils giuvens dal «Prättigauer Power». Ulteriurs giasts èn las furmaziuns «Bärner Ländlers», «Panyer Hengertmusig», «Gontner Loft», «Ländler Panasche», e «Beni Gasser cun ses musicants».

Tocs da cumponists enconuschents: Carlo Simonelli, Arno Jehli, Kasi Geisser, Kaspar Muther e Niklaus Jäger.

En l’emprima «Populara» da l’onn nov preschentain nus semperverds da la musica populara svizra e grischuna, sunads da furmaziuns da num e da pum. Da las chapellas «Alpafründa», «Engadiner Ländlerfründa», «Tasna», da la chapella «Engiadina», la chapella «Illgauer-Gruess» e da Peter Zinsli. Vus udis tocs sco: «Maloja Wind», «Bündner Maitali», il «Wentalaschieber», «La resgia nouva», «Miar göhnd no lang nit hei» ed il «Claudia-Schottisch».

Il primo bacio, il Valser da Mattinadas, la mazurca da la panaglia, il Bal da Büman a Ramosch ed autras perlas.

La musica populara era pli baud la musica per far festa e per ballar. Ed il temp da la fin da l’onn vegl e dal principi dal onn nov era quel dals bals tradiziunals. Quels da «Babania», da Büman, da Mattinadas e blers auters. En la populara dad oz udis questas melodias enconuschentas che vegnivan sunadas savens durant quels dis: «La mazurca da la panaglia», «Eviva las mattinadas», «Il tschigrun», «Il galop dals Ernis», e «La resgia nova». I sunan las chapellas Erni, Engiadina, dals Fränzlis da Tschlin, da la chapella Barba Peder e da la chapella Tasna.