Send us a text

Vandag begin ons met 'n gedeelte wat algemeen bekend staan as die "Profetiese Rede" van Jesus. Hy is op die Olyfberg saam met Sy dissipels, en Hy antwoord hulle vrae oor die toekoms, en oor die tekens van die eindtyd. Hierdie profetiese preek van Jesus is vir ons vandag net so belangrik as wat dit was vir Sy dissipels.

Send us a text

As gevolg van hul ontrouheid, hoogmoed en selfsug, spreek Jesus 'n reeks vervloekings uit oor die Fariseërs en skrifgeleerdes. Hy waarsku ook Sy volgelinge en dissipels teen die vals leer van die kerkleiers. Jesus is hartseer oor die komende vernietiging van Jerusalem, wat gaan gebeur as gevolg van Sy volk se ontrou en ongeloof.

Send us a text

Jesus is op Sy lydensweg en maak gereed om gekruisig te word. Vir oulaas leer Hy nog Sy dissipels en volgelinge met 'n profetiese gelykenis. Maar steeds probeer die skrifgeleerdes en Fariseërs om Hom vas te trek met strikvrae.

Send us a text

In vandag se bybelstudie kyk ons na 'n baie belangrike gebeurtenis, naamlik Jesus se intog in Jerusalem, of wat die kerk van vandag vier as Palm Sondag. Ons lees ook van Jesus wat die tempel reinig en die vyeboom vervloek. Intussen probeer die priesterhoofde en skrifgeleerdes nog steeds om Jesus van te trek met allerhande vrae. In Sy gesprek met die kerkleiers vertel Hy vir hulle twee gelykenisse, wat hulle so ontstel dat hulle Hom weereens gevange wou neem. Hulle doen dit egter nie, omdat hulle te bang was vir die reaksie van die skare.

Send us a text

Vandag vertel Jesus ons die gelykenis van die arbeiders in die wingerd: "So sal die laastes eerste wees, en die eerstes laaste." Jesus kondig weer Sy dood en opstanding aan, maar die dissipels stry nog steeds oor wie van hulle die belangrikste gaan wees in die koninkryk van die hemel. Dan genees Jesus weer twee blinde mans, nie net van hul fisiese blindheid nie, maar ook van hul geestelike blindheid.

Send us a text

In hierdie gedeelte voer Jesus 'n gesprek met die Fariseërs en met Sy dissipels oor egskeiding. Dan seën Jesus die kindertjies, en antwoord die vraag van die ryk jongman: "Watter goeie daad moet ek doen om die ewige lewe te verkry?"

Send us a text

"Wie is die belangrikste in die koninkryk van die hemel?" Dit is die vraag wat Jesus breedvoerig vir ons antwoord in hierdie hoofstuk. Ook die vraag van die verhouding tussen Christene en ons plig om te vergewe. Jesus leer ons presies wat Hy van ons as Sy kinders verwag.

Send us a text

Vandag leer ons die volgende: Jesus word verheerlik op die berg in die teenwoordigheid van Petrus en Jacobus en Johannes, asook Moses en Elia! Jesus genees 'n geestelik versteurde seun, dan kondig Hy weereens sy eie dood en opstanding aan. En dan die interessante vraag oor die tempelbelasting, en Jesus se eienaardige manier om voorsiening te maak daarvoor.

Send us a text

Terwyl die skrifgeleerdes nog steeds besig is met hul streke, word Jesus aan Sy dissipels geopenbaar as die Christus, die Messias waarop hulle gewag het. Maar Jesus skok hulle as Hy vir die eerste keer verduidelik dat Hy doodgemaak gaan word. En wat moet ons doen as ons vir Jesus wil volg?

Send us a text

Die gevaar van gebruike en tradisies van die verlede, asook die sosiale veranderinge in vandag se tyd: Is dit belangriker as die woord van God? Wat gaan ons glo en waaraan gaan ons getrou wees?