Mana Telugu Kathalu | మనతెలుగుకథలు.కామ్ | Telugu Short Stories

(కవిత manatelugukathalu.com లో చదవడానికి కవిత పేరు మీద క్లిక్ చేయండి)

అడుగేేద్దాము మనము

రచన: N. సాయి ప్రశాంతి

పఠనం: మల్లవరపు సీతారాం కుమార్

అడుగేేద్దాము అడుగేేద్దాము అడుగేేద్దాము మనము

లక్ష్యం చేేరేవరకు ప్రతి క్షణమూ ఒక పోరాటమూ

విధికేే ఎదురీదడమూ మన గెెలుపుకిి తొలిమెట్టవును

ఏనాడూ ఏ రోజూ నువ్వేే నీ బలమూ

జీవితమే ప్రయాణమూ ప్రతి మలుపొక పాఠమూ

Read the full poem on www.manatelugukathalu.com

ఈ కవిత మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కవితను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

అతిథి దేవోభవ

రచన: లక్ష్మి చివుకుల

(కథా పఠనం: మల్లవరపు సీతారాం కుమార్)

"అదేంటమ్మా! ఫోన్ లో మాట్లాడిన దగ్గర నుంచీ అలా డల్ గా అయిపోయావు.. ఏమయింది?" మా అత్తగారు అడిగారు నన్ను.

"ఈరోజు శివరాత్రి కదా! వంట చేయక్కరలేదు అనుకున్నాను. కానీ మా దూరపు బంధువులు.. భార్యా భర్తలు భోజనానికి వస్తానని ఫోన్ చేసారు. ఇదివరకు ఎన్ని సార్లు పిలిచినా రాలేదు. ఇప్పుడు వారంతట వారే ఈ ఏరియాలో ఏదో పనిమీద వస్తున్నారుట.

‘మేము ఉపవాసం వుండలేము అమ్మా! మధ్యాహ్నం భోజనం చేస్తాము ఇదివరకు నువ్వు చాలా సార్లు పిలిచావు అప్పుడు రావడానికి కుదరలేదు. ఆ చనువుతోనే ఇప్పుడు మా అంతట మేము మీ ఇంటికి భోజనానికి వస్తున్నామని చెప్పుతున్నాము’ అని అన్నారు.

ఫోన్ లో ఈ విషయం వినగానే ఒక్కసారిగా విసుగు వచ్చింది అత్తయ్య గారూ ఇప్పుడు పప్పు, కూర, పులుసు అన్నీ చేయాలి."

"తప్పమ్మా! అలా ఆలోచించకు. చాలా మంది ఈరోజు ఉపవాసం వుంటారు నువ్వు భోజనానికి పిలిచినా కూడా ఎవరూ రారు. అలాంటిది శివరాత్రి నాడు వాళ్ళంతట వారు భోజనానికి వస్తానని చెప్పడమే చాలా అదృష్టం. ఆ పార్వతీ పరమేశ్వరులు ఆ దంపతుల రూపంలో నీ ఇంటికి వస్తున్నారని భావించు.

భగవంతుడు ఒక్కొక్కసారి మన పాప కర్మలు తగ్గించాలని ఒక వ్యక్తి రూపంలో గాని, ఒక గురువు రూపంలో గాని, ఒక గోవు రూపంలో గాని, మన ఇంటికి పంపిస్తారుట. వాళ్లకి మన చేతులతో ఏమి పెట్టినా ఎంతో కొంత పుణ్యం మన ఖాతాలో జమ అవుతుంది.

ఎవరన్నా అన్నం పెట్టమని అడిగినారంటే.. భగవంతుడు ఎవర్నో అడ్డం పెట్టుకొని వారి ద్వారా మనకు పుణ్య ఫలమును ప్రాప్తి చేస్తున్నాడు అని అర్ధం. దానిని సరిగా మనం వినియోగించుకోవాలి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/5jQ13AEAMlA

(కథ manatelugukathalu.com లో చదవడానికి కథ పేరు మీద క్లిక్ చేయండి)

నేను వున్నాను

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గోపాల్ ఒక ప్రైవేట్ కంపినీలో మంచి ఉద్యోగమే చేస్తున్నాడు, అతని భార్య రాధ ఒక పేరున్న పెద్ద ట్రైనింగ్ కాలేజీ లో ఉద్యోగం. యిద్దరు పిల్లలు తో హాయిగా జీవితం గడుపుతున్నాడు.

ప్రైవేట్ ఆఫీస్ అవటం వలన, ఇంటికి రావటం లేట్ ఆవుతోవుంటుంది. ఒకరోజున యధాప్రకారం పనిముగించుకుని స్కూటర్ మీద వస్తున్న గోపాల్ కి ఎందుకో బాగా చలిగాను,  కొద్దిగా వణుకు మొదలవడం గ్రహించి,  ఎలాగో ఇంటికి చేరి,  భార్య తో నాకెందుకో చలిగా వుంది,  పడుకుంటాను,  మీరు తినేయండి అన్నాడు.  అదేమిటి మండు వేసవి కాలం చలి ఏమిటి అంటూ వచ్చి భర్త నుదుటి మీద చెయ్యి వేసి చూసింది రాధ.  కొద్దిగా నులివెచ్చగా వుంది,  వేడి హార్లిక్స్ యిస్తాను త్రాగి పడుకోండి, తెల్లారికి తగ్గుతుంది అంటూ వంట గదిలోనుంచి హార్లిక్స్ కలుపుకొచ్చి భర్త కి యిచ్చింది. అయితే త్రాగిన అయిదు నిమిషాలలో వామిటింగ్ చేసుకున్నాడు గోపాల్. రాత్రి గడిచి తెల్లవారింది. గోపాల్ వొళ్ళు అంతా నొప్పులు,  విపరీతంగా చలి లేవ లేక భార్య తో చెప్పాడు,  నేను కూడా మీ ఆఫీస్ క్లినిక్ లో చూపించుకుంటాను. క్యాబ్ లో వెళ్దాం అని అతికష్టం మీద లేచి పేస్ వాష్ చేసుకుని,  భార్య తో బయలుదేరాడు.

డాక్టర్ గారు బీపీ,  chest exam చేసి,  ఎందుకైనా మంచిది బ్లడ్ టెస్ట్ చేయించుకోండి. ఈలోపుగా, ఈ టాబ్లెట్స్ వాడితే చలి తగ్గుతుంది అన్నాడు. టెస్ట్ కి బ్లడ్ యిచ్చి,  ఆఫీస్ కి ఫోన్ చేసి విషయం చెప్పి, రెండు మూడు రోజులు లీవ్ తీసుకుంటానని చెప్పి ఇంటికి చేరుకుని టాబ్లెట్ వేసుకుని ఏమి తినకుండానే పడుకున్నాడు.

బ్లడ్ రిపోర్ట్ లో టైఫాయిడ్ అని వచ్చింది. 10 రోజులు మందులు వాడాలిట. చచ్చాం రా నాయనా యిప్పుడు ఎలాగా,  ఆఫీస్ లో చేతినిండా అర్జెంటు పని వుంది, అసలే ప్రైవేట్,  పదిరోజులు సెలవు ఇస్తాడా అనుకుంటూ వాళ్లకి ఫోన్ చేసి విషయం చెప్పాడు. దానికి డైరెక్టర్ ఫైనాన్స్,  టైఫాయిడ్ అయితే యిప్పుడే ఎక్కడ తగ్గుతుంది,  టెండర్లు పంపించే వర్క్ నీకు తప్పా ఎవరికి తెలియదు ఎలా అని గొణుగుతూ,  సరే అవసరం అయితే ఫోన్ లో మాట్లాడుతాము అని ఫోన్ పెట్టేసాడు విసుగ్గా.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/q75PpsYHsTM

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 4

రచన : S. సంపత్ కుమార్  

(కథా పఠనం: మల్లవరపు సీతారాం కుమార్)

గత ఎపిసోడ్ లో

తనను వెంబడిస్తున్న కుర్రాళ్లను తప్పించుకోవడానికి కిరణ్ ను ‘బావా’ అని పిలుస్తుంది కావ్య.

సుజాతకు కాల్ చేసి పలకరిస్తాడు రాజారావు.

ఆమె అతనితో మాట్లాడటానికి ఇష్టపడదు.

కావ్యను సరదాగా ఆట పట్టిస్తూ ఉంటాడు కిరణ్.

ఇక 'సంపత్ సినిమా కథలు’ నాలుగవ భాగం చదవండి.

తనను ఫాలో అవుతూ సైకిల్ ఆపిన కిరణ్ను చూస్తూ కావ్య తల బాదుకుంటూ "ఆ రాజు టార్చర్ ప్రేమ వదిలింది అనుకుంటే ఈ కొత్త టార్చర్ ప్రేమ ఒకటి మొదలు అయ్యింది." అంది.

"కావ్యా! నీవు ఆ రాజు గాడి ప్రేమతో పోల్చకు. నేను నిన్ను చూసిన తొలి చూపులోనే నీ అందానికి దాసుడ్ని అయిపోయాను. "

"అబ్బా ఈ డైలాగ్స్ మా కాలేజీ లో ఇప్పటికీ వంద మంది చెప్పారు. కొత్త డైలాగ్ ఏదైనా చెప్పు".

"ఏందే.. నీవు ఏమైనా పెద్ద అందగత్తె అనుకుంటున్నావా, ఆ కళ్ళు చూడు అబ్బా.. గుడ్లగూబల ఉన్నాయి.. ఆ పెదవులు చూడు.. అచ్చం గాడిద పెదలలా ఉన్నాయి.. ఆ మెడ చూడు కొంగలా.. ఇంకకా  కిందకు పోతే.."

"చాలు చాలు.. ఆపు" అంటూ సైకిల్ మీద ఉన్న కిరణ్ను చేతితో ఒక్క తోపు తోసి, సైకిల్ మీదనే వుంది కదా అక్కడ నుంచి పోదామని స్పీడ్గా సైకిల్ మీద రయ్యి మంటూ పోతుంది. అప్పుడే ఆ రోడ్డులో పోతున్న ఒక కారు కావ్యను డీ కొట్టబోతుంటే ఆమె వెనకాల ఆదే స్పీడ్గా సైకిల్ మీద వస్తున్న కిరణ్ ఆమెను పక్కకు తోసేసరికి ఇద్దరు పట్టు తప్పి రోడ్డు పక్కన ఉన్న చెరువులో పడి పోయారు. ఇదే అదనుగా నీళ్లలో తేలిపోతూన్న కావ్యను అలా వడిసి పట్టుకోగానే సిగ్గుతో ముడుచుకొనిపొయి అక్కడి నుంచి తడిసి ఉన్న బట్టలతోనే వెళ్ళి, పడిఉన్న సైకిల్ను లేపుకొని దాని మీద వెళ్ళిపోయింది.

కావ్యను అలా చూస్తు కిరణ్ కూడ సంతోషం పట్ట లేక గట్టిగా నవ్వుతూ అలా నీళ్లలో స్విమ్మింగ్ చేసుకుంటూ ఉండిపోయాడు.

ఇంటికి సైకల్ మీద వచ్చిన కావ్య తడి గుడ్డలతో కనపడగానే సుజాత "ఏమైంది అలా తడిసిపోయి వచ్చావు" అని అడిగింది.

"ఏమీ లేదమ్మా! కారు వాడు కాస్త మీదికి వస్తుంటే కంట్రోల్ తప్పి పక్కల ఉన్న చెరువు లో పడిపోయా"

"దెబ్బలు ఏమీ తగలలేదు కదా"

"నాకేమీ కాలేదు"

"బట్టలు మార్చుకొని వస్తా" అంటూ రూంలో కి వెళ్ళింది కావ్య

బట్టలన్నీ విప్పుకుంటూ అక్కడే ఉన్న అద్దంలో తన అందాలను చూసుకుంటూ, వయస్సు వచ్చాక తొలిసారి ఒక పురుషుడు తనను నీళ్ళలో వడిసి పట్టుకునే దృశ్యం గుర్తుకు వచ్చి వళ్ళు ఊహల్లో తేలిపోతూ ఏదోలా అయ్యింది కావ్యకు.

***

గెస్ట్ హౌస్

నారాయణ, రంగ భీమ ముగ్గురూ మందు మీద జోరుగా వున్నారు.

"ఒరే.. అది మందురా.. నీళ్లు తాగినట్లు తాగుతున్నారు. ఇప్పటికే ఫుల్ బాటిల్ అయ్యి రెండో బాటిల్ సగం అయ్యింది". తలబాదుకున్నా డు నారాయణ మళ్ళీ మాట్లాడుతూ.

"ఇంకా ఆ నరసింహ నుంచి తప్పించుకునే ప్లాన్ చెప్పలేదు."

"డోంట్ వర్రీ నారాయణ " మత్తు లో ఊగుతూ అన్నాడు రంగ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/29PUXpNPBso

మంచి మాట -వెలుగు బాట

రచన: ఏ. అన్నపూర్ణ

(ఉత్తమ అభ్యుదయ రచయిత్రి)

(పఠనం: మల్లవరపు సీతారాం కుమార్)

నువ్వు విజయం సాధించాలి అంటే ఇతరులను అనుకరించకు

నీకు నువ్వు మంచి దారిని ఎంచుకో

గతాన్ని గుండె తలుపు వెనుక దాచి పెట్టుకో

రాబోయే భవితకు తలుపులు తెరచి పెట్టు...

Read the full poem on www.manatelugukathalu.com

ఈ కవిత మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కవితను యూట్యూబ్ లో చూడండి.

Video link

https://youtu.be/FZWYE_dR1fA

(కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 13

రచన : పాండ్రంకి సుబ్రమణి (ఉత్తమ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

వరూధిని, మందాకినిలతో డిన్నర్ కి వెళ్తాడు భువనేశ్.

ఆ రాత్రి ప్రభావతి ఇంటికి రాకపోవడంతో వరూధిని భువనేశ్ ఇంట్లో పడుకుంటుంది. అతనికి దగ్గరవుతుంది.

ఇక ది ట్రాప్. . పదమూడవ భాగం చదవండి…

ఆరోజు సాయంత్రం వినోదిని, కమలంతో కలసి పెరడు చెట్లకు నీళ్ళుపోసి, కొన్ని మొక్కలకు ట్రిమ్మింగ్ చేసి, వంటగది లోకి వెళ్ళి కామాక్షమ్మ అందించిన నాలుగు టీ-  కప్పులు ప్లేటులో పెట్టుకుని మంగళ దేవమ్మ గదిలోకి వచ్చింది. అక్కడ వినాయకం కూడా మంగళ దేవమ్మ ప్రక్కన ఉండటం చూసి-  “హాయ్ తాతగారూ! ఎప్పుడొచ్చారు? అసలు మాకళ్లబడకుండా యెలా చప్పుడు లేకుండా రాగలిగారు?“ అని అడుగుతూ పెద్దలిద్దరికీ టీ-  కప్పులు అందించింది. వినాయకం గట్టిగా నవ్వాడు-

“ ఇంకా నయం—ఎందుకు వచ్చారు? వచ్చారే అనుకో.. మా అవ్వగారి గదిలోకి యెలా వచ్చారు— అని అడగలేదు. ఏది యేమైతే నేమి—నీకు బదులివ్వాల్సిన పరిస్థితిలో ఉన్నాను కాబట్టి చెప్తాను. ఊరుకి వెళ్ళి ప్రాతకాలం నాటి బందువుల్ని చూసొచ్చాను. ఎవర్నని అడక్కముందే చెప్పేస్తాను— మీ చిన్నవ్వ.. అంటే మంగళాదేవమ్మ చెల్లెలు మీనాక్షిని చూసొచ్చాను. నిజానికి నువ్వు చెప్తే నమ్ముతావే లేదో గాని—నేను మీనాక్షినే పెళ్ళి చేసుకోవలసింది. మధ్యన మంగళ దేవమ్మ శివపూజలో యెలుగులా దూరి కార్యం పాడు చేసింది. చెల్లిని ప్రక్కకు తోసి నన్ను యెగరేసుకు పోయింది—లేకపోతే—నేనిక్కడ కాదు. అక్కడుందును—“.

ఆ మాట విన్నంతనే మంగళా దేవి కస్సుమంది-  “మహా మన్మథుడు చూడూ— సొక్కి పడిపోయాను. నిజానికి ఈ మన్మథ రూపుడే తోటలోకి పిలిచి వెన్నెల భోజనం తిందామని కింక పెట్టేవాడు. నావెంట పడేవాడు. అదంతా మరచిపోయినట్టున్నాడు ఈ పెద్దమనిషి—”

అప్పుడు కమలం వాళ్ళ మధ్యకు వచ్చి నిల్చుంది-  “ఇక చాలించండి ఈ కొట్లాటలూ ముచ్చట్లూ— అప్పట్లో పోలిగామీ ఉండటం చట్ట ఉల్లంఘన కాదు కదా— ఎంచక్కా ఇద్దరక్కా చెల్లెళ్ళనూ కిడ్నేప్ చేసి తీసుకొచ్చేయ వలసిందేగా-  ! మాకు ఇద్దరు బామ్మలుండే వారు కదా! ఇల్లు ఇంతకంటే రప్చర్ గా ఉండేది కదా..”

మంగళాదేవమ్మ యేమీ అనలేదు. మనవరాలిని దగ్గరకు పిలిచింది-  రహస్యం చెప్తానంటూ— కమల దగ్గరకు వచ్చింది—చెప్పు బామ్మా అంటూ—మంగళాదేవమ్మ యేమీ చెప్పలేదు. చట్టున నెత్తిపైన మొట్టి కాయ పెట్టింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/fKbuUCWsIXQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

ఏ దారెటు పోతుందో

రచన: ఇందిరా రావు షబ్నవీస్

(కథా పఠనం: మల్లవరపు సీతారాం కుమార్)

“అమ్మా!! అమ్మా!!”

“ఇంద ఈ రొట్టె తిను” అని బలవంతంగా ఎవరో నోట్లో చిన్న రొట్టెముక్క పెట్టారు.

కళ్ళు తెరిచే ఓపిక కూడా లేకపోయింది వర్ధనికి.  ఆ చిన్న ముక్క నాలికకి తగలగానే మరచిపోయిన ఆకలి, రుచి ఒక్కసారిగా గుర్తుకు వచ్చాయి.  కళ్ళు మూసుకునే ఆ పెట్టే చెయ్యి ఎవరిదో చూడకుండానే ఆవురావురుమని గబగబా తింది. అంత హడావిడిగా తినడంలో గొంతులో ముక్క అడ్డుకొని ఒక్కసారిగా ఉక్కిరి బిక్కిరి అయింది.

“అమ్మా! ఇదిగో నీళ్లు తాగు” అని రెండు చుక్కలు నోట్లో పడ్డాక నెమ్మదిగా కళ్ళు తెరిచి చూసింది తన ప్రాణం నిలిపింది ఎవరు అన్నట్టుగా.

ఒక పది, పన్నెండేళ్ల అమ్మాయి ఉన్నంతలో కొంచెం శుభ్రమైన బట్టలు వేసుకొని ఉంది.. పిల్లలో బీదరికం ఉట్టిపడుతోంది.  కానీ కళ్ళల్లో ప్రేమ, జాలి కనబడుతున్నాయి.. తినడం అపి, చుట్టూ తిరిగి చూస్తూ “ఎవరమ్మా నువ్వు?” అంది ఓపిక తెచ్చుకుంటూ వర్ధని.

“ముందు నువ్వెవరవో చెప్పమ్మా.  ఇక్కడ రెండు రోజుల నుండి పడి ఉంటే చూసి మా నాయన టీ, రొట్టె ఇవ్వమంటే వచ్చాను.. ఏ ఊరు మీది?” అంది ఆ అమ్మాయి.

“తానెవరో? ఇక్కడికి ఎందుకొచ్చిందో?” వెంటనే గుర్తు రాలేదు వర్ధనికి.

“ఇదే వూరు?” అంది.

“తిరుపతి” అంది ఆ అమ్మాయి.

‘తిరుపతా? తను ఇక్కడికి ఎలా వచ్చింది?’ కళ్ళు మూసుకొని గుర్తు తెచ్చుకోవడానికి ప్రయత్నించింది.

“తిరుపతి.. తిరుపతి... తనది కాకినాడ కాదూ!! ఇక్కడ... అన్నట్టు అవును.. వాడేడి?”  మళ్ళీ చుట్టూ చూసింది.

“వాడేడీ?” అంది వెతుకుతూ.

“ఎవరు? ఇక్కడ నువ్వు తప్ప ఇంకెవరు లేరు. రెండు దినాలుగా పండుకొని వుంటివి.  ప్రాణం ఉందో లేదో కూడా తెలవలె.  మా నాయన వచ్చి చూసి ఇగో ఈ టీ తాపించమంటే వచ్చిన” అంది అమ్మాయి మళ్ళీ.

తను, వాడు తిరుపతి రావడం, దైవ దర్శనం చేసుకోవడం, హోటల్ లో టిఫిన్ తింటూ “ఫోన్ వచ్చిందని ఇప్పుడే మాట్లాడి వస్తాను ఇక్కడే వుండు” అని చెప్పిన కొడుకు ఎంతకీ రాకపోవడం.. అన్నీ గుర్తుకు వచ్చాయి వరసగా.

‘కావాలనే వదిలి వెళ్లాడన్న మాట తనని? ఇలా వదిలించుకున్నాడా?  ఇంకే దారి దొరకలేదా తనని వదిలించుకోవడానికి?  ఊరెళ్ళి ఏమని చెప్పాడు అందరికి?’..

అన్నీ సమాధానం లేని ప్రశ్నలే వర్ధనికి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/i80TmnCUOkc

(కథ manatelugukathalu.com లో చదవడానికి కథ పేరు మీద క్లిక్ చేయండి)

ల్యాండ్ ఫోన్

రచన: లక్ష్మి చివుకుల

(కథా పఠనం: మల్లవరపు సీతారాం కుమార్)

"లాండ్ ఫోన్ ఎవరూ వాడటం లేదు. కనక్షన్ తీయించేవచ్చు కదా." సుధ భర్తకు ఎప్పటి నుంచో చెపుతోంది.

"ఉండనీ ఆ ఫోన్ ఆ టేబుల్ మీద ఉండడం వలన నీకేమీ కష్టం" చిరాకు పడ్డాడు మూర్తి.

"ఆ ఫోన్ అలంకారానికి మాత్రమే. ఎవరి సెల్ ఫోన్ లు వాళ్లకి వున్నాయి కదండీ." సుధ నచ్చ చెప్పడానికి ప్రయత్నం చేస్తోంది భర్తకు.

"అవుననుకో.. ఇదివరకు ఇంట్లో లాండ్ ఫోన్ వుంటే అదొక స్టేటస్ సింబల్. ఇప్పుడు ఎవరూ ఉపయోగించక పోయినా అలా వుంచుదాం. అప్పట్లో ఆ ఫోన్ కనక్షన్ కోసం నేను ఎన్ని తిప్పలు పడ్డాను." భార్యకు సమాధానం చెప్పి అక్కడ నుంచి వెళ్లి పోయాడు మూర్తి.

కొన్ని నెలలు తరువాత ఒక రోజు వచ్చిన లాండ్ ఫోన్ బిల్లు చూసి అదిరి పడ్డాడు మూర్తి.

"ఇదేమిటీ ఇంత ఘనంగా లాండ్ ఫోన్ వాడింది ఎవరూ? ఎప్పుడూ రాని బిల్ వచ్చింది?" అని ఇంట్లో వాళ్లందరినీ పేరు పేరునా అడిగాడు.

కొడుకును అడిగితే "నేను ఆఫీసు వాళ్లు ఇచ్చిన ఫోన్ వాడుకుంటున్నాను. నేను అసలు లాండ్ ఫోన్ ఉపయోగించలేదు" అన్నాడు.

కూతురిని అడిగితే ఆ అమ్మాయి కూడా అదే సమాధానం చెప్పింది.

సుధను అడిగితే "నేనూ వాడలేదు. అయినా చక్కగా సోఫాలో కూర్చుని గంటలు గంటలు  మాట్లాడుకోవడానికి చేతిలో సెల్ ఫోన్ వుండగా నిలబడి లాండ్ ఫోన్ ఎవరు మాట్లాడతారు?" ఎదురు ప్రశ్నించింది సుధ.

ఇంట్లో వున్న నలుగురు నేను కాదంటే నేను కాదని అంటుంటే ఎవరు వాడితే లాండ్ ఫోన్ అంత బిల్ వచ్చిందో అర్థం కాక జుట్టు పీక్కున్నాడు మూర్తి.

"అయ్యగారూ! నేనే లాండ్ ఫోన్ వాడాను అండీ. నేను వంటలు బాగా చేస్తానని మా బంధువులలో నాకు చాలా పేరు వుందండీ.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/tEytPx18lyw

(కథ manatelugukathalu.com లో చదవడానికి కథ పేరు మీద క్లిక్ చేయండి)

కస్తూరి రంగ రంగా!! 7

రచన: సిహెచ్. సీఎస్. శర్మ 

(కథా పఠనం: మల్లవరపు సీతారాం కుమార్)

గత ఎపిసోడ్ లో

సయ్యద్ ను మూటలో కట్టి మూసీ నదిలో పడేస్తాడు పీర్.

ఫాలో చేస్తూ వచ్చిన మూగ మస్తాన్ సయ్యద్ ను కాపాడుతాడు.

ట్రాన్స్ఫర్ ఆర్డర్ తీసుకొని ఢిల్లీలో ఉన్న చిన్ని దగ్గరకు వెడతాడు రంగా.

ఇక కస్తూరి రంగ రంగా - ఎపిసోడ్ 7 చదవండి...

మరుదినం ఉదయం అందరూ కాఫీ త్రాగుతున్న సమయం..

శశాంక్.. కస్తూరి, రంగల ముఖంలోకి పరీక్షగా చూచాడు. వారిరువురూ ఒకే సోఫాలో కూర్చొని వున్నారు.

శశాంక్ లేచి వెళ్లి వారి మధ్యన కూర్చున్నాడు. నవ్వుతూ ఆ ఇరువురి ముఖాల్లోకి చూచాడు.

"ఏంటి బావా!..” అడిగాడు రంగ.

"మీ ఇరువురికి నాదొక సలహా!.." అన్నాడు శశాంక్.

"చెప్పండన్నయ్యా!.." అంది చిన్నీ

“మీరిరువురూ నాలుగురోజులు సరదాగా బెంగుళూరు, మైసూరు తిరిగిరండి. వారం రోజుల తర్వాత రంగా డ్యూటీలో జాయిన్ అయిన తర్వాత బిజీ అయిపోతాడు కదా!.. కాబట్టి నామాట వినండి.." చెప్పాడు శశాంక్..

“అవును చిన్నీ.. మీ అన్నయ్య చెప్పింది మంచి సలహా.. హ్యాపీగా ఆ ప్రాంతాన్ని తిరిగిరండి.. చూడవలసినవి చాలా వున్నాయి.." చిరునవ్వుతో చెప్పింది నిర్మల.

"అలాగే బావా!.. ఆ చిన్నీ నీకు ఓకే కదా!.." అన్నాడు రంగ.

"మా అన్నయ్య మాటను నేను ఏనాడూ కాదనను.." నవ్వుతూ చెప్పింది చిన్నీ.

"వెరీగుడ్.. నేను సాయంత్రానికి ఫ్లయిట్ టిక్కెట్స్ బుక్ చేస్తాను. ముందు బెంగుళూరు అంటే ఈ నైట్ హాల్ట్ మీరు ఎట్ బెంగుళూరు.." చెప్పాడు శశాంక్.

వారి ఫ్లయిట్ మూడుగంటలకు. భోంచేసి ఒంటిగంటకు ఎయిర్పోర్టుకు బయలుదేరారు శశాంక్ నిర్మల.. చిన్నీ రంగా.. డ్రాప్ చేసి బైబై చెప్పి శశాంక్, నిర్మల ఇంటికి తిరిగి వెళ్లారు.

అన్నపూర్ణ హెూటల్లో రూమ్ బుక్ చేశాడు శశాంక్.

చిన్నీ.. రంగాలు టాక్సీలో హెూటల్ కు చేరి.. ఫ్రష్ అయ్యి.. టాక్సీలో బెంగుళూరు ముఖ్య వీధులన్ని సరదా కబుర్లతో తిరిగి ఎనిమిదిన్నరకు హోటల్ కు చేరారు. భోంచేశారు. ఇరువురూ పడకపై వాలారు.

చిన్నీ కదలకుండా కళ్లు మూసుకొంది..

ఆమె ముఖంలోకి చూచాడు రంగా.. సున్నితంగా బుగ్గమీద తన చేతి వ్రేళ్లను తాకించాడు. చిన్నీ కళ్లు తెరచింది.

"చిన్నీ!.. అలసటగా వుందా!.." అడిగాడు రంగా.

"లేదు.." నవ్వింది చిన్ని.

"కడుపులో !!.."

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/NXHYek9sC88

(కథ manatelugukathalu.com లో చదవడానికి కథ పేరు మీద క్లిక్ చేయండి)

తప్పుకి పరిహారం

రచన: యశోద పులుగుర్త

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

అదొక పేరు ప్రతిష్టలు కలిగిన ఒక పెద్ద సాఫ్ట్ వేర్ సంస్త! కోవిడ్-19 వైరస్ ప్రపంచాన్ని వణికింపచేస్తున్న తరుణంలో ఐ.టి. కంపెనీలతో బాటుగా చాలా కంపెనీలకూ, పరిశ్రమలకూ లాక్ డౌన్ నిర్భందించింది ప్రభుత్వం!

ఉమ ఆ కంపెనీలో ప్రాజక్ట్ డెవలప్మెంట్ విభాగంలో మేనేజర్ గా పనిచేస్తోంది.. దాదాపు పన్నెండుసంవత్సరాల సాఫ్ట్ వేర్ ప్రోగామింగ్ అనుభవంతో ఎంతో చాకచక్యంగా, చురుకుగా పనిచేసే "ఉమ" పట్ల ఆ విభాగం హెడ్ కు మంచి ఒపీనియన్ ఉంది.. అందుకనే ఒక మూడునెలల టైమ్ పరిధిలో పూర్తి చేయాల్సిన ఒక ప్రోజక్ట్ కి సాఫ్ట్ వేర్ డెవలప్ చేసి ఇవ్వవలసినదిగా ఆ ప్రోజక్ట్ హెడ్ "ఉమ"కు ఎసైన్ చేయడం జరిగింది..

ఆ సాఫ్ట్వేర్ విజయవంతం అయితే మరెన్నో ప్రాజక్ట్ ఆర్డర్లు క్లైంట్ కంపెనీ ఇస్తానని ప్రామిస్ చేయడంతో లాక్ డౌన్ ముందురోజే "ఉమ"ను తనఛాంబర్ లోకి పిలిచి ప్రాజక్ట్ వివరాలన్నీ ఆమెతో చర్చించి, ఏ ప్లాట్ ఫాం ఉపయోగించి చేస్తే సొల్యూషన్ ఔట్ పుట్ వస్తుందో బాగా స్టడీ చేయమని, వర్క్ ఫ్రమ్ హోమ్ కాబట్టి, మరింత దీక్షగా ప్రాజక్ట్ పూర్తిచేయమని, స్కెచ్ వేసి చూపించాడాయన.. అనుమానాలుంటే క్లైంట్ ను కూడా కోఆర్డినేట్ చేయమని "గుడ్ లక్ అంటూ విష్ చేసి పంపించాడు ఉమను!

లాక్ డౌన్ పిరియడ్ అయినా ఉమ కు దీక్షగా ఇంట్లో కూర్చుని పనిచేయడం కుదరడంలేదు.. తన రెండేళ్ల కొడుకుని అత్తగారు చూసుకుంటున్నా, గది తలుపులు వేసుకుని పనిచేసుకుంటుంటే వచ్చీరాని మాటలతో ' అమ్మా తాపు తీయి ' అంటూ వాడు తలుపులు బయటనుండి దబ దబా బాదుతూ ఉంటాడు.. అలాగే ఉమ అయిదేళ్ల కూతురు ' నిత్య' కు కూడా స్కూల్ లేని మూలాన పిల్లలిద్దరూ ఆడుకుంటూ, కొట్టుకుని ఏడుస్తుంటే అత్తగారు సంభాళించినా వాళ్లను ఆప శక్యం కావడంలేదు..

ఉమ భర్త రఘు కూడా వర్క్ ఫ్రమ్ హోమ్ పనిచేస్తున్నాడు.. వీడియో కాన్ఫరన్సెస్, మీటింగ్స్, ఫోన్స్ కాల్స్ తో అతను తలుపు తెరవడు.. ఇంక ఉమకు డే టైమ్ లో పని సరిగా చేయలేకపోవడంతో, రాత్రి పిల్లలను రఘు దగ్గరే పడుకోబెట్టి, రాత్రి అంతా కూర్చుని పని చేసుకోక తప్పడంలేదు!

అనుకున్నట్లుగా మూడునెలల టైమ్ ఫ్రేమ్ లో ప్రాజక్ట్ పూర్తిచేసింది.. ఎప్పటికప్పుడు ప్రాజక్ట్ స్టేటస్ విషయమై క్లైంట్స్ తో మాట్లాడుతూ ఉండేది.. తన బాస్ కు కూడా అప్ డేట్స్ ఇస్తూ ఉండేది.. ఇంక రెండురోజుల్లో క్లైంట్ కు ప్రాజక్ట్ రిలీజ్ చేయాలి, ప్రోగామింగ్, సాఫ్ట్ వేర్ టెస్టింగ్ అవీ క్షుణంగా పరిశీలించింది.. ఔట్ పుట్ అనుకున్నట్లుగా వస్తోంది.. తను ఉపయోగించిన ' డి కోడింగ్' పరఫెక్ట్ గా పనిచేస్తోంది!

సంతృప్తిగా ఊపిరి పీల్చుకుంది! తను డెవలప్ చేసిన సాఫ్ట్ వేర్ సింగపూర్ లో ఒక రిటైల్ బేంక్ కార్యాలయానికి అవసరమైనది.. సింగపూర్ లో ఆ బేంక్ చాలా ప్రతిష్టాత్మకమైనది.. ఆ బేంక్ తమ కష్టమర్స్ కు విస్తృత మైన సేవలను సకాలంలో అందిస్తూ మొత్తం బేంకింగ్ సెక్టారులో ఒక అత్యుత్తమైన నాణ్యమైన బేంక్ గా పేరు తెచ్చుకుంది.. 

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/xBd8iMw4vW8