Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 8

రచన : S. సంపత్ కుమార్  

(కథా పఠనం: మల్లవరపు సీతారాం కుమార్)

గత ఎపిసోడ్ లో

కావ్య తన కూతురన్న నిజం చెబుతుంది శివమ్మ.

దాంతో కిరణ్, కావ్యల ప్రేమకు అడ్డు తొలగుతుంది.

మెరుపు టివి ఛానల్ లో బ్రేకింగ్ న్యూస్ వస్తుంది.

క్రైమ్ బ్రాంచ్ పోలీసు అధికారి విక్రమ్, కిరణ్ సహాయంతో డ్రగ్స్ రాకెట్ గుట్టు బయటపెడతాడు.

ఇక 'సంపత్ సినిమా కథలు’ ఎనిమిదవ  భాగం చదవండి.

షాలిని మీద నమ్మకంతో ఆమె కార్లో  బయలు దేరాడు కిరణ్.

అలా షాలినితో పాటు కార్లో వెళుతున్న మధ్యలో వినయ్ చెల్లెలు తనకు ఎలా ఫ్రెండ్స్ అయినది చెబుతుంది. వింటూనే ఆమె ఇచ్చిన చాక్లెట్ తిన్న తరువాత కిరణ్ కు ఏమైందో  తెలియదు. లేచి చూసేసరికి ఒక పాడుబడిన ఒక బంగ్లాలో ఒక రూము లో ఉన్నాడు. అప్పుడు తాను తిన్నది మత్తు చాక్లెట్ అని, మోసపోయి వచ్చానని తెలుసుకున్న కిరణ్ మత్తు నుండీ నిద్ర లేచేసరికి చుట్టు ప్రక్కల ఎవ్వరూ లేరు. నెమ్మదిగా లేచి ఆ రూంలో  నుండీ బయటకి వచ్చి చూస్తే ఒక పెద్ద హలూ, కొంతమంది యువతీ యువకులు మత్తులో మునిగి తేలుతున్నారు.

అప్పుడు కిరణ్ కి  అర్థం అయ్యింది. ఎవరో తెలిసిన వారే నన్ను కిడ్నాప్ చేసి ఈ డ్రగ్స్ మాఫియా ఉచ్చులో నెట్టాలని చేస్తున్నారు అని. తెలివిగా ఇక్కడ నుండి తప్పించు కొని వీళ్ళ  గుట్టు రట్టు చేయలని మత్తులో ఉన్న యువతీ యువకులు ఫోటోలు, వీడియో  సెల్ ద్వారా  తీశాడు. తర్వాత ఇంకో రూమ్ లో కి వచ్చి చూస్తే  ఒక పెద్ద మనిషి.. ఫేస్ సరిగా కనపడలేదు.. అతని ముందు ఉన్న ఇద్దరు  డ్రగ్స్ సరఫరా గురుంచి వివరిస్తూ ఉన్నారు. అది కూడా వాళ్లు మాట్లాడుతుంటే వీడియో రికార్డు చేశాడు. వాతావరణం సైలెంట్ గా ఉంది కాబట్టి వాళ్లు మాట్లాడే మాటలు సృష్టంగా రికార్డ్ అయ్యాయి.

అక్కడ నుంచి ఎలాగైనా తప్పించు కొందామని అనుకొనే లోపల అప్పుడే బయట నుంచి వస్తున్న ఒకడు చూసి గట్టిగా  అరచాడు. ఆ అరుపు విని కిరణ్ పారిపోతుంటే  చుట్టు నలుగురు వచ్చి పట్టుకొన్నారు. వారినుంచి పెనుగులాడుతూ ఉంటే  సెల్  అక్కడ ఉన్న చిన్న గుంతలో పడి పోయింది. ఆ సెల్  కనబకుండా అక్కడ ఉన్న ప్లాస్టిక్ డ్రమ్ము ఆ గుంత మీదకు నెట్టాడు. తర్వాత  షాలిని వచ్చి మత్తు ఇంజెక్షన్ ఇచ్చింది. అంతే మత్తులోకి జారిపోయడు. తర్వాత ఇంక అప్పుడే విక్రమ్ తన పోలీస్ బృందంతో ‘రెడీ టూ ఎటాక్’ ఆపరేషనుతో అక్కడ ఎటాక్ చేశాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/ds3ggrnrun0

(కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 17

రచన : పాండ్రంకి సుబ్రమణి 

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

సితారను పెళ్లి చేసుకోవడం ఇష్టం లేదని చెబుతాడు రాము.

ఆమెకంటే కమలను చేసుకోవడమే బెటరని చెబుతాడు.

ఇక ది ట్రాప్. . 17 వ భాగం చదవండి…

ఆరోజు ప్రభావతి పుట్టిన రోజు. ఊరినుంచి వేదమూర్తి ప్రోద్బలంతో పరమేశ్వర్ కమలం బయల్దేరారు వదినెతో కలసి పుట్టిన రోజు గడపడానికి. తిరుగు ప్రయాణానికి సిధ్ధమవుతూన్న వినోదినిని కామాక్షి వేద మూర్తి యిద్దరూ ఆపారు; పనిలో పనిగా తమ పెద్ద కోడలు ప్రభావతితో పరిచయం పెంచుకునే అవకాశం యేర్పడుతుందని, అంచేత వాళ్ళతో కలసి వెళ్ళమని అడిగారు. వాళ్ల ఉద్దేశ్యాన్ని అర్థం చేసుకున్న వినోదిని తల్లికి ఫోనులో ఓమాట చెప్పి తను బయల్దేరి రావటానికి రెండు మూడు రోజుల పడ్తుందని తెలియచేసి అన్నా చెళ్ళెల్లతో బయలు దేరింది.

అప్పటికే వరూధిని మందాకినిల రాకతో సందడిగా తయారయిన ఇల్లు ఈ ముగ్గురు రాకతో ఒక్కసారిగా కళకళగా ఫెళ్ళుమంది. పచ్చటి పెళ్ళి పందిరిలా మారింది. ప్రభావతి మొదట వినోదినికి యెదురు వెళ్ళి కౌగలించుకుంది-“పరమేశ్వర్ నీ గురించి చెప్పిందగ్గర్నించి నిన్ను చూడటానికి రావాలని ప్రయత్నించా ను వినోదినీ--కాని వీలుపడలేదు. మొన్న మీ బావ భువనేశ్ రాముగారితో కలసి మా చిన మాఁవగారి వద్దకు బయల్దేరేటప్పుడు కూడా ఆయనతో చేరలేక పోయాను. మంచిదయింది, నువ్వే తిన్నగా వచ్చేసావు. మా చిన్న మరది పరమేశ్వర్ మొహ మాటస్థుడు. అమ్మాయిలకు కొంచెం తొలగి ఉంటాడు. అది సీరియస్ గా తీసుకోకు. మా వారి తమ్ముడని చెప్పడం లేదు. కుర్రాడు మంచోడు. సంస్కారవంతుడు. ఆ మాటకు వస్తే ఆయింట్లోవాళ్ళందరూ సంస్కారవంతులే—“

వినోదిని నవ్వుతూ తలూపి ప్రభావతి కళ్ళలోకి ఆప్యాయంగా చూస్తూ ఆ విషయం తనకు తెలుసని చెప్తూ అడిగింది“పుట్టిన రోజు సంబరం యెప్పుడు ఆరంభమవుతుంది అక్కయ్యా! ”

“ ఇక్కడ మాత్రం కాదు. ఇక్కడ లైట్ గా మధ్యాహ్న భోజనాలతో సరి—మీ బావగారి మిత్రుడు రాము నా పుట్టినరోజు సంబరంతో బాటు ఈవెంట్ అంతా హోటెల్ స్ప్రింగ్ లో యేర్పాటు చేసినట్టున్నాడు. గ్రాండ్ గా ఉంటుందని మిత్రులిద్దరూ చెప్పారు. నువ్వూ కమలమూ పరమేశ్వరూ ఫుల్ జోష్ లో ఎంజాయ్ చేయండి. మీ ఎంజాయ్మెంటుని చూస్తూ కూర్చుంటే నాకదే పెద్ద సంబరం” అంటూ పరమేశ్వర్ నీ వినోదినినీ చేతులు పట్టుకుని తీసుకు వెళ్ళి వరూధినికి పరిచయం చేసింది;ఆమె తనకు క్లోజ్ ఫ్రెండని సన్ షైన్ ఫార్మా కంపెనీ లో సీనియర్ పొజిషన్ లో ఉందని.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/ToD0hQuGx8M

(కథ manatelugukathalu.com లో చదవడానికి కథ పేరు మీద క్లిక్ చేయండి)

పాణిగ్రహణం - 3

రచన: భాగవతుల భారతి

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో..

ఇంటికి వచ్చిన భర్త ముభావంగా ఉండటం గమనించి కారణం అడుగుతుంది హంస మంజీర.

తన మేనమామ కొడుకు సమీర్, భార్యతో విడాకులు తీసుకోబోతున్నట్లు చెబుతాడతను.

సాగరమేఖల భర్తతో విడాకులు తీసుకున్న విషయం గుర్తుకొచ్చి బాధ పడతాడు విరూపాక్ష.

గతం గుర్తుకొస్తుందతనికి.

ఇక పాణిగ్రహణం ఎపిసోడ్ 3 చదవండి.

సాగర మేఖలను చూసుకోటానికి పెళ్ళి వారు వచ్చారు.

తండ్రి లేడు కాబట్టి.... తల్లి రాకూడదనే ఆచారం ప్రకారం.... మేనమామా భార్య వచ్చారు. వస్తూ ఓ పురోహితుణ్ణి వెంటబెట్టుకు వచ్చారు.

ఇటువైపూ తండ్రిలేడు, విరూపాక్ష, పిన్నీ, బాబాయ్ వచ్చారు మాట్లాడటానికి.

పిల్లవాడి మేనమామ, "పిల్ల బాగుంది, చదువుకుంది. ఉద్యోగస్థురాలు.... ఇంకేం! శుభస్యశీఘ్రం. అయ్యగారూ! జాతకాలు సరిపోయాయంటారా?" అడిగాడు.

"అంటే.... అన్నీ బాగున్నాయి కానీ,

జాతకాలలో కొద్దిగా లోటుంది. " నీళ్ళు నమిలాడు పంతులుగారు.

"మా రోజుల్లో ఇవన్నీ చూసి చేసారామా పెళ్ళిళ్ళూ... ఇవాళారేపూ ఇదో వంక వచ్చేసింది. జాతకాలు కలవలేదు అనీ.... "

మేనమామ పెళ్ళాం దీర్ఘాలుతీసింది.

"జాతకాలు కలవకపోవటం ఏం లేదండీ... చిన్న లోపం అంతే!... పేరు మార్చితే సరిపోతుంది " పంతులుగారు పంచాంగం తిరగేసాడు.

విరూపాక్ష బాబాయ్ విరూపాక్ష ను బయటికి తీసుకుపోయి...

"పిల్ల, ఉద్యోగం... మిగతా లాంఛనాలు నచ్చినాయ్ కాబట్టి.... పేరు మార్చమని చెబితే పోలా! మనం మాత్రం ఇంతకన్నా మంచిసంబంధం తేగలమా ?ఆలోచించు విరూ! " అన్నాడు.

"నాన్న ఉంటే ఏం చేసేవాడో తెలీదు. అక్కకూ ఓ అభిప్రాయం ఉంటుందిగా... అడిగీ....

"అక్కా! ఓ సారి ఇలావస్తావా?"

వచ్చింది.

"విన్నావుగా! అతను నచ్చాడా? పేరు మార్చుకోటం ఇష్టమేనా? మేమేదో పెళ్ళి సంబంధాలు చూడటానికి కష్టపడి పోతామని.... రాజీ పడవద్దు. నీ కిష్టమయితేనే! బలవంతమేం లేదు. " చెప్పాడు.

"మన మధ్యతరగతి కుటుంబాలలో, ఇంతకన్నా మంచి ఎక్కువ ఆశించటం... అందులోనూ.... నాన్నని పోగొట్టుకున్న

మనం.... నాకిష్టమే.... "

"మన:స్ఫూర్తిగా చెబుతున్నావా అక్కా!"

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

వినిపించని రాగాలు 3

రచన : గొర్తి వాణిశ్రీనివాస్

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

రజిత, గోడకు తగిలించి ఉన్న ఫోటోల వంక తదేకంగా చూడడం గమనించాడు మధు.

ఫొటోలో ఉన్న మధు తండ్రి వంక ఆసక్తిగా చూసింది రజిత.

అతని దగ్గర సెలవు తీసుకోని హాస్పిటల్ కు వెళుతుంది.

తన దగ్గర జ్యోతిష్యం చెప్పించుకున్న రాజేష్ కష్టాల్లో పడ్డం తెలిసి బాధ పడతాడు మధు.

ఇక వినిపించని రాగాలు 3 వ భాగం చదవండి…

మధు లేచి కిటికీ దగ్గరకు వచ్చి చూస్తే అక్కడేం కనబడలేదు. కానీ ఏదో కదిలి వెళ్లినట్టు స్పష్టంగా కనిపించింది. మళ్లీ కనిపిస్తుందేమో అని అటువైపే కాసేపు చూస్తూ ఉండిపోయాడు. నీడలైతే కనబడలేదుగానీ ఏవో శబ్దాలు మాత్రం వినబడుతున్నాయి.

బయట లారీ లోడ్ దించుతున్నారేమో అనుకున్నాడు. అదీ ఈ టైంలో. వీళ్ళకి వేళా పాళా లేదేంటో అనుకుంటూ కిటికీలు మూసొచ్చి మళ్లీ నిద్రకి ఉపక్రమించాడు.

కానీ ఏవేవో శబ్దాలు అతని చెవిలో రొదపెడుతున్నాయి.

వాటి అంతరార్ధం మధుకి అప్పుడర్థం కాలేదు.

కానీ ఏ కుదుపులూ లేకుండా సాగిపోతున్న అతని జీవిత ప్రయాణంలో ఎన్నో మలుపులకి ఆ రాత్రి నాంది అని తెలియని మధు నిద్రలోకి జారుకున్నాడు.

విధి వ్యక్తులచేత కొన్ని పనులు చేయిస్తుంది. అవి అసంకల్పిత చర్యలైనా పర్యవసానం మాత్రం అనుభవించి తీరాల్సిందే. ఎప్పుడో పడబోయే పశ్చాత్తాపానికి ఇప్పుడే బీజం పడుతుంది. మధు యాధాలాపంగా పెదవి దాటిన ఒక చిన్న మాట ఒక విశాల వృక్షాన్ని కూల్చేసింది.

అనాలోచితంగా అన్న ఒక చిన్న మాట ఎక్కడో ఒక నిండు జీవితాల్ని మార్చేసింది. తన మాటకి పర్యవసానం ఎలా ఉండబోతోందో తెలుసుకునేరోజు ఇంత తొందరగా వస్తుందని మధుకి తెలియదు.

మధులేచేసరికి బారెడు పొద్దెక్కింది. వాచ్మెన్ వచ్చి డోర్ కొట్టాడు. బద్ధకంగా లేచి తలుపు తీసాడు.

"సార్ మీరు చెప్పినపని గుట్టుచప్పుడు కాకుండా నిన్న రాత్రే చేసేసాను. ఇక సమస్య తీరిపోయినట్టే" అన్నాడు.

(కథ manatelugukathalu.com లో చదవడానికి కథ పేరు మీద క్లిక్ చేయండి)

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/vh87roPUeJA

(కథ manatelugukathalu.com లో చదవడానికి కథ పేరు మీద క్లిక్ చేయండి)

రచన: సిహెచ్. సీఎస్. శర్మ 

(కథా పఠనం: మల్లవరపు సీతారాం కుమార్)

గత ఎపిసోడ్ లో

రంగా, వసంత్ లు పోలీస్ స్టేషన్ కి వెళతారు.

అక్కడ బాంబ్ బ్లాస్ట్ జరిగిన రోజు ఏం జరిగిందో వాకబు చేస్తారు.

వసంత్ స్నేహితురాలు ప్రీతి అతనికి కాల్ చేస్తుంది.

ఇక కస్తూరి రంగ రంగా - ఎపిసోడ్ 11 చదవండి.

వసంత్ దేశాయ్ డి. ఐ. జి. , కస్తూరిరంగా యస్. పి. టిఫిన్ తిని కారును సమీపించారు.

“సార్.... నేను నడుపుతాను... " అన్నాడు వసంత్.

"ఓకే!... "

ఇరువురూ కార్లో కూర్చున్నారు. వసంత్ కారును స్టార్ట్ చేసి రోడ్లో ప్రవేశించి ముందుకు సాగాడు.

రంగా సెల్ మ్రోగింది.

నెంబరు చూచి చిరునవ్వుతో చెవి వద్దకు చేర్చుకొన్నాడు.

"హలో!... "

“ఆ... ఎలావున్నారు?... "

"బాగున్నాను... నీ బావా అక్కా పిల్లలు !... "

"అంతా బాగున్నాము... "

"టిఫిన్ చేసి నేను, మన వసంత్ రేపల్లెకు బయలుదేరాము... "

"నన్ను అక్కడికి తీసుకొని వెళ్లరా!... "

"ఆరోజు త్వరలో రాబోతూవుంది. తప్పకుండా తీసుకొని వెళతాను. కొద్ది రోజులు ఓపిక పట్టాలి... ప్రియా!... " నవ్వాడు రంగా...

"ఆవూరి పేరు వినగానే మదిలో... ఎన్నో చేదు తీపి జ్ఞాపకాలు... విరక్తిగా నవ్వింది చిన్నీ. క్షణం తర్వాత...

"ఒకసారి చూడాలని వుంది.. " మెల్లగా చెప్పింది.

"అలాగే!... మరికొంత కాలం ఓపికపట్టు. అన్ని సమస్యలను పరిష్కరించి నిన్ను రేపల్లెకు తీసుకొని వస్తాను చిన్నీ.. " అనునయంగా చెప్పాడు కస్తూరిరంగా.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/D8y5eeQsDow

(కథ manatelugukathalu.com లో చదవడానికి కథ పేరు మీద క్లిక్ చేయండి)

పంజరం

రచన : గన్నవరపు నరసింహ మూర్తి 

(కథా పఠనం: మల్లవరపు సీతారాం కుమార్)

అది విశ్వవిద్యాలయ ఆర్ట్స్  పీజి కళాశాల. సాయంత్రం నాలుగు గంటలైంది. ఆఖరి పిరీయడ్ పూర్తికావడానికి  ఇంకా అరగంట సమయం పడుతుంది ; ప్రసాద్ ఆ ప్రాంగణం  పక్కనే ఉన్న మామిడి చెట్టు కింద ఉన్న బెంచీ మీద కూర్చున్నాడు.

అతను అదే విశ్వవిద్యాలయ సైన్స్  పీజీ కళాశాలలో   ఎమ్ఎస్సీ ఫైనల్ సంవత్సరం చదువుతున్నాడు. ఆ రోజు అతనికి ఆఖరి పిరియడ్; రీడర్ రాలేదు. అందుకే అతను ఇక్కడికి వచ్చి మధురిమ గురించి ఎదురు చూస్తున్నాడు. మధురిమ ఆఖరి సంవత్సరం ఎమ్ఎ చదువుతునాది. ఇద్దరికీ లైబ్రరీలో పరిచయం అయి అది స్నేహంగా బలపడి రెండు సంవత్సరాల తరువాత ప్రేమగా పరిణామం చెందింది.

ప్రసాద్ రోజూ సాయంత్రం పూట ఆర్ట్స్ కాలేజీకి వచ్చి మధురిమను కలుస్తాడు. ఆ తరువాత వారిద్దరూ బీచ్ దగ్గరికి వెళ్ళి కొద్ది సేపు కబుర్లు చెప్పుకొని మళ్ళీ హాస్టల్ కి  వచ్చేస్తారు.

ఇంతలో క్లాసు పూర్తైనట్లు బెల్ వినిపించింది. ఐదు నిమిషాల తరువాత మధురిమ బయటకు వచ్చి ప్రసాద్ ని కలిసింది. ఆ తరువాత ఇద్దరూ బీచ్ వైపు బయల్దేరారు...

సాయంకాలం కావడంతో సముద్రతీరం అంతా కోలాహలంగా ఉంది. ప్రసాద్, మధురిమ జనాలకు దూరంగా ఉన్న సరుగుడు చెట్ల వైపు వెళ్ళి నిర్మానుష్యంగా ఉన్న ప్రాంతంలో కూర్చున్నారు ..

తీరం వెంబడి చల్లటి గాలులు వీస్తున్నాయి. ఆ గాలికి మధురిమ ముంగురులు ఎగిసి పడుతునాయి. ప్రసాద్ మధురిమనే చూస్తున్నాడు. మధురిమ పెద్ద పెద్ద కళ్ళు, తెల్లటి మేని ఛాయ, పొడవైన జుట్టుతో ముఖం తిప్పుకోలేనంత అందంగా ఉంటుంది. ఆ అందాన్ని చూసీ అతను ఆమెని బాగా ఇష్టపడ్డాడు.

ప్రసాద్ వాళ్ళది విజయనగరం దగ్గర చిన్న పల్లె. అతని తండ్రి రామారావు అక్కడే ఉపాధ్యాయుడు, వ్యవసాయం చేస్తుంటాడు. మధురిమ తండ్రి టాటా సంస్థలో ఎకౌంట్స్ ఆఫీసర్.. ఆమె ఒక్కర్తే కూతురు.

“మీ ఫైనల్ ఎగ్జామ్స్ ఎప్పుడు?" అని అడిగాడు ప్రసాద్...

"మళ్ళీ నెల 5 నుంచి; మీవి?”

“మావి ఎనిమిది  నుంచి; పదిహేను  తో సరి.;అది సరే తరువాత ఏం చేస్తావు?” అని అడిగాడు ప్రసాద్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/x7B4emle9ZQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

నాకేమవుతోంది…? ఎపిసోడ్ 7

రచన, పఠనం: మల్లవరపు సీతారాం కుమార్ 

గత ఎపిసోడ్ లో...

హన్సిక మూడు రోజులనుండి కనపడ్డం లేదని ప్రవల్లిక చెప్పడంతో ప్రమీలతో పాటు ప్రభాకర రావు లో  కూడా ఆందోళన మొదలవుతుంది.

ప్రియ కూడా కాల్ లిఫ్ట్ చెయ్యడం లేదని చెబుతాడు ప్రభాకర రావు.

స్నేహితుడి రూమ్ లో ఉన్న తరుణ్ ని కలుస్తాడు ఉదయ్.

హన్సికని తను హత్య చేసినట్లు ప్రియ తనతో చెప్పిందని అంటాడు తరుణ్.

ఇంతలో ఏసిపి నుండి కాల్ రావడంతో రిసార్ట్ దగ్గరకు వెళ్తాడు ఉదయ్.

ఇక ‘నాకేమవుతోంది…?’ ధారావాహిక ఏడవ భాగం చదవండి…

తన కార్లో రిసార్ట్ దగ్గరకు వెళతాడు ఉదయ్. అప్పటికే  సీఐ మురళి, డిటెక్టివ్ పురంధర్ గారి అమ్మాయి ప్రవల్లిక అక్కడ ఉంటారు. వాళ్లకు కాస్త దూరంగా ఎస్సై రంగనాథం, అతని పక్కనే రిసార్ట్ మేనేజర్ సందీప్ చేతులు కట్టుకొని అతివినయం చూపిస్తూ ఉంటారు. ఉదయ్ రాగానే మురళి, ప్రవల్లిక అతన్ని విష్ చేస్తారు. గతంలో డ్రగ్స్ రాకెట్ పట్టుకున్న కేసులో ముగ్గురూ కలిసి పనిచేసే ఉంటారు.

ఉదయ్ కూర్చోగానే మురళి అతనితో "ఇప్పుడే మీ బాబాయి ఏసిపి ప్రతాప్ గారు ఫోన్ చేశారు. మీరు ఇక్కడికి వస్తున్నట్లు చెప్పారు. మీ సహాయంతో ఈ కేసు తొందరగా ఓ కొలిక్కి వస్తుందని ఆశిస్తున్నాను" అన్నాడు.

"మీలాంటి అనుభవజ్ఞులు కేసు డీల్  చేస్తున్నారు పైగా పురంధర్ గారి అమ్మాయి ప్రవల్లిక పక్కనే ఉన్నారు. ఇక ఈ కేసులో నా అవసరమే ఉండదు అనుకుంటున్నాను" నవ్వుతూ అన్నాడు ఉదయ్.

తరువాత మురళి రంగనాథం వంక చూస్తూ "రిసార్ట్ రికార్డులు సీజ్ చేయమని ఏసిపి గారు మీకు స్వయంగా చెప్పారు కదా" అని అడిగాడు.

"చెప్పారు సార్! నేను బయలుదేరబోతూ ఉండగా సందీప్ స్టేషన్ కి వచ్చాడు. తన రిసార్ట్ లో దొంగతనం జరిగిందని, రిసార్ట్ రిజిస్టర్లు, సీసీ కెమెరా తాలూకు హార్డ్ డిస్క్ ఎవరో  ఎత్తుకొని పోయారని కంప్లైంట్ చేశాడు. తరువాత నేను రిసార్ట్ కు వెళ్లి అతను చెప్పిన విషయాలు నిజమని ధ్రువీకరించుకున్నాను. ఆ తర్వాత, జరిగిన విషయాన్ని ఏసిపి గారికి ఫోన్ చేసి చెప్పాను" అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/lDW8RAF6p5Y

(కథ manatelugukathalu.com లో చదవడానికి కథ పేరు మీద క్లిక్ చేయండి)

అంతర్ముఖం

రచన: ఇందిర వెల్ది

(కథా పఠనం: మల్లవరపు సీతారాం కుమార్)

నేను వృద్ధాశ్రమంలో చేరి రేపటికి మూడు సంవత్సరాలవుతుంది. నా పేరు ఎల్లయ్య బాబు. రెవెన్యూ డివిజనల్ అధికారిగా పని చేసి రిటైర్డ్ అయ్యాను.

నాకు ఇద్దరమ్మాయిలు. ఇద్దరికీ పెళ్ళిళ్ళు చేశాను.

నా భార్య నాలుగు సంవత్సరాల క్రితం గర్భాశయ ముఖ ద్వార క్యాన్సర్ తో చనిపోయింది. నాకూ బిపి, షుగర్. పైగా ఎయిడ్స్ తో బాధపడుతూ ఒంటరిగా ఉంటే కష్టమని తలచి ఇదిగో ఈ ఓల్డేజ్ హోమ్ లో జాయిన్ అయ్యాను. నా పిల్లలు అప్పుడప్పుడూ వచ్చి చూసి వెళుతుంటారు.

ఎప్పుడు పోతానో తెల్వదు. ఇంత కాలం బ్రతికానంటే కారణం? నేను ప్రతిరోజూ ఎక్సర్ సైజులు, యోగా చేయబట్టేనేమో!

నాకు వ్యక్తిగత సహాయకునిగా గిరిధర్ ను నియమించారు ఆశ్రమం వాళ్ళు. అతడు ఏ పనైనా పద్ధతిగా చేస్తాడు.

చాలా తెలివిగలవాడు.

ఆశ్రమంలోని ప్రతి మొక్కను, చెట్టునూ వర్ణించి చెబుతాడు, ఏవి ఎప్పుడు పూస్తాయో, ఎప్పుడు వాడుతాయో వివరిస్తాడు. కానీ ప్రతి రోజూ రాత్రి తన గదిలోకి వెళ్ళి గొల్లుమని అరగంటైనా ఏడుస్తాడు. ఆ సమయంలో ఎవ్వరు ఆగబట్టినా ఆగడు. ఇదే నేను వచ్చినప్పటి నుండి గమనిస్తున్న విషయం. ఈ వేళ నేనూ, తనూ కలిసి ఉదయాన్నే దగ్గరలో ఉన్న పార్కుకు వెళ్ళాము. చాలా ముభావంగా కనిపించాడు. ఇవ్వాళ తన పెళ్ళి రోజట. ఏమనుకున్నాడో ఏమో కానీ నేను అడగకముందే తన కథ చెప్పడం ప్రారంభించాడు. తన తల్లిదండ్రులకు తాము పదిమంది సంతానమట. తనే ఆఖరివాడట.

పెద్ద వాళ్ళందరూ తలో పని చేసుకుని బ్రతుకుతున్నారట.

తనేమో! మొక్కల పెంపకాన్నే వృత్తిగా పెట్టుకుని నర్సరీ నడుపుతుండేవాడట. అతని భార్య కూడా ఇంటర్ చదివిందట. చాలా తెలివికలదట. తనకు కాస్త ఎక్కువగా డబ్బు, నగలు, బంగళాలు, వాహనాల మీద మోజట. ఏదో భగవంతుని దయ వలన ఏదో ప్రభుత్వ శాఖలో అటెండర్ గా ఆమెకు ఉద్యోగం వచ్చిందట.

గిరిధర్ ఏమీ అందగాడు, ఆజానుబాహుడు కాదు, కురచనైన, చిన్న దేహం. పైగా ఇరవైనాలుగు గంటలూ పనిలోనే ఉండి సరిగ్గా తినేవాడు కాదట, ఫలితంగా కృషించిన శరీరంతో ఉంటాడు. మొత్తానికి తన కష్టం వలన ఓ ఇల్లు కట్టుకోగలిగాడు. ఇక అటెండర్ గా చేరిన అతని భార్య ఆఫీసులో హోదా, దర్పంతో వెలిగిపోతున్న అధికారులకు కొందరికి అన్నీ సమర్పించుకుని ఆనందం పొందటం మొదలు పెట్టిందట.

అంతటితో ఆగితే బాగుండేది. రాజును చూసిన కళ్ళతో మొగున్ని చూసి మొత్తుకున్నట్లుగా డాబు, దర్పంతో వెలిగిపోయే అధికారులను చూసిన కళ్ళతో మట్టి పిసుక్కుంటూ, మాసిన బట్టలతో కనిపించే మొగుడు, మొగునిగా కనిపించలేదట ఆమెకు.

సంసారం చేయడం పూర్తిగా మానేసిందట. భర్త బట్టలు ఉతకడం, భర్తకు అన్నం పెట్టడం, ఆలనాపాలనా చూడటం పూర్తిగా మానేసిందట. పిల్లలూ తనవైపే, ఎందుకంటే?

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/sjXRWG5c_b0

(కథ manatelugukathalu.com లో చదవడానికి కథ పేరు మీద క్లిక్ చేయండి)

పుట్టినరోజు కానుక

రచన: లంకా శంకర నారాయణ

(కథా పఠనం: మల్లవరపు సీతారాం కుమార్)

సమయం మధ్యాహ్నం గం. 2.00 అవుతోంది.  శ్రీవిద్యని స్కూల్ నుంచీ తీసుకురావటానికి స్కూటర్ తీసుకుని బయలుదేరాను.

ఇంతకీ శ్రీవిద్య ఎవరో  మీకు తెలీదు కదా, నా మనవరాలు. ఇప్పుడు దానికి 5 ఏళ్ళు.  మా ఇంటి దగ్గర స్కూల్లో ఒకటవ తరగతి చదువుతోంది.

నేను స్కూల్ దగ్గరకు వెళ్ళే సరికి అప్పుడే పిల్లలను బయటకు పంపిస్తున్నారు.

నేను వెళ్ళి గేటు దగ్గర నిలబడగానే మా శ్రీవిద్య రోజూలాగే పరిగెత్తుకుంటూ వచ్చి నా మెడ చుట్టూ చేతులు వేసి నన్ను గట్టిగా హత్తుకుని వదిలిపెట్టింది.

నేను దాని స్కూల్ బ్యాగు, లంచి బ్యాగు తీసుకుని దాని చెయ్యి పట్టుకుని నా స్కూటర్ దగ్గరకు తీసుకువచ్చా.

అప్పుడు అది  “తాతా! ఇవాళ మా క్లాస్ లొ శ్రీకర్ పుట్టినరోజు” అని జేబులొనుంచి ఒక చాక్లెట్ తీసి నా చేతిలో పెట్టింది.

నేను చాక్లెట్ కవర్ తీసి దాని నోట్లో పెడుతుండగా “అదిగో..  వాడే  తాతా శ్రీకర్” అంది.

నేను తల తిప్పి అది చూపించిన వైపు చూసా.

ఒక పిల్లవాడు వాళ్ళ అమ్మ చెయ్యి పట్టుకుని వస్తూ కనిపించాడు.

వాళ్ళిద్దరూ మా దగ్గరకు రాగానే శ్రీకర్ వాళ్ళమ్మతో “అమ్మా! శ్రీవిద్య వాళ్ళ తాతకు కూడా ఒక చాక్లెట్ ఇస్తా” అని బ్యాగులొ నుంచి ఒక చాక్లెట్ తీసి నా దగ్గరకు వచ్చి "అంకుల్" అని ఏదొ చెప్పబోయాడు.

నేను “అంకుల్ ఏమిటిరా.. ‘తాతా’ అని పిలువు” అన్నా.

అప్పుడు వాడు “ఇవాళ నా పుట్టిన రోజు తాతా”  అని చాక్లెట్ నా చేతిలో  పెట్టాడు.

నేను 'హ్యపీ బర్త్ డే' నాన్నా అని చెప్పి జేబులొ నుంచి ఒక 500 రూపాయల నోటు తీసి వాడి చేతిలొ పెట్టబోయా.

వెంటనే వాడు “నాకు వద్దు తాతా” అన్నాడు.

“వద్దా.. మరి ఏమికావాలి రా?” అన్నా.

“మరి.. మరి..” అని మొహమాట పడుతున్నాడు.

“చెప్పు నాన్నా! ఏంకావాలి?” అన్నా.

“మరి స్కూల్ అయిపొగానే శ్రీవిద్య పరిగెత్తుకుంటూ వచ్చి నిన్ను 'హగ్' చేసుకుంటుందే.. అలా ఒకసారి నిన్ను 'హగ్' చేసుకోనా” అన్నాడు.

ఏమిటీ విచిత్రమైన కోరిక! నాకు ఏమి సమాధానం చెప్పాలో తెలీలా.

పొనీ పుట్టిన రోజు కదా, వాడి కోరిక తీర్చేస్తే పోలా.. అనుకున్నా.

ఒకసారి తల తిప్పి శ్రీవిద్య వంక చూసా.

అప్పటికే అది కోపంగా అటు తిరిగి కూర్చుంది.

చిన్న పిల్లల మనస్తత్వం చాలా చిత్రంగా ఉంటుంది. నాది అనుకున్న దాన్ని ఎవరితో పంచుకోవటానికి వాళ్ళు ఇష్ట పడరు.

నేను శ్రీవిద్య వంక తిరిగి “కన్నా! ఇవాళ వాడి పుట్టినరోజు కదా.. వాడు అడిగింది ఇస్తే బాగుంటుంది కదా” అన్నా.

“సరే. అయితే ఒక్కసారే” అంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/L8lfba2HDOI

(కథ manatelugukathalu.com లో చదవడానికి కథ పేరు మీద క్లిక్ చేయండి)

కుమ్మరి సారె

రచన: C. జగపతి బాబు

(కథా పఠనం: మల్లవరపు సీతారాం కుమార్)

మట్టిని నమ్ముకుని బ్రతుకుతున్న మట్టి మనిషి కథ ఇది.

ఎండిన బావిని పూడ్చకుండా అలాగే ఉంచితే, ఎప్పటికైనా ఊట వస్తుందన్నది ఎంత నిజమో- మన చేతిలో పని ఉంటే, దాన్ని నమ్ముకుని బ్రతుకుతుంటే, ఆ పని ద్వారా మనకి ఎప్పటికైనా గౌరవం లభిస్తుందన్నది కూడా అంతే నిజమని నిరూపించిన ఓ మట్టి మనిషి కథ ఇది.

మట్టిని ముద్దగా చేసి ఆకట్టుకునే ఆకారాలు తీర్చిదిద్దడం ఈయన వృత్తి (కుమ్మరి వృత్తి). సారే (చక్రం)ను తిప్పుతూ అద్భుతమైన ప్రయోగాలు చేయడం ఈయనకు అలవాటే. ప్రతి ఒక్క ఇంట్లో కుమ్మరి వస్తువులే ఉండేవి ఒకప్పుడు. వాటిలో వండుకొని తింటుంటే ఆరోగ్యం మనకు, ఆయనకు చేతునిండా పని రెండూ ఉండేవి ఒకప్పుడు. ఈ ప్లాస్టిక్ మరియు స్టీల్ వస్తువులు ఎక్కడి నుంచి వచ్చాయో కానీ కుమ్మరి కడుపుల మీద కొట్టాయి. కూటికి లేకుండా చేశాయి. వృత్తిని వదిలి పట్నాలకు, విదేశాలకు వలసలు వెళ్లేలా చేశాయి.

‘అందరూ ఎలాగైనా కొట్టుకుపోండి. నేను మాత్రం నా వృత్తికి అన్యాయం చేయలే’నని మొండిపట్టుతో ఎక్కడికీ పోకుండా కూర్చున్నాడు నలబై సంవత్సరాల సారయ్య.

"ఏంటయ్యా నువ్వు? నావృత్తి.. నావృత్తి.. అంటావు? ఏ రోజైనా నీకు కడుపునిండా బువ్వ పెట్టిందా నీ వృత్తి? లేదు కదా! అలాంటప్పుడు కూటికి చాలని కులవృత్తిని వదలాలయ్యా! కాలం ఎటు వెళ్తుందో నీకు అర్థం కావట్లేదు?" అంటూ సారయ్యను నిలదీస్తోంది సారమ్మ.

"నువ్వు ఎన్నైనా చెప్పవే, నేను మాత్రం పట్నానికి రానంటే రాను. నీ కొడుకు నా మాట వినకుండా పోయాడు కదా! నువ్వు కూడా వాడితో పాటు వెళ్ళిపో, నా చావు నేను చస్తాను" అన్నాడు సారమ్మతో కుండలను బట్టీలో (కుండలను కాల్చడం కోసం ) పెడుతూ సారయ్య.

"ఉన్నది ఒక కొడుకు, ఒక కూతు”రని కమల వైపు చేయి చూపిస్తూ... “దీనికి వయసొచ్చింది, పెళ్లి చేయాలి?. కొడుకు సంపాదన ఏం సరిపోతుంది?. అందరం వెళ్లి, ఏదో ఒక పని చేసుకుంటే, నెల అయ్యేసరికి కొంచెం డబ్బు చేతికి వస్తుంది. కమల పెళ్లి చేసిన తరువాత కొడుకు పెళ్లి చేయచ్చయ్య" అంది సారమ్మ.

"నీకు నేను ఒక్కసారే చెప్పేది. పదేపదే చెప్పలేను. నన్ను వదిలేయ్. నా మానాన నేను బతుకుతాను" అన్నాడు కొంచెం విసుగ్గా సారయ్య.

"ఏంటి సారమ్మ పెద్దమ్మ.. ఉదయాన్నే మా పెద్దయ్య మీదికి రగడకు వేసుకున్నావ్?" అంటూ సాలెమ్మ అక్కడికి వచ్చింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/50PdXSQpXTE