Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

అదొక మహానగరం

రచన : లక్ష్మీ శర్మ త్రిగుళ్ళ

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

అదొక పేరుమోసిన అగ్రదేశంలోని న్యూయార్క్ మహానగరం. ఏయిర్ ఫోర్ట్ లో దిగి దిగగానే చుట్టూచూసాడు చలపతి. ఎటువెళ్ళాలో ఏంటో తెలియడంలేదు. ఎక్కడచూసినా అమెరికన్లు, చైనావాళ్ళు తప్పితే మనవాళ్ళు అరకొర కూడా లేరు. ఎవరితో మాట్లాడాలన్నా ఇంగ్లీషు ముక్కరాదు. అంతో ఇంతో హింది వస్తుంది కానీ ఇక్కడ ఎవరు మాట్లాడుతారు హింది. అబ్బో ఇంతపెద్దగా ఉంది ఏయిర్ ఫోర్ట్! అసలు బయటకు ఎలా వెళ్ళాలో అర్ధంకావడంలేదు.

వెలసిపోయినా జీన్స్ పాయింట్, దానిమీదకు కొత్తది పాలియస్టర్ షర్ట్, ఎన్నాళ్ళుగానో వాడేసిన బూట్లు, ఒకచేతిలో లెదర్ బ్యాగు పట్టుకుని దిక్కులుచూస్తూ నిలుచున్నాడు. పాపం ఇతని అవస్థను గమనించి దగ్గరగా వచ్చాడు ఒకతను.

"ఏంటండి మీరొక్కరే వచ్చారా మీకూడా ఎవరులేరా? పోని మీరు బయటకు వచ్చాకైనా ఎవరన్నా వస్తారా మిమ్మల్ని తీసుకపోవడానికి, " అడిగాడతను.

అతను తెలుగులో అడిగేసరికి ప్రాణాలు లేచొచ్చాయి చలపతికి. అతనివైపు ఆశ్చర్యంగా చూస్తూ. "మీరు తెలుగువారా… నాకొక సహాయం చేస్తారా, మా స్నేహితుడు ఏయిర్ ఫోర్ట్ బయట ఉన్నాడు, వాడి దగ్గరకు నన్ను తీసుకెళ్ళండి నేనెటువెళ్ళాలో తెలియడంలేదు, ” అన్నాడు దీనంగా ముఖంపెట్టి.

"అలాగే అలాగే… మీకు లగేజి ఏమిలేదా?, " చలపతి చేతులవేపు అనుమానంగా చూస్తూ అడిగాడతను.

"అయ్యబాబోయ్ … సామాను మర్చిపోయానండి, ఇక్కడ దిగాక తీసుకోవాలి అని చెప్పారు. ఎక్కడ ఉందో ఏంటో! అదికూడా చూసిపెట్టండి మీకు పుణ్యం ఉంటుంది, " అన్నాడు.

"సరే ఇలారండి… మీ సూట్ కేసులు మీరు గుర్తుపడతారు కదా, " అడుగుతూ లగేజ్ దగ్గరకు తీసుకవెళ్ళాడు.

"ఆయ్ అండి, " అతని వెనకాలే నడవసాగాడు. అమ్మబాబోయ్ దేవుడి దయవల్ల ఇతను పరిచయం అయ్యాడు. లేకపోతే నా పరిస్థితి ఏలాగుండేదో ఏమో తనలో తానే అనుకుంటూ సూట్ కేసులు వెతకసాగాడు.

"అదిగోనండి అదే అదే నా సూట్ కేసు, " అన్నాడు గట్టిగా. అందరు ఒక్కసారిగా చలపతి వైపు తిరిగిచూసారు.

"చూడండి మీరు కొంచెం చిన్నగా మాట్లాడండి, ఇది ఇండియా కాదు. అటు చూడండి..  అందరు మిమ్మల్ని ఎలా చూస్తున్నారో, " చిన్నగా చెప్పాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/_4qkxmlmhx8

(కథ manatelugukathalu.com లో చదవడానికి కథ పేరు మీద క్లిక్ చేయండి)

పరోపకారం

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

తాతా! ఒక కధ చెప్పవా..” అంటూ సుబ్బారావు మనవడు గారాలుపోతో  అడిగాడు.

చదువుతున్న పుస్తకాన్ని పక్కన పెట్టి "వెళ్లి మీ నాన్న ని అడగరా, కధలు బాగా చెపుతాడు.  చిన్నప్పటినుండి నాకు మీ నాన్న చెప్పిన కధలు యిన్ని, అన్నీ కావు. అందుకనే ఇంజనీర్ కావలిసినవాడు, బ్యాంకులో ఉద్యోగం చేస్తున్నాడు" అన్నాడు మనవడితో.

"మధ్యలో నన్ను లాగుతారెందుకు, యిప్పుడు మాత్రం ఏమైంది, ఇంజనీర్ కంటే మా జీతమే ఎక్కువ "అన్నాడు కొడుకు కృష్ణ.

"సరే పద, ఆలా మంచం మీద పడుకుని కధ చెప్పుకుందాం " అంటూ లేచాడు సుబ్బారావు.

గొంతు సవరించుకుని, మనవడికి కధ చెప్పడం మొదలుపెట్టాడు.

‘పూర్వం’ అనగానే మనవడు, “ఛీ పూర్వపు కధ కాదు,  నాకు యిప్పటి కధ చెప్పు తాతా” అని అడ్డం తగిలాడు.

“అయితే విను.  రామయ్య, సీతమ్మ లకు  శంకర్ అనే కొడుకు వున్నాడు.  తల్లిదండ్రుల కి ఒక్కడే కొడుకు కావడం తో శంకర్ ని అతిగారాభంగా పెంచడంతో పాటు మంచి బుద్దులు కూడా నేర్పించారు.

పరోపకారార్థమే  మనకి భగవంతుడు ఈ శరీరాన్ని యిచ్చాడని,  వీలున్నంతవరకు అవసరమైన వారికి ఉపకారం చేయాలని చెప్పడం తో,  శంకర్ తన తోటి స్నేహితులకు అవసరం పడినప్పుడు డబ్బు సహాయం చేయడం, ప్రతీ సెలవు రోజు దగ్గరలో వున్నా అనాధాశ్రమం లో పండ్లు,  పాలు పంచిపెట్టడం చేసేవాడు.

కొడుకు చేస్తున్న మంచి పనులకు అతని తల్లిదండ్రులు మురిసిపోతూవుండేవారు.

కొన్నాళ్ళు కి శంకర్ కి పెళ్లి జరిగింది.  పెళ్ళైన నుంచి అతని భార్య సెలవు రోజులలో బయటకి వెళ్లనివ్వకుండా అడ్డం పడేది.

భార్య ని బాధ పెట్టడం యిష్టం లేక,  సహాయ కార్యక్రమాలు ఆపి, యింటి పట్టునే వుండేవాడు.  భార్య కి ఎన్నో విధాల యితరులకు సహాయపడటం వలన కలిగే ఆనందం గురించి చెప్పి చూసాడు.  అయితే, ఆమె పిసినారి కావడం వలన,  డబ్బంతా సహాయాలంటూ ఖర్చు చేస్తే మనం రోడ్డున పడాలిసివస్తుంది అని గొడవ పెట్టేది.

ఒక రోజున యింట్లో ఎవరూలేని సమయంలో  ఆమెకి విపరీతంగా కడుపునొప్పి వచ్చి, ఏడుస్తూ పక్క యింటి వారి సహాయం తీసుకుని, హాస్పిటల్ లో చేరింది. డాక్టర్ గారు ఆవిడని పరీక్షించి,  ఆవిడ కడుపులో రక్తస్రావం అవుతోంది అని,  వెంటనే ఆపరేషన్ చేయాలని అన్నారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/DJbbQxkp21w

 (కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 15

రచన : పాండ్రంకి సుబ్రమణి 

(ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

కామేశ్వర రావు, వసంత గుడిలో కలుస్తారు.

పరమేశ్వర్, వినోదిని గర్భగుడి ముందు మాలలు మార్చుకున్నారు.

మరుసటి రోజు వసంత, వేదమూర్తి ఇంటికి వస్తుంది.

ఇక ది ట్రాప్.. 15 వ భాగం చదవండి…

కొన్ని పరిచయాలు క్రమక్రమంగా కాల పరివాదిని పైన వినవచ్చే శృతిలయల్లా, పొదరిండ్లలోని తీగల్లా, మాధుర్య భావనల్లా పెనవేసుకుపోతాయి. ఆ రీతిన భువనేశ్వర్, వరూధిని అదేదో అయస్కాంతం లాగినట్టు అడపా దడపా కలుసుకుంటున్నారు; కొన్నిసార్లు ప్రభావతికి తెలిసి కార్య కారణంతో--. మరికొన్ని సార్లు తాముగా యేదో ఒక నెపంతో మందాకినిని గార్డెన్ పార్కుకి తీసుకెళ్ళటానికని, ఇంకొన్ని సార్లు స్పెషల్ డిన్నర్ పార్టీలకని— మొత్తానికి, మేటర్ ఆఫ్ వైనం యేమంటే— ఇద్దరూ కలుసుకోవడమనే పరిధి నుండి తప్పించుకోలేక పోతున్నారు.

ఇద్దరి మధ్యా కుదిరిన మధుర మనోహర శారీరక మానసిక కెమిస్ట్రీయే కారణ మేమో—అది వాళ్ళిద్దరికీ తెలియకుండానే పెనవేస్తూ సాగిపోతుందేమో అనివార్యంగా, అవిఛ్ఛన్నంగా-- కాని— భువనేశ్ అంతరంగాన మాత్రం అలా తోచడం లేదు. ఎందుకంటే—అతడు భార్యను సొమ్య శుభ్ర తేజస్సుతో నిండిన మనసుతో ప్రేమించాడు, ఇంకా—ప్రేమిస్తూనే ఉన్నాడు. ఇది అతడి సతీమణి ప్రభావతికి చంద్రుడిలోని చల్లదనంలా ఆకాశంలోని ధవళ కాంతిలా స్పష్టంగా తెలుసు, మగాడు యెక్కడైనా దాపరికం చూపించగలడు. కాని—పడక గదిలో అతడి మనో ప్రస్థాన వైఖరిని దాచుకోలేడు కదా!

అతడు ఆ మనోప్రస్థాన వైఖరిని లోలోన దాచుకోగలిగినా జీవన సహచరి మొగలి పట్టను ఆఘ్రాణిస్తున్నట్టు పసిగట్టేయ గలదు కదా! మరి ఇదంతా ప్రభావతికి తెలియకుండా యెలా సాగుతుంది? ఎంతగా ఆమె వరూధిని కూతురు మందాకిని పట్ల మమకారం పెంచుకున్నా, వరూధిని పట్ల సుహృద్భావం పెంచుకున్నా, తన మగాడు మరొకతెతో చెట్టాపట్టాలేసుకుని తిరుగుతుంటే నిమ్మకు నీరెత్తినట్లు ఊరుకుంటుందా?

నిజంగా ఇదంతా ఆమెకు తెలియదా! తెలియకుండానే సాగుతుందా--ఇదీ మిలియన్ డాలర్స్ ప్రశ్న—ఇందులోని చిక్కుముడి ఎప్పుడు ఎలా వీడుతుందో మరి---

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/kQlRtSz0t1k

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 6

రచన : S. సంపత్ కుమార్  

(కథా పఠనం: మల్లవరపు సీతారాం కుమార్)

గత ఎపిసోడ్ లో

నరసింహకు కనపడకుండా నారాయణను తప్పిస్తాడు కిరణ్.

తను నారాయణ కూతురినని కిరణ్ కి చెబుతుంది మేరీ.

కిరణ్, కావ్యతో కలిసి పార్క్ కి వెళ్తాడు.

ఇక 'సంపత్ సినిమా కథలు’ ఆరవ  భాగం చదవండి.

హాస్పిటల్ లో ఒక రోజు నారాయణ - భీమా,  రంగల దగ్గరికి వచ్చి "సాయంత్రం గెస్ట్ హౌస్ లో  మందుపార్టీ " అన్నాడు.

"ఎందుకు గుర్తులేదు, సోమవారం అన్నావు కదా.. ఎప్పుడొస్తుందా అని ఎదురు చూస్తుంటే ఈ రోజు వచ్చింది." అన్నాడు రంగ.

నారాయణ మాట్లాడుతూ "అబ్బా. రంగ గాడిది షార్ప్ బుర్ర." అంటూ "ఈ రోజు పెండ్లి కొడుకులా తయారు అయ్యావు. మెడలో గోల్డ్  చెయిన్, చేతులకు ఉంగరాలు " అన్నాడు.

"అదా.. ఉదయం ఒక ఫంక్షన్ ఉంటే పోయి అలాగే హాస్పిటల్ డ్యూటీకి వచ్చాను "  అన్నాడు రంగ.

"ఓహో అలాగా, ఆరే రంగ.. భీమ.. నా దగ్గర డబ్బులు లేవు. ఒక 5వేలు అప్పు  వుంటే ఇవ్వండిరా, ఈ రోజు మందు పార్టీకి" అన్నాడు నారాయణ.

"రేపు నాకు ఇస్తానంటే ఇస్తా” అన్నాడు భీమా.

‘నీవిచ్చిన 5 వేలకు ఇంక 5 వందలు కలిపి రేపే పూవుల్లో పెట్టి ఇస్తా. అలా ఇస్తే అభ్యంతరం లేదు కదా " అన్నాడు నారాయణ.

భీమ ఆనందంతో వెంటనే జేబులోంచి    5 వేలు తీసి ఇచ్చాడు.

"అవును నారాయణా.. ఆ రోజు నుంచి పిచ్చి అవతారం కనపడ్డం లేదేమిటి?" అన్నాడు భీమా.

వీళ్ళు ఆ పిచ్చి అవతారం గురించీ అడుగుతారని ముందే తెలుసు కాబట్టి  వెనకాల కాంపౌండ్ గేట్ చెట్టు దగ్గర ఉన్న రూంలోకి  తెచ్చిపెట్టాడు నారాయణ.

"అరే.. నేను ఇప్పుడే  వెనుక ఉన్న మన  కాంపౌండ్ గేట్ దగ్గర చూశానే "  అంటూ

"ఒరే భీమ.. ఒక్కసారి చూసిరా , నేనేమ్మన్నా వేరే ఎవరినైనా  చూసి అవతారం అనుకున్నానేమో" అన్నాడు నారాయణ.

భీమ అక్కడ కెళ్ళి చూసి వచ్చి "అవునురా  రంగ.. ఆ పిచ్చి అవతారం అక్కడ ఉన్నాడు. మనం ఇక్కడ చూశాం. అక్కడ చూడలేదు. మకాం ఇక్కడ చెట్టు దగ్గర ఉన్న రూమ్ నుండి అక్కడ చెట్టు దగ్గర ఉన్న రూమ్కు షిఫ్ట్ అయ్యినట్టు ఉన్నాడు" అన్నాడు భీమ.

"సర్లే.. ఆ పిచ్చి అవతారం ఎక్కడ వుంటే మనకు ఎందుకు? నాకైతే ఆ నరసింహ పీడ విరగడ అయ్యింది. అంతా మీ వల్లనే " అన్నాడు నారాయణ.

"అవును.. అవును. అందుకే ఈ రోజు మందు పార్టీ" అన్నాడు భీమ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/rQBv-7iUuq4

(కథ manatelugukathalu.com లో చదవడానికి కథ పేరు మీద క్లిక్ చేయండి)

నేనూ వాట్సాప్ కోడీ కుంపటీ

రచన: వసుంధర 

(ప్రముఖ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

చిన్నప్పుడు అమ్మ నాకు చెప్పిన కథ:

వెనకటికో ఊళ్లో ఓ ముసలమ్మ. ఆమెకో కోడి. అది తెల్లారు ఝామునే కూస్తే, ముసలమ్మ లేచి కుంపటంటించేది. ఊరి జనం కోడికూత విని తెల్లారిందని నిద్ర లేచేవారు. ముసలమ్మ దగ్గర నిప్పు తీసుకెళ్లి ఇళ్లల్లో పొయ్యి రాజేసుకునేవాళ్లు. కానీ ఎన్నేళ్లు గడిచినా ఊళ్లోవాళ్లు తన ప్రాముఖ్యాన్ని గుర్తించలేదని ముసలమ్మకి కోపమొచ్చి- ఓ రోజు కోడీ కుంపటితో సహా ఊరికి దూరంగా వెళ్లి ఓ చోట కూర్చుంది.

కాసేపటికి ఆ ఊర్నించి ఎవరో వస్తుంటే, “నా కోడీ కుంపటీ ఇక్కడుండిపోయాయి. మరి ఆ ఊళ్లో తెల్లారిందా” అనడిగిందిట.

“భలేదానివే- నీ కోడీ కుంపటీ లేకపోతే తెల్లారదా?” అని నవ్వేట్ట అతడు. ఆ మాటే సామెతగా మారింది.

ఈ కథలో ముసలమ్మని నేనైతే, నా కోడీ కుంపటి విషయంలో నేను గ్రహించిన కొత్త కోణమొకటి ఉంది. అందుకు నా కథని రెండు భాగాలుగా చెప్పాలి. ఒకటి రిటైర్మెంటుకి ముందు, రెండు రిటైర్మెంటు తర్వాత.

రిటైర్మెంటుకి ముందు

నేనో గవర్నమెంటు డిపార్టుమెంట్లో పెద్ద ఆఫీసర్ని. పదిహేనేళ్లలో రిటైరౌతాననగా పెద్ద ప్రమోషనొచ్చింది. బ్యాంకులు, ఫైనాన్సు కంపెనీలు, పరిశ్రమలు- వీటి ఆర్థిక లావాదేవీలు తనిఖీ చెయ్యడం నా డ్యూటీ.

ఆ పొజిషన్లో నాకు ముందున్న ఆఫీసరు విలాసరావు భారీగా లంచాలు పట్టి సస్పెండయాడు. ఆ వెంటనే అమెరికాలో కొడుకు దగ్గరకెళ్లి విలాసంగా విశ్రాంతజీవితాన్ని ఆస్వాదిస్తూ, తనకొచ్చిన చెడ్డపేరుని పట్టించుకోలేదు.

నేను చార్జి తీసుకోగానే సమాజంలో పెద్దోళ్లు చాలామంది నన్ను కలుసుకున్నారు. అందరిదీ ఒకే మాట!

“విలాసరావు చెప్పాచెయ్యకుండా ఆకస్మిక తనిఖీలు చేసేవాడు. దాంతో అయోమయంలో పడ్డ మమ్మల్ని రక్షించడానికి ‘ఖరుసవుద్ది’ అనేవాడు. మేము ఖరుసు భరించేవాళ్లం. అందువల్ల ప్రజాధనం ప్రభుత్వ ఖజానాకు చేరకుండా, ఆయన జనానాకు చేరేది” అని ముందు నేపథ్యం చెప్పారు.

“మీరు నిజాయితీపరులని విన్నాం. మీరు స్ట్రిక్టుగా ఉంటే మేమూ నిజాయితీగా ఉంటాం” అని నా’పథ్యం’ చెప్పారు.

(కథ manatelugukathalu.com లో చదవడానికి కథ పేరు మీద క్లిక్ చేయండి)

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/zMvjZ4_NHQQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

పాణిగ్రహణం

రచన: భాగవతుల భారతి

(ఉత్తమ రచయిత్రి బిరుదు గ్రహీత)

భాగవతుల భారతి గారి ధారావాహిక పాణిగ్రహణం ప్రారంభం

(కథా పఠనం: మల్లవరపు సీతారాం కుమార్)

చిన్నచిన్న చినుకులుగా వర్షం మెుదలయింది. బయటికి వచ్చిచూస్తే...

ఇంటిముందు ఎండావానలను తట్టుకోటానికి, నిలువుగా వేలాడేసిన నీలంపట్టా మీది చినుకు జారి, అక్కడే ఉన్న కుండీలోని చిట్టిగులాబీ పువ్వుమీద పడి, చినుకు పడినప్పుడల్లా, పువ్వు అదోలా నవ్వడం, ఓఆటలా అనిపిస్తోంది.

ఓ 'తేటగీతి' పద్యం మదిలో మెదిలింది....

'మధుర భావాల మంజుల రథమునెక్కి

తరుణి మదిలోన యాశల తావులద్ది సాంథ్యకాంతుల హారతి సంతరించ

రార! చెలికాడ మజ్జీవన రమ్యవనికి'

భావుకతతో చూస్తుంటే ఏదైనా పద్యమే, కవితే, ఏదైనా పాటే...

ఈ సయ్యాటను కన్నార్పకుండా చూస్తున్న హంస మంజీరను, "ఏంటి సంగతులూ.. నాతో మాట్లాడటం మానేసి ఎటో చూస్తున్నావ్?"

మాటలు వినబడి వెనుకకు తిరిగి చూసింది హంసమంజీర.

"ఏం లేదే! సన్నని చినుకు గులాబిమీద పడితే దానికదలిక భలే తమాషాగా ఉంది. వలపు ఒడిలోని ప్రేయసీప్రియుల సరాగంలా! "

"కవయిత్రి మెుల్ల... కాదు... కాదు మెల్ల.... "

మెల్లకన్ను పెట్టి పకపకా నవ్వింది సాగరమేఖల.

"ఏం చేస్తున్నావ్? ఉద్యోగాల వేటా?"

"అవునే! ఇప్పటికి నాలుగు ఉద్యోగాలు మానేసా! కొత్తది వెదుకుతున్నా "

"ఎలాఉంటున్నావే! నీ గురించే మా అందరి దిగులు"

"నా గురించి ఎందుకు? నేను చూడు.... ఎంత ఉల్లాసంగా ఉన్నానో.... ఎంత ఉత్సాహం గా ఉన్నానో.... " బద్రిలా ఫోజ్ పెట్టి చెప్పింది సాగరమేఖల.

"అన్నయ్య నిన్న ఫోన్ చేసి మనిద్దరి క్షేమసమాచారాలూ అడిగాడు. "

"నాకూ చేసాడు. పిచ్చిఅన్నయ్య! నేను బాగానే ఉన్నానంటే వినడే! అమ్మకూడా దిగులు పడుతోందిట. అది వదిలేయ్. ఇంకేవైనా విషయాలు చెప్పు. "

"ఈయనగారికి ప్రమోషన్ వచ్చేటట్లు ఉంది"

"ప్రమోషన్ మీద ట్రాన్స్ ఫర్ కూడా అవుతుందా? ముందే చెప్పవే! నేనూ తట్టాబుట్టా సర్దుతా! "

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/bkSuS2CFVvc

(కథ manatelugukathalu.com లో చదవడానికి కథ పేరు మీద క్లిక్ చేయండి)

వినిపించని రాగాలు 1

రచన : గొర్తి వాణిశ్రీనివాస్

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

దబ్బుమని ఏదో పడ్డట్టు చప్పుడై లేచి కూర్చున్న మధు నిద్రకళ్ళతోనే చుట్టూ చూసాడు. టిక్ టిక్ మంటూ గోడగడియారం పావుతక్కువ పన్నెండు చూపిస్తోంది.

కిటికీలోంచి గాలి రివ్వున వీస్తోంది. కర్టెన్లు ఎగురుటూ ప్లవర్ వాజ్ చెంపని అలవోకగా తాకుతున్నాయి. అది కితకితలు పెట్టినట్టు కదులుతూ బల్లమీదనుంచి కిందకి దూకేందుకు సిద్ధంగా ఉంది. అప్పుడే మేల్కొన్న మధు చటుక్కున లేచి ప్లవర్ వాజ్ ని తీసి జాగ్రత్తగా పెట్టాడు.

టేబుల్ కింద చెల్లా చెదురుగా పడిన కాగితాలను సర్ది పైన పెట్టాడు. కిటికీలోంచి బయటకు చూసాడు. పుచ్చపువ్వులా

పండు వెన్నెల. నిండుపున్నమి జాబిలి తెల్లగా నవ్వుతూ కనబడింది.

'మబ్బుల నదిలో తెల్లటి చందమామ

తెప్పలాగా తేలిపోతోంది

అందులో నా ముద్దు ప్రేయసి

ఉంది కాబోలు' అనుకున్నాడు.

కిటికీ ఊచలు పట్టుకుని మబ్బుల్లో దోబూచులాడే చంద్రుడ్ని చూస్తుంటే కవిత్వం పుట్టుకొచ్చింది. ఈ వయసులో ప్రేయసి ఊహలేవిటో. వయసుతో పనేముంది.. మనసులోనే అంతావుంది అని తన కొలీగ్ అంటుండేవాడు. భావగీతికలు

పాడుకునేందుకు వయసు అడ్డమెలాఅవుతుంది?

రెపరేపలాడుతున్న రాధాకృష్ణ క్యాలెండర్ వైపు చూసి దాన్ని సరిచేస్తూ ఆరోజు తేదీ చూసాడు.

ఆగస్టు పదిహేడు. తన జాతకం ప్రకారం ఈరోజు తన జీవితంలో మరిచిపోలేని రోజు అవుతుందని రాసి పెట్టుకున్నాడు. జాతకంలో అది స్పష్టంగా ఉంది. ఎన్నాళ్ళుగానో ఈరోజు ఎలా ఉండబోతోందో అని ఎదురుచూస్తున్నాడు. కానీ రోజంతా మామూలుగానే గడిచింది. ప్రత్యేకత ఏమీ లేకుండానే.

అదేవిటోమరి. తను వేసిన లెక్కలు తప్పయ్యాయా? గ్రహగతులు తారుమారయ్యాయా? ఏమోమరి.

కానీ ఒకటి మాత్రం అనూహ్యంగా జరిగింది. కానీ అది అంత ప్రభావవంతమైన సంఘటన కాదనిపించింది. వాచీ వంక చూసాడు.

పన్నెండుo పావు. అర్ధరాత్రి మద్దెలదరువని

తీరుబాటుగా ఈ తీపి ఊహలేలనో.

శ్రీమతి బహుదూరానికేగిన ఫలితమేమో.

ఆఫీసులో పనుల వత్తిడిలో బడలిన మనఃశరీరాల సంఘీభావ విశ్రాంతి కోరుతున్న పిలుపులేమో.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/D7aGfL18hl0

(కథ manatelugukathalu.com లో చదవడానికి కథ పేరు మీద క్లిక్ చేయండి)

వరద

రచన: T హనుమంత

(కథా పఠనం: మల్లవరపు సీతారాం కుమార్)

“ఈ ఏడు పంటలు బాగా పండాయి. దొరగారి బాకీ మొత్తం కట్టేసి పిల్లలను బాగా సదవించాలి మామా! ఇన్నిరోజులు పడ్డ కష్టాలు ఈ పంటతో తీరిపోతాయి” అన్నాడు అల్లుడు.

“అవును అల్లుడూ.. నేను కూడా చేసిన అప్పంత తీరుస్తాను” అన్నాడు మామ.

“ఈ సారి మాగాణి అంతా పంటలతో నిండి పోయిండాది. బొమ్మయ్య మామ కూడా కూతురి పెండ్లికి, ఆయన పెండ్లానికి ఆసుపత్రికి శాన అప్పులు చేసినాడు. ఈ పంటతో మొత్తం అప్పులు తీరుతాయి కదా మామ” అన్నాడు అల్లుడు.

“అన్నట్టూ ఈ రోజు రచ్చబండ తాన జనాలంతా కలిసినారంట పోదామా అల్లుడూ..”

“అవునా ఎందుకు మామా?”

“వచ్చే మూడు రోజుల నుండి భారీ వర్షాలు పడే అవకాశం ఉంది. రైతులంతా గమనించి చేతికొచ్చిన పంటను కోయాలని ప్రభుత్వం వారి హెచ్చరిక - అని సర్పంచ్ గారు తెలియజేశారు. అది ఇన్న జనాలంతా మన వంక కు ఆనకట్ట కట్టాలని సెప్పినా ప్రభుత్వం ఏమి పట్టించుకోలేదు. ఈ వర్షానికి గనక మన వంక పొంగిందంటే మొత్తం మాగాణి కొట్టుకొని పోతుంది. అదే గనక జరిగితే ఇన్ని రోజుల కష్ట మంతా, ఆశలన్నీ వల్లకాడైపోతాయి.

అకాల వర్షానికి ఎవరు బాధ్యులు కాలేరు. కానీ వర్షానికి ఇంకా మూడు రోజుల గడువుంది. కోతలు కోయడానికి సిద్దమవ్వండి. పంట నష్టపరిహారాన్ని తెలుపుతూ పై అధికారికి అర్జీ పెడతాను’ అన్నారు సర్పంచ్ గారు.” ’ అని చెప్పాడు మామ.

జనాలంతా ఆత్రంగా పంట కోయడం మొదలుపెట్టారు. పసిపిల్లల నుండి పండు ముసలి వరకు అంతా పనిచేయ బట్టినారు. తుపాను గాలులు వీయడం మొదలుపెట్టాయి పంట కోత నుండి నూర్చడం వరకు వచ్చింది. నూర్చడానికి యంత్రాలు లేకపోవడం వల్లా తొందరగా అవడంలేదు. సెప్పిన సమయానికన్నా ముందే సినుకులు పడటం వల్ల ఎక్కడి గడ్డి అక్కడే, గింజలు అట్లాగే ఉండిపోయాయి. పొద్దు మునుగుతావుంది, సంచులల్లో వడ్లను నింపి గట్లకు తోలడం ప్రారంభించారు, కాని సినుకులు గట్టిగా పడటం వల్ల ఎద్దులు లాగలేక పోతున్నాయి.

ఉరుములు, మెరుపులతో తుపాను ముంచుకొస్తోంది, అయినా అలాగే కష్టపడుతున్నారు, వంక పొంగుతోంది. ఆనకట్ట లేకపోవడం వల్లా నీరు సరాసరి పంటలోకి సేరుతోంది. నింపిన సంచులన్ని, గడ్డి కూడా వంక ఉదృతికి కొట్టుకొని పోతున్నాయి. సికట్లో వాళ్ళు సేసేది ఏమీలేక చూస్తూ ఉండి పోయినారు. బొమ్మయ్య మామ అప్పులు తీరవు అనే భయంతో గుండె పోటు తో మరణించే..

జనాలంతా ఏడుస్తూ వంక ఉదృతిలో కొట్టుకొని పోయే ఎద్దులను, సంచులను పట్టుకోవడానికి ప్రయత్నిస్తూ ఉన్నారు. రేయల్లా అలాగే వర్షం పడుతూ వుంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/rN4qC48PW6g

(కథ manatelugukathalu.com లో చదవడానికి కథ పేరు మీద క్లిక్ చేయండి)

నాకేమవుతోంది…? ఎపిసోడ్ 5

రచన, పఠనం: మల్లవరపు సీతారాం కుమార్

గత ఎపిసోడ్ లో...

ప్రియ అనే యువతి, తన భర్త ప్రవర్తనలో తేడా ఉన్నట్లు తండ్రి ప్రభాకర రావుకి షెడ్యూల్ చేసిన మెయిల్  పంపుతుంది.

తరువాత ఆ మెయిల్ ఆవేశంలో పంపినట్లు మరో మెయిల్ వస్తుందతనికి.

ఎస్సై రంగనాథం, రిసార్ట్ సమీపంలో పడిఉన్న శవాన్ని పరిశీలించడానికి వెళ్తాడు.

రిసార్ట్ రిజిస్టర్ లో వరుణ్, రియా అన్న పేర్లు చూసి అనుమానిస్తాడు.

ఇక ‘నాకేమవుతోంది…?’ ధారావాహిక ఐదవ భాగం చదవండి…

హాల్లో పేపర్ చదువుకుంటున్న భర్త ప్రభాకరరావు దగ్గరకు వచ్చింది ప్రమీల.

అతని పక్కనే నిల్చుని మెల్లిగా “ఏమండీ !" అని పిలిచింది.

అతను పేపర్ లో నుంచి తల పైకి ఎత్తకుండానే "ఏమిటి?" అన్నాడు.

ప్రమీల అతని చేతిలో నుంచి పేపర్ లాక్కొని పక్కనే ఉన్న టీపాయ్ మీద పెట్టింది. తెల్లబోయి తలెత్తి ఆమె వంక చూసాడు ప్రభాకరరావు ఏమిటన్నట్లు.

"ఈరోజు ఏం వారం?" అని అడిగింది సీరియస్ గా.

"అది అడగడానికి నా చేతి నుంచి పేపర్ లాగేయాలా? ఈరోజు మంగళవారం. ఇంతకీ ఏమిటి విషయం?" అన్నాడు.

"అది నాకు కూడా తెలుసు. మంగళవారం అనగానే మీకేమీ గుర్తుకు రావడం లేదా?" అడిగింది కాస్త కోపంగా.

కాసేపు బుర్ర గోక్కున్నాడు ప్రభాకరరావు. తరువాత ఏదో గుర్తుకు వచ్చి "అమ్మాయి చేత శుక్రవారం నోములు నోయిస్తానన్నావు. మంగళవారం నోములు కాదు గదా.. నాకు లాగే నీకు కూడా మతిమరుపు మొదలయిందన్నమాట" అన్నాడు.

"ఫరవాలేదు. మొత్తానికి మీకొక కూతురు ఉన్నట్లు గుర్తుకు వచ్చింది. మూడు రోజుల నుండి ఆ కూతురు ఫోన్ తీయడం లేదు అన్న సంగతి గుర్తుకు రాలేదా?" సీరియస్ గా అడిగింది ప్రమీల.

"నేను మర్చిపోయినా నువ్వు వదిలి పెట్టావు కదా.. నిన్న రాత్రి కూడా ఫోన్ తీయలేదని చెప్పావు. నిన్న కూడా రిసార్ట్ లోనే గడిపి ఉంటారు. ఈ విషయం రాత్రి నువ్వు అడిగినప్పుడే చెప్పాను కదా!" అన్నాడు ప్రభాకరరావు.

"అలాగే అనుకున్నా ఈరోజు ఉదయాన్నే ఇంటికి వచ్చేయాలి కదా! ఈరోజు ఇద్దరూ ఆఫీస్ కి వెళ్లాలి కదా" అంది ప్రమీల.

ఒక సారి టైం చూసుకున్నాడు ప్రభాకరరావు.

"ఉదయం ఎనిమిది గంటలయింది. సరేలే.. మరో గంట ఆగి నేను ఫోన్ చేస్తాను. ఈలోగా నీకు టెన్షన్ లేకుండా ఉండడానికి ఒక ఉపాయం చెప్తాను" అన్నాడు భార్యతో.

"చెప్పండి" అంది ప్రమీల అతని పక్కనే కూర్చుంటూ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/yaepgSXDV5c

(కథ manatelugukathalu.com లో చదవడానికి కథ పేరు మీద క్లిక్ చేయండి)

కస్తూరి రంగ రంగా!! 9

రచన: సిహెచ్. సీఎస్. శర్మ 

(కథా పఠనం: మల్లవరపు సీతారాం కుమార్)

గత ఎపిసోడ్ లో

వసంత్ తో కలిసి రేపల్లె బయలుదేరుతాడు రంగ.

దారిలో అతనికి గతం గుర్తుకు వస్తుంది.

రంగా తండ్రి మాధవయ్య పడవ నడిపే వాడు.

తండ్రి మరణించాక రంగా పడవ నడిపే వాడు.

అతని యజమాని గోపాలయ్య కూతురు కస్తూరి అంటే రంగుకు చాలా ఇష్టం.

ప్లస్ టు లో  స్టేట్ ఫస్ట్ వచ్చిన కస్తూరి ఫోటో పేపర్లో పడుతుంది.

ఇక కస్తూరి రంగ రంగా - ఎపిసోడ్ 9 చదవండి

గోపాలయ్యగారి సోదరి దుర్గాదేవి... కోడలి ఫొటోను పేపర్లో చూచింది. అందచందాలలో కస్తూరికి సాటి కస్తూరే...

కస్తూరి యుక్త వయస్సుకు వచ్చిన తరుణంలో మేనత్తగా తాను చేయవలసిన సాంప్రదాయ ధర్మాల నన్నింటిని దుర్గాదేవి పద్ధతిగా కస్తూరికి జరిపింది.

హైదరాబాదుకు తిరిగి వెళ్లిపోబోయేముందు అన్న గోపయ్యను... తన పెద్దకొడుకు భూషణ్ కుమార్ కు కస్తూరికి వివాహం జరిపించాలనేది తన ఆశయం అని చెప్పింది... ఈమె నిర్ణయం ఇష్టంలేని గోపాలయ్య లౌక్యంగా... అమ్మాయి పై చదువులు చదవాలంటోందని... వివాహ ప్రసక్తి మూడు నాలుగు సంవత్సరాల తర్వాతేనని ఖచ్చితంగా చెప్పాడు గోపాలయ్య.

ఆ సమాధానం రుచించని దుర్గాదేవి... అన్నగారి మీద ఆగ్రహంతోనే హైదరాబాదు చేరింది.

కస్తూరి ఇంటర్లో స్టేట్ ఫస్టుగా వచ్చాక కొడుకు భూషణ్ కుమార్ రేపల్లెకు వచ్చి... హైదరాబాదులో మంచి కాలేజీలో కస్తూరిని చేరుస్తానని... చదువు పూర్తి అయేవరకు ఆమెను జాగ్రత్తగా చూచుకొంటానని దుర్గాదేవి ఎంతో ప్రీతితో గోపాలయ్యకు చెప్పింది. ఆమె తేనెజాలువారే మాటల పరమార్థాన్ని ఎరిగిన గోపాలయ్య.... అందుకు అంగీకరించ లేదు.

మొదటిసారి అంటే... కస్తూరి యుక్తవయస్సుకు వచ్చినపుడు... అన్నగారు తన మాటను కాదన్నందుకు... చిన్నపిల్లే కదా చదవనీ... నన్నుదాటి ఎక్కడకి పోతుందని... అనుకొంది దుర్గాదేవి... గోపాలయ్య యావత్ ఆస్తి... కస్తూరిని తన పెద్దకొడుకు భూషణ్ కుమార్ కు ఇచ్చి వివాహం చేసి తన హస్తగతం చేసుకోవాలని దుర్గాదేవి దురాశ.

ఈసారి... తనతో కూతురును గోపాలయ్య హైదరాబాద్ కు పంపి అక్కడ చదువుకొనేలా చేయాలనే తన నిర్ణయాన్ని కాదన్నందుకు... అన్నయ్యగారి మీద ఆగ్రహం కలిగింది. ఏరీతిగాననైనా కస్తూరిని తన కోడలిగా చేసుకోవాలనే నిర్ణయించుకొంది. తన నిర్ణయాన్ని కొడుకు భూషణ్ కుమార్ కు చెప్పింది..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/7RJagP-OUt8