【戀戀曾文溪】台語文學廣播劇

1947年3月，中國軍隊佇基隆港口屠殺民眾，屍體擲入去海裡，血共港口的水染紅，袂輸紅色的牡丹花。

佇彼个母語受著打壓的年代，台灣本成上濟人講的台語嘛予官方抹烏做粗魯無水準的方言， 受華語教育的少年輩自動切換頻道，台語毋敢傷講，專講北京語，年久月深，煞漸漸袂記得家己的母語，無打緊閣一代傳一代，致使台語面臨消失的危機…..

人咧講：有錢無錢，娶一個某好過年！

敢是因為這400冬來一再受外來政權的殖民統治，台灣人無形中養成一種順從的民族性，對無合理、無公平的代誌，失去反抗的能力？

「愛」佮「恨」之間有時陣干焦隔一條線爾爾。

一蕊一蕊發佇路邊的春仔花，微微仔芳，䆀䆀仔媠，平凡過日子，無欲佮人相爭出頭。

俗語講「千算萬算毋值天一劃」。有時陣，本成該當直行的路雄雄共你轉一個斡，行對予咱想袂到的所在去，親像過站的火車，無法度閣再翻頭。

這欉大樹，從日本人來到今，經過大砲的轟炸佮機關槍的掃射，猶原好好徛佇遐，繼續發青翠的枝葉，予眾人遮日歇涼。

生命無價，咱總是會想盡辦法來挽救親人的性命。為著惜伊一口氣無惜代價，甚至家伙開了了嘛無關係。

佇這个講究科學的文明時代，猶原有一寡代誌是科學無法度解釋的，譬如超自然的現象。