Send a text

Ons leer oor voorbidding vir ons medemens, en veral vir die regering en mense wat gesag uitoefen. Ons leer ook van die pligte van mans en vroue en ouderlinge en diakens in die christelike gemeente.

Send a text

Paulus skryf 'n pastorale brief aan die jong Timoteus, om hom te onderrig en te ondersteun as leraar in die gemeente in Efese. 

Send a text

Vandag lees ons die laaste hoofstuk van die evangelie van Matteus. Ons lees van Jesus se opstanding uit die dood, Sy verskyning aan Sy volgelinge, en die laaste en belangrike opdrag aan die dissipels. Maar ons leer ook 'n les oor die mag van 'n leuen.

Send a text

Die mense moes kies: Jesus Barabbas of Jesus Christus. Pilatus laat Jesus gesel, en dan word Jesus gekruisig en begrawe.

Send a text

In hierdie gedeelte word die nagmaal ingestel deur Jesus. Dieselfde nagmaal wat ons vandag nog vier. Maar terselfdertyd word Jesus se dood beplan deur die priesterhoofde en familiehoofde van die kerk. Dan word Jesus verraai, gevange geneem en verskyn voor die Joodse Raad. Die hoofstuk eindig met Petrus wat vir Jesus drie maal verloën voordat die haan kraai.  

Send a text

Hierdie is die tweede deel van die profetiese rede waar Jesus gelykenisse vertel om te verduidelik hoe dit in die koninkryk van die hemel sal wees aan die einde van die tyd. Die gelykenis van die tien meisies met hul olielampe, en die gelykenis van die muntstukke. Jesus sluit Sy rede af met die belangrike profesie oor die laaste oordeel.

Send a text

Vandag begin ons met 'n gedeelte wat algemeen bekend staan as die "Profetiese Rede" van Jesus. Hy is op die Olyfberg saam met Sy dissipels, en Hy antwoord hulle vrae oor die toekoms, en oor die tekens van die eindtyd. Hierdie profetiese preek van Jesus is vir ons vandag net so belangrik as wat dit was vir Sy dissipels.

Send a text

As gevolg van hul ontrouheid, hoogmoed en selfsug, spreek Jesus 'n reeks vervloekings uit oor die Fariseërs en skrifgeleerdes. Hy waarsku ook Sy volgelinge en dissipels teen die vals leer van die kerkleiers. Jesus is hartseer oor die komende vernietiging van Jerusalem, wat gaan gebeur as gevolg van Sy volk se ontrou en ongeloof.

Send a text

Jesus is op Sy lydensweg en maak gereed om gekruisig te word. Vir oulaas leer Hy nog Sy dissipels en volgelinge met 'n profetiese gelykenis. Maar steeds probeer die skrifgeleerdes en Fariseërs om Hom vas te trek met strikvrae.

Send a text

In vandag se bybelstudie kyk ons na 'n baie belangrike gebeurtenis, naamlik Jesus se intog in Jerusalem, of wat die kerk van vandag vier as Palm Sondag. Ons lees ook van Jesus wat die tempel reinig en die vyeboom vervloek. Intussen probeer die priesterhoofde en skrifgeleerdes nog steeds om Jesus van te trek met allerhande vrae. In Sy gesprek met die kerkleiers vertel Hy vir hulle twee gelykenisse, wat hulle so ontstel dat hulle Hom weereens gevange wou neem. Hulle doen dit egter nie, omdat hulle te bang was vir die reaksie van die skare.