S'imaginai: igl è stad e vus avais vacanzas, i fa bell'aura... L'ura dad oz è emplenida cun melodias che fan gust sin in bel di da stad. Nus cumenzain nossa Stailalva cun il titel «Der Sommer steht vor der Tür» dals Burggräfler Buam. Er da la partida èn die Jungen Zillertaler cun lur hit «Summanumma» die Blechbixn cun la chanzun «Sommerliab» die Draufgägner cun lur hit «Despacito»...

Redacziun: Christa Soliva

Tadlar la Stailalva dad oz – ed in'ura curturella e garantida!  

Da la partida èn Vincent Gross, Helene Fischer, Ben Zucker, Anna Carina Woitschack e Stefan Mross, Matthias Reim, Francine Jordi, ils Nockis, Laura Wilde, Roland Kaiser ed anc blers auters stars cun lur hits.

Rock da las alps, in stil da musica cun elements da rock ed instruments tradiziunals da la musica populara ed ils texts magari chantads en dialect, quai è schlagher popular cun power. En la Stailalva dad oz tadlain nus in mantun da quests hits. Il bainvegni fan ils Klostertalers cun «Ha-le-lu-ja» er da la partida è Andreas Gabalier, il «Volks-RocknRoller» da las alps cun ses hit «Hallihallo». Plinavant tadlain nus «Iawaramoi» in grond hit da Hubert von Goisern, la «Frau Küenzi» cun la band da Lucerna ChueLee euv.

Redacziun: Christa Soliva

En «La stailalva» dad oz han stars da schlaghers lavurà ensemen ed or da quella collavuraziun hai dà bain inqual hit. Semino Rossi e Rosanna Rocci dattan l'entschatta e quai cun in dals hits dal mument «Unbeschreiblich weiblich – umständlich männlich». Plinavant tadlain nus la Francine Jordi ensemen cun Florian Ast, lura DJ Ötzi e Nik P., la Nicki ensemen cun Patrick Lindner, la Vicky Leandros ed Andrea Berg, la Kerstin Ott e Howard Carpendale ed anc blers auters duos preschentan lur chanzuns.

La Stailalva dad oz cun in omagi a la natira. Nus cumenzain cun il titel «Tanz im Mai» dal Mooskirchner Quintett. Er da la partida èn ils Klostertalers, Vreni e Rudi, ils Grubertalers, ils Mölltalers, ils Original Alpenoberkrainer cun «Auf zum Anglerfest» ed anc blers auters interprets cun chanzuns per in di perfetg or en la natira.

Nus giain bun 30 onns enavos e tadlain schlaghers dals onns 80. Igl è sco dad ir en in auter mund! Dentant, tgi avess cartì, plirs dals hits da lezzas uras aud'ins anc oz – els èn daventads semperverds. Per exempel: «Wahnsinn» da Wolfgang Petry, «Joana» da Roland Kaiser, «Ohne dich (schlaf ich heute Nacht nicht ein)» da Münchener Freiheit, «E Vogel ohni Flügel» da Peter Reber ed uschia vinavant.

Die Paldauers, die Calimeros e die SchlagerPiloten han edì quest onn novs portatuns e quels vulain nus gugent preschentar a vus oz. Tgi enconuscha betg ils Paldauers ed ils Calimeros, els tutgan gia dapi decennis tar la crème de la crème en il mund dal schlagher. Mo er die SchlagerPiloten èn sin buna via da daventar stars en la scena. Ina Stailalva emplenida cun novas chanzuns mo er inqual cover en nov vestgì spetga sin vus.

Redacziun: Christa Soliva

Ina rimnada da chanzuns che laschan sa sentir in e scadin allegher e cuntent. En il schlagher popular datti bleras chanzuns che derasan buna luna cun lur melodias e texts che fan bain a corp ed olma: «Es lebe Volksmusik» interpretà da die Grubertaler, «So a schöner Tag» da la band Die Jungen Zillertaler u era «Schnuderwibli» da la Miss Helvetia. En tutta cas ina Stailalva che procura per curturella.

Redacziun: Christa Soliva

Darar han ils stars da schlagher in num da famiglia adattà ed uschia scuvrin nus oz intgins nums originals da famiglia dals stars. Domenico Gerhard Gorgoglione alias Nino de Angelo, lu Carlo Schenker alias Leonard, la Vanessa Mandekic e ses num d'artista Vanessa Mai, la Francine Lehmann alias Francine Jordi. Quai mo intgins dals nums originals; dapli ed inqual scuvrida co ils stars vegnan sin il num d'artist tradin en la Stailalva dad oz.

Redacziun: Christa Soliva

Nah Neh Nah – Marmor, Stein und Eisen bricht – I bin a bayrisches Cowgirl – Küss die Hand schöne Frau – Heidi – Heimweh – Butterfly euv. – quai èn hits e semperverds che mintgin enconuscha. En la Stailalva dad oz na tadlain nus dentant betg las versiuns originalas, mabain versiuns da cover interpretadas da furmaziuns dal schlagher popular. D'udir èn tranter auter ils Grubertalers, die Jungen Zillertaler, la Denise, Andreas Gabalier, Stefan Roos, Oeschs die Dritten ed anc blers auters.