La baselgia da Sent è daventada il segund dachasa da dunna Leta Mosca.Uras ed uras sesa ella sin il banc da l'orgla, exercitescha u embellescha ils cults divins. Sin quest banc da l'orgla sun jau sesì cun ella ils 18 d'avrigl e nus avain discurrì da la vita e dal pensum d'ina organista d'ina vischnanca. Lura era da la segunda gronda passiun da dunna Leta, l'organisaziun da passa 40 concerts onn per onn. E dunna Leta ha sunà per l'«Artg musical»: Brahms, Rheinberger, Mendessohn, Reger e Bach. Ed ella ha accumpagnà a l'orgla sia parenta Flurina Sarott, la grondiusa violinista da Scuol.