Etter at verda lét seg begeistre over at kvinner fekk køyre bil, og over andre sosiale reformer i Saudi-Arabia, fekk mange sjokk over journalistdrapet i det saudiske konsulatet i Tyrkia. Kva slags person er kronprins Mohammed bin Salman eigentleg? Ein annan som har arva makta i landet sitt, er Nord-Koreas Kim Jong-un. Kva kjenneteiknar desse to unge, ekstreme leiarane? Og har dei noko til felles med USAs Donald Trump?

Tre nye bøker undersøker kva slags leiarar verda no står overfor. Tomm Kristiansen snakkar med Thor Steinhovden, Ina Tin og Morten Traavik om deira bøker om USA, Saudi-Arabia og Nord-Korea.