Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 11

రచన : S. సంపత్ కుమార్ 

(కథా పఠనం: మల్లవరపు సీతారాం కుమార్)

అది ఓపెన్ ప్లేస్. చుట్టు లారీలు కొన్ని ఆగి ఉన్నాయి. చిన్న షెడ్. ఆ షెడ్ లో రాజరావు, సుజాత, కావ్య, శివమ్మలను బందీలుగా ఉంచారు.

ఆ షెడ్ కు ఉన్న కిటికిలోనుండి రాజారావు, అపుడే అక్కడికి వచ్చిన లింగస్వామి అనుచరులతో పాటు ఉన్న విక్రమ్, కిరణ్ లను చూసి "ఒరేయ్ లింగ.... నా కొడుకును తీసుకొచ్చావా... నీవెంత మంచి వాడవు రా....... మరి వీళ్లు ఎవరురా... మనల్ని కిడ్నాప్ చేసి తెచ్చారు... ఎందుకు తెచ్చారో తెలియదు... " ఏమీ తెలియని వాడిలా అన్నాడు.

విక్రమ్ కి కిరణ్ కి రాజరావు నాటక ఆడుతున్నాడు అని అర్థం అయ్యింది.

ఇంక లింగస్వామి "అవును అవును.. నీ కొడుకును నీకు అప్పజెప్పి ఈ కిడ్నాప్ చెర నుండి విడిపిద్దమని వచ్చాను” అన్నాడు.

"అబ్బా.. నమ్మినబంటు అంటే నీలా వుండాలి" అన్నాడు రాజారావు.

"రెండు నిమిషాలు ఆగు. నమ్మినబంటో నమిలేబంటో తెలుస్తుంది...... బావ.. ఆలస్యం వద్దు. ముందు ఆ విక్రమ్ దగ్గర ఆ విడియో సెల్ తీసుకో'" అన్నాడు భాస్కర్.

"ముందు మా వాళ్ళను ఆ షెడ్ నుంచి తెచ్చి అప్పజెప్పితేనె సెల్ విడియో ఇచ్చేది" కిరణ్ అనగానే విక్రమ్ వీడియో తీసిన సెల్ చేతిలో పట్టుకున్నాడు.

"కిడ్నాప్ చేసి షెడ్ లో బంది చేసిన వాళ్లను తీసుకొని రా నరసింహ. " అన్నాడు భాస్కర్.

షెడ్ లో రాజరావును, సుజాత, కావ్య, శివమ్మలను ఉన్నా బయటకు తెచ్చారు.

బయటకు వచ్చాక రాజరావు "ఏమి లింగ.. ఏమీ జరుగుతుంది" అన్నాడు.

"నోరు మూసుకో.. లింగ లేదు లంగా లేదు. " అని లింగస్వామి కొడుకు ఉదయ్ అనగానే.

అప్పుడే అక్కడికి వచ్చిన నారాయణ  "వాడు లింగ కాదు దొంగ" అంటూ లింగస్వామి వంక చూస్తూ

"ఒరేయ్ లింగ అసలు వీడియో సెల్ ఇదిగో" అన్నాడు అక్కడికి తెచ్చిన వీడియో సెల్ చూపిస్తూ.

"పిచ్చోడా.. అది కిరణ్ ఎప్పుడో తెచ్చి వాట్సప్ లో పోలీసు అధికారులకు పంపాడు. ఇంక మీరు, ఆ దావుద్ అనుచరులు వారి స్థావరాలు మటాష్. " అన్నాడు.

"అరే ఎంత నమ్మకద్రోహం " అంటూ పిస్తోలు తో ముందు రాజరావును షూట్ చేయడానికి పోతే కిరణ్ ఎగిరి దూకి వాళ్ళ నాన్నను కాపాడాడు.

ఇంతలో విక్రమ్ అక్కడ ఉన్న లింగస్వామి అనుచరులు, గుండాల మీద దాడి చేశాడు. అప్పుడే నారాయణ రాజరావును సుజాత కావ్య, శివమ్మలను అక్కడే ఉన్న ఒక లారీ వెనుక దాక్కోమన్నాడు. వాళ్ళు అలాగే చేశారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/ap4XC7uLKcc

(కథ manatelugukathalu.com లో చదవడానికి కథ పేరు మీద క్లిక్ చేయండి)

ష్... తస్మాత్ జాగ్రత్త

రచన: N. ధనలక్ష్మి

(ఉత్తమ యువ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

ప్రీతి ఈవెంట్ మేనేజర్. ఓ బాంబ్ బ్లాస్ట్ లో భర్త విజయ్ చనిపోయాడు. వారి ఇద్దరి ప్రేమకు ప్రతి రూపమైన మోక్షజ్ఞ అంటే తనకి పంచప్రాణాలు..

మోక్షజ్ఞను అందరు ముద్దుగా బన్నీ అంటారు. ఎన్ని పనులున్నా బన్నీను స్కూల్ లో దింపడం,అలాగే తీసుకొని రావడం తానే చేస్తుంటుంది. ఆదివారం ఎటువంటి పనులు పెట్టుకోకుండా ఇంట్లోనే ఉంటూ బన్నీతో ఎక్కువ సమయం గడపడానికి ట్రై చేస్తుంటుంది.. ప్రతి రోజూ క్రమం తప్పకుండా స్కూల్ లో జరిగిన ప్రతి విషయాన్ని అడిగి తెలుసుకుంటుంది..

అలా రోజులు సరదాగా గడిచి పోతుండగా..

“రేయ్ బన్నీ! స్కూల్ కి లేట్ అవుతుంది. త్వరగా లేవరా! లేదంటే నిన్ను వదిలేసి నేను వెళ్ళిపోతాను…”

“మమ్మీ!!!!! ప్లీజ్ ఇంకా కొంచం సేపు నిద్రపోతాను…”

" సరే నీ ఇష్టం! ఇలాగే నిద్రపో. అయితే నేను వెళ్ళిపోతాను. మళ్ళీ నేను తీసుకొని వెళ్ళలేదని ఫీల్ అవ్వకూడదు. మనం ఈ వీకెండ్ పార్క్ కి వెళ్ళాలి అనుకున్నాము కదా... అది కాన్సిల్. నువ్వు తీరిగ్గా లేచి ఫ్రెష్ అయి మీ గ్రానీతో స్కూల్ కి వెళ్ళి మీ మామ్ చేత తిట్టించుకో.. బై రా కన్నా. నాకు ఆఫీస్ కి లేట్ అవుతుంది. నేను వెళ్తున్న.. ”

“నో మమ్మీ ! నేను నీతో పాటు రావాలి! మనం

పార్క్ కి కూడా వెళ్ళాలి.. నేను 20 మినిట్స్ లో రెడీ అయి వచ్చేస్తాను. నేను బ్యాగ్ ని ఆల్రెడీ నైట్ చెక్ చేసుకున్న.. సో నో మోర్ వర్రిస్ మమ్మీ.. నువ్వు చెప్తూ ఉంటావుగా మన పనిని మనమే చేసుకోవాలని.. అందుకే ముందుగా నా పనులని చేసేసా”నని చెప్తూ స్నానం చేయడానికి వేగంగా వాష్ రూం లోకి వెళ్ళిపోయాడు...

అల్లరి చేస్తాడు కానీ చెప్పిన ప్రతి మాట వింటాడు. ‘బంగారం రా నువ్వు’ అని మురిసిపోతుంది ప్రీతి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/zU_e0FuppmU

(కథ manatelugukathalu.com లో చదవడానికి కథ పేరు మీద క్లిక్ చేయండి)

ప్రేమ చేజారితే(భవిష్యత్ కాలంలో) - 2

రచన, పఠనం: పెండేకంటి లావణ్య కుమారి

(ఉత్తమ యువ రచయిత్రి బిరుదు గ్రహీత)

గత భాగంలో   షాలిని కుశాల్ను స్నానం చేయించటానికి తీస్కెళ్తూ వుంటుంది...

ప్రేమ చేజారితే - 1  కోసం ఇక్కడ క్లిక్ చేయండి ఇంక చదవండి...   బాత్రూమ్ దగ్గరకు రాగానే షాలిని అక్కడే వున్న వాటర్ ప్రూఫ్ సాక్స్ వేస్కుని, వాటర్ ప్రూఫ్ ఏప్రన్ కట్టుకుంది. తర్వాత కుశాల్ని బాత్రూమ్ లోనికి తీస్కెళ్ళబోతుంటే, వాడు, "రోజూ నీవెందుకవి వేస్కుంటావు, ఈ రోజు అవి నాకూ కావాలి,” అంటూ మారాం చేయసాగాడు.  "నీవు వేసుకున్నవే విప్పి స్నానం చేయించాలంటుంటే ఇప్పుడు ఇవేస్కుంటానంటావేంటి, నేను ఇవ్వను...ముందు పదా లోపలికి," అంది షాలిని.    "మరి నీవెందుకు వేస్కున్నావు?" అన్నాడు కుశాల్.    "స్నానం చేసినంత సేపూ నా మీదంతా నీళ్ళు వేస్తుంటావు కదా, నా బట్టలు తడవకుండా ఇవి వేస్కున్నానంతే. నీ ప్రశ్నలకు సమాధానం చెప్తూ కూర్చుంటే స్కూలు కెళ్ళే టైము కాస్తా అయిపోతుంది త్వరగా పదా," అంటూ షాలిని కుశాల్ని బాత్రూమ్ లోకి లాక్కుపోయినట్టుగా తీస్కెళ్ళింది.   స్నానం చేయించినంత సేపూ కుశాల్ షాలినీని తన చిన్ని బుర్రలోకొచ్చే సందేహాలన్నీ అడుగుతూనే వున్నాడు. షాలిని ఏవో తనకు తెలిసినంత వాడికి విడమరచి చెప్తూనే స్నానం చేయించేసింది.   తర్వాత స్కూల్ యూనిఫామ్ వేసి రెడీ చేసి, వాళ్ళ కాలనీలోనే, ఇంటికి రెండు కిలోమీటర్ల దూరంలో వున్న స్కూల్లో వదిలి వచ్చింది.   వీళ్ళుండే ఈ కాలనీ గురించి తెలుసుకోవలసిన విశేషాలు చాలానే వున్నాయి. ఈ కాలనీ మామూలు కాలనీలలాగా కట్టినది కాదు. దీన్ని కట్టిన విధానాన్ని తెలుసుకోవాలంటే 2040కి కొన్ని ఏళ్ళ ముందు జరిగిన ప్రకృతి వైపరీత్యాల గురించి తెలుసుకోవలసి వుంది.    అవేమంటే...   అంతకుముందు ఒక ఇరవై సంవత్సరాల కాలంలోనే భారతదేశం ఎన్నో రకాల ప్రకృతి వైపరీత్యాలకు లోనై ఎంతో భూమిని కోతకు, ముంపుకు గురి చేసుకుంది...   అందులో బాగా చెప్పుకో తగ్గవి, 2028లో, 2033లో వచ్చిన పెద్ద, పెద్ద సునామీలైతే, మిగిలినవి ప్రతి సంవత్సరమూ దేశంలో   చాలా ప్రాంతాలలో వచ్చే వరదలు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/gi2QERvg7nE

(కథ manatelugukathalu.com లో చదవడానికి కథ పేరు మీద క్లిక్ చేయండి)

తిక్క కుదిరింది

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

తిక్క కుదిరింది

కృష్ణమూర్తి, వాణి పెళ్లి జరిగి నలభై సంవత్సరాలు అయ్యింది. పెళ్లి అయిన అయిదు ఏండ్లు బాగానే వున్నాడు. ఆతరువాత నుంచి ఏమైందో కాని, భార్య మీద ప్రతీ దానికి చిరాకు పడటం, తిట్టడం మొదలుపెట్టాడు.

“ఎందుకండి నన్ను ఆలా ఆడిపోసుకుంటారు, వేళ పట్టున అన్నీ వండి పెడుతున్నా నన్నే తిడుతున్నారు. ఒకసారి డాక్టర్ కి చూపించుకోండి” అంది.

“నువ్వు నోరుమూసుకుని పడివుంటే, ఏ డాక్టర్ అక్కర్లేదు. ప్రతీ విషయం లోను నేను వున్నానని వస్తావు” అని అవమాన పరిచేవాడు.

యింటికి చుట్టాలు వస్తే భయం తో వణికిపోతుంది, భర్త వాళ్ళందరి ముందు అవమానం చేస్తాడేమో అని.

కొడుకు, కూతురు కి చెప్పుకుని బాధపడింది.

“మా చిన్నప్పుటి  నుంచి చూస్తున్నాము నాన్నని. ఆయన నిన్నే కాదు,మమ్మల్ని కూడా ఎంత మాట పడితే అంత మాట అంటాడు. పెళ్లి అయినా కూడా మాకు సలహాలు యిస్తాడు. ఆ విధంగా చేయకపోతే తిట్టడం..

నువ్వు కొన్నాళ్ళు నా దగ్గరికి వచ్చి వుండు అమ్మా, నీ విలువ అప్పుడు తెలుస్తుంది” అన్నాడు కొడుకు.

“లాభం లేదురా అబ్బాయి, మీ నాన్నకి రాని వంట లేదు.కావలిసినవి చేసుకుని హాయిగా వుంటాను, నువ్వు నీ కొడుకు దగ్గరికి వెళ్ళు, నాకు భయం లేదని మొదలెట్టారు” అంది.

“అలాగే అంటాడు కాని, నువ్వు లేనిదే నాన్న వుండలేడమ్మా, ఒక పది రోజులు నా దగ్గర వుండు” అన్నాడు కొడుకు.

“సరే, అలాగే వస్తాలే” అని ఫోన్ కట్ చేసింది.

“ఏమిటి నీ కొడుకు తో నా మీద కంప్లైంట్ చేస్తున్నావ్? ఒక పిల్లాడు పుట్టినా, యింతవరకు నాలుగు రూపాయలు దాచుకోవడం తెలియదు” అని చేతి సంచితో బయటకు వెళ్ళిపోయాడు కృష్ణమూర్తి.

రోజులన్నీ మనవి కాదు అన్నట్టుగా, ఉదయం లేవగానే బుగ్గ పట్టుకుని మూలుగు తో వచ్చి కుర్చీలో కూర్చున్నాడు కృష్ణమూర్తి.

భర్త అడిగే లోపే కాఫీ యివ్వడం మంచిది, లేదంటే మళ్ళీ ఏదోకటి అనకమానడని కాఫీ కప్పు తీసుకుని వచ్చి భర్త చేతికి యిచ్చింది.

రాత్రి నుంచి పన్ను నొప్పి, దవడ వాచిపోయింది. నువ్వు హాయిగా గుర్రు పెట్టి నిద్రపోతున్నావు. మంచి లక్షణం ఒక్కటి లేదు, కాఫీ అక్కరలేదు తీసుకు పో” అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/RdgygxobTlc

(కథ manatelugukathalu.com లో చదవడానికి కథ పేరు మీద క్లిక్ చేయండి)

వ్రాసుకున్నాము ప్రేమలేఖలెన్నో

రచన : అయ్యల సోమయాజుల సుబ్రహ్మణ్యము 

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఇద్దరి మనసులు కలవడమే కాదు.

ఇద్దరి ఆశయాలు కలిశాయి. ప్రేమించడమే కాదు.. ఆ ప్రేమకు అర్థం ఉండాలనుకున్నారు.

—-ఈ ప్రేమ పక్షుల ప్రయాణం లోని, మధుర జ్ఞాపకాలను, ఉత్తరాల రూపంలో మారిస్తే వచ్చిందే ఈ “ వ్రాసుకున్నాము ప్రేమలేఖలెన్నో”.

28 నవంబర్‌ 1990–మహిళల వసతి గృహం,

రెడ్డీ కాలేజీ.

ప్రాయం పూచిన పులకరింతలను పుష్పగుచ్ఛంగా పంపి పరిమళం పంచుదామని..అంతరంగ ఆలోచనలను అక్షరాలతో అద్ది అందిద్దామన్న ఆదుర్దా. నా ప్రణయ లేఖ క్రమం కొరవడిన విలోమ కావ్యంలా ముగిసింది కదూ! ఏం చేయనూ? అరడజను సార్లు మొదలు పెట్టాను. ప్రారంభం కుదరలేదని వ్రాసింది మొత్తం కొట్టేశా. ముక్తాయింపు ముచ్చటగా లేదని తిరగరాశా. నా కుటుంబ నేపథ్యం అడిగావు కదా.

నాకు నాలుగేళ్ళున్నప్పుడే ఏదో మిష మీద నాన్న ఇల్లు వదిలి పోయాడు. కొంత కాలానికి అమ్మ రక్తహీనతతో చనిపోయింది. కొంతకాలం మేనత్తలు పెంచారు. నరసాపూర్‌ దగ్గర పల్లెలో పెరిగాను. తొమ్మిదో తరగతిలో డబ్బులు పోగేసి రెండు ఆవులను కొన్నాను. పాలు అమ్మి మరిన్ని ఆవులు కొంటూ వచ్చాను. అలా అలా ముప్పై ఆవులయ్యాయి. అలా పాలసొమ్ముతో నా చదువు పూర్తయ్యింది.

రాజేంద్రనగర్‌ వ్యవసాయ విశ్వవిద్యాలయంలో పీజీ చేయడానికి రావడం, తమరి చూపులు నాపై పడటం, మీ మాయలో పడిపోవడం ఇట్టే జరిగిపోయింది.

నీ శాన్వి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/WNJ3IwedHF8

(కథ manatelugukathalu.com లో చదవడానికి కథ పేరు మీద క్లిక్ చేయండి)

ఎండమావులు

రచన : గన్నవరపు నరసింహ మూర్తి 

(కథా పఠనం: మల్లవరపు సీతారాం కుమార్)

హేమంతం!

ముస్సోరీలోని లాల్ బహుదూర్ శాస్త్రి నేషనల్ ఎకాడమీ ఆఫ్ ఎడ్మినిస్ట్రేషన్...

వారం రోజుల సెమినార్ కోసం నేనిక్కడకి వచ్చాను. పదేళ్ళ క్రితం ఐఐటీలో ఇంజనీరింగ్ చదివిన తరువాత ఐఏఎస్ కి ఎంపికై ఇక్కడే శిక్షణ తీసుకున్నాను. దేశానికి దిశానిర్దేశం చేసే ఐఎఎస్ ఆఫీసర్లందరికీ ఇక్కడే శిక్షణ ఇవ్వబడుతుంది.

బ్రిటిష్ వారు అన్ని కాలాల్లో వాతావరణం బాగుంటుందనీ ఈ అకాడమీని ఉత్తరాఖండ్ లోని ముస్సోరీలో నెలకొల్పారు. ఇది హిమాలయాలకు దగ్గర్లో ఉంది.

నేను ట్రైనింగ్ లో ఉన్నపుడే కౌమోదిత పరిచయం అయి అది పెళ్ళికి దారితీసింది. సాధారణంగా ఐయ్యేయస్ లందరూ తమ సహచర బ్యాచ్ మేట్స్ నే పెళ్ళాడుతుంటారు... బయట వారిని పెళ్ళాడితే అవగాహనా లోపం వల్ల ఉద్యోగ జీవితంలో సమస్యలొస్తాయనీ ఈ పని చేస్తుంటారు...

కౌమోదిత కన్నడమ్మాయి... ఆమె రాజకీయ శాస్త్రంలో డిగ్రీ చేసింది...

ఇక్కడ రెండేళ్ళు ట్రైనింగ్ పూర్తి చేసుకొన్న తరువాత మా ఇద్దరికీ ఆంధ్రా కేడర్ ఎలాట్ అయింది... ఇద్దరం పెళ్ళి చేసుకున్న తరువాత ఉద్యోగాల్లో చేరేము...

ఒరిస్సా సరిహద్దులో ఉన్న జిల్లాలో ఇద్దర్నీ సబ్-కలెక్టర్స్ గా నియమించారు.

మొదట్లో పనివత్తిడి ఎక్కువగా ఉండేది. చాలా మంది అనుకునేటట్లు ఐయ్యేయస్ లుక్రేటివ్ అంటే ఆకర్షణీయమైన ఉద్యోగం కాదు; డబ్బు సంపాదన కోసం అయితే ఇందులో చేరకూడదు; ప్రజలకి సేవ చేసే మనస్తత్వం ఉన్నవాళ్ళే దీన్ని ఎంచుకోవాలి. ఈ విషయాన్ని ట్రైనింగ్ కొత్తలోనే మాకు చెబుతారు.

ఉద్యోగంలో చేరిన తరువాత నాకు సమాజం మీద అవగాహన పెరిగింది. నేను ఎగువ మధ్యతరగతి కుటుంబానికి చెందిన వాడిని కావటం, ఐఐటిలో చదువువల్ల సామాన్యుడి గురించిన అవగాహన లేదు. పైగా నేను చదివింది ఎలక్ట్రికల్ ఇంజనీరింగ్. బాగా విరుద్ధమైనది;

దేశంలో 140 కోట్లు, రాష్ట్రంలో 5 కోట్లు... పేదవారు ఏభై కోట్లు జనాభా ఉన్న దేశం మనది. పేదవారందరికీ ప్రభుత్వ సాయం కావాలి. 'రోజూ ఆఫీసుకి అర్జీలతో వేలాదిమంది వచ్చేవారు. ఎక్కువగా గిరిజనులు, కూలి పనివారు.

ఐ ఏ ఎస్ అధికారులకు పని గంటలుండవు... ఇల్లే ఓ ఆఫీసు... స్వంత సమయం ఉండదు. జిల్లాలో ఎక్కడ చీమ చిటుక్కుమన్నా తెలిసిపోతుంది. మొదట్లో ఉడుకురక్తం వల్ల అందరికీ సహాయం చెయ్యాలనీ రాత్రి పగలు పనిచేసేవాడిని. ఆదివారం నాడు కౌమోదిత వచ్చేది. ఆమె పనిచేసే రెవెన్యూ డివిజన్ నేను పనిచేసే పట్నానికి వందకిలో మీటర్ల దూరంలో ఉండేది. మర్నాడు మళ్ళీ ప్రయాణం... ఇలా వివాహం జరిగిన మొదటి రెండు సంవత్సరాలు చాలా నిస్సారంగా గడిచాయని చెప్పొచ్చు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/TitNY8dxLEQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

నాకేమవుతోంది…? ఎపిసోడ్ 9

రచన, పఠనం: మల్లవరపు సీతారాం కుమార్ 

తరుణ్ కి స్పృహ తప్పడంతో జీప్ ను రోడ్డు పక్కగా ఆపమంటాడు ఏసిపి ప్రతాప్. ఉదయ్, జీప్ లో ఉన్న వాటర్ బాటిల్ లోని నీళ్లు తరుణ్ ముఖం మీదికి చిలకరిస్తాడు. కొద్దిసేపటికి తరుణ్ కాస్త కదులుతాడు. ఉదయ్ అతని భుజాలు పట్టుకొని కుదపడంతో అతను కళ్ళు తెరుస్తాడు.

"తరుణ్! ఆందోళన పడకు. ధైర్యంగా ఉండు" అన్నాడు ఉదయ్.

"నామీద ఏదో కుట్ర జరుగుతోంది. చనిపోయింది ప్రియా కాదు. నేను కచ్చితంగా చెప్పగలను. కానీ ప్రియను నేను హత్య చేసినట్లు, శవాన్ని మాయం చేయడానికి సందీప్ సహాయం తీసుకున్నట్లు అతను ఎందుకు చెప్పాడో నాకు అర్థం కావడం లేదు. ప్లీజ్.. నన్ను నమ్మండి" అభ్యర్థనగా అన్నాడు తరుణ్.

ప్రవల్లిక మాట్లాడుతూ "భయపడకండి మిస్టర్ తరుణ్! రిసార్ట్ మేనేజర్ చెప్పినంత మాత్రాన చనిపోయింది ప్రియా అనే నిర్ధారణకు పోలీసులు రారు. డీఎన్ఏ పరీక్షలో నిజం బయటకు వస్తుంది" అని చెప్పింది.

ఉదయ్ మాట్లాడుతూ "డీఎన్ఏ పరీక్షలు జరుపుతారని తెలిసినా ఆ శవం ప్రియాదేనని రిసార్ట్ మేనేజర్ సందీప్ ఎందుకు చెబుతున్నట్లు? నా ఉద్దేశంలో అతను ఈ హత్యను తప్పుదోవ పట్టించడానికి ప్రయత్నిస్తున్నాడు. డీఎన్ఏ ఫలితాలు రావడానికి సమయం పడుతుంది. ఈ లోపల మనం ప్రియా కోసం గాలించ కూడదనేదే అతని ఉద్దేశం. ఈ మధ్య కాలంలో ఏం జరగబోతోంది? ప్రియా కు హాని చేయాలనుకుంటే అంత సమయం అవసరం లేదు. ఆమె ద్వారా ఏదైనా పని చేయించాలనుకుంటున్నారా.. లేదా ఆమెను ఎందుకైనా ఒప్పించాలని ప్రయత్నాలు చేస్తున్నారా? అసలు ఆమె ఎక్కడ ఉందో.. అంతా కన్ఫ్యూజింగ్ గా ఉంది" అన్నాడు.

ఏసిపి ప్రతాప్ తరుణ్ తో మాట్లాడుతూ "చూడండి మిస్టర్ తరుణ్! మీ ఆవేదన మాకు అర్థమయింది. చనిపోయింది ప్రియా అనే అభిప్రాయానికి వచ్చి డిఎన్ఏ రిపోర్ట్స్  వచ్చేవరకు మేము నిర్లక్ష్యంగా ఉంటామని మీరు భావిస్తున్నారు. ఈ లోపల ప్రియా కు ఏదైనా అపకారం జరుగుతుందేమోనని భయపడుతున్నారు. కానీ మీకు పోలీసు దర్యాప్తు గురించి అవగాహన లేదు. కేవలం ఒకరు చెప్పేది విని ఒక అభిప్రాయానికి రాము. ఏ కేసునైనా అన్ని విధాలుగా పరిశీలిస్తాము. కేసు దర్యాప్తు చేస్తున్న మన సీఐ మురళి మంచి సమర్థుడు. ఇక ఉదయ్, ప్రవల్లికలు ఈ పరిశోధనలో తమ వంతు సహకారం అందిస్తున్నారు. డిటెక్టివ్ పురంధర్ గారు రేపు బెంగళూరు నుండి తిరిగి వస్తున్నారు. రేపటినించి మనకు అయన సహకారం కూడా ఉంటుంది. కాబట్టి మీరు అనవసరంగా ఆందోళన పడవద్దు. మీరు కోలుకున్నట్లు చెబితే మనం స్టేషన్ కు వెళదాం. లేదా మీకు అవసరమైతే మిమ్మల్ని హాస్పిటల్ లో అడ్మిట్ చేస్తాం" అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/uacZ8NR_kog

(కథ manatelugukathalu.com లో చదవడానికి కథ పేరు మీద క్లిక్ చేయండి)

అమ్మ ఆశీస్సులు

రచన: సిహెచ్. సీఎస్. శర్మ 

(కథా పఠనం: మల్లవరపు సీతారాం కుమార్)

కన్నతల్లి తన జీవిత కాలంలో తన బిడ్డల ఆనందానికి ఏదైనా వెనుకాడకుండా చేస్తుంది. అవసరమైతే ఎవరినైనా ఎదుర్కొంటుంది. తన తనయుడి కోరిక నెరవేర్చేటందుకు... అందుకే అన్నారు పెద్దలు అమ్మకు సాటి అమ్మేనని!!...

అంజి బాబు రాఘవేంద్ర అన్నదమ్ములు. వారి తల్లిదండ్రులు సావిత్రి, శేషగిరిరావు. రావు గారు పి.డబ్లి.యుడిపార్ట్మెంట్లో యి.యి.గా పనిచేస్తున్నారు. పెద్ద కొడుకు అంజిబాబు చాలా నిదానం... నెమ్మది, కోపం ఎప్పుడూ రాదు. పరమశాంతమూర్తి. తమ్ముడంటే ఎంతో ఇష్టం. చిన్నవాడు రాఘవేంద్ర మొండివాడు. ఆవేశపరుడు. తన మాటను కాదంటే అతనికి కోపం వస్తుంది. ఆ కోపానికి కారకులు స్నేహితులయితే... కొట్లాడుతాడు తల్లిదండ్రులు అన్న అయితే... అలుగుతాడు. మూగవాడు అయిపోతాడు.

కన్నబిడ్డలు... ఎలాంటి వారైనా తల్లిదండ్రులు వారి పట్ల ఎంతో అభిమానంగా ఉంటారుగా... ఆ కారణంగా పిల్లలు తప్పు చేస్తే చేయకూడదని నచ్చ చెబుతారు. వారి బాగును కోరుకుంటారు. వారు సరైన మార్గంలో నడిచి వృద్ధిలోనికి వస్తే ఎంతగానో సంతోషిస్తారు. ఈ దంపతులు వారి బిడ్డల విషయంలో అంతే.

అంజి బాబు తన తల్లిదండ్రుల ఆశలు తీర్చాడు. సివిల్ ఇంజనీరయ్యాడు. నెల్లూరులో హైవే డిపార్ట్మెంట్లోఏ.ఈ. గా మూడేళ్ల నుంచి పని చేస్తున్నాడు. రాఘవ ఎం.కామ్ ఫైనల్ ఇయర్. వారి సంసారంలో ఎంతో ఆనందం. వారి ఇల్లు ఆనంద నిలయం.

జగన్నాథుడి నిర్ణయాలు అనూహ్యాలు. శేషగిరిరావు తొమ్మిది నెలల కిందట కార్ యాక్సిడెంట్ లో స్వర్గస్తులైనారు. ఆనంద నిలయంగా ఉన్న ఆ ఇంటిని కారు చీకట్లు చుట్టూ ముట్టాయి. పతివియోగం సావిత్రికి సమ్మెట దెబ్బ అయింది.

అంజి బాబు దుఃఖాన్ని దిగమ్రింగి... తల్లిని, తమ్ముడిని ఓదార్చుతూ ఆసరాగా నిలబడ్డాడు. ముఖ్యంగా తల్లి విషయంలో ఆమె ప్రతి మాటను గౌరవించి పాటించేవాడు. ఆచరించేవాడు.

రాఘవ తల్లి అన్నల మాటలను ఆదరించేవాడు. పాటించేవాడు.

మూడు నెలల క్రిందటఎదురింట్లో... డిఎస్పి రామనాథం గారు, భార్య శ్రీమతి యుక్త వయసులో ఉన్న ప్రేమ వారి కుమార్తెతో వచ్చి చేరారు. ప్రేమ అందాల బొమ్మ.

రాఘవేంద్ర... ప్రేమను చూసిన తొలిచూపులోనే ఆమెను తనదాన్నిగా చేసుకోవాలని నిర్ణయించుకున్నాడు. ప్రేమ బిఏ చదువుతూ ఉంది. దార్లు కాచి, పలకరించి మెల్లగా ప్రేమను ముగ్గులోకి దించాడు మాటకారి మాయదారి రాఘవ. ఇరువురికి కొద్ది కాలంలోనే ఎంతో సన్నిహితం ఏర్పడింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/HVPX384er-c

(కథ manatelugukathalu.com లో చదవడానికి కథ పేరు మీద క్లిక్ చేయండి)

వినిపించని రాగాలు 5

రచన : గొర్తి వాణిశ్రీనివాస్

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ...

మధు భార్యాపిల్లలు ఊరెళ్ళి ఉంటారు.

ఆ సమయంలో అతని క్లాస్మేట్ రజిత అతని ఇంటికి వస్తుంది.

హాస్పిటల్ లో ఉన్న తన పెదనాన్నని చూడడానికి వచ్చినట్లు చెబుతుంది రజిత.

రజిత, గోడకు తగిలించి తన తండ్రి ఫోటో వంక తదేకంగా చూడడం గమనించాడు మధు.

అతని దగ్గర సెలవు తీసుకొని హాస్పిటల్ కు వెళుతుంది రజిత.

తన దగ్గర జ్యోతిష్యం చెప్పించుకున్న రాజేష్ కష్టాల్లో పడ్డం తెలిసి బాధ పడతాడు మధు.

మధు ఇంటి ప్రహరీ గోడకు ఆవలి వైపు ఉన్న చెట్టు ఆకతాయిలు చేరడానికి అవకాశంగా మారుతుంది.

దాంతో ఆ చెట్టును కొట్టేస్తే బాగుంటుందని ఆవేశంలో అంటాడు మధు.

వాచ్మెన్ ఆ చెట్టును నిజంగానే కొట్టెయ్యడంతో బాధ పడతాడు.

ఊరికి వెళ్లిన మధు కుటుంబ సభ్యులు తిరిగి వస్తారు.

భార్య చేతికి దొరికిన ఉత్తరం చూసి ఆందోళన పడతాడు మధు.

అది మధు చిన్ననాటి స్నేహితుడు సంపత్ కుమార్ జాతకం.

అందులో అతనికి భార్య చేతిలో మరణం ఉన్నట్లు ఉంటుంది.

ఆ కాగితం రజిత అక్కడ ఉంచినట్లు అనుమానిస్తాడు మధు.

రజితకు కాల్ చేసి, ఆమె భర్త పేరు సంపత్ కుమార్ అని తెలుసుకుంటాడు.

ఆమెను కలవడానికి ఆమె వెళ్లిన హాస్పిటల్ కి వెళ్తాడు.

ఇక వినిపించని రాగాలు ధారావాహిక ఐదవ భాగం చదవండి

మధు మనసంతా గందరగోళంగా ఉంది. ఏదో దుశ్శకునంలా అనిపించింది. ఏది ఏమైనా జరిగేదాన్ని నివారించలేం అని సత్య అంటూ ఉంటుంది. కావలసింది కాక తప్పదు.

విధే మనల్ని తీసుకువెళుతుంది. చెయ్యటానికీ, చెయ్యకపోవడానికీ మనం ఎవరం అంటూ వేదాంత తత్వాన్ని గురించి వద్దన్నా చెబుతుంది.

సత్య అమాయకురాలేం కాదు. తనూ చదువుకుంది. ఫిలాసఫీ ఎం ఏ చేసింది.

‘జీవితాన్ని దానిదారిన దాన్ని పోనివ్వాలి. మనం ఎటో తీసుకెళదాం అని ప్రయత్నిస్తే అది పాదరసంలా చేతికి అందదు సరికదా ముక్కలవుతుంది. జీవితాన్ని సరిగా అర్ధం చేసుకుంటూ అది మనకేం చెబుతోందో గమనించాలి’ అంటూ పెద్ద లెక్చర్లిస్తుంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/RPmmGUeBYlQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

పాణిగ్రహణం - 5

రచన: భాగవతుల భారతి

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

జరిగిన కథ....

హంసమంజీర ఒక రచయిత్రి, కవయిత్రి.

ఆమె చెల్లెలు సుగాత్రి.

హంసమంజీర పెదనాన్న పిల్లలు విరూపాక్ష, సాగర మేఖల.

సాగరమేఖల భర్తతో విడాకులు తీసుకున్న విషయం గుర్తుకొచ్చి బాధ పడతాడు విరూపాక్ష.

గతం గుర్తుకొస్తుందతనికి.

సాగరమేఖలకు వివాహం జరుగుతుంది.

ఇద్దరు ఆడపిల్లల తరువాత ఒక అబ్బాయి పుడతాడు.

కుటుంబ పోషణ లో భర్తకు చేదోడుగా ఉండటానికి తను కూడా ఉద్యోగంలో చేరుతుంది సాగరమేఖల.

అభినందించక పోగా అనుమానిస్తాడు భర్త.

అవమాన భారంతో ఆత్మహత్యకు ప్రయత్నిస్తుంది సాగరమేఖల.

హాస్పిటల్ లో కోలుకుంటుంది.

భర్తను, పిల్లల్ని వదిలి హైదరాబాద్ లో ఉద్యోగం చూసుకొని ఒంటరిగా ఉంటుంది ఆమె.

ఫోన్ రావడంతో గత కాలపు ఆలోచనలనుండి తేరుకుంటాడు విరూపాక్ష.

ఇక పాణిగ్రహణం ధారావాహిక ఐదవ భాగం చదవండి.

విరూపాక్ష ఫోన్ లో విషయం విని స్థాణువులా అయ్యాడు.

"అవును కేసువేసిందట. "

"అదేంటి ఆడపిల్లను తీసుకునిపోయిందిగా, ఎక్కడ ఎలాబ్రతుకుతోందిట?" విరూపాక్ష నొసలు ముడేస్తూ అడిగాడు.

అవతల్నించి ఏదో మాట్లాడారు.

"విడాకులకోసం అంత తొందరేంటిట?"

కాసేపు సంభాషణ తర్వాత ఫోన్ కట్ చేసి,

మళ్ళీ సోఫాలో కూలబడ్డాడు విరూపాక్ష.

"మళ్ళీ ఏమైందిరా విరూ!" తల్లి అడిగింది.

"అదేనమ్మా! మన లక్ష్మణ భార్య విడాకులకు పెట్టిందిట. "

"అదేమిట్రా!? ఇప్పటికి ఎన్ని విడాకుల కేసులు విన్నామో... ఏం జరిగిందో?.... లక్ష్మణ్ మంచిపిల్లవాడేనే!"

"అవును! చిన్న ఉద్యోగం.... చాలీచాలని సంపాదనతో నెట్టుకొస్తున్నాడు..... " అంటూనే పరధ్యానంగా లక్ష్మణ గురించి ఆలోచిస్తున్నాడు.

లక్ష్మణ చాలా అమాయకుడు. తనను ఆప్యాయంగా "అన్నయ్యా " అంటూ పిలిచేవాడు.

విరూపాక్ష ఆఫీసుకు వెళ్ళేటప్పుడూ.... నవ్వుతూ పలుకరించేవాడు.

తనకళ్ళముందే తన ఆధ్వర్యంలోనే పెళ్ళయింది. భార్య సునీలబీదింటిపిల్లే. చక్కనిదే. చదువుకోలేదు, కానీ చాలా తెలివైంది. అందరితోనూ కలివిడిగా, కపటం లేకుండా మాట్లాడుతూ ఉండేది.

ఆడపిల్ల పుట్టాక లక్ష్మణ సంపాదన సరిపోవటం లేదని....

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/gocKVBrJV9E