Óttast er að allt að tíu þúsund keisaramörgæsaungar hafi drukknað í sjónum við Suðurskautslandið seint á síðasta ári. Þetta sést á gervihnattamyndum breskra vísindamanna. Loftslagsbreytingar hafa þynnt hafísinn svo mikið að hann ber þær ekki lengur og nú benda rannsóknir til þess að tegundinni eigi eftir að fækka um 90 prósent fyrir næstu aldamót. Sunna Valgerðardóttir skoðar í þætti dagsins þessa merkilegu fuglategund sem gæti brátt verið að ganga sína síðustu göngu yfir ísinn. Aukaefni: Spegillinn, Happy Feet, March of the Penguins og The Guardian.