Tað kemur ofta fyri, at gomul orð fáa nýggja merkingar ella eina merking afturat. Tað ger seg galdandi, tá tað kemur til orðið, meyla.

- Eg minnist, at omma kundi siga við okkum børn: 'Hvat ganga tit og meyla um'? tá vit børn roksaðu illa, skrivar lurtari.

Rætt hevur lurtarin, tí gamalt er, at orðið, meyla, merkir roksa, plága, júka o.s.fr. Men í dag brúka vit orðið mest í teldumáli.

Í sendingini hesa ferð spyr lurtari, um tað eitur ein partur av okkum er ella eru.

Elin Henriksen, málkøn, sigur, at hetta ikki er ein einfaldur spurningur við einum greiðum svari.

Hon vísir til dømið, 'helvtin av børnunum fór við' ella 'helvtin av børnunum fóru við'. 

- Um tú tekur 'av børnunum' úr setninginum, so er ongin ivi, tí eftir stendur 'helvtin fór við', sigur hon. 

Men um tað koma fleiri orð í millum helvtina og børnini, kann tað skjótt vera freistandi at seta sagnorðið í fleirtal:

Lív kann verða blást í aftur góða, gamla orðið, bróðir, nú slang-orðið, bro', tykist at vera flutt inn í føroyskt.

- Enska bro' ljóðar akkurát líka sum bróð á føroyskum, vísir Elin Henriksen, málkøn á. Hon leggur afturat, at sama ger seg galdandi, um fólk siga sis'.

- Tá skal tað helst stavast syst, men t nýtist ikki at hoyrast so væl, tá tú sigur orðið.

Ognarfornøvn og skyldskaparorð.

Oftari og oftari hoyrist: mín mamma, mín pápi, mín omma, mín abbi og so frameftir, men tað er ikki neyðugt brúka mín í hesum førunum.

Fyristilla okkum, deilvíst, inntil víðari, áðrenn hendan dato, alt annað líka, gott við góðum innputtum, tað er av erfaring, í tí dagliga, tað er ein útfordring, íoyrafallandi, klárlagt, risikoin, tað útartar seg og avhengur av.

Ein lurtari hevur sent Málteiginum ein lista yvir fremmandaorð og orðingar, sum viðkomandi hevur hoyrt í loftmiðlum eitt ávíst tíðarskeið, og so eru uppskot um, hvussu hetta kundi verið sagt. 

Her er listin, sum lurtari hevur sent okkum:

Tað var ein tíð, har tað bleiv roynt at fáa føroysk orð fyri alt. Men tað fór kanska eitt sindur langt yvir í ta veitina, soleiðis at fólk fóru at venda sær í móti tí. 

Soleiðis sigur Elin Henriksen, málkøn, nú fremmandaorð í føroyskum eru sett á breddan í Málteiginum. 

Av tí sama eru fremmandaorð næstan lúkað burtur úr skúlabókunum, og tað hevur við sær, at børn í dag síggja næstan ikki fremmandaorð í skúlanum ella í sínum lærubókum.

Vit hava altíð tikið nógv donsk orð ella fremmandaorð gjøgnum danskt inn í talumálið. Næstan øll hesi orð hava havt lætt við at laga seg til føroyska bending í kyni, tali og falli: 

irriteraður / irriterað, fortørnaður / fortørnað, interessera - interesserað, interesseraður / interesserað, alvorligur / alvorlig / alvorligt, vanskuligur / vanskulig / vanskuligt

Ensk sagnorð hava eisini lætt við at laga seg til føroyska bending:

t.d. teldorð í tátíð fleirtali: geymaðu, linkaðu, seyvaðu, delitaðu, skrollaðu, guglaðu

Vit síggja og hoyra heilt nógvan týddan tekst á føroyskum.

Ofta eru tað óroyndir týðarar, sum týða, og so eru nakrar 'fellur', sum avdúka, at teksturin er týddur og ikki skrivaður upprunaliga á føroyskum.

- Ein vansi við tí er, at slíkar orðingar so við og við sníkja seg inn í málið, so vit ikki longur varnast, at tær ikki hoyra heima á føroyskum, greiðir Elin Henriksen, málkøn frá.

Síðani Málteigurin byrjaði aftur síðsta heyst eru nógvir spurningar frá lurtarum, sum eru komnir inn á telefonnummar 224000, sum stundir ikki hava verið til at taka við.

Knappliga 30 spurningar verða svaraðir í dagsins sending, og evnini eru tí sera fjølbroytt.

Hví eru so mong undantøk í mállæruni, nær byrjaðu føroyingar at tosa føroyskt, hví sigur man, at sólin sær, nær hevur var ð, eitur tað í ótíð ella úrtíð og er metur kvennkyn ella kallkyn fyri at nevna nøkur dømi um spurningarnar hesa ferð. Elin Henriksen, málkøn, svarar.

Kaffi- og matstovur selja mat og kaffi, sum ein kann taka við sær. Á enskum eitur tað 'take away' og 'to go'.

Lurtarar í hópatali hava spurt, hvussu hetta eitur á føroyskum. Elin Henriksen nevnir fleiri møguleikar, so sum heim við, út við ella á ferð.

- Tað ber væl til at siga 'keyp matin heim við' ella 'út við', 'tak kaffið við tær' ella 'við út', sigur Elin Henriksen.

Eitt skeið - fleiri skeið

Hvørkikynsorðið, skeið, verður ofta bent skeivt.

'Vit ynskja ikki, at ferðafólk koma til landið fyrr enn 30. mai', hevur løgmaður sagt fleiri ferðir. 

Men sigur løgmaður í grundini ikki, at landsins myndugleikar vilja ikki hava ferðafólk til landið?

At ynskja er meira sum ein kensla, okkurt óveruligt, sum kanska, kanska ikki verður uppfylt, greiðir Elin Henriksen, málkøn, frá.

Næsta stig aftan á at ynskja er at ætla, at hava sett sær eitthvørt fyri og royna at gjøgnumføra tað. At vilja nærast tí veruleikakenda: