Mariss Jansons dirigia cumposiziuns da Chabrier, Brahms, Liszt e Gershwin.Il pled grec «rhapsodos» sa cumpona da «rhaptein», quai che munta «cuntschar u far chaltschiel» ed «odein» quai che vul dir «chantar». Ina rhapsodie è pia uss ditg salop – in tarpun musical cuntschì ord divers tocs. Dapi la romantica munta quai era ina cumposiziun u fantasia sur da chanzuns popularas u musica tradiziunala. Uschia stat la rhapsodie en stretg contact cun il naziunalissem. Per gronda part ha ella era in num d'in pajais en il titel, per exempel Ungaria, Rumenia, Spagna, Norvegia u America (Rhapsody in Blue).