Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

కాకతి రుద్రమ ఎపిసోడ్ 25

రచన : అయ్యల సోమయాజుల సుబ్రహ్మణ్యము

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

గత ఎపిసోడ్ లో

మహాదేవరాజు పరాజయం చెందబోతున్నట్లు శివదేవయ్య కి చెబుతుంది రుద్రమదేవి.

మహాదేవరాజు దేవగిరి పారిపోవాలని తలుస్తాడు.

గన్నారెడ్డి అతడిని నిలువరించే ప్రయత్నం చేస్తాడు.

ఇక కాకతి రుద్రమ ఎపిసోడ్ 25 చదవండి..

ఎల్లోరా గ్రామము ప్రక్క తన సైన్యాలను నిలిపి మహాదేవరాజు ఈ గజదొంగను హతమార్చే సమయం ఇదేనని  తన ఏబదివేల ఆశ్వికబలమును, మిగిలిన వెయ్యి ఏనుగులను గరుడవ్యూహం రచించి గన్నారెడ్డి పై దాడి చేసినాడు. అక్కడ గన్నారెడ్డి బలగంలో ఒక్కడు కూడా లేడు. గన్నారెడ్డి ఆ కొండదారిలో ఇంకను వెనుకకు పోయి ఉన్నాడు. మహాదేవుడు ఆ వ్యూహం చెదిరిపోకుండా ముందుకు రాలేడు.

ఇంతలో రాత్రి అయినది. మహాదేవుడు తన సేనల నన్నింటినీ ఆపి, చారుల వార్తల కొరకు నిరీక్షించు చుండగ, అతని వేగులనాయకుడు వచ్చి మహాప్రభూ! రుద్రమ్మ తన సేనలతో కోట ముట్టడి చేసి సగం బలగాలను మనవేపు గన్నారెడ్డికి సహాయంగా పంపుతున్నది" అని వార్త తెచ్చినాడు.

మహాదేవరాజు నిరుత్తరుడైనాడు. తన సేనల నాశనం తప్పదనుకున్నాడు. తాను కోటలోనికి వెళ్ళుటకు వీలు లేదు. కోటలో వారు తనకు సహాయం చేయడానికి వీలులేదు. భోజనసామగ్రి అయిపోయినది. లక్షలకొలది క్షతగాత్రులైన బలగాలతో ఈ రాక్షసి కాకతి మూకలతో పోరాడుట ఎట్లు?

కవులమాటలన్నీ తెగడ్తలే. తనకు భయపడి ఓరుగల్లు సింహాసనంపై ఆడుదాన్నిఎక్కించారుట. ఆడదాన్ని తానేమి చేయలేనని, చేయనని వారికి ధైర్యమట! అలాంటి వాడు తాను మహావీరున్నని వెళ్ళినాడే. అబ్బ రాజ్యతృష్ణ! రుద్రమ్మ ఆడదా? బ్రహ్మరాక్షసి! మహామారి! కాళరాత్రి!

చీల్చిచెండాడి వెంట తరుముకు వచ్చిన కాకతిదేవతే

రుద్రమ్మ! ఏమి యుద్దం! ఏమి పరాక్రమం! ఎంత నిర్వహణశక్తి! ఎంత వ్యూహరచనా చమత్కృతి! తన బలగాలు నాశనం కాకూడదు. చాలు: ఇక తనకు బుద్ది వచ్చింది.

కందిరీగలతుట్ట. కాకతీయులకు కోపం తెప్పించకు తండ్రీ! అని తండ్రి చెబుతే తాను విన్నాడా! వినక, తెచ్చుకున్నదీ విపరీతమయిన పరాభవం. తాను రుద్రమ్మకు ఎదురుపడక తన సైన్యాలతో ఏ కొండలకో వెళ్ళిపోతే తనంటే ప్రజలకు గౌరవమూ, భక్తి పూర్తిగా నశించిపోవును. మరిరెండు మూడు దినాల ప్రయత్నించుదమనుకుంటే, ఇంకా కొన్నివేలమంది నాశనమగుదురు.

మహాదేవునకు మతి పోవుచున్నది. గౌరవం పోయినది. నలుగురిలో తల ఎత్తుకొనలేడు. అందుకు తగినట్లు తాను రుద్రమదేవికి లొంగిపోతే తనను ఏ విధముగా గౌరవించును? ఏ విధముగా చూచును? ఆమె తనను ఎలాంటి అగౌరవాలకు లోను చేస్తుందో?

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/Mmp6ScyfJNA

(కథ manatelugukathalu.com లో చదవడానికి కథ పేరు మీద క్లిక్ చేయండి)

సమతుల్యం

రచన: సిహెచ్. సీ. ఎస్. శర్మ

(కథా పఠనం: మల్లవరపు సీతారాం కుమార్)

అత్త ఆడవారే... అమ్మా ఆడవారే... హోదాలలోని వ్యత్యాసం.... చిత్రమైన స్వభావాలకు కారణం అవుతుంది. క్రొత్తగా కాపురానికి వచ్చిన కోడలిని ఆ అత్తగారు కూతురిలా చూస్తుందా!... అత్తగా చెలరేగిపోతుందా!... ఆ అమ్మాయి ఆ సమస్యను ఎలా ఎదుర్కొంది?

త్రాసులోని రెండు గిన్నెలు ఒకే సరళరేఖలో ఎలాంటి ఎగుడు దిగుడూ లేకుండా వుండాలి. అప్పడు తూచిన వస్తువు ఖచ్చితంగా ఎలాంటి మోసం లేకుండా వుంటుంది. అటు విక్రేతకు యిటు కొన్నవారికి తృప్తిగా వుంటుంది. యీ పద్ధతిలో వ్యాపారం చేసే వ్యాపారికి పబ్లిక్ లో మంచి పేరు వుంటుంది. గిన్నె క్రింది చింత పండు దట్టించి తెలివి తనకే సొంతం అని మోసపు వ్యాపారం చేసే వ్యక్తి... ఒక నాడు ఎవరో ఒకరి కంట పడతాడు. వాడు మోసగాడనే కీర్తిని సంపాదించుకొంటాడు. జనం వాడిని నమ్ముకోరు. వెలి వేస్తారు.       అలాగే... క్రొత్తగా యింటికి కాపురానికి వచ్చిన కోడలికి ఒక న్యాయం. తన కన్న కూతుళ్ళకు ఒక న్యాయంగా, సంభాషణ సాగిస్తూ, ఆంక్షలను విధిస్తూ కోడళ్ళను తక్కువ చూపు చూచే అత్తగార్లు రెండవ కోవ వ్యాపారిగా... ఓయమ్మో!... ఆ అత్త గయ్యాళి,... అనే సార్థక నామధేయాన్ని పొందుతారు. అక్కడ వ్యాపారికి సంక్రమించింది అపకీర్తి. యిక్కడ యీ అత్తగారికి సంక్రమించింది పక్షపాతి అనే బిరుదు.

యిలాంటి సమస్య ఎదురైయ్యింది తన అత్త గారింట గౌతమికి. గౌతమి తండ్రి వీరభద్రయ్య హైస్కూలు హెడ్ మాస్టర్, తల్లి జానకమ్మ. గౌతమికి ఒక తమ్ముడు వినోద్.. ఇంజనీరింగ్ చదువుతున్నాడు.

వున్నంతలో  ఓకే ఆడబిడ్డ కావడం చేత వీరభద్రయ్య దంపతులు గౌతమీ... పాండు రంగారావు వివాహాన్ని ఘనంగానే చేశారు. బిడ్డను సారె సాంప్రదాయాలతో అత్తగారి యింట్లోకి విడిచి పెట్టారు.

గౌతమి అత్తగారు సూర్య కాంతమ్మ... మామగారు రామారావుగారు... మరదలు గిరిజ.

రామారావు కాంట్రాక్టర్. గిరిజ పుట్టిన తర్వాత వీరికి వ్యాపారం బాగా కలిసి వచ్చింది. ఎన్నో కాంట్రాక్ట్సు తీసుకుని, సమయానికి పనులు పూర్తిచేసి మంచి పేరునూ... డబ్బునూ సంపాదించాడు. పెద్ద ఆఫీస్, నలభై మంది యింజనీర్లు, తదితర కార్య నిర్వాహకులు. నిర్మాణానికి అవసరమైన యంత్రాలు, లారీలు... యితర సామాగ్రి కొనుగోలు చేసి ఏ-క్లాస్ కాంట్రాక్టర్ గా రాణిస్తున్నారు.

మనిషి వ్యక్తిగతంగా చాలా వుత్తముడు, ధర్మాధర్మాలు... నీతి న్యాయాలు అంటే పట్టింపు.. దైవభక్తి... పదిమందికి మంచి చేయాలనే సంకల్పం కలవాడు. ఎంతో సౌమ్యుడు.

యిల్లాలు సూర్యకాంతమ్మగారి చరిత్ర... ఆమె తండ్రి ఆ కాలంలో సారాయి కాచి అమ్మి ... క్రమేణా బ్రాందీ షాపు ఓపన్ చేసి... కొంత కాలానికి... డిస్ట్రిక్ట్ మొత్తం లిక్కర్ సప్లై చేసే లెవెల్ కు ఎదిగిన... ఏకాంబరం గారి ముద్దుల కూతురు. టెన్త్ వరకూ చదివింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/bcLOKsATYuU

(కథ manatelugukathalu.com లో చదవడానికి కథ పేరు మీద క్లిక్ చేయండి)

వీరి మధ్యన... ఎపిసోడ్ 12

రచన: బివిడి ప్రసాదరావు

(కథా పఠనం: మల్లవరపు సీతారాం కుమార్)

బివిడి ప్రసాదరావు గారి  ధారావాహిక 'వీరి మధ్యన..' చివరి భాగం

గత ఎపిసోడ్ లో…

గోవా టూర్ వెళ్లాలనుకుంటారు సాహసి, సామ్రాట్ లు.

ఇరువైపులా పెద్దలు అంగీకరిస్తారు.

ఇక వీరి మధ్యన.. చివరి  భాగం చదవండి...

మర్నాడు -

ఫైవ్ థర్టీటు ఏయం.

సాహసి, సామ్రాట్ మోర్నింగ్ వాక్ లో ఉన్నారు. పక్కపక్కగా నడుస్తున్నారు. వాతావరణం చిరు గాలితో చల్లగా ఉంది.

వాకింగ్ ట్రాక్, వాకర్స్ తో నిండుగా ఉంది. కానీ ఎవరి సొద వారిదిగా అంతా నడుస్తున్నారు.

సాహసి రావడంతో సామ్రాట్ దిన చర్యల్లో మార్పులు వచ్చాయి. అందుకు సాహసి ఒత్తిడి ఏ మాత్రం లేదు. సాహసి కేవలం తన తీరును తాను కొనసాగిస్తుంటే, సామ్రాటే వాటిని గుర్తిస్తూ అటు మొగ్గేశాడు.

ఉదయం ఐదింటికి సాహసి సెట్ చేసుకున్న అలారం ధ్వనికి చక్కగా నిద్ర నుండి లేవగలుగుతున్నాడు సామ్రాట్. బాత్రూం పనులు కానిచ్చేసి చకచకా సిద్ధమైపోతున్నాడు. అప్పటికే తయారై తన పనిన తాను కదులుతున్న సాహసిని అనుసరించేస్తున్నాడు.

సిక్స్ థర్టీ ఐంది.

సాహసి, సామ్రాట్ లు వాకింగ్ నుండి ఇంటికి చేరారు.

మైన్ డోర్ లాక్ తీశాడు సామ్రాట్.

ఇద్దరూ హాలులోని సోఫాలో కూర్చున్నారు.

ఇద్దరూ కొద్దిసేపటిలోనే రిలాక్స్ అయ్యారు.

సాహసి కిచిన్ లోకి వెళ్లింది.

సామ్రాట్ హాలులోనే ఇంకా కూర్చున్నాడు.

కొద్ది నిమిషాల్లో సాహసి తిరిగి అక్కడికి వచ్చింది.

తన కుడి చేతి లోని గ్లాసును సామ్రాట్ కు అందిస్తూ, "ఈ రోజు సోరకాయ జ్యూస్." అంది.

సామ్రాట్ ఆ గ్లాస్ అందుకున్నాడు.

తన ఎడమ చేతిలోని తన గ్లాసును తన కుడి చేతిలోకి మార్చుకొని, సామ్రాట్ పక్కనే సోఫాలో కూర్చుంది సాహసి.

"కాఫీ వదిలి ఇలాంటి డ్రింక్స్ డైలీ తీసుకోవడం బాగుంది. థాంక్స్ హసి. మంచి మంచి అలవాట్లును పరిచయం చేశావు." అన్నాడు సామ్రాట్.

సాహసి ఏమీ అనలేదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/SFWaOQgTSD0

(కథ manatelugukathalu.com లో చదవడానికి కథ పేరు మీద క్లిక్ చేయండి)

అర్థాంగి

రచన: సుజాత తిమ్మన

(కథా పఠనం: మల్లవరపు సీతారాం కుమార్)

కృష్ణయ్య రంగుని అద్దెకు తీసుకున్నాయేమో మేఘాలు ...

వెన్ననంతా దోచేసి అంచులెంబడి పూసుకుని

వికటాట్టహాసాలు చేస్తూ పరిగెడుతున్నాయి

రూపాలు మార్చుకుంటూ…

కరిగిపోతున్న వెన్న చినుకులుగా మారి ..

చల్లగా కురుస్తోంది ధరణిని తడుపుతూ…

వెలుగు రేఖలు, దర్పణం వంటి చినుకు పూల నుండి పరావర్తనం చెంది, ఏడురంగులతో వంతెన వేసాయి నింగిని నేలను కలుపుతూ …

ఆనందరావు లోని ఆనందం అంతా ఆ ఇంద్రధనుస్సుపై ఎగురుతూ … జారుతూ … గెంతుతూ ఉంది .. ఉత్సుకతను దాచుకోవాలనే ప్రయత్నంలో వడివడిగా అడుగులు వేస్తున్నాడు ..

చేతిలో ఉన్న కవరును ఎంతో ఆరాధనగా చూసుకుంటూ

లిఫ్ట్ లోకి వచ్చి అయిదవ నంబర్ నొక్కాడు.

"సాహితీరత్న " అవార్డును, ముప్పై ఐదువేల చెక్ ను అందజేస్తూ..

తాను వ్రాసిన నవల గురించి వచ్చిన పేరుమోసిన సాహితీవేత్తలందరు ఎంతో మెచ్చుకుంటూ … తనని పొగుడుతూ ఉంటే… సమయాన్ని .. చివరికి తననే మరచిపోయాడు ఆనందరావు.

సెంట్రల్ గవర్నమెంట్ ఉద్యోగం చేసి రిటైర్ అయినతరువాత, సమయం గడవక ఎప్పుడో కాలేజీ రోజుల్లో వ్రాసుకునే రచనా వ్యాపకానికి తిరిగి శ్రీకారం చుట్టాడు ఆనందరావు …

స్వతగాహా సాహిత్యాభిమాని … ఎన్ని పనుల వత్తిడులు ఉన్నా కొద్దీ సమయం చిక్కినప్పుడు తప్పని సరిగా ఎదో ఒక పుస్తకం చదువుతూ ఉండేవాడు …

అందుకే చాలా కొద్ది కాలంలోనే మంచి రచయితగా సాహితీవేత్తగా పేరు తెచ్చుకున్నాడు.

ఐదో అంతస్తు చేరిన లిఫ్ట్ లోనుంచి వడి వడి గా అడుగులు వేసుకుంటూ, తీసిఉన్న తలుపులోనుంచి లోనికి వెళ్లి చేతిలో ఉన్న కవరును అక్కడే ఉన్న టేబుల్ పై పెడుతూ, కళ్ళతోనే చుట్టూ చూసాడు తన భార్య సుమతి కోసం. నిశబ్దం తప్ప ఆ ఇంట్లో ఇంకేమి లేదు …

"సుమా ... " అంటూ రూమ్ లోకి వచ్చిన ఆనందరావు అక్కడ ఆమె లేకపోవటం గమనించి, 'ఎక్కడకెళ్ళిందీ?!' అని ఆలోచిస్తూ రూము నుండి బయటకు వస్తూ సెల్ ఫోన్ చేతిలోకి తీసుకుని సుమతి కి కాల్ చేసాడు.

"పదములె చాలు రామా ... " పాట వినిపిస్తూ … సుమతి ఫోన్ అక్కడే మ్రోగింది …

"హమ్మయ్యా... ! ఇక్కడే ఎక్కడో ఉన్నట్టుండి . ఇంత చల్లటి వాతావరణములో వేడి వేడి కాఫీ .. అది సుమ చేసిన కాఫీ తాగుతూ ఉంటే .. ఎంత బాగుంటుంది ... ". అని తలపోస్తూ .. ముందుగా కాస్త ఫ్రెష్ అవుదాం అనికుని వాష్ రూమ్ లోనికి వెళ్ళాడు ఆనందరావు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/B9zCahuKLn4

(కథ manatelugukathalu.com లో చదవడానికి కథ పేరు మీద క్లిక్ చేయండి)

పున్నమి రాత్రి

రచన : జీడిగుంట శ్రీనివాసరావు (ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

ఆదివారం ఉదయాన్నే లేచిన కొడుకుని "అప్పుడే ఎందుకు లేచావు, కాసేపు పడుకో.. సెలవే గా" అన్నాడు త్రినాధ్ రావు.

"లేదు డాడీ, నేనూ మా ఫ్రెండ్స్ కలిసి కారులో శ్రీశైలం రోడ్డులో వున్న వాటర్ఫాల్స్ చూడటానికి వెళ్తున్నాము" అన్నాడు శశి.

"ఒరేయ్! అంతదూరం కారులో ఎందుకు,  కావాలంటే ఏ సినిమా కో వెళ్ళండి.  అసలే అమ్మ అమెరికా లో వుంది.  కారులో నిన్ను పంపించానని తెలిస్తే గొడవ పెడుతుంది" అన్నాడు త్రినాద్ రావు కొడుకు తో.

"సరే డాడీ, మిమ్మల్ని కారులో మీ ఆఫీసులో దింపేసి నేను కారు తీసుకువెళ్తాను. రిటర్న్ లో మిమ్మల్ని పికప్ చేసుకుంటాను" అని అన్నాడు.

'వాడి పంతం వాడిది,  కూతురు చాలా భయస్తురాలు, వీడికే ఈ దుందుడుకు స్వభావం వచ్చింది' అనుకుని, తను కూడా త్వరగా తయారై ఆఫీస్ లో దిగి,  కారు కొడుకు కి యిచ్చి,  "జాగ్రత్తగా డ్రైవ్ చెయ్యి,  స్పీడ్ వద్దు" అని చెప్పి పంపించాడు.

రాత్రి 7గంటలు అయినా కొడుకు తనని తీసుకువెళ్ళడానికి రాలేదు సరికదా,  ఫోన్ కూడా లిఫ్ట్ చేయటం లేదు. త్రినాధ్ రావు కి కంగారు పుట్టింది. 9 అయింది,  ఆఫీస్ లో తను తప్ప ఎవరూ లేరు. కొడుకు మీద విపరీతంగా కోపం,  ఏమైందో అని భయం తో సతమత పడుతావుండగా,  కొడుకు నుంచి ఫోన్ వచ్చింది. "డాడీ,  car కి ఆక్సిడెంట్ అయింది,  మాకు ఏమి దెబ్బలు తగలలేదు, కానీ కారు బాగా దెబ్బతింది. కదలడం లేదు" అన్నాడు.

"ఎక్కడ జరిగింది?" అని అరిచాడు త్రినాధ్ రావు.

"శ్రీశైలం అడివిలో జరిగింది" అన్నాడు బయపడుతో.

"అక్కడికి ఎందుకు చచ్చావ్, నువ్వు సినిమా కి అని శ్రీశైలం ఎందుకు వెళ్ళావు? "అన్నాడు కోపం పట్టలేక కొడుకుతో.

అటునుంచి జవాబు లేదు.  ఏమిచేయాలో పాలుపోక, చివరికి తన  వనపర్తి ఆఫీస్ ఇంజనీర్ కి ఫోన్ చేసి, జరిగింది చెప్పి,  "ఎలాగైనా వాళ్ళని మీ దగ్గర కి తెప్పించండి" అని అడిగాడు త్రినాధ్ రావు.

ఆఫీస్ లో మంచి పేరు వుండటం తో,  త్రినాధ్ రావు అడగగానే, ఆ ఇంజనీర్, "కంగారు పడకండి రావు గారు, పిల్లలు కి ఏమి కాలేదుగా..  నేను ఆ రోడ్డు కాంట్రాక్టర్ ని పంపి మీ పిల్లలు ఎక్కడ వున్నారో తెలుసుకుని,  సేఫ్ ప్లేస్ లో రాత్రి కి వుంచుతాను" అన్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/OAzvcwJ82oc

(కథ manatelugukathalu.com లో చదవడానికి కథ పేరు మీద క్లిక్ చేయండి)

నేటి పెళ్లిళ్లు - సమస్యలు

రచన: ఏ. అన్నపూర్ణ

(కథా పఠనం: మల్లవరపు సీతారాం కుమార్)

'మంచి అంటే? బుద్ధి మంతుడు... బాగా చదువుకుని సంపాదన బాగున్నవాడు... అందగాడు కాకున్నా పర్వాలేదు అనుకునేలా ఉండేవాడు.... అని అబ్బాయిల గురించి.. అమ్మాయిలకూ దాదాపు ఇదే వర్తిస్తుంది అనుకోండి. బుద్ధి గురించి ఎలా చెప్పగలం? ఇంట ఒకలా ఉంటే బయట వేరే వూళ్ళో వుద్యోగం చేసే వారి గురించి ఏమి తెలుస్తుంది?

అన్ని చూసి అన్ని బాగుండి చేసే పెళ్లిళ్లే విఫలం అవుతున్నాయి. అదీకాకుండా కొన్ని ఫామిలీ'స్ లో పిల్లలకు ఫ్రీడమ్ మితిమీరి ఇస్తారు. తల్లి తండ్రులు ఇవ్వక పోయినా వాళ్ళే తీసుకుని సమస్యలు తెచ్చి పెడుతుంటారు. కొందరు మరీ చాదస్తంగా వుంటారు. సో మనకు అసలు పరిస్థితులు తెలియవు. ఇప్పుడు కొంత విదేశీ సంబంధాలు చూడటం తగ్గింది. వీసాలు ఉద్యోగాలు కూడా సరిగా లేక.

అమ్మాయిలున్నవారు అబ్బయిల తల్లి తండ్రులకంటే నాలుగు మెట్ల పైకే వుంటున్నారు. ఇది చాలా పెద్ద సమస్యగా వుంది. పెళ్ళికి అన్ని అంగీకరించి ఆతర్వాత పేచీ పడేవారు వున్నారు. మరి ముందు తెలిసే చేసుకున్నావుగా అంటే ' అదివేరు. ఇప్పుడేగా నువ్వింత తెలివి లేనివాడివి అని అర్ధం అయ్యింది' అంటున్నారు.

ఇక తల్లితండ్రులు అనేవాళ్ళు ఎంత దూరంగా ఉంటే అంత మంచిది. అది విదేశమే కాదు. స్వదేశంలో కూడా.

ఈ మధ్య మాకు తెలిసినవారు(అమెరికా ) కొన్ని రోజులు ఇండియాలో ఉండి అమ్మయికి పెళ్లి చేయాలని సంబంధాలు చూడటం మొదలు పెట్టారు. వాళ్ళది లవ్ మ్యారేజ్. కనుక రెండు కులాలు. అటూ ఇటూ మధ్యరకం కూడా చేయాలని ఆలోచన.

విచిత్రం..... కాలం మారింది. చిన్న పెద్దా కూడా చాల విషయాల్లో ఆధునికత పాటిస్తున్నారు..... కానీ పెళ్లి దగ్గిరకి వచ్చేసరికి వాళ్ళు ఎక్కువ - వీళ్ళు తక్కువ అనే బేధాలు మాత్రం వదలడంలేదు. చదువుంది, మంచి హొదావుంది... అమెరికన్ సిటిజన్స్ … అయినా సరే ఎదో వొంకతో రిజక్ట్ చేస్తున్నారు అబ్బాయి తల్లి తండ్రులు. చివరికి ఏమి జరుగుతుందో తెలియదు.

పెళ్లి జరిగి పదేళ్లు అయినా ఇద్దరి మధ్య ప్రేమ అభిమానం ఒక బాధ్యత లేని దంపతులు ఇద్దరు పిల్లలు కూడా ఉండి సరిపడక విడిపోయారు. తల్లి తండ్రులు ఒకటే బాధపడుతున్నారు. అయ్యో ఇలాంటి పెళ్లి చేశామే... అని. తప్పు ఎవరిదీ ? పెళ్లి చేసిన తల్లి తండ్రులు పై పై గుణాలు చూస్తారు చదువు అందంకుటుంబం. ఒక చోట జీవితం ప్రారంభించిన అమ్మాయి అబ్బాయి లకు అప్పుడు వస్తుంది అసలు సిసలుబుద్ధి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/AN3-D9ZP6hs

(కథ manatelugukathalu.com లో చదవడానికి కథ పేరు మీద క్లిక్ చేయండి)

సంపత్ సినిమా కథలు - 3

రచన : S. సంపత్ కుమార్  

(కథా పఠనం: మల్లవరపు సీతారాం కుమార్)

గత ఎపిసోడ్ లో

కిరణ్ ట్రీట్మెంట్ తీసుకుంటున్న మానసిక చికిత్సాలయానికి వస్తుంది కావ్య.

కిటికీలో నుంచి కావ్యను చూసిన కిరణ్, ఆమె అందానికి ముగ్దుడై పోతాడు.

తన పుట్టినరోజు సందర్భంగా పేషెంట్లకు పండ్లు పంచి పెడుతుందామె.

తనను షాలిని అనే యువతి మోసం చేసి, డ్రగ్స్ రాకెట్ లో ఇరికించినట్లు లింగస్వామితో చెబుతాడు కిరణ్.

ఇక 'సంపత్ సినిమా కథలు’ మూడవ భాగం చదవండి.

నారాయణ- రంగా, బీమ ల దగ్గరకి వచ్చి

"ఏమి చెప్పి ఆ నర్సింహను పంపించారు రా" అని అడిగాడు.

"మళ్ళీ నీ జోలికి రాకుండా ‘ఆ పిచ్చోడు అవతారం దగ్గర అప్పు చేయాల్సిన ఖర్మ మా నారాయణకు ఏమి పట్టింది... వాడికే పెళ్ళాం ద్వార ఆస్తి కలసివచ్చి ఆమె పేరు మీద రెండు గెస్ట్ హౌస్ లు కొన్నాడు’ అని చెప్పాం” అన్నారు వాళ్ళు.

"ఓహో అలాగా"

" ‘అనవసరంగా నారాయణను అపార్థం చేసుకొన్నా’ అని చెప్పి వెళ్ళిపోయాడు"

" అబ్బా.. మీరెంత మంచివాళ్లు రా.. ఇంక మిమ్మల్ని డ్యూటి విషయంలో సతాయించను" అంటూ

" ఈరోజు మా గెస్ట్ హౌస్ లో మీకు మందు పార్టీ " అని చెప్పి ఆనందంగా వెళ్లిపోయాడు నారాయణ.

"మనం ఇప్పుడు నాటకం ఆడామని తర్వాత వీడికి అసలు విషయం తెలిస్తే ఎలా" అన్నాడు భీమ.

" తెలిసినప్పుడు ఇంకో ప్లాన్ వేద్దాం. ముందు మందు పార్టీ కి పోదాం " అన్నాడు రంగా.

***

అది ఊటీలో కాలేజ్ రోడ్.

ఆ రోడ్లోనే కిరణ్ సైకిల్ తొక్కుకుంటూ వస్తున్నాడు.

ఎదురుగా కావ్య, తన ఫ్రెండ్ మేరీ ఇద్దరూ ఎవరి సైకిల్ వారు త్రోసుకుంటూ వస్తున్నారు.

వీళ్ల వెనక ఒక ఇద్దరు స్టూడెంట్స్ రాజు, రవి.. వాళ్లు కూడా ఎవరి సైకిల్ వాళ్లు తోసుకుంటూ వస్తూ, కావ్యను ఆట పట్టిస్తున్నారు.

"కావ్యా కరుణించవా..... ఈ ప్రేమదాసుడు నీవు లేక బ్రతక లేడు"

"అబ్బా.. రోజూ ఈ రాజుగాడు ఈ డైలాగ్స్ తో ప్రాణం తీస్తున్నాడు. ఎలాగైనా వీడికి బుద్ది చెప్పలి" అంది కావ్య.

అప్పుడే మేరీ మాట్లాడుతూ "చూడవే.. ఇంకో బకరా నీవంక అలాగే చూస్తున్నాడు" అంది.

అంతే.. ఎదురుగా సైకిల్ ఆపి తననే కళ్ళు ఆర్పకుండా చూస్తున్న కిరణ్…

వెంటనే కావ్య ఏదో గుర్తుకు వచ్చినట్టు కిరణ్ ని చూస్తూనే

"బావా.. బావా...ఇంత లేట్ గా వచ్చవేమి బావా " అంటూ

"మేరీ.. నీకు చెప్పలేదు కదా.. మా బావ.. నిన్న హైదరాబాద్ నుండి వచ్చాడు "  అంది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/KT4aG9JgGx4

నాకేమవుతోంది…? ఎపిసోడ్ 3

రచన: మల్లవరపు సీతారాం కుమార్

మీకు చదివి వినిపిస్తున్నది చందన.

గత ఎపిసోడ్ లో...

కొత్తగా కాపురం పెట్టిన ప్రియ అనే అమ్మాయి తనకు ఎదురైన అనుభవాలను చెబుతోంది. ఆరోజు రాత్రి భర్త ప్రవర్తన ఆమెకు అనుమానం కలిగిస్తుంది. తనకు ఏదైనా హాని జరుగుతుందేమోనని ఆమెకు అనిపిస్తుంది. తన ఆందోళనను ఎవరితోనైనా షేర్ చేసుకోవాలని తలపోస్తుంది.

ఇక ‘నాకేమవుతోంది…?’ ధారావాహిక మూడవ భాగం చదవండి…

టీవీలో వస్తున్న ఆ మూవీలో ఆ యువతి ఇంటి డోర్ తీసుకుని వేగంగా బయటకు వెళ్ళింది. అతడు ఆమెను వెంబడించాడు. ఆమె ఇంటి బయట లాన్ లో పరుగెడుతోంది. అతడు వేగం పెంచి ఆమెను సమీపించాడు. ఆమె జుట్టు పట్టుకుని వెనక్కి లాగాడు. తన ఎడం చేత్తో ఆమె కళ్ళను వెనకనుండి మూసి కుడి చేతి లోని కత్తిని ఆమె గొంతు మీదికి తెచ్చాడు.

నా అదృష్టమేమో.. ఆ ఎపిసోడ్ అక్కడితో ముగియడంతో ఈ లోకం లోకి వచ్చాను.

టీవీ ఆఫ్ చేసి, తిరిగి ల్యాప్టాప్ వైపు దృష్టి సారించాను.

నాన్న పేరుతో ఒక మెయిల్ క్రియేట్ చేసి మర్నాడు సాయంత్రానికి చేరేలా షెడ్యూల్ చేసాను.

నేను టైపు చేస్తున్న మేటర్ ని పూర్తి చేసి ఆ మెయిల్ లో పేస్ట్ చేశాను. ఒకవేళ ఇదే నా చివరి ఉత్తరం అయితే అమ్మకూడా చదవగలుగుతుంది అని తెలుగులో టైపు చేశాను. ల్యాప్టాప్ మూసివేశాను.

అంతలో వెనకనించి ఎవరో ఊపిరి పిలుస్తున్న శబ్దం వినిపించడంతో ఉలిక్కిపడ్డాను. తల వెనక్కి తిప్పే లోగా అతను తన ఎడం చేత్తో నా రెండు కళ్ళు మూశాడు. ఆ స్పర్శ తరుణ్ దేనని తెలుస్తోంది. నా రెండు చేతులతో అతని చేతిని నెట్టేయ్యాలని ప్రయత్నించాను కానీ సాధ్యం కాలేదు.

ఇక నా పని ముగిసినట్లేనని భావించాను. చివరి ప్రయత్నంగా గట్టిగా కేకలు పెట్టాలని నిర్ణయించుకున్నాను. పక్క అపార్ట్మెంట్ నుండి గానీ ఎదురుగా ఉన్న అపార్ట్మెంట్ నుండి గానీ ఎవరైనా వచ్చి కాపాడే అవకాశం ఉంది. వాళ్లు అంత ధైర్యం చెయ్యకపోయినా, ఎవరైనా విని ఉంటే తనకు ప్రమాదమని తరుణ్ భావించి, ఈరోజుకు తననేమీ చేయకపోవచ్చు. నా ఆలోచనలు మది దాటకముందే నా కళ్ళను మూసిన అతని ఎడమ చేయి కిందికి జారి, నా నోటిని మూసేసింది.

మై గాడ్! నా మనసు లోని ఆలోచనలు తరుణ్ కి తెలిసి పోతున్నాయా!

ఇప్పుడే టివిలో చూసిన దృశ్యం గుర్తుకు వచ్చింది. కత్తి పోటు పడకూడదని నా కుడిచేతిని మెడ మీద ఉంచుకున్నాను.

అతను తన కుడి చేత్తో నా చేతిని అవలీలగా పక్కకు నెట్టేశాడు.

'హమ్మయ్య! ఆ చేతిలో కత్తి లేదన్నమాట..' అని నేను అనుకున్నాను.

అంతలో అతని ఊపిరి లో వెచ్చదనం నా మెడను తాకింది. అంటే అతని తలను నా మెడ దగ్గరకు తెచ్చాడన్నమాట.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/v5_Q-kHAvhk

(కథ manatelugukathalu.com లో చదవడానికి కథ పేరు మీద క్లిక్ చేయండి)

కస్తూరి రంగ రంగా!! 6

రచన: సిహెచ్. సీఎస్. శర్మ

గత ఎపిసోడ్ లో

ప్రియురాలు మువ్వతో కలిసి గెస్ట్ హౌస్ లో ఉంటాడు భూషణ్ కుమార్.

మల్లేష్ అతన్ని కలిసి, పోలీసులు తనకోసం వెతుకుతున్నట్లు చెబుతాడు.

అతనికి డబ్బులు ఇచ్చి అజ్ఞాతంలోకి వెళ్ళమంటాడు భూషణ్.

సయ్యద్ ను ఒక గదిలో బంధిస్తాడు

ఇక కస్తూరి రంగ రంగా - ఎపిసోడ్6 చదవండి...

ఆ యిరువురు బాలికలు అమాయకంగా తలలను ఆడించారు. టీ గ్లాసులతో ఓ పదిహేనేళ్ల బాలుడు లోనికి వచ్చాడు. అతను మూగవాడు. పేరు చాన్... పేరుకు తగ్గట్టుగానే చాలా సుందరంగా వుంటాడు. తల్లి తండ్రి లేని అనాధ. ఖాజా ఆదరించాడు. ఇరానీ షాపులో పెట్టాడు.

చాన్ వారిని సమీపించి ఆడపిల్లలకు, పీర్ కు టీ గ్లాసులు అందించాడు. ఖాజావైపుకు వచ్చి గ్లాస్ ను ఇవ్వబోయాడు.

సయ్యద్ తలుపును కాళ్లతో తంతూ ఎక్కువ శబ్దాన్ని చేశాడు. ఖాజాకు ఆవేశం పెరిగింది. వేగంగా కుర్చీనుంచి లేచాడు. అతని చేయి టీగ్లాస్ వున్న చాన్ చేతికి తగిలింది. గ్లాస్ కిందపడి పగిలిపోయింది. టీ నేలపాలైంది. ఆవేశంలో వున్న ఖాజా చాన్ చెంపలు వాయించాడు. చాన్ బాధతో ఏడ్చాడు. వేగంగా బయటకి వెళ్లిపోయాడు.

ఖాజా సయ్యద్ గది తలుపు తెరచి పీర్ ను పిలిచాడు. అతను ఆ గదిని సమీపించాడు. ఇరువురూ ఆ గదిలోకి నడిచారు... లాఫ్ట్ పైన వున్న గోనె సంచిని తీసి... సయ్యద్ కాళ్లూ చేతులు, మెడను గట్టిగా కట్టేసి.. నోట్లో గుడ్డలను తురిమి ఆ సంచిని అతనికి తొడిగి ఆ సంచి మూతిని గట్టిగా బిగించి గదిలో ఓమూల పడేసి చేతులు దులుపుకొన్నారు.

"రేయ్!... పీర్!..."

“హా... సాబ్...”

“వీడెవడో తెలుసా!...".

"తెలీదు సాబ్...."

“మన ఇర్ఫాన్ తండ్రి... ఇర్ఫాన్ని పోలీసులకు అప్పగించాలని వచ్చాడు... వీడిని మూసీనది బురదలో పారేయాలి. వీడు చావాలి... టాక్సీని బులావ్... హెూటల్లో పనిచేసే ఇద్దరిని పిలుస్తాను. ఆ మూటను టాక్సీలో వేసుకొనిపోయి మూసీ నదిలో బాగా తుంగ పెరిగిన చోట పారెయ్యాలి. సరేనా!..."

తల ఆడించాడు పీర్....

ఇరువురూ గదినుండి బయటకు నడిచి తలుపు బిగించారు. ఖాజా టాక్సీవాలాకు ఫోన్ చేశాడు.

“పీర్!..."

"సాబ్..."

"ఇన్ దోనోంకో లాడ్జి రూమ్ మే చోడ్కర్ ఆనా!..."

"జీ..సాబ్!..." ఆ పిల్లలను చూస్తూ..., "మీరు నాతో రండి. పైన మన లాడ్జిరూమ్ లో భోంచేసి విశ్రాంతి తీసుకొందురుగాని.... టికెట్లు వస్తాయి... రాగానే బస్టాండ్ కు బయలుదేరుతాము. ఈ లోపల నాకు వేరే పని వుంది. దాన్ని ముగించి నేను మీ గదికి వస్తా... రాగానే మనం బయలుదేరుదాం..." విశ్వసనీయంగా మెల్లగా చెప్పాడు పీర్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/1fimjpkHeMA

(కథ manatelugukathalu.com లో చదవడానికి కథ పేరు మీద క్లిక్ చేయండి)

బాబోయ్ ఫోను

రచన:  కొల్లా పుష్ప

(కథా పఠనం: మల్లవరపు సీతారాం కుమార్)

"నాన్నా! దీన్ని సెల్ఫోన్ అంటారు. మనము ఎక్కడి నుంచి ఎక్కడికైనా మాట్లాడుకోవచ్చు. ఇందులో స్పీడు డయల్ కూడా ఉన్నది. ఒకటి నొక్కితే నా ఫోన్ రింగ్ అవుతుంది.  రెండు నెంబర్ నొక్కితే అక్కకు వెళుతుంది. మీరు ఎప్పుడు ఎవరితో మాట్లాడాలని ఉన్నా మాట్లాడొచ్చు. నెంబర్లు నోట్ చేసి పుస్తకంలో రాశాను చూసి చేసుకోండి" అని సెల్ ఫోన్ ఎలా వాడాలో తండ్రి కి చెప్పి  కొడుకు మూర్తి సూట్ కేస్ పట్టుకొని బయటికి నడిచాడు.

రెండు నొక్కేడు. కూతురు వాసంతి పలికింది.

"తల్లీ! నాకు అన్నయ్య ఫోన్ కొనిచ్చాడు" అన్నాడు సంబరంగా కుటుంబరావు.

"చాలా మంచిది నాన్నా! నీతో ఎప్పుడూ మాట్లాడాలన్నా నేను ఫోన్ చేస్తాను. ఇంట్లో ఒక్కడివే ఉంటావు కదా! కరెంటు పోయినా కూడా కరెంట్ ఆఫీస్ కి ఫోన్ చేయొచ్చు. ఇతరత్రా ఎవరు ఫోన్ చేసి ఏ వివరాలడిగినా  చెప్పకండి" అని ఫోన్ పెట్టేసింది.

అసలే పిరికివాడు.. కూతురు అలా చెప్పేసరికి మరి కొంచెం భయమేసింది.

ఫోన్ మోగింది. "ఎవరు" అన్నాడు.

"నేనండి మీ పక్కింటి బాబ్జిని. మా ఆవిడకు ఒకసారి ఫోన్ ఇస్తారా?"

"ఉండు నాయన ఇస్తాను" అని వెళ్లి ఆమెకు ఇచ్చాడు. ఒక గంట పోయాక "ఫోను ఇట్టే చార్జింగ్ అయిపోయింది బాబాయ్ గారు.. మంచి ఫోన్ కొనుక్కోవచ్చు కదా!" అన్నది ఫోన్ చేతిలో పెడుతూ.

చార్జింగ్ పెట్టాడు కుటుంబరావు. మళ్లీ ఫోన్ మోగింది.

"సార్ మీకు ఇన్సూరెన్స్ ఉన్నదా? ఉన్నది అంటే ఒకటి నొక్కండి, లేదు అంటే రెండు నొక్కండి" అన్నాడు అవతలివాడు.

"నాకే ఇన్సూరెన్స్ వద్దు బాబు" అన్నాడు కుటుంబరావు.

"ఇన్సూరెన్స్ అనేది ప్రతి మనిషికి ఉండాలి సార్"అంటూ ఒక అరగంట బుర్ర తిన్నాడు.

ప్రశాంతంగా  చదువుకుందామని పుస్తకం తీశాడు. ఇంతలో మళ్ళీ ఫోన్

"బాబు కుటుంబరావు ! నేను పరంధామయ్యను. నేను ఆఫీసులో ఉన్నాను, రాత్రి ఇంటికి వచ్చేసరికి బాగా లేట్ అవుతుంది. అందుకని ఒకసారి మా ఆవిడకి చెప్పి రా బాబు" అన్నాడు.

"సరేనండి" అని ఆ వీధి చివరనున్న వాళ్ళింటికి వెళ్ళాడు. ఆవిడ పేరు ఏమిటో తెలియదు. అందుకని "అమ్మా" అని పిలిచాడు.

"వేళపాళ లేదా అడుక్కోవడానికి" అంటూ ధడాలని తలుపుతీసి చూసి "అయ్యో మీరా" అని నాలుక కరుచుకుంది. విషయం చెప్పి బతుకు జీవుడా అనుకొని బయటపడ్డాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/DjIA31fsaAU