Musica da Pasca da Johann Sebastian Bach e da ses figl Carl Philipp Emanuel Bach.

Per la dumengia da Pasca avain nus preparà in Artg musical cun ovras da bab e figl, e vus pudais a allegrar sin l'oratori da Pasca e sin la messa en g-moll da Johann Sebastian Bach e sin il Magnificat per solistas, cor ed orchester da ses figl Carl Philipp Emanuel Bach.

L'oratori da Pasca da Johann Sebastian Bach è vegnì preschentà l'emprima giada il prim d'avrigl dal 1725, ina dumengia da Pasca. Pli tard datti lura anc 3 autras versiuns, cun in pèr grondas differenzas en congual cun l'original. En questas na datti betg pli persunas biblicas che raquintan l'istorgia da la suffrientscha da Jesus, la furma è pli neutrala.

La registraziun dals 6 d'avrigl 2012 en la Chiesa San Nicolao a Lugano è ina producziun da Rete due dal radio da la Svizra taliana. Vus udis: I Barocchisti, il Coro della Radiotelevisione Svizzera, dirigent è Diego Fasolis.