Lurer du på kva Forfattaren et for å bli inspirert? Kor eller korleis hen søv, drikk eller …? No får du sjansen til å spørje!

Vertskap for kvelden er dei småfrekke bokelskarane Siss Vik og Frode Helmich Pedersen. Med seg på scenen har dei Jens M. Johansson, representant for den austlandske forfattarstanden og Marit Eikemo, representant for den vestlandske forfattarstanden. Vik og Helmich Pedersen leiar an i spørsmål om stort og smått og inviterer publikum til å ta del i grundige undersøkingar av korleis forfattarkvardagen artar seg.

På norsk.

På Bergen internasjonale litteraturfestival for sakprosa og skjønnlitteratur (LitFestBergen) gir vi deg internasjonal og norsk litteratur på sitt aller beste. Her oppdagar du ny sakprosa og skjønnlitteratur frå alle verdsdelar.