Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంబరాల దీపావళి

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

మన హైందవుల ప్రతి పండుగా అందరికీ ఆనందదాయకమే. ఎంత చెట్టుకు అంతగాలి అన్నట్లు పండుగ పర్వదినాల్లో ఎవరి స్థితివారు... సంబరంగా గడుపుతారు. ఆనందానికి కలిమిలేములు హద్దులు కావు. మనస్సు ముఖ్యం...

ఆరోజు ఆదివారం. సమయం సాయంత్రం

ఆరుగంటలు ప్రాంతం.

అశ్విని తన తల్లి గాయత్రి, తండ్రి శాంతారావు, మేనత్త రుక్మిణి, ఆమె భర్త భాస్కర్, వారి పిల్లలు ధరణి, బలరాం, అపర్ణలతో కలసి ఐదు గంటల ప్రాంతంలో రెండు కార్లలో వారంతా బీచ్ కి వచ్చారు.

సముద్ర ఒడ్డున యిసుకలో కొన్ని చోట్ల దగ్గర దగ్గరగా దాదాపు పదిహేను చెక్క బోట్లు వున్నాయి. పిల్లలు నలుగురూ... హైడ్ అండ్ సీక్ ఆటను ఆడడం ప్రారంభించారు. మరి కొంతమంది వారి వారి పిల్లలు, కుటుంబ సభ్యులతో అక్కడికక్కడ బీచ్ లో కూర్చుని ఉన్నారు. పెద్దలు శాంతారావు... గాయత్రి, భాస్కర్... రుక్మిణి సరదాగా తమ కాలేజీ అనుభవాలను గురించి, ఉపాధ్యాయులు, లెక్చరర్ల గురించి... ఒకరి తర్వాత ఒకరు చెబుతూ ఉంటే మిగిలిన వారు వింటూ మధ్య మధ్యన చెప్పే వారిని ప్రశ్నలు అడుగుతూ, గత స్మృతులను తలచుకుంటూ, వారి వారి ధైర్య సాహసాల గురించి చెప్పుకుంటూ... ఆ సాగర తీరంలో చల్లని గాలిలో ఎంతో ఆనందంగా నవ్వుకొంటూ చెప్పే వారి మాటలు వింటూ ఉన్నారు. పిల్లలు నలుగురికి వయసు తేడా రెండేసి సంవత్సరాలు. అందరికంటే పెద్ద రుక్మిణీ కొడుకు భరణి. వాడి వయస్సు పదిహేను. అందరికంటే చిన్న అపర్ణ వయస్సు పదకొండు.

ఆ పెద్దలు నలుగురు ఎల్ఐసి ఆఫ్ ఇండియా లో మంచి హోదాలో పనిచేస్తున్నారు. గాయత్రి, సీతారామ్ లు వైజాగ్ లో... రుక్మిణి, భాస్కర్ లు హైదరాబాదులో ఉంటున్నారు.

భరణి టెన్త్... బలరాం ఎయిత్... అపర్ణ సిక్స్త్... అశ్విని ఎయిత్ చదువుతున్నారు. దీపావళి పండుగ... అందరూ కలిసి జరుపుకోవాలనే రుక్మిణి, భాస్కర్ లు పిల్లలతో వైజాగ్ వచ్చారు. శాంతారావు అక్క రుక్మిణి.

బలరాం కళ్ళు మూసుకున్నాడు. అశ్విని, భరణి, అపర్ణలు దాక్కునేదానికి ఇసుకలో ఉన్న బోట్ల వైపుకు పరిగెత్తారు. ఒక బోటుప్రక్కన దాక్కున్నారు. బలరాం కళ్ళు తెరిచి వారిని జనం వెనుక వెతకడం ప్రారంభించాడు. పిల్లలు ముగ్గురు మాట్లాడకుండా మౌనంగా బోటు చివర నుంచి బలరాం ఎలా తిరుగుతున్నది గమనిస్తున్నారు. ఆ బోటు లోపలి ఇరువురి వ్యక్తులు మరో వ్యక్తి వచ్చి వారిని కలిశాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/7acf7wO1gqo

(కథ manatelugukathalu.com లో చదవడానికి కథ పేరు మీద క్లిక్ చేయండి)

సరి అయిన నిర్ణయం

రచన: ఏ. అన్నపూర్ణ

(ఉత్తమ అభ్యుదయ రచయిత్రి)

(కథా పఠనం: మల్లవరపు సీతారాం కుమార్)

''అమూల్యకి 15 ఏళ్ళు కదా… శారీ ఫంక్షన్ చేద్దాం. మన బంధువులను తెలిసిన వారిని పిలుద్దాం. వాళ్ళని చూసి ఎంతకాలం అయిందో!” అంటూ కోడలు ఇందుమతికి చెప్పింది సుగాత్రి.

''చాలులెండి! మీకు ఇప్పుడు సడన్గా బంధువులు, తెలిసినవారు గుర్తుకు వచ్చి వాళ్ళని చూడాలి అనిపించి మనింట్లో ఫంక్షన్ చేయాలా!

ఆరోజుల్లోనే మీరు గవర్నమెంట్ ఆఫీసులో వుద్యోగం చేసి మహిళా విప్లవం తెచ్చారు. కానీ మీలో ఆశయాలు ఏవీ నాకు కనిపించడం లేదు. ''అంది ఇందు.

''ఏమో నోయ్.... బహుశా నా ఏజ్ ప్రభావం కావచ్చు. ఒకప్పుడు అందరిని దూరం పెట్టిన నేను ఇప్పుడు వాళ్ళను కావాలి అనుకుంటున్నాను. అప్పుడు తీరిక లేని లైఫ్. "

''ఇన్నాళ్లు దూరంగా వున్నవారు ఇప్పుడు మాత్రం మీరు కోరుకుంటే వస్తారా! అది అలా ఉంచండి. ఇప్పుడు ఈ ఖర్చు అవసరమా? మీ గ్రాండ్ డాటర్ అస్సలు ఒప్పుకోదు. అమ్మూ కి చిన్నప్పటి నుంచి మోడరన్ డ్రెస్సులే అలవాటు. మీకు తెలుసును. అసలు మీరే నేర్పారు. మరిచిపోయారా?

''ఏమైనా అడిగితే ఏదో ఒకటి చెప్పి నన్ను మాటాడకుండా చేస్తావు. నీ చరణ దాసుడు ఉన్నాడే.. వాడు పెళ్లి కాకముందు మాత్రమే మై సన్. నువ్వు కనిపించగానే నీ లవ్వులో పడి ఆ ప్రబుద్దుడు నా మాట వినడం మానేసాడు. ఏమి చేయను.. నిన్ను దేబిరించాల్సి వస్తోంది. నీ ఇష్టం. ఇంటి పెత్తనం అంతా నీదేగా!” అంది సుగాత్రి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/_upYKBBJWmw

(కథ manatelugukathalu.com లో చదవడానికి కథ పేరు మీద క్లిక్ చేయండి)

పంజరంలో చిలక

రచన : గన్నవరపు నరసింహ మూర్తి 

(కథా పఠనం: మల్లవరపు సీతారాం కుమార్)

నేను ఎస్పీగా జిల్లాకి వ‌చ్చి సంవ‌త్స‌రం అయింది. నేను వ‌చ్చే నాటికి జిల్లాలో ఎన్నో స‌మ‌స్య‌లు... ఒక‌వైపు న‌క్స‌ల్స్ స‌మ‌స్య‌, ఇంకో వైపు రాజ‌కీయ స‌మ‌స్య‌లు; రాజీకీయంగా ఈ జిల్లా చాలా సెన్సిటివ్‌. ఇక్క‌డ ఉన్న రెండు ప్రాంతీయ పార్టీలు, జాతీయ పార్టీల‌కు ఈ జిల్లా చాలా ముఖ్య‌మైన‌ది... ఈ జిల్లాలో వెనుక‌బ‌డిన‌వారు, గిరిజ‌నులు ఎక్కువ‌గా ఉండ‌టంతో రాజ‌కీయ ప్రాధాన్య‌త ఎక్కువ‌; ఈ మ‌ధ్య‌నే డ్ర‌గ్స్ స‌మ‌స్య కూడా ఎక్కువైంది. చాలా మంది యువ‌త మాద‌క ద్ర‌వ్యాల‌కు అల‌వాటు ప‌డి, అసాంఘీక కార్య‌క‌లాపాల‌కు పాల్ప‌డుతుండ‌టంతో క్రైమ్ రేటు పెరుగుతోంది.

నేను చేరిన రెండు నెల‌ల‌కు జిల్లా ముఖ్య‌ప‌ట్నంలోని ఓ కాలేజీలో డిగ్రీ చ‌దువుతున్న లావ‌ణ్య అనే విద్యార్థిని కిడ్నాప్‌కి గురైంది. మా వాళ్ళు ఎంత ప్ర‌య‌త్నించినా ఆమె ఆచూకీ దొర‌క‌లేదు. దాంతో ప్ర‌తిప‌క్షాలు, కాలేజి విద్యార్థుల ఆందోళ‌న మొద‌లైంది.

నేను మా డీఎస్పీ  సుధాక‌ర్ని పిలిచి కేసు గురించి వాక‌బు చేసాను.

అత‌ను “సార్‌! ఆమెను అధికార ప‌క్షం ఎమ్మెల్యే గోవ‌ర్థ‌న రావు కొడుకు కుమార్ కిడ్నాప్ చేసాడు... అత‌ను ఇది వ‌ర‌కు డ్ర‌గ్స్ ప‌ట్టుబ‌డ్డ కేసులో ముద్దాయి. బాగా మ‌త్తుమందుల‌కి అలవాటు ప‌డ్డ వ్య‌క్తి; అత‌ను ఎన్నో అసాంఘిక కార్య‌క‌లాపాలు చేస్తూ మ‌న పోలీసుల‌కు కొర‌క‌రాని కొయ్య‌గా త‌యార‌య్యాడు. అత‌న్ని అరెస్ట్ చేస్తే అధికార ప‌క్షానికి రాజ‌కీయంగా పెద్ద న‌ష్టం జ‌రుగుతుంది. అందుకే మ‌న వాళ్ళు ఆలోచిస్తున్నారు. అరెస్ట్ చేస్తే మ‌నం ఎవ్వ‌రం ఇక్క‌డ ఉండం! అంద‌ర్నీ బ‌దీలీ చేస్తారు” అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/r0Jeq5DYIZI

(కథ manatelugukathalu.com లో చదవడానికి కథ పేరు మీద క్లిక్ చేయండి)

గ్రహం-- అనుగ్రహం

రచన: దాసు రాధిక

(కథా పఠనం: దాసు రాధిక)

"సంవత్సరం మీద ఏడు నెలల ఇరవై రెండు రోజులు అయింది ఇప్పటికి... నా ఫ్రెండ్ చెప్పింది గా... కనీసం మూడేళ్లు చూస్తే కాని సరైన సంబంధం కుదరదు అని... వాళ్ల అబ్బాయి న్యూజీల్యాండ్ ప్రభుత్వం లో పెద్ద ఉద్యోగం చేస్తున్నాడు... హోదా, డబ్బు, అందం అన్నీ ఉన్నా నాలుగేళ్లు పట్టింది అతని పెళ్లి కి...

పెద్ద చదువు, అందం, ఆస్తి పాస్తుల తో సంబంధం లేదంటున్నారు అనుభవజ్ఞులు.... అమ్మాయిలకు గాని అబ్బాయిలకు గానీ వాళ్ల తల్లిదండ్రులకు అసలు ఏమి కావాలో ఎవ్వరూ చెప్ప లేక పోతున్నారు..... ఒక్కో సారి ప్రేమ వివాహం చేసుకుంటున్న పిల్లల తల్లిదండ్రుల పని హాయనిపిస్తుంది... ఇవాళ రేపు...

ఏంటో... పెళ్లి చేసి చూడు, ఇల్లు కట్టి చూడు అని పెద్దవాళ్లు అంటే ఏదో అనుకున్నాను... ఇల్లు ఇంకా తేలిక గా వస్తోంది ఈ రోజుల్లో అందరికీ... అటు పునాదులు వేస్తుండగానే ఇటు ఫ్లాట్లు బుక్ అయిపోతున్నాయి... లోన్లు నిమిషంలో ఇస్తున్నారు...

హుమ్.....

మన వాడి పెళ్లి ఎప్పటికి అవుతుందో...

ఏం చేస్తున్నారు? నా పాటికి నేను మాట్లాడుతూ ఉంటే మీరు ఉలకరూ పలకరే ???"

"వస్తున్నా జమున... ఆ పని మీదే ఉన్నాను... ఒక్క పది నిమిషాలు నిశ్శబ్దంగా ఉంటే ఈ కుజుడు సంగతి తేల్చి వస్తాను. "..

"మీరు ఇవాళ కుజుడు, రేపు చంద్రుడి సంగతి తేలుస్తూ కూర్చోన్డి... చెబితే అర్థం కాదు... వాడికి పెళ్ళి అయినట్లే...

మీ జాతకం చూసే పిచ్చి తో వాడి జీవితాన్ని నాశనం చేస్తారు....

ఆ ఢిల్లీ సంబంధం వాళ్లకి పట్టింపు లేదంటే మధ్య లో మీ చాదస్తం ఏంటి???

వీడికి పిల్ల నచ్చినంత మాత్రాన సరిపోవడం లేదే... ఆ పిల్లకి మన చంటిగాడి జీతం నచ్చాలి... ఆ పై ఈ జాతకం, నక్షత్రం పిచ్చి...

మొన్న శ్రావణ మాసానికి మన పెళ్ళి అయ్యి ముప్పైఏళ్లు అయింది... కలిసే ఉన్నాంగా... జాతకములు చూడ లేదు కదా"...

"అందుకే ఇలా బీజేపీ, కాంగ్రెస్ లాగా ఎప్పుడూ కొట్టుకు చస్తున్నాము... ఎవరైనా రెండు రోజులు మన ఇంట్లో మంచం కింద రహస్యంగా దాక్కోని చూస్తే మన జాతకం బయట పడుతుంది"... అన్నాడు పార్థసారథి మంచం మీద పరిచి పెట్టుకున్న పంచాంగం, ఇతర జాతక పుస్తకాలు, సరంజామ ని అల్మారా లో పొందు పరుస్తూ...

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/OrimsrSyh_k

(కథ manatelugukathalu.com లో చదవడానికి కథ పేరు మీద క్లిక్ చేయండి)

కోబ్రాల మధ్య వానపాము

రచన : అయ్యల సోమయాజుల సుబ్రహ్మణ్యము 

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఓ దొంగ దైవమయ్యాడు. అక్షరాలు నేర్వనివాడు న్యాయదేవతకి రక్షకుడయ్యాడు. అబద్దము చెప్పాలంటూ శరీరాన్ని నుజ్జునుజ్జు చేసినా నిజం వైపే నిష్ఠగా నిలిచాడు.

అందుకే 28 ఏళ్ళపాటు సాగిన నళిని హత్యకేసు తీర్పులో న్యాయస్థానం ఆ మాజీ దొంగని వేనోళ్ళ ప్రశంసించింది!

సమాజం అంతా చేతులెత్తి నమస్కరించిన

"చిల్లర రాజు" కథ కాని కథ ఇది...............

షాలినీ-శివాణీ లో సెకండ్‌ షో చూస్తున్న చిల్లరరాజు ధ్యాస సినిమాపైన లేదు. ఆ సినిమా విడిచాక... తాను చేయబోతున్న దొంగతనం గురించే ఆలోచిస్తున్నాడు. తాను

మూడురోజులుగా రెక్కీ నిర్వహిస్తున్న ' విక్టోరియా హోమ్స్‌" పరిసరాలనే గుర్తు చేసుకుంటున్నాడు.

సిటీ లోని డయాసిస్‌ కి చెందిన ఉద్యోగినులూ, విద్యార్థినులూ ఉండే హాస్టల్‌ అందులో ఉంది. ఆ భవంతి పై పిడుగుని నిరోధించే కంభంపైనుండే రాగి తీగపైన రాజు కన్నుపడింది! రాజు ఎప్పుడూ అంతే... పెద్ద పెద్ద వస్తువులూ, బంగారు నగలవైపు వెళ్ళడు. చిన్నా చితకా రాగి వస్తువులూ, నీటిమీటర్లూ, గడ్డి అన్నారం పళ్ళమార్కెట్‌ కు వచ్చేలోడు బళ్ళ మీద పళ్ళు కిలోలకు కిలోలు దొంగతనం చేస్తాడు.

అవి దొరకనప్పుడు చుట్టుప్రక్కల సబ్‌ స్టేషన్‌లలో కాపర్‌తీగలు చోరీ చేస్తాడు. పెద్ద వాటి జోలికి అస్సలు వెళ్ళడు. అందుకే చిల్లరరాజూ అని అంటారు.

పగలంతా ఎవరికీ అనుమానం కాకుండా పళ్ళమార్కెట్‌ లో దింపులు దింపుతుంటాడు. మార్కెట్‌లో హమాలీ గానూ ఉంటాడు! 26 మార్చి 1992న.. సెకండ్‌షో ముగిసి రోడ్లపైన సందడి తగ్గాక మెల్లగా " విక్టోరియాహోమ్స్‌" దగ్గరకెళ్ళాడు రాజు.

దక్షిణం వైపు కాంపౌండ్‌ గోడ పక్కనున్న చెట్టుపై నెక్కి లోపలికి దూకబోతుండగా....

అతని కళ్ళ పడ్డారు ఇద్దరు వ్యక్తులు! చేతిలో టార్చ్‌ తో గ్రౌండ్‌ఫ్లోర్‌మీద నుంచి సెల్లార్‌ లోకి దిగుతూ కనిపించారు.. అందులో ఒకరు వార్డెన్‌ అరుల్‌రాజు- ఆ చుట్టు ప్రక్కల అరుల్‌రాజు పెద్దమనిషి గా చలామణి అవుతున్నాడు.

ఇంకొతను అక్కడి కాలేజీలో లెక్చరర్‌. విక్టోరియా వ్యవహారాలు చూస్తూంటాడు. వాళ్ళని చూసి రాజు ఉలిక్కిపడ్డాడు. ‘ఏ మగ పురుగుని లోపలికి రానివ్వని అమ్మాయిల హాస్టల్‌ లోకి ఈ ఇద్దరూ ఎలా వచ్చారు.... అదీ ఈ జామున!' అనుకున్నాడు. 

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 7

రచన : S. సంపత్ కుమార్  

(కథా పఠనం: మల్లవరపు సీతారాం కుమార్)

గత ఎపిసోడ్ లో

పార్టీ ఇప్పిస్తానని రంగా, భీమాలను గెస్ట్ హౌస్ కి పిలుస్తాడు నారాయణ.

అక్కడ కిరణ్ మారువేషంలో వాళ్ళ దగ్గర ఉన్న డబ్బు, నగలు తీసుకుంటాడు.

కిరణ్, కావ్యలు కలిసి ఉండగా సుజాత చూస్తుంది.

కావ్యను ఇంట్లో బంధిస్తుంది.

లింగస్వామితో, కిరణ్ ని అతని తండ్రి రాజారావు దగ్గరకు తొందరగా పంపెయ్యమని చెబుతుంది.

ఇక 'సంపత్ సినిమా కథలు’ ఏడవ  భాగం చదవండి.

‘ఈ శివమ్మకు కావ్య అంటే పిచ్చి ప్రేమ. నేను లేనప్పుడు కావ్య రూముకు వేసిన గొళ్లెం తీసి కావ్యను బయటకి పంపినా పంపుతుంది’ అని కావ్య రూముకు తాళం వేసి ఎవ్వరికి కనపడకుండా దాచింది సుజాత.

కావ్య తన సెల్ కోసం వెతుకుతూ ఉంది.

తర్వాత గుర్తుకొచ్చింది, కారులో అమ్మ సెల్ గుంజుకొంది అని.

వెంటేనే " ముసలి. . ముసలి. . " అంటూ శివమ్మను పిలిచింది.

“నా సెల్ అమ్మ తీసుకొని ఎక్కడ పెట్టిందో ?”

"ఏమోనమ్మ. . అమ్మ ఉన్నప్పుడే అమ్మ రూములోకి వెళ్తాను, అయినా అమ్మ ఇంట్లో లేదు కదా. . చూసి వస్తా" అంటూ శివమ్మ సుజాత రూములోకి కెళ్ళింది. కానీ సెల్ ఎక్కడా కనపడలేదు.

"లేదమ్మా. . సెల్ మీ అమ్మ రూములో మరి ఎక్కడ పెట్టిందో"

"పోనీలే’

నా పాస్ వర్డ్ మమ్మీకి తెలియదు. కాని కిరణ్ తో కనీసం సెల్ లో మాట్లాడానికి కుదరడం లేదు. ఎలా. . అనుకుంటూ అలా కిరణ్ గురించి ఆలోచిస్తు బెడ్ మీద వాలి పోయింది.

అప్పుడే ఇంటికి వచ్చిన సుజాత కూడ తన రూములోకి వెళ్ళి, కుర్చీలో కూర్చొని కావ్యకు అసలు విషయము ఎలా చెప్పాలా అని ఆలోచిస్తూ అలా ఉండి పోయింది.

ఇంక కిరణ్ డాక్టర్ సుధ దగ్గరికి వెళ్లి తన ప్రేమను మీరే గెలిపించాలని అడిగే సరికి ఆమె సుజాత గురించి చెబుతూ అసలు నిజం చెప్పే ముందు ఈ కథ విను అంటూ కథ చెప్పడం మొదలు పెట్టింది.

"ఊటి లో పుట్టి పెరిగిన సురేందర్, రాజారావు, లింగస్వామి ముగ్గురూ మంచి స్నేహితులు. లింగస్వామి బీద కుటుంబం నుంచి వచ్చినా, వీళ్లతో కలసి చిన్నప్పటి నుంచి చదువుకున్న స్నేహితుడుగా కాకుండా ఒక నమ్మకస్తుడుగా రాజరావుకు బాగా దగ్గర అవడం వలన ఊటిలో రాజారావు సురేందర్ లు కలసి చెసే తేయాకు తోటల పెంపకం సంబందించిన బిజినెస్ లింగస్వామి చూసుకొనేవాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/V-M8tDw_fjM

(కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 16

రచన : పాండ్రంకి సుబ్రమణి 

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

ఒకరోజు భువనేష్ కి కాల్ చేస్తుంది వరూధిని.

కాల్ ప్రభావతి లిఫ్ట్ చెయ్యడంతో, తన కూతురు మందాకిని మిమ్మల్ని చూడాలంటోందని మాట మారుస్తుంది.

మాటల మధ్యలో తన మిత్రుడు రాముకి సితారతో పెళ్లి చెయ్యడానికి భువనేష్ ప్రయత్నిస్తున్నట్లు చెబుతుంది.

ఇక ది ట్రాప్.. 16 వ భాగం చదవండి…

రాము కొన్ని క్షణాలు నిశ్శబ్దంగా ఉండిపోయి తలెత్తి చూసాడు. “నువ్వు నాశ్రేయోభిలాషివే—మిత్రుడివే-  కాదనలేని వాస్తవం. కాని నువ్వు నా జీవిత నేపథ్యాన్ని, మానసిక దృక్పథాన్ని పూర్తిగా అర్థం చేసుకోలేక పోయావనిపిస్తుంది. నేను పెళ్ళి చేసుకుని ఓ యింటివాడిని కావడానికి ఒప్పుకోవడానికి సరైన కారణం నువ్వు తెలుసుకోలేక పోయావనిపిస్తుంది”.

ఆ మాటతో భువనేశ్ ఉగ్గబట్టలేకపోయాడు. సర్రున లేచాడు- “ఈ డొంక తిరుగుడు మాటలు కట్టిపెట్టి విషయానికి తిన్నగా రా! సితారా నీకు నచ్చ లేదా? నీ అభిమతానికి తగ్గట్టు సొగసుగ లేదా? ”

“అలాగని నేనెక్కడన్నాను? రియల్లీ షి ఈజ్ ఎ మైటీ పర్సనాలిటీ—నోడౌట్—కాని— మనసా వాచా కర్మణ: నేనాశినట్టు లేదు. నా మనసుకి దగ్గరగా లేదు”.

ఈసారి కూడా భువనేశ్ సర్రున లేచాడు. భర్తను ఆవేశం తగ్గించుకోమన్నట్టు చేతిని అదిమింది ప్రభావతి. కాని అతడు వినే స్థితిలో లేడు-- “నువ్వూరుకో ప్రభా! తాడో పేడో ఇప్పుడే ఇక్కడే తేల్చాలి. ఇలా తిక్క తిక్కగా ఆలోచించడం, వెర్రి మొర్రిగా మాట్లాడటం యెప్పట్నించి నేర్చుకున్నావు రామూ! అమెరికాలో నీతో చెట్టాపట్టాలేసుకుని తిరిగిన గార్ల్ ఫ్రెండ్సు గురించి నాకు తెలవదనుకుంటున్నావా? చూడలేదనుకుంటున్నావా! వాళ్ళతో పోల్చి చూస్తే సితార యెందులో తగ్గిందంటావు? ” భువనేశ్ అతడికి తెలియకుండానే రొప్పుతున్నాడు, ఆవేశాన్ని అదుపు చేయలేక--

”సితారను వాళ్ళతో యెక్కడ పోల్చానని—నిజానికి సితార అక్కడి బ్యూటీల కన్నా రెండు రెట్లు అధిక స్థానంలో ఉందనాలి. ఎంత ప్రయత్నించినా మేకపోతు కొమ్ముల్ని పట్టుకుని నీకు చూపించలేక పోతున్నాననిపిస్తుంది. మరొక సారి ప్రయత్నించి చూస్తాను. నాకు తెలిసిన తెలుగు పదజాలంతో-- ఏకైక లక్ష్యంతో జీవన సముద్ర తీరాలు దాటి పలు అనుభూతులు ఆస్వాదిస్తూ లెక్కలేనన్ని అనుభవాలను నాలో యిముడ్చుకుంటూ చాలా దూరం వచ్చేసాను. తీరా ఓసారి ఓపిక తెచ్చుకుని తిరిగి చూస్తే— మాఁవిడి చెట్టు కొమ్మల మాటున నాతో చెలగాట మాడిన బాల్యం నాకు కనిపించలేదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/68tER3Vx_7c

(కథ manatelugukathalu.com లో చదవడానికి కథ పేరు మీద క్లిక్ చేయండి)

తరాలు - అంతరాలు

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

టైంపీస్ ఆరున్నర చూపించింది మహాలక్ష్మికి.. ఉలిక్కి పడుతూ లేచి కూర్చుంది.. కళ్లు నిద్రమత్తుతో ఇంకా పూర్తిగా విచ్చుకోలేకపోతున్నా అత్తగారు గుర్తొచ్చేసరికి నిద్రమత్తు ఒక్కసారిగా ఎక్కడికో ఎగిరిపోయింది.. అయ్యబాబోయ్ ఆవిడగారు ఏం దండకం చదువుతుందోననుకుంటూ లేచి గదినుండి బయటకు వచ్చింది..

వంటింట్లోనుండి అత్తగారి స్తోత్ర పారాయణాలు వినిపిస్తూనే ఉన్నాయి.. అవి దేవుడికి అనుకుంటే పొరపాటే..

' ఏం నిద్రలో తల్లీ మాయదారి నిద్రలు'.. బారెడు పొద్దెక్కేదాకా గది తలుపులు బిగించుకుని పడుకోవడం మా ఇంటావంటాలేదు.. మేమూ చేసాం సంసారాలు.. ఇలానా? హవ్వ ! పేరుమాత్రం మహాలక్ష్మి, అన్నీ దరిద్రపు పనులే.. మా కాలంలో ఇలాగే ఉన్నామా? అత్తగారంటే హడలి చచ్చేవాళ్లం.. ఏ ఝాము రాత్రికో నిద్రలేచి ఇల్లూ వాకిలీ ఊడ్చీ, అలికి కళ్లాపుజల్లి ముగ్గులు పెట్టాకే తెల్లవారేది.. ఇదిగో చూస్తున్నాను కదా, పొద్దెక్కేవరకు గది తలుపులు బిడాయించి పడుకోడం సంసారుల కొంపేనా ఇది.. ఇలా సాగిపోతూనే ఉంది శేషమాంబ వాక్ప్రవాహం.

తను రోజూ అత్తగారు లేవకుండానే తెల్లవారు ఝామున నాలుగు గంటలకే నిద్రలేచి ఇంటిపనులు చేసుకుంటుంది.. అసలు తను ఆలస్యంగా నిద్రలేవడానికి నిన్న రాత్రి ఈవిడేకదా కారణం.. రాత్రి రామాలయంలో ఏదో పురాణ కాలక్షేపం ఉందని వెళ్లి పదకొండుగంటలకు తిరిగి వచ్చింది.. ఆవిడ వచ్చేదాకా మెలుకువగా ఉండాలి.. ఒకసారి ఇలాగే నిద్రపట్టేసి మెలుకువ రాలేదు.. అత్తగారు దబ దబా తలుపుకొడుతున్న శబ్దానికి ఉలిక్కిపడి లేచి హడావుడిగా తలుపుతీసేసరికి ఆవిడ తనవైపే గుడ్లురిమి చూస్తూ ' అప్పుడే మొగుడు పక్కలోకి చేరిపోయావా, పిలవగానే రాలేదంటూ తనను నిలదీసేసరికి సిగ్గుతో చితికిపోయింది..

నిన్న రాత్రీ అంతే.. అత్తగారు గుడినుండి వచ్చాకా ఆవిడకు ఫలహారం అందించి ఆవిడ తినేవరకు వేచివుండి, అన్నీ సర్దుకుని నిద్రపోయేసరికి పన్నెండు అయిపోయింది.. పొద్దుటే మెలుకువ రాలేదు.. ఒక్కరోజు ఆలస్యంగా నిద్రలేచినందుకు ఇంత రాధ్దాంతమా, ఏం ఘోరం చేసానని ఆవిడ అంత నీచంగా మాట్లాడుతోంది.

శేషమాంబకి నోటిదురుసుతనం ఎక్కువ.. దానికితోడు కొడుకు పుట్టగానే భర్త చనిపోవడం, భర్త సోదరులు ఆస్తిపంపకాలు చేయడంతో ఆవిడకు బాగానే ఆస్తి రావడంతో ఒకరకమైన అహంకారం దాష్ణీకం బాగా అలవడ్డాయి..

మహాలక్ష్మి చాలా పెద్దకుటుంబంలో పుట్టింది.. శేషమాంబకి ఒక్కడే కొడుకని కుర్రాడు బుధ్దిగా వ్యవసాయం చేసుకుంటున్నాడని విని మహాలక్ష్మికి అంతకంటే మంచి సంబంధం తేలేమని రాజారావుకిచ్చి వివాహం చేసారు.. మహాలక్ష్మి చామనచాయలో ఉన్నా మంచి కళగల ముఖం..పైగా పనీపాటా చాలా చక్కగా చేస్తుంది.. పదిమందికి వంట చాలా సునాయాసంగా చేసేస్తుంది.. ఎంతో ఓర్పుగా వినయంగా ఉంటుంది.. అంత చక్కని కోడలు వచ్చినందుకు సంతోషించడంపోయి రాచీరంపాన్న పెట్టడం ఆవిడ పైశాచిక ప్రవర్తనకు నిదర్శనం..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/CgtFyMvR_mk

(కథ manatelugukathalu.com లో చదవడానికి కథ పేరు మీద క్లిక్ చేయండి)

పాణిగ్రహణం - 2

రచన: భాగవతుల భారతి

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో..

హంసమంజీర ఒక రచయిత్రి, కవయిత్రి.

ఆమె చెల్లెలు సుగాత్రి.

హంసమంజీర పెదనాన్న పిల్లలు విరూపాక్ష, సాగర మేఖల.

సాగర మేఖల జీవితం గురించి ఒక పుస్తకం రాయమని హంస మంజీరను అడుగుతుంది సుగాత్రి.

విరుపాక్షను మందు పార్టీకి రమ్మని స్నేహితులు బలవంతం చేసినా అంగీకరించడతను.

గర్భవతిగా ఉన్న భార్యను వదిలి రానంటాడతను.

ఇక పాణిగ్రహణం ఎపిసోడ్ 2  చదవండి.

'నాచేయి వదలనన్నాడు

గుబులు వేళల్లో నీలాలన...

గోదారి అలలను చుంబించే

పున్నమి వెన్నెల కిరణం అన్నాడు

నువ్వే లేకుంటే నేను

శూన్య పంజరంలోని రెక్కలు తెగిన

విహంగమన్నాడు

నా అన్వేషణ :

కొండ కొమ్ము నుండి జారిపడ్డాక

అడుగున దొరికే నీ నవ్వుల

ముత్యపు చిప్పల కోసమన్నాడు

తను తనువైతే నేను మనసన్నాడు

ప్రేమరధానికి  తను చక్రమైతే

నేను ఇరుసన్నాడు ...

నా ఏకాకితనపు ఎడారిలో

దక్కిన ఒయాసిస్సు వన్నాడు

అన్నీ అనీ అనీ ఎవరికి ఏమయ్యాడు?

తన గుండెను గుడిగాచేసి ....

నన్ను దేవతను చేసి...

తను దేవుడయ్యాడు

?????????????

పతిదేవుడయ్యాడు.'

కవిత రాస్తుండగా.......

బయటినుండి వచ్చిన భర్త ముఖం వివర్ణమవటం చూసింది హంసమంజీర.

కురిసివెలవటానికి సిద్దమవుతున్న మేఘం

నలుపురంగు రంగు విడిలి దూదిపింజలుగా విడిపోయి....పాలిపోయినట్లలుముకున్న

ఆకాశాన్ని చూస్తున్నట్లు, అనిపించింది,

ఆక్షణంలో భర్తముఖం హంసమంజీరకు....

"ఏమయిందీ?" అంది.

"క్రాస్ రోడ్డులో అన్నయ్య కనిపించాడు."

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

వినిపించని రాగాలు 2

రచన : గొర్తి వాణిశ్రీనివాస్

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

తన కాలేజ్ మేట్ రజిత హఠాత్తుగా తన ఇంటికి వస్తానని చెప్పడంతో  ఆశ్చర్య పోతాడు మధు.

బస్టాండుకు వెళ్లి ఆమెను రిసీవ్ చేసుకుంటాడు.

సమయానికి అతని భార్య వూళ్ళో లేకపోవడంతో మానసికంగా కాస్త హైరానా పడతాడు.

హాస్పిటల్ లో ఉన్న తన పెదనాన్నని చూడడానికి వచ్చినట్లు చెబుతుంది రజిత.

ఇక వినిపించని రాగాలు 2 వ భాగం చదవండి…

"అరె అక్కడే ఆగిపోయావే? లోపలికిరా. మొహమాట పడకు. " అన్నాడు మధు.

రజిత ఏదో అనబోయి ఆగిపోయింది. ఇల్లంతా పరికిస్తూ మెల్లగా లోపలికి వచ్చింది

"అటువైపు బాత్రూమ్. వెళ్లి ఫ్రెష్ అయి రా. " అన్నాడు.

టవల్ తీసుకుని వెళ్లి ప్రెషప్ అయి వచ్చి కూర్చుంది.

ఆమె దృష్టంతా గోడకి తగిలించివున్న ఫోటోల మీదే ఉంది.

"ఏం తాగుతావ్? టీ కాఫీ?"

"టీ ఇవ్వు" అంది.

రెండు కప్పులతో టీ కలుపుకొచ్చాడు మధు. రజితకి ఓ కప్పిచ్చి ఆమె ఎదురుగా సోఫాలో కూర్చున్నాడు.

రజిత వస్తూనే ఇంటికి కొత్త శోభ తెచ్చింది.

ఆమె ఒంటిని అంటిపెట్టుకున్న సెంటు పరిమళం ఇల్లంతా గుమ్మెత్తింది. ఆమె చూడ్డానికి పురివిప్పిన నెమలిలా అనిపించింది మధుకి.

"ఏంటి రజితా, వచ్చిన దగ్గర్నుంచీ ఆ ఫోటోల వంకే చూస్తున్నావ్. అంత నచ్చాయా?" అన్నాడు మధు టీ సిప్ చేస్తూ.

"ఆ ఫొటోలో కుడివైపున ఉన్నదెవరు?"

"ఆయన మా నాన్నగారు. . "

" ఇప్పుడు ఏం చేస్తున్నారు?"

"ఆయన రిటైర్డ్ మిలటరీ ఆఫీసర్. పదిహేనేళ్ల క్రితం పాకిస్తాన్ వార్ లో ఆయన కుడి చెవి, కన్ను కాస్త దెబ్బ తిన్నాయి. సరిగా పనిచేయవు. ప్రస్తుతం ఇంటిపట్టునే వుంటున్నారు" అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/3nd8vjKAXBw