Ímyndum okkur að hægt sé að auka ráðstöfunartekjur 14 þúsund heimila um tugi þúsunda á ári, spara ríkinu 2,5 milljarða á ári og bæta ígildi meðalstórrar virkjunar inn á raforkukerfið. Eitthvað í þá áttina yrði ávinningurinn ef heitt vatn finnst á köldum svæðum á Íslandi. Bergsteinn Sigurðsson ræddi við Eddu Báru Árnadóttur verkaefnastjóra hjá Bláma. Hún leitar að heitu vatni á Patreksfirði.