Simon Camartin e l'INSO Academic Youth Symphony Orchestra da Lemberg (Ucraina). Untervaz, Mustér e Falera – trais concerts han ils giuvenils da Lemberg dà sut la batgetta da Simon Camartin. Flurina Sarott da Scuol (violina) ed il giuven da 12 onns Stepan Syvokhyp da Lemberg (oboa) èn stads ils solists. L'Artg musical porta parts dal concert registrà da RTR ils 29-12-2017 a Falera. Nus udin tranter auter musica dals Strauss da Vienna, il Concert per oboa ed orchester da Tomaso Albinoni, la Romanza per violina ed orchester d'Antonin Dvoark e da Pablo de Sarasate las Zigeunerweisen per violina ed orchester.