Mana Telugu Kathalu | మనతెలుగుకథలు.కామ్ | Telugu Short Stories

Mana Telugu Kathalu | మనతెలుగుకథలు.కామ్ | Telugu Short Stories

By Mana Telugu KathaluFiction
Download on the App Store

Mana Telugu Kathalu | మనతెలుగుకథలు.కామ్ | Telugu Short Stories episodes

  • అశ్వ మేధం - ఎపిసోడ్ - 2 | Aswamedham - Episode - 2 | Telugu Web Series | Gannavarapu Narasimha Murthy | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)
    అశ్వ మేధం ఎపిసోడ్ 2
    రచన : గన్నవరపు నరసింహ మూర్తి

    (కథా పఠనం: మల్లవరపు సీతారాం కుమార్)

    "మాది ఇక్కడికి దగ్గర్లోని ఏజెన్సీలో టేకుపల్లె. నాభర్త చైతన్య ఫ్రీలాన్స్ జర్నలిస్టు.. ఈఏజెన్సీలో వార్తలను కవర్ చేస్తుంటాడు. ఆరునెలల క్రితం దయానిధి అనే ఒక కలప కాంట్రాక్టర్ టేకు చెట్లను కొట్టి అక్రమంగా తరలించుకు పోతుంటే గిరిజనులు అడ్డుకొని లారీలను ఆపేయడంతో దయానిధి మనుషులు గిరిజనులపై దాడిచేసి ఆ గ్రామాల మీద పడి వాళ్ళని కొట్టి లారీలను తీసుకెళ్లిపోయారు.

    అదే తండాకు చెందిన సుశీల అనే మహిళను దయానందం మనుషులు మానభంగం చేసి హత్య చేశారు; ఆ దాడిలో సుక్కు అనే గిరిజనుడు చనిపోయాడు. నాభర్త ఆ దృశ్యాలను వీడియో తీసి ఎస్పీకి పంపించడంతో ఎస్పీ గారు ఎంక్వయిరీకి ఆదేశించారు.

    ఆతరువాత ఆ సుక్కు శవాన్ని తీసుకొని ఆ తండా గిరిజనులు పోలీసు స్టేషన్ మీద దాడి చేసి ఇద్దరు పోలీసులను  చంపివేయడంతో అడవి అంటుకుంది. ఏజెన్సీ అంతా ఏకమై పోలీసుస్టేషన్ మీద దాడి  చెయ్యడంతో ప్రభుత్వం చిక్కుల్లో పడింది.

    ఆతరువాత పోలీసులు నాభర్త మీద కక్ష కట్టి లేనిపోని కేసులు పెట్టి అరెస్ట్ చేసింది. అప్పట్నుంచీ అతని ఆచూకి తెలియటం లేదు. ఎక్కడ దాచారో, ఏయో హింసలు పెడుతున్నారో ఎవ్వరికీ తెలియదు; కాబట్టి  మీరు ఈకేసుని వాదించి నాభర్త  చైతన్య ఆచూకి కనుక్కోమని చెప్పటానికి వచ్చాను” అంది రెండు చేతులు జోడించి.

    చరణ్ ఆమెదగ్గర్నుంచి  వివరాలు తీసుకొని  మొత్తం కేసు వివరాలు చదివాడు.

    "మేడం! మీరు ఈకాగితాల మీద సంతకాలు పెట్టి వెళ్ళిపొండి. మిగతావి నేను చూసుకుంటాను" అని చెప్పి ఆమెను పంపించి వేసాడు.

    ఆమర్నాడు కోర్టులో ఒక పిటిషన్ దాఖలు చేసాడు. పోలీసులు చైతన్య అనే జర్నలిస్టుని అక్రమంగా అరెస్టు చేసి ఎక్కడో దాచివేసారనీ ,అతని ఆచూకీ తెలియదనీ, పదిరోజులైనా కోర్టు లో ప్రవేశ పెట్టలేదనీ, అతని భార్య  శాంతి పోలీస్ స్టేషన్లో ఫిర్యాదు చేసినా పోలీసులు పట్టించుకోవడం లేదనీ,  కాబట్టి పోలీసులు అతన్ని కోర్టులో ప్రవేశపెట్టేటట్లు పోలీసులకు ఉత్తర్వులివ్వాలనీ అందులో కోర్టుని అభ్యర్ధించాడు.

    ఈవిషయం తెలిసి సర్కిల్ ఇన్స్పెక్టర్ వీరభద్రం చరణ్ ని  పిలిచి కేసుని వాపసు తీసుకోమని చెప్పాడు. కానీ చరణ్ అతనికి కొన్ని సాక్ష్యాలుచూపించి, పోలీసుల దమనకాండని వివరించాడు.


    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/D4yszHyRe4A



    13 min
  • నాకేమవుతోంది ఎపిసోడ్ 20 | Nakemavuthondi Episode 20 | Telugu Web Series | Mallavarapu Seetharam Kumar | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి

    నాకేమవుతోంది.. ? ఎపిసోడ్ 20

    రచన, పఠనం: మల్లవరపు సీతారాం కుమార్
    ముందుగా తేరుకున్న డాక్టర్ శ్రీనివాస్ "గ్రేట్ ప్రియా! చాలా చక్కగా గుర్తు చేసుకున్నావు" అంటూ ఆమెను అభినందించాడు.

    త్రిపాఠి మాట్లాడుతూ నీలో కచ్చితంగా అద్భుతమైన శక్తి ఏదో దాగి ఉంది. మిగిలిన విషయాల్లో కూడా నీకు ముందుగా సూచనలు కనపడడంతోపాటు, ఆ వ్యక్తులు కూడా ఆరోజు నీకు గుర్తుకు వచ్చి ఉంటారు. ఆ సందర్భాలు భూషణ్ గారు మీకు చెబుతారు. నువ్వు ఇలాగే ప్రయత్నించి గుర్తుకు తెచ్చుకో" అన్నారు.

    తర్వాత హిప్నాటిస్ట్ భూషణ్ మాట్లాడుతూ "నువ్వు హాస్టల్ లో ఉండి చదువుకునే దానివి కదూ" అని ప్రశ్నించాడు. అవునని చెప్పింది ప్రియ.

    "మీ పెదనాన్న గారి ఇంటికి తరచుగా వెళ్లే దానివా?" అడిగాడు అతను.

    "ప్రతి ఆదివారం వెళ్లేదాన్ని. పండగ రోజుల్లో కూడా వాళ్ళు రమ్మని బలవంతం చేయడంతో వెళ్తూ ఉండేదాన్ని. నేను వెళ్ళినప్పుడల్లా మరో వారం పది రోజులకు సరిపోయేలా పచ్చళ్ళు, పొడులు ఇచ్చి పంపేది మా పెద్దమ్మ" చెప్పింది ప్రియ.

    "మీ పెదనాన్న, పెద్దమ్మలు గొడవ పడగా ఎప్పుడైనా చూసావా?" అడిగాడు డాక్టర్ శ్రీనివాస్.

    "లేదు. పెదనాన్న కూడా నాన్నగారిలాగే చాలా సౌమ్యులు. చిన్నగా కసురుకోవడం కూడా నేనెప్పుడూ గమనించలేదు" చెప్పింది ప్రియ.

    " మీ పెద్దమ్మ బలానికి విటమిన్ టాబ్లెట్స్ వేసుకునేది కదా?" అడిగాడు శ్రీనివాస్.

    "అవును. ప్రతిరోజూ వేసుకుంటానని నాకు చెప్పింది" అంది ప్రియ.

    "మరి ఆ మాత్రలు స్లో పాయిజన్ లాగా పనిచేస్తాయని నీకు ఎందుకు అనిపించింది?" అడిగాడు హిప్నాటిస్ట్ భూషణ్.

    ఆలోచనలో పడింది ప్రియ. కొంతసేపటికి తేరుకొని "పక్కింటావిడ విషయంలో జరిగేది నాకు అలా అనిపించి ఉంటుంది" అంది.

    "అది మనం ముందుగానే అనుకున్నదే!నేను అడిగేది నువ్వు మీ పెద్దమ్మతో ఆ మాత్రలు వాడవద్దని చెప్పావు కదా.. ఆరోజు కానీ, ముందు రోజు కానీ, ఆ పక్కింటి ఆవిడ నీకు గుర్తుకు వచ్చిందా.. బాగా ఆలోచించి చెప్పు" అన్నాడు భూషణ్.

    కొంతసేపు ఆలోచించిన తర్వాత "అవును. ముందు రోజు ఆవిడ మా పెద్దమ్మతో మాట్లాడుతూ తనకు ఒంట్లో నీరసంగా ఉంటుందనీ, మాత్రలు వాడుతున్నా ఏమాత్రం ఉపయోగం లేకపోగా నీరసం ఇంకా ఎక్కువ అవుతోందనీ చెప్పింది. ఆరోజు రాత్రి ఆమె చెప్పిన విషయం గురించే ఆలోచించాను. మరుసటి రోజు మా పెదనాన్న విటమిన్ టాబ్లెట్లు మా పెద్దమ్మ చేత మింగించడం గమనించాను. పెద్దమ్మను పక్కకు పిలిచి ఆ మాత్రలు వాడవద్దని చెప్పాలనిపించింది" చెప్పింది ప్రియ.

    "అంటే ఇక్కడ కూడా నీకు జరగబోయే విషయం తెలియడంతో పాటు ఆ వ్యక్తులు నీకు ఏదో రకంగా గుర్తుకు రావడం జరిగింది. ఇప్పుడు హన్సిక గురించి అడుగుతాను. బాగా ఆలోచించుకొని చెప్పు" అన్నాడు భూషణ్.

    అంగీకారంగా తల ఊపింది ప్రియ.


    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.






    13 min
  • Anuvanuvuna Jwalinchina O hrudayana 2 | అణువణువున జ్వలించిన ఓ హృదయాన 2 | Telugu Web Series | Pandranki Subramani | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి) 


    అణువణువున జ్వలించిన ఓ హృదయాన-2

    తెలుగు ధారావాహిక

    రచన : పాండ్రంకి సుబ్రమణి (ఉత్తమ రచయిత బిరుదు గ్రహీత)

    (కథా పఠనం: మల్లవరపు సీతారాం కుమార్)

    అశ్వథ్ మాట్లాడుతూ ”యు ఆర్ రైట్. రైట్! నీది బ్రిలియంట్ అకాడమిక్ రికార్డ్. దీనికి తోడు సైకలాజీ కూడా చదివావు. ఇంతే కాదు. నీకు మరొక అడిషనల్ క్వాలిఫికేషన్ కూడా ఉంది. స్వార్ధచింతన తక్కువగా ఉన్న సెన్సిటివ్ నెస్. మీ సీనియర్ వద్ద మరి కొంత ట్రైనింగు పూర్తిచేసుకుని - హైరోడ్డున సింగిల్ రూము అపార్టుమెంటొకటి తీసుకుని దానిని ఒక లీగల్ ఆఫీసుగా మలచుకున్నావంటే- అనుభవానికి అనుభవమూ వస్తుంది- రాబడికి రాబడీ కలిసొస్తుంది. ఆ తరువాత నీవద్దకు కూడా ఇద్దరు ముగ్గురు జూనియర్లు చేరకపోరు. నీకు మీ గురువుగారి ఆశీర్వాదం ఎటూ ఉందిగా! నిన్ను నిరుత్సాహపర్చడానికి కాదు గాని, నువ్వూ మీ మిత్రబృందమూ పరిసరాలను గమనించకుండా జంతుజాలం గురించే ఆలోచిస్తూ ఉండిపోతున్నారేమో ననిపిస్తుంది. ఊరకుక్కల్ని చంపకూడదని- వాటి ఉనికి వల్ల ర్యాభీస్ వ్యాపిస్తున్నాయని తోస్తే, వాటిని చంపకుండా ఇంజెక్షన్ల ద్వారానో అపరేషన్ల ద్వారానో వాటి సంతతి పెరుగుదలను అరికట్టాలని ఉద్యమాలు లేవదీస్తున్నారు. ఈ మధ్య మా కొలీగ్ ఒకతను చెప్పగా మరొకటి కూడా విన్నాను. వట్టిపోయిన ఆవులకు, అచ్చొత్తిన ఆబోతులకూ ప్రభుత్వ ఖర్చుతో వాటి ఆలనా పాలనా చూడాలని, వాటిని ఎట్టి పరిస్థితుల్లోనూ కబేళాలకు తరలించ కూడదని- ప్రివెన్షన్ ఆఫ్ క్రుయాలిటీ టు యానిమల్స్ చట్టం క్రింద ప్రజాక్షేమ వ్యాజ్యాలు కూడా వేస్తున్నారట. ఇందులో నాకేమీ ఆక్షేపణ లేదు. వాటికి మానవీయ కోణాలు లేవని చెప్పడం నా ఉద్దేశ్యం కాదు. కాని- అట్టడుగున అలమటిస్తున్న మానవాత్మల పైనా కొంచెం దృష్టి సారించమంటున్నాను”. అంటే?- అని అడుగుతూ సావధానంగా సర్దుకుని కూర్చుంది మంగళాదేవి. భర్త తను చేస్తూన్న సామాజిక సేవా కార్యక్రమాల పట్ల ఆసక్తి చూపించడం ఆమెకు ఎనలేని సంతోషాన్ని కలుగ జేసింది. ఎవరో ఎక్కడో కాదు. తనతో ఏడడుగులు నడిచి తనను సహధర్మిణిగా స్వంతం చేసుకున్న మగాడు తనను మెచ్చుకోలుతో ముంచెత్తితేనే కదా- తనకూ తమ సామాజిక సమితికీ సార్థకత ఉన్నట్లు!
    అప్పుడు అశ్వథ్ మళ్లీ చెప్పనా రంభించాడు- “అత్యాచారాలకు లోనవుతూన్న స్త్రీల కోసం- గృహ హింస వల్ల అగచాట్లు పడుతూన్న అభాగినుల కోసం.. తదితర చట్టాలను ప్రయోగించేలా చూడమంటున్నాను. కొడుకుల అనాదరణకు, కూతుళ్ల అలక్ష్యానికి గురవుతూ వీధి పాలవుతూన్న వయోవృధ్దుల బాగోగుల కోసం సమయాన్ని వెచ్చించమంటున్నాను. అంటే- అది చేస్తే దీనిని మానేయమని కాదు నా ఉద్దేశ్యం. అందరికీ సమపాళ్లలో సహాయం అందించ మంటున్నాను. నీకున్న లీగల్ బ్యాక్ గ్రౌండు క్రిమినల్ లాకి సంబంధించి ఉండొచ్చు. కాని మొత్తానికి తరచి చూస్తే, దాదాపు అన్నీ వాటికవి జమిలిగానే ఉంటాయి. మరి కొన్ని రాజ్యాంగ పరమమైన అంశాలను పుణికి పుచ్చుకొని ఉంటాయి. ఏది ఎలా వున్నా వాటిని పరిష్కరించే తీరాలిగా! ” అని చెప్పడం ముగించి నవ్వుతూ ఉండిపోయాడు అశ్వథ్.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/2Bq87tv1XT0


    18 min
  • అశ్వ మేధం - ఎపిసోడ్ - 1 | Aswamedham - Episode - 1 | Telugu Web Series | Gannavarapu Narasimha Murthy | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)

    అశ్వ మేధం - ఎపిసోడ్ 1

    రచన : గన్నవరపు నరసింహ మూర్తి

    (కథా పఠనం: మల్లవరపు సీతారాం కుమార్)
    హేమంతం! ఉదయం పదిగంటలైనా దేశ రాజధానిలో పొగమంచు వీడలేదు. దారి కనిపించనంతటి మంచు. వాతావరణం అనుకూలంగా లేకపోవడం వల్ల 9.00 గంటలకు చేరవలసిన ఫ్లైట్ అరగంట ఆలస్యంగా చేరింది.చరణ్ త్వరగా ఫ్లైట్ దిగి అరగంటలో బయటకొచ్చాడు. టాక్సీలో జవహర్లాల్ నెహ్రూ యూనివర్సిటీకి బయలు దేరాడు. అక్కడికి చేరుకునే సరికి 10.30 అయింది. అప్పటికే క్లాసులు ప్రారంభమయ్యాయి. మొదటి రోజు కాబట్టి ఎన్రోల్మెంట్ అవీ ఉంటాయి.అతను ఆహాలు దగ్గరకు వచ్చి "మే ఐ కమిన్" అన్నాడు.డయాస్ మీద అభ్యర్ధులతో మాట్లాడుతున్న ప్రొఫెసర్ అతని వైపుతిరిగి 'కమిన్' అన్నాడు. "సారీసర్... ఫ్లైట్ లేట్... మైనేమ్ ఈజ్ చరణ్ ఫ్రం విశాఖపట్నం, ఆంధ్రప్రదేశ్" అన్నాడు తన వివరాలున్న పేపర్ ఇస్తూ.అప్పటికే ఆ హాలు అభ్యర్థులతో నిండిపోయింది. ఫేను చప్పుళ్ళు తప్ప హాలంతా నిశ్శబ్దం గా ఉ౦ది.అది యూనివర్సిటీలోని సెంటర్ ఫర్ స్టడీ ఆఫ్ లా అండ్ గవర్నెన్స్... దేశంలోని ప్రముఖ న్యాయ కళాశాలల్లో అదొకటి; జె యన్ యూ కి సంబంధించిన కాలేజి. ఆ సెంటర్ భారతదేశ రాజ్యాంగం - చట్టాలు - పీనల్ కోడ్ మీద వారం రోజులు షార్ట్ టర్మ్ కోర్సు' నిర్వహిస్తోంది.వివిధ రాష్ట్రాల్లోని ప్రముఖ లా కాలేజిల్లో చదివిన విద్యార్థులు, లాయర్లు దానిని హాజరవుతున్నారు. చరణ్ రెండేళ్ళ క్రితం యూనివర్సీటీ కాలేజీలో 'లా' పాసయ్యాడు. యూనివర్సీటీ గోల్డ్ మెడలిస్ట్; రెండేళ్ల నుంచి ఒక ప్రముఖ లా సిండికేట్లో ప్రాక్టీసు చేస్తున్నాడు. దాంతో పాటు పల్లెకు దగ్గర్లోని చిన్నపట్నంలో లా ప్రాక్టీసు చేస్తూ పేదవాళ్ళకు ఉచితంగా కేసులు వాదిస్తున్నాడు.ఈ కోర్స్ చాలా మంచిదనీ, హజరైతే మంచిదనీ చెప్పి, లక్షరూపాయలు ఫీజు కట్టి ఢిల్లీ వచ్చాడు;. ఫార్మాలిటీస్ అన్నీ పూర్తైన తరువాత క్లాసు ప్రారంభమైంది.మొదటి క్లాసు అది... తెల్లటి బట్టలు వేసుకున్న ఆరడుగుల వ్యక్తిలోనికి వచ్చి "నాపేరు శుక్లా.... ప్రొఫెసర్ & హెడ్ ఆఫ్ డిపార్ట్మెంట్" అని తనను పరిచయం చేసుకున్నాడు.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/VgSFVGZXeyE


    15 min
  • Anuvanuvuna Jwalinchina O hrudayana 1 | అణువణువున జ్వలించిన ఓ హృదయాన 1 | Telugu Web Series | Pandranki Subramani | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)


    అణువణువున జ్వలించిన ఓ హృదయాన-1

    రచన : పాండ్రంకి సుబ్రమణి (ఉత్తమ రచయిత బిరుదు గ్రహీత)
    కొత్తగా పదోన్నతి పొందిన డిప్యూటీ జైలు సూపరింటెండెంట్ అశ్వథ్ జీపులో ఇంటిముందు దిగి, రేపటి డ్యూటీ టైమింగ్సు విషయమై డ్రైవింగు ఆర్డర్లీకి సూచనలిచ్చి యింట్లోకి నడిచాడు. అతడిల్లు మరెక్కడో కాదు, జైలు ఆవరణకు ఆవల దక్షిణానికి కడపటి వేపే స్టాప్ క్వార్టర్సు. అతణ్ణి చూసి సెంట్రీలిద్దరూ ఫుల్ ఫోర్సుతో సెల్యూట్ చేసి ప్రక్కలకు తప్పుకున్నారు. హాలు గడపవద్దాగిన అశ్వథ్ తనొచ్చిన అలికిడి చేరలేదేమోననుకుని బూట్లు విప్పి లోపలకు నడిచాడు; సతీమణి సుందర రూప దర్శనార్థం-- తల్లి భరతమ్మ జాడ దరిదాపున కనిపించలేదు. యూనిఫాం పై షర్టు గుండీలు వదులు చేసి గదిలోపలకు ప్రవేశించాడు. ఏదో కారణం లేకుండా తన భార్య- ఆ మాటకొస్తే రసవాహిని- మందగమని అయిన ఏ స్త్రీ అయినా- బెట్టు చూపించదని ప్రేమ మందిరానికి మరొక రూపమైన తన రసిక హృదయానికి తెలుసు. హాలు నలువైపులా సుమధుర సుమదళ కుసుమాల సువాసనలు-- “ఇది మల్లియలు విరిసే కాలం, మగువలు విరబూసి నవ్వే తరుణం! “మరి మంగళకు-- అందాలు ఆరబోసే మృదువైన సాయం సమయం! విల్లులాంటి నడుముని వయ్యారంగా వంచి, సుకుమార విగ్రహాన్ని విపంచిలా విప్పార్చి నిలువుటద్దం ముందు నిల్చుని తలంటుపోసుకున్న ఇరుల కురులను వదులుగా జారవిడిచి- చిక్కు ముడుల్ని బ్రష్ తో సుతారంగా విడదీసుకుంటూ కనిపించింది. మొగుడి రాకే తెలియని భామామణిలా కాసేపాగి, నుదుట బొట్టు దిద్దుకుని తీరిగ్గా నవ్వే చిలిపి కళ్ళతో తలతిప్పి చూసింది. భార్య అందానికి డంగైపోయిన అశ్వథ్- “వావ్! ”అనబోయి ఆపుకున్నాడు. కొందరి అందచందాలు అటువంటివి మరి. తినగ తినగ వేము తీయగనున్నట్టు చూడగా చూడగా సొగసులు ఊరిస్తుంటాయి. ఇనుమడిస్తుంటాయి. “అదేమిటి పెళ్ళాన్ని కొత్తగా చూస్తున్నట్టు అలా ఒలిచి ఒలిచి చూస్తున్నారు? అంతటి వేడి చూపులు భరించలేను బాబూ! కొవ్వొత్తినై కరిగిపోతాను. నిలువెత్తు మైనపు బొమ్మనై ఒరిగిపోతాను“అతడికి తెలుసు- అది తనను సుతారంగా రెచ్చగొడ్డటానికి విసిరిన మొదటి వలపు హొయల బ్యూమ్ రాంగ్- అని. ఆ తరవాత యెగుర వేస్తుంది విరహ దాహపు నిస్సవ్వడి నిట్టూర్పుల విహంగాన్ని. కనురెప్పల్ని అల్లార్చకుండా మంగళను తేరిచూసాడు అశ్వథ్. తాకీ తాకని వెస్ట్రెన్ మేకోవర్ డ్రెస్సులో కళ్ళను జిగేలు మనిపిస్తూంది, ప్రవరాఖ్యుడి మనసుని గజిబిజి చేసిన గాంధర్వకన్య వరూధినిలా-- తాజాగా అరవిచ్చిన సంపెంగి పూవులా వికసించి మగడి మగటిమిని ఇముడ్చుకోవడానికి తహతహ లాడుతూంది మంగళ.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/5_F-5oCi2Is



    18 min
  • నాకేమవుతోంది ఎపిసోడ్ 19 | Nakemavuthondi Episode 19 | Telugu Web Series | Mallavarapu Seetharam Kumar | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి) 


    నాకేమవుతోంది..? ఎపిసోడ్ 19

    రచన, పఠనం: మల్లవరపు సీతారాం కుమార్
    గదిలోకి వెళ్లాక ప్రియను ఒక కుర్చీలో కూర్చోబెట్టాడు హిప్నాటిస్ట్ భూషణ్. ఆమెకు ఎదురుగా తను కూడా ఒక కుర్చీలో కూర్చున్నాడు. ఇద్దరి మధ్య ఒక స్టూల్ ఉంచాడు. తనతో తెచ్చుకున్న మ్యూజిక్ ప్లేయర్ని ఆ స్టూల్ పై ఉంచాడు. వెలుతురు అడ్జస్ట్ చేయడానికి వీలున్న ఒక బల్బ్ ని కూడా ఆ టేబుల్ పై ఉంచాడు. ఆ బల్బ్ ని తన దగ్గర ఉన్న రిమోట్ తో ఆన్ చేసి గదిలో ఉన్న ట్యూబ్ లైట్ ని ఆపివేశాడు. స్టూల్ కి ఇటువైపు మరో కుర్చీలో తను కూర్చున్నాడు. డాక్టర్ శ్రీనివాస్ ని, సైకియాట్రిస్ట్ త్రిపాఠిని పక్కనే ఉన్న బెడ్ మీద కూర్చోమన్నాడు. తరువాత ప్రియతో మాట్లాడడం ప్రారంభించాడు భూషణ్."చూడు ప్రియా! హిప్నాటిజం అనగానే నీకేదో మత్తుమందు ఇచ్చినట్లు అయిపోతుందని అనుకోవద్దు. కేవలం నీ మనసులో ఉన్న విషయాలు నిర్భయంగా చెబుతావు. అంతే! చిన్నప్పుడు స్కూల్లో నీ స్నేహితురాలు నీతో గొడవ పడి నిన్ను కొట్టిందనుకో.. లేదా నువ్వే ఆ అమ్మాయిని కొట్టావు అనుకో.. ఇంటికి వచ్చాక ఆ విషయం ఎవరితోనూ చెప్పవు. కానీ నువ్వు అదోలా ఉండడం గమనించి మీ అమ్మ ఎందుకలా ఉన్నావని నిన్ను అడుగుతుంది. మొదట ఏమీ లేదని చెబుతావు. ఆ తర్వాత అమ్మ నీకు ఇష్టమైన స్వీట్ లేదా చాక్లెట్ నీకు ఇచ్చి, నీ తల నిమురుతూ, 'ఏమైంది తల్లీ..' అని అడిగిందనుకో.. అప్పుడు అంతవరకు నువ్వు దాచుకున్న విషయం నువ్వు మీ అమ్మతో చెప్పేస్తావు. ఇది కూడా ఒక రకమైన హిప్నాటిజం. ఇందుకు నీకు కావాల్సింది హిప్నాటిజం చేసే వ్యక్తి మీద నమ్మకం. మరెవరికీ చెప్పని విషయం మీ అమ్మకు ఎందుకు చెప్పి ఉంటావు? వేరే వాళ్లకు చెబితే వాళ్లు నిన్ను తప్పు పట్టడమో, ఎగతాళి చేయడమో చేస్తారు అనే ఉద్దేశంతో నువ్వు ఎవరికీ చెప్పి ఉండవు. కానీ మీ అమ్మకు చెప్పడం వల్ల నీకు ఓదార్పు లభిస్తుంది అనే ఉద్దేశంతో చెప్పి ఉంటావు. నిజమేనా?" అడిగాడు భూషణ్."అవునన్నట్లు తలాడించింది ప్రియ. "మీ అమ్మ ఎలాగైతే నీ మంచి కోరుతుందో నేను కూడా అలాగే నువ్వు బాగుండాలని కోరుకుంటాను. నేనే కాదు, డాక్టర్ శ్రీనివాస్ గారు, త్రిపాఠి గారు, బయట ఉన్న డాక్టర్ శ్రీదేవి గారు, ఉదయ్ ప్రవల్లికలు.. అందరం నీ మంచి కోరుకునే వాళ్ళం. కాబట్టి మాతో ఏ విషయమైనా నిర్భయంగా చెప్పు. మెదడులో కొన్ని విషయాలు మరుగున పడిపోయి ఉంటాయి. నువ్వు ఫ్రీగా మాట్లాడడం మొదలుపెడితే దాగి ఉన్న సంఘటనల తాలూకు జ్ఞాపకాలు కూడా గుర్తుకు వస్తాయి" అన్నాడు భూషణ్."తప్పకుండా భూషణ్ గారూ! నాకు కూడా నాకిలా ఎందుకు అవుతుందో తెలుసుకోవాలని ఉంది. మీకు పూర్తిగా సహకరిస్తాను" అంది ప్రియ. "దట్స్ గుడ్! చూడు ప్రియా.. ఇప్పుడు నిన్ను ట్రాన్స్ లోకి తీసుకొని వెళతాను. నీకు ఏదైనా చెప్పాలంటే సహజంగా ఉండే సంకోచం లేదా బిడియం ఇప్పుడు ఉండదు. ఎవరికీ చెప్పని విషయాలైనా నాతో ధైర్యంగా చెబుతావు. అలా నాకు చెప్పడం వల్ల నీకు మంచే జరుగుతుందని నీకు బాగా తెలుసు. అందుకే అమ్మానాన్నలతో మాట్లాడినంత చనువుగా నాతో మాట్లాడుతావు. కొన్ని విషయాలు పేరెంట్స్ తో చెప్పకపోయినా స్నేహితురాలికి చెబుతావు. అటువంటి విషయాలు చెప్పేటప్పుడు నన్ను నీ బెస్ట్ ఫ్రెండ్ గా అనుకో.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/8kDBsZ5V5sA


    14 min
  • Anuvanuvuna Jwalinchina O hrudayana | అణువణువున జ్వలించిన ఓ హృదయాన | Telugu Web Series | Pandranki Subramani | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)

    అణువణువున జ్వలించిన ఓ హృదయాన

    రచన : పాండ్రంకి సుబ్రమణి (ఉత్తమ రచయిత బిరుదు గ్రహీత)
    (కథా పఠనం: మల్లవరపు సీతారాం కుమార్)
    ఆమె జీవితంలో మాటలతో చెప్పనలవి కాని పాత్ర వహించిన కాలేజీ మేట్ పవన్ కుమార్ కారాగార ఏకరూప దుస్తులలో చెట్లకు నీళ్లు- పైపులతో పిచకారీ చేస్తూ ఎదురవుతాడు. నిజం చెప్పాలంటే— ఆమె పవన్ కుమార్ ని ప్రేమించిందని చెప్పడం కంటే మనసా వాచా కర్మణ: ప్రాణ ప్రదంగా ఆరాధించిందని చెప్పాలి. ఎందుకంటే అతడితో జీవితం పంచుకోవాలని ఒకనాడు అణువణువే తపించింది. కాని అతడేమో కాలేజీనుండే కాక ఆమె జీవితం నుండే కనుమరుగయాడు; ఆమె సున్నితమైన మనసుని రేకులు చిదిమిన పువ్వులా చిన్నాభిన్నం చేస్తూ—అప్పుడామెకు ఎదురైన సందిగ్ధావస్థ ఇది— తను మళ్లీ పవన్ కుమార్ వద్దకు వెళ్లలేదు. కనీసం దగ్గరకు చేరి కష్ట సుఖా లు తెలుసుకోలేదు కూడాను. కాని అదే సమయాన అతణ్ణి ఆ పరిస్థితిలో ఏమీ తెలియని మూడవ వ్యక్తిగా తన మానాన తను తొలగి పోలేదు. ఆమె వరకూ అలా చేయడం ఆత్మద్రోహమవుతుంది. ఎందుకంటే ఆమెకు బాగా తెలుసు; పవన్ కుమార్ వ్యక్తిగతంగా ఎటువంటివాడో.. అటువంటి ఘోర నేరం నిజంగా చేసి వెళ్లగలవాడో కాదోనని. మరైతే అత్యాచారం కేసు క్రింద బంధించబడ్డ ఖైదీకి ఆసరాగా ఎలా వెళ్లడం; తన భర్త స్వయంగా జైలు సీనియర్ పర్యవేక్షణాధికారిగా ఉన్నప్పుడు—ఎట్టకేలకు ఆమె నిర్ణయం తీసుకుంటుంది- ఏదీ ఏమైనా సరే పవన్ కుమార్ ని అలా నిస్సహా స్థితిలో విడిచి పెట్టకూడదని. దానికి ఆమె వేసిన మొదటి అడుగు—మెట్టింటిని విడిచి తను ప్రేమిస్తూన్న భర్తకు సహితం దూరంగా ఉండాలని, ఫుల్ ఫ్లెడ్జ్ క్రిమినల్ లాయర్ గా మారాలని; తన గురువు వేంకట్రావుగారి దిశాదిర్దేశంతో. ఆమెలో జ్వలించే కృతజ్ఞతా భావం ఎంతటి తీవ్రమైనదంటే ఆమె పవన్ కుమార్ కోసమే కాదు— ఊళ్లో ఇక్కట్లు పడుతూన్న అతడి కుటుంబాన్ని సహితం ఆదుకోవటానికి పూనుకుంటుంది. ఆ తీరున అనుకోకుండానే ఆమె భర్త అసహనానికి, అనుమానపు చూపుకి కూడా లోనవుతుంది మొదటి దశన. పవన్ కుమార్ అంతర్గత ఔన్నత్యాన్ని అశ్వథ్ పూర్తిగా తెలుసుకోలేని తరుణాన.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video link

    https://youtu.be/NObntIRRvX4



    9 min
  • ప్రేమ చేజారితే 12 | Prema Chejarithe 12 | Telugu Web Series | Pendekanti Lavanya Kumari | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)
    ప్రేమ చేజారితే(భవిష్యత్ కాలంలో) - 12

    రచన, పఠనం: పెండేకంటి లావణ్య కుమారి (ఉత్తమ యువ రచయిత్రి బిరుదు గ్రహీత)
    కుమార్ వచ్చి ఎంతో భావోద్వేగంతో ఇలా మాట్లాడసాగాడు.
    "అందరికీ నమస్కారాలు...
    ఈ ప్రాజెక్టును మేము పదిమంది స్నేహితులము కలిసి చేసాము, ఇంకా కొనసాగుతూనే వుంది. మేము మొదట ఈ ప్రాజెక్టును మొదలు పెట్టాలనుకుంది మా వ్యక్తిగత ప్రయోజనం కొరకే అయినా, దాని వల్ల సమాజానికి ఏదైనా ప్రయోజనం వుంటేనే చేయాలనుకున్నది మాత్రం నిజం.
    నాకు దీని వల్ల మా నాన్నగారి లాంటి ముసలి వారు ఎంతగానో ఆనందంగా జీవించగలరనిపించింది. అలాగే కొందరి జీవితాలకు ఓ ఆలంబన ఏర్పడుతుందనిపించింది. అంతే కాక దీని ద్వారా అనాథలెందరికో తల్లిదండ్రుల్లాగా మంచి, చెడులను నిస్వార్థంగా నేర్పించి సంస్కారవంతులుగా, ప్రయోజకులుగా తీర్చిదిద్దే రోబోలను సృష్టించవచ్చనిపించింది.
    అదీకాక ఈ ప్రాజెక్టు కోసం పెడ్తున్న ఖర్చు మొత్తం మా స్నేహితులమంతా కలిసి సంపాదించినదే. కాబట్టి మేము దీని వల్ల ఏదైనా సమాజానికి చెడు జరుగుతుందనిపిస్తే వెంటనే ఏమాత్రం డబ్బు గురించి ఆలోచించకుండా దీన్ని నాశనం చేయాలనుకునే మొదలెట్టాము.
    ఈ ప్రాజెక్టు వల్ల నా స్నేహితులందరికీ కూడా కుటుంబాలు ఏర్పడి ఎంతో ఆనందాన్ని సొంతం చేస్కున్నారనే చెప్పాలి. పిల్లలకు తల్లులుగా వుండే రోబోల చేత అన్ని రకాల పనులు చేయించేది వారి తండ్రులే కాబట్టి, అన్నీ వారి ఇష్టానుసారంగా జరుగుతున్నాయి.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/axbUULXVJU4


    17 min
  • ప్రేమ చేజారితే 11 | Prema Chejarithe 11 | Telugu Web Series | Pendekanti Lavanya Kumari | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)


    ప్రేమ చేజారితే - ధారావాహిక పదకొండవ భాగం

    రచన, పఠనం: పెండేకంటి లావణ్య కుమారి (ఉత్తమ యువ రచయిత్రి బిరుదు గ్రహీత)

    'ఇంతకీ కుమార్ వాళ్ళు చేయాలనుకున్న ప్రాజెక్టు ఏదో తెలుసా?!?' అని అడిగాడు నితిన్.
    ఎవరూ, ఏమీ పలక లేదు...
    మళ్ళీ నితినే...
    మీకు ఆ ప్రాజెక్టు గురించిన అంచనా లేదనిపిస్తుంది. అయితే ఆ ప్రాజెక్టు యొక్క విశేషతను మీరు అర్థం చేస్కోవాలంటే ముందుగా మీకు ఒక నలుగురిని పరిచయం చేయాల్సి వుంది. వారిలో ఒకరు నా భార్య డాక్టర్ నిధి. ఆమె చైల్డ్ అండ్ అడోలసెంట్ సైకియాట్రీలో ఎమ్. డి. చేసింది. ప్రస్తుతానికి స్వచ్చందంగా ఒక అనాథాశ్రమానికి తన సేవలు అందిస్తోంది. ఈ ప్రాజెక్టులో ఆవిడ కూడా పాలు పంచుకున్నారు. మిగిలిన వారిలో ఒకరు డాక్టర్ రాధ అని నిధి చూస్కునే అనాథాశ్రమంలోనే నిధికి అసిస్టెంటుగా సేవలందిస్తోంది. మిగిలిన ఇద్దరూ అక్కడ పిల్లలను చూస్కునే ఆయాలే, అయినా వారే వారికి అన్నీ కూడా. మిగిలిన విషయాలు డాక్టర్ నిధి వివరిస్తారు. ఇప్పుడే వారంతా వచ్చి పక్క గదిలో కూర్చున్నారు, వారిని పిలుస్తాను,' " అని చెప్పి నిధికి కాల్ చేసాడు నితిన్.
    ప్రక్క గది నుండి ఆ నలుగురూ వచ్చి "అందరికీ నమస్కారాలు తెలిపి వారి పేర్లను వారు చేస్తున్న వృత్తిని చెప్పుకుని, తమని తాము పరిచయం చేస్కున్నారు. తర్వాత నిధి మాట్లాడ్తూ, "విషయానికి వస్తే ముందుగా నేను ఈ ఇద్దరి గురించి మీకు చెప్పటానికే ఇక్కడికి వచ్చాను. వీళ్ళలో ఒకరి పేరు 'స్నేహ', ఇంకొకరి పేరు 'ప్రేమ్'. వీరిద్దరూ అనాథాశ్రమంలోని పిల్లలను చూస్కుంటుంటారు. స్నేహ నెలలు పిల్లలను చూస్కుంటుంది. ప్రేమ్ ఎనిమిదేళ్ళ లోపు పిల్లలను చూస్కుంటాడని వారిని చూపించింది నిధి. వీరు చిన్న పిల్లలను విసుక్కోకుండా, శ్రద్ధగా చూస్కుంటూ ఎనలేని సేవలు అందిస్తున్నారు. దానితో పిల్లలు మానసికంగా కూడా ఎంతో ఉల్లాసంగా వుంటున్నారు. దానికి మనమంతా వీరికి కృతఙ్ఞులమే. వీరు పిల్లలను ఎలా చూస్కుంటున్నారో తెలుసుకోటానికి వీరిని మీరేమైనా ప్రశ్నలు అడగాలనుంటే అడిగి తెలుసుకోవచ్చు," అంది.
    తర్వాత ఒక జూనియర్ సైకియాట్రిస్టు లేచి స్నేహాను ఉద్దేశించి, "మీరు రాత్రి అనాథాశ్రమంలో పిల్లలతో పాటూ పడుకున్నాక, ఏ అర్థరాత్రో ఎవరైనా పసిబిడ్డ గుక్కపట్టుకుని ఏడిస్తే ఏం చేస్తారు?" అని అడిగాడు.
    దానికి స్నేహ, "మొదట ఆ పసిబిడ్డ పక్క బట్టలు కానీ చెడ్డీ కానీ తడిచి ఏడుస్తుందేమో చూస్తాను. అది కాకపోతే
    ఏదైనా కుట్టి ఏడుస్తుందేమోనని బిడ్డ శరీరాన్నంతా పరికించి చూస్తాను. అదీ కాకపోతే కడుపు చిన్నగా ఒత్తి అరగక ఏడుస్తుందేమో అనిపిస్తే, డైజెషన్ సిరప్ వేసి పదినిమిషాలలో ఏడుపు ఆపకపోతే డాక్టర్కు ఫోన్ చేస్తానని చెప్పింది. దానికి ఆ సైకియాట్రిస్టు, "గుడ్" అని చెప్పి కూర్చున్నాడు.
    తర్వాత ఇంకో జూనియర్ సైకియాట్రిస్టు లేచి ప్రేమ్ను ఉద్దేశించి, "నీవు చూస్కునే పిల్లల్లో ఓ నలుగురు ఒకే వస్తువు కోసం పోట్లాడ్తున్నారనుకో, వారి పోట్లాటను ఎలా ఆపుతావు," అని అడిగాడు.

    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/9eOH3A62gNA


    15 min
  • గరుడాస్త్రం - ఎపిసోడ్ 14 | Garudashram - Episode 14 | Telugu Web Series | Gannavarapu Narasimha Murthy | manatelugukathalu.com

    (కథ manatelugukathalu.com లో చదవడానికి కథ పేరు మీద క్లిక్ చేయండి)
    గరుడాస్త్రం - ఎపిసోడ్ 14

    రచన : గన్నవరపు నరసింహ మూర్తి

    (కథా పఠనం: మల్లవరపు సీతారాం కుమార్)

    ఆ తరువాత ప్రణవి మళ్ళీ మొదలు పెట్టింది. "యువరానర్! భావన తన హత్యకు ముందు వ్రాసిన డైరీ ఇది. ఇందులో ఆమె ఏం జరిగిందో అంతా వ్రాసింది. మల్హోత్రా అనే ఎక్స్ ఎగ్జిక్యూటివ్ డైరెక్టర్ ఆమె దగ్గరికి వచ్చి, మిసైల్స్ కి సంబంధించిన డ్రాయింగులు కావాలని అడిగినట్లు, అందుకు తాను ఇవ్వనని అతనితో చెప్పినట్లు ఆమె వ్రాసింది. ఆ తరువాత నా క్లయింట్ శ్రీహర్ష అరెస్ట్ తరువాత ఆమె మళ్ళీ మల్తోత్రాకి ఫోన్ చేసి అతన్ని నిలదీసినట్లు కూడా ఇందులో వ్రాయబడింది. దీన్ని బట్టి ఆమె హత్యకు, డ్రాయింగులు బయటకు వెళ్ళడానికి 'కింగ్ పిన్'- అంటే ముఖ్య కారణం మల్తోత్రా అని తెలుస్తోంది. తాను డ్రాయింగులు ఆమెని అడిగిన తరువాత డ్రాయింగులు బయటకు వెళ్ళాయి కాబట్టి దానికి తనే కారణం అని ఆమెకు తెలిసి పోయి ఉంటుందనీ, ఆమె బ్రతికి ఉంటే తన బండారం బయట పడుతుందని భయపడి మల్తోత్రానే భావనని కిరాయి హంతకులతో హత్య చేయించి ఉండొచ్చు. ఇంకొక్క ముఖ్య విషయం, ఆ హంతకులు రవీంద్ర చెబుతున్నట్లు ఇక్కడి వ్యక్తులు కారు. వాళ్ళిద్దరూ బీహరీ క్రిమినల్స్.. ఎన్నో హత్య కేసుల్లో ముద్దాయిలు. వాళ్ళు బెయిల్ మీద తిరుగుతున్న వాళ్ళు, ఎవరో తెలియని అజ్ఞాత వ్యక్తి తన పలుకుబడితో రవీంద్రని ప్రలోభ పెట్టి ఆ ఇద్దరు నేరస్తులను ఇక్కడికి పంపించి వాళ్ళని ఏదో కేసులో ఇరికించి లాకప్పులో ఉంచి అవసరమైన సమయంలో వాళ్ళని బయటకు పంపి హత్య చేయించారని స్పష్టంగా తెలుస్తోంది. ఈ కేసులో మరిన్ని మౌలికమైన ప్రశ్నలు ఉత్పన్నమవుతున్నాయి. ఎవరీ మల్తోత్రా? ఇతను ఆ మిసైల్ డ్రాయింగ్స్ కోసం ఎందుకు ఆ మిసైల్స్ డిజైన్ సెంటర్ కి వెళ్ళాడు? ఇతను ఎవరి సలహాతో ఈ పని చేసాడు? ఆ ఇద్దరు కరడుగట్టిన నేరస్తులను ఎవరు పంపారు?; ఇంతకీ ఈ కేసులో ముఖ్య వ్యక్తులు ఎవరు? వీరికి పాకిస్తాన్ గూఢాచారులతో సంబంధం ఉందా ? ఎన్నాళ్ళ నుంచి వీళ్ళు ఇటువంటి పనులు చేస్తూ దేశభద్రతకు ముప్పు తెస్తున్నారు? కేసుని పక్క తోవ పట్టించడానికే సీఐడి ఏ సంబంధం లేని శ్రీహర్షను అరెస్ట్ చేసారా ? వీటన్నిటికీ సమాధానాలు కావాలి. వాటికి సమాధానాలు తెలియకపోతే దేశభద్రతకు పెను ముప్ప వాటిల్లుతుంది.. దీన్ని ఇలా వదిలేస్తే చాప కింద నీరులా శత్రువులు కుట్రలు పన్ని దేశంలో అల్లకల్లోలాలు సృష్టించే అవకాశం వుంది .. కాబట్టి కోర్టు వారు ఈ సాక్ష్యాలన్నింటినీ పరిగణలోకి తీసుకొని సీబీఐ విచారణకు ఆదేశించి, దేశభద్రతను కాపాడవలసిందిగా కోరుతున్నాను ” అంటూ తన వాదనలు ముగించింది. కోర్టు ఆ కేసుని రెండు రోజుల తరువాతకు వాయిదా వేసింది.
    Read the full story on www.manatelugukathalu.com

    ఈ కథ మనతెలుగుకథలు.కామ్ లో ప్రచురింప బడింది.

    మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

    దయ చేసి సబ్స్క్రయిబ్ చెయ్యండి ( పూర్తిగా ఉచితం ).

    https://www.youtube.com/channel/UCP4xPLpOxrVz33eo1ZjlesQ

    ఈ కథను యూట్యూబ్ లో చూడండి.

    Video linkhttps://youtu.be/hWNTpfwURl4


    13 min

About Mana Telugu Kathalu | మనతెలుగుకథలు.కామ్ | Telugu Short Stories

From the publisher's feed

ManaTeluguKathalu.com is a collection of award-winning Telugu stories from various writers across the world