Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

వీరి మధ్యన... ఎపిసోడ్ 10

రచన: బివిడి ప్రసాదరావు 

(కథా పఠనం: మల్లవరపు సీతారాం కుమార్)

బివిడి ప్రసాదరావు గారి  ధారావాహిక 'వీరి మధ్యన..' పదవ భాగం

గత ఎపిసోడ్ లో…

సాహసి, తన ట్రాన్స్ఫర్ గురించి మేనేజర్ చంద్రికతో మాట్లాడుతుంది.

ఆమె హెడ్డాఫీస్ వాళ్ళతో మాట్లాడి, సాహసిని సికింద్రాబాద్ బ్రాంచ్ లో వెంటనే చేరమంటుంది.

ఇక వీరి మధ్యన..  పదవ  భాగం చదవండి...

అప్పుడే, "అదేంటో చెప్పండి బావగారు." అన్నాడు మోహనరావు, భార్య వంక, కూతురు వంక చూస్తూ.

"అబ్బాయి, అమ్మాయి ఇద్దరూ తీసుకున్న ప్లాట్ లో ఉంటారట. మనం పెట్టే ముహూర్తం వరకు ఎట్టి ఇబ్బంది పరిచే పనులు చేపట్టరట. ఆషాఢం తర్వాత, మన పెద్దలు కలిసి వచ్చి, జరపవలసినవి జరపండి అంటున్నాడు." చెప్పడం ఆపాడు గోపాలస్వామి.

"అలానా." అనగలిగాడు మోహనరావు.

"పైగా మీ అమ్మాయి, మా అబ్బాయ్ ఎప్పుడో ఇలానే ఆలోచించుకున్నారట. మనం సహకరించమని చెప్పలేదట." అన్నాడు గోపాలస్వామి.

"అలానా." మళ్లీ అన్నాడు మోహనరావు.

"మనం సమ్మతించగలిగితే, ఈ సమస్య తీరుతుందని మా అబ్బాయ్ అంటున్నాడు. మీరు ఏమంటారు." అడిగాడు గోపాలస్వామి.

మోహనరావు భార్యను చూస్తున్నాడు.

తల్లిదండ్రులను సాహసి చూస్తుంది.

"అప్పటికీ చెప్పాను. నలుగురూ ఏమనుకుంటారో అని కూడా అన్నాను. అందుకు మా అబ్బాయ్, మన నలుగురం పెద్దలం, అంటే మేమిద్దరం, మీరిద్దరు ఏమనుకుంటామో చెప్పమని నన్ను సూటిగా ప్రశ్నించేశాడు. మా ఇద్దరం కాదనలేక పోతున్నాం. మరి మీరు ఏమంటారో చెప్పగలరు." చెప్పాడు గోపాలస్వామి.

ఆ మాటలు విన్న శైలజ, భర్తని చూస్తూ, 'సరే' అన్నట్టు తలూపింది.

"సరే బావగారు. మేమూ కాదనలేం." అనేశాడు మోహనరావు.

"పిల్లల మాట విందాం బావగారు. వాళ్లని నమ్ముదాం." అన్నాడు గోపాలస్వామి.

"తప్పక." అనేశాడు మోహనరావు కూతురునే చూస్తూ.

తర్వాత, ఆ ఫోన్ ల సంభాషణ కట్ ఐంది.

"హమ్మయ్య." అన్నాడు మోహనరావు.

శైలజ ఏమీ అనలేదు.

సాహసి డిన్నర్ ని కొనసాగిస్తుంది చక్కగా.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/pCNy9LzQdts

(కథ manatelugukathalu.com లో చదవడానికి కథ పేరు మీద క్లిక్ చేయండి)

అరుంధతి

రచన: సిహెచ్. సీ. ఎస్. శర్మ 

(కథా పఠనం: మల్లవరపు సీతారాం కుమార్)

"నాన్నగారూ!... పరమేశ్వర మామయ్య, విశ్వం వాళ్ళు ఎలా వున్నారు?..." అడిగాడు శ్రీనివాస్.

శ్రీనివాస్ తండ్రి నారాయణమూర్తి. తల్లి సావిత్రి. యీ దంపతుల ప్రథమ సంతానం శ్రీనివాస్. ఐదేళ్ళు అమెరికాలో వుండి స్వదేశానికి వచ్చి చెన్నై లో యల్&టి కంపెనీలో జి.యం గా పని చేస్తున్నారు. పది రోజుల శలవు మీద తల్లిదండ్రులను చూడాలని, భార్య రేవతి, ఐదేళ్ళ కొడుకు రఘురామ్, రెండేళ్ళ కూతురు స్వాతితో ఆంధ్రాలోని సొంత వూరికి వచ్చాడు.

అతనికి ఒక చెల్లెలు, పేరు కుసుమ, ఆమె వివాహం, ఇతని వివాహానికి ముందు మూడేళ్ళ క్రితం జరిగింది. ఆమె భర్త విజయవాడలో ఆంధ్రా బ్యాక్ మేనేజర్గా పనిచేస్తున్నారు. వీరికి ఒక పాప... శశి, ఒక బాబు కార్తీక్. వయస్సు ఎనిమిది, ఏడు... కాన్వెంట్ స్కూల్లో చదువుతున్నారు.

మహాశివరాత్రి నాడు అంటే ... మాఘమాసపు కృష్ణ పక్షంలో వచ్చే మహాశివరాత్రి నాడు, వీరి కుటుంబం ఆవూరి శివాలయంలో, నమక చమక రుద్రాభిషేకం... రాత్రి శివపార్వతుల కళ్యాణ మహోత్సవం జరిపించడం ఆనవాయితీ, ఆకారణంగా చెల్లెలు కుమమ... భర్త, పిల్లలతో అమ్మ గారింటికి వచ్చింది.

డెబ్బై ఐదేళ్ళ పరమేశ్వర శాస్త్రి, నారాయణ మూర్తి బావగారు... అన్నీ కార్యక్రమాలనూ జరిపిస్తారు. సిద్ధాంతి "వారికేం తక్కువ ఆ పార్వతీపరమేశ్వరుల కటాక్షంతో మీరు హాయిగా వున్నారు. పెద్దవాడు సోము డాక్టరాయె. చిన్న వాడు విశ్వం మామయ్య దగ్గర అన్నీ నేర్చుకొని శాస్తుర్లు అయినాడు. మంచి వాక్ శుద్ధి వున్నవాడు. యీ చుట్టుప్రక్కల గ్రామవాసులు అందరూ వచ్చి, ముహూర్తాలు, శంకుస్థాపనలు, వివాహాలు వీరిచేత జరిపించుకొంటారు. వీరి మాట అంటే అందరికీ గురి... మంచి నమ్మకం.

మన సనాతన ధర్మాన్ని నమ్మి... దానికి సంబందించిన విద్వత్తును తండ్రి దగ్గర అభ్యసించి, ఆచరిస్తూ యీ నవనాగరికతకు అతీతంగా... బ్రాహ్మణ జన్మ ఎత్తినందుకు... జన్మను సార్థకతను చేసికొనే దిశలో పయనిస్తున్నాడు విశ్వం. యిలాంటి వారు కొంతమందన్నా లేకపోతే... నీలాంటి వారికి మన సంస్కృతి, సాంప్రదాయాలను గురించి చెప్పేవారెవరు?... వాడి యిల్లాలు కుసుమ వాడికి అన్నివిధాలా తగింది. వీరికి ఒక కొడుకు ఐదేళ్ళ వాడు బాలసుబ్రహ్మణ్యం.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/iuUwevm3KCA

(కథ manatelugukathalu.com లో చదవడానికి కథ పేరు మీద క్లిక్ చేయండి)

పిచ్చుకమ్మ పిచ్చుక బంగారు పిచ్చుక

రచన: నల్లబాటి రాఘవేంద్ర రావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

వాతావరణ కాలుష్యం వల్ల, ముఖ్యంగా సెల్ల్ టవర్ల వల్ల పక్షి జాతి అంతరించి పోతోంది.

ముఖ్యంగా పిచ్చుకలు మచ్చుకి కూడా కనిపించడం లేదు.

మామూలు హాస్య కథలోనే పర్యావరణ పరిరక్షణ ఆవశ్యకతను తెలియజేసారు నల్లబాటి రాఘవేంద్ర రావు గారు.

ఇక కథలోకి వెడదాం.

ఆ చెట్టు మీద సరస సల్లాపాలాడుకుంటూ అందమైన పిచ్చుక జంట..

''ఒసేయ్ నా రాచవన్నెల బంగారు పిచ్చుక..

నన్ను ముక్కుతో పొడవకే. నువ్వు నన్ను లైన్ లో పెడితే నా వల్ల నీకు పిల్లలు పుడతారు.. అనుకోకు. ఎందుకంటే ఈ మానవజాతి వల్ల కలిగిన వాతావరణ కాలుష్యంతో మన జాతిలో ప్రత్యుత్పత్తి సామర్థ్యం ఎప్పుడో తగ్గిపోయిందే. పోనీ మన ఇద్దరికీ ఎలాగోలా పిల్లలు పుట్టారే అనుకో.. ఈ భూ ప్రపంచపు కాలుష్యంలో మన పిల్లకాయలు బ్రతికి బట్ట కట్టలేరు'' అంది మగ పిచ్చుక.

''అవును మావా.. అసలు నువ్వు నేను బ్రతికి బట్ట కడతామంటావా? మన జాతి పూర్తిగా నశించి పోతున్నప్పటికి ఈ మానవులు పట్టించు కోవడం లేదు ఎందుకనో?'' నిట్టూరుస్తూ అంది ఆడ పిచ్చుక.

''ఓస్.. జంతువులు పక్షులు నశిస్తే మనకేం.. అనుకుంటున్నారేమో వీళ్లు. ఈ మనిషి గొప్ప వాడు కావడం కోసం అటవీ ప్రాంతాన్ని హరిoచేస్తున్నాడు. దాంతో వర్షాలు పడటం లేదు. మొక్కలు కూడా మొలవడం లేదు. ఇక ఇలాగే కొనసాగితే కేవలం మన జాతి మాత్రమే కాకుండా అప్పుడు శాఖాహార మాంసాహార జంతువులు కూడా నశిస్తాయి.

అప్పుడేమవుతుందో తెలుసా.. జీవావరణ చక్రం దెబ్బతిని మానవాళి మనుగడే ప్రశ్నార్ధకమవుతుంది.. అది తెలుసు కోలేక పోతున్నారు ఈ మానవ మొనగాళ్లు.'' అంది మగ పిచ్చుక.

''మీ పురాణం కట్టి పెట్టవో మామ. నీ పిచ్చుక పురాణం ఎవడు వింటాడు. సరే నేను అడిగిన దానికి చెప్పు. మనకు ఇంతటి నష్టం కలుగ చేసిన ఈ మనుషుల మీద కసి పగ ద్వేషం తీర్చుకోవాలని ఉంది నాకు. పని జరుగుతుం దంటావా?''

ప్రేమగా కోరిక కోరింది ఆడ పిచ్చుక.

''ఓస్.. ఇదే కదా నీ కోరిక. నాతో రామాపురం రా. అక్కడ ఆనంద పరమానందయ్య గారి ఇంటికి వెళదాం. అక్కడ మనుషులను ఓ ఆట ఆడించి వాళ్ళను ఏడిపించి తద్వారా నీ కోరిక తీరుస్తాను రా'' అన్నది మగ పిచ్చుక ఆడ పిచ్చుక ముక్కునుగీరుతూ.

''ఎట్టా?'' ఆశ్చర్యంగా చూసింది ఆడ పిచ్చుక.

''ఎట్టా లేదు, తట్టా లేదు, బుట్టా లేదు.. నే చెప్తాగా.. నాతో రా.''

అంటూ మగ పిచ్చుక గాలిలోకి ఎగిరింది.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/5wxChsY4UYQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

మన సంప్రదాయం

రచన: ముక్కామల జానకిరామ్

(కథా పఠనం: మల్లవరపు సీతారాం కుమార్)

చైత్ర 4 వ తరగతి చదువుతుంది. నాన్నంటే అమితమైన ప్రేమ.నాన్న ఏ పని చెప్పినా చిటికెలో చేసేది.అది చూసి వాళ్ళ అమ్మ కూడా సంతోషపడేది. సాయంత్రం పనికి వెళ్ళిన నాన్న ఇంటికి రాగానే కూతురుతోనే గడిపేవాడు.

కానీ ఒక విషయంలో మాత్రం నాన్న మీద కోపంగా ఉండేది చైత్రకు. నాన్న అంటే కొంచెం భయం కూడా ఉండడంతో నాన్నతో విషయం చెప్పకపోయేది.

నాన్న పనికి వెళ్ళినప్పుడు 'నేనే కుర్చీలో కూర్చుంటాను నువ్వు నాన్నతో చెప్పు' అని అమ్మతో గొడవపడేది చైత్ర.

'నాన్న వయసులో పెద్దవాడు కదా తల్లీ ! కింద కూర్చొని భోజనం చేయాలంటే నాన్నకు కష్టంగా ఉంటుంది' అని అమ్మ చైత్రకు సర్దిచెప్పేది.

'నాన్న వింటే బాధ పడతారు ఇంకా ఎప్పుడూ అలా అనకు తల్లీ?' అని అమ్మ ఎంత సర్ది చెప్పినా చైత్ర మనసులో నేనే కుర్చీ మీద కూర్చొని తినాలని అనుకునేది.

చైత్ర వాళ్ళ తాతయ్య, చైత్రను చూడడానికి పండ్లు తీసుకొని వచ్చాడు. పనికి వెళ్లిన నాన్న సాయంత్రం ఇంటికి రాగానే తన తండ్రి బాగోగులు అడిగి తెలుసుకున్నాడు. రాత్రి భోజన సమయంలో చైత్రతో పాటు నాన్న కూడా కిందనే కూర్చొని భోజనం చేయడంతో చైత్ర ఆశ్చర్య పడింది.

'ఎప్పుడూ కుర్చీ పై కూర్చొని తినే నాన్న ఈ రోజు కింద కూర్చున్నాడు' అని మనసులో అనుకుంది. తాతయ్య వారం రోజులు ఉండి వెళ్ళాడు. ఆ వారం రోజులూ నాన్న కింద కూర్చొనే భోజనం చేశాడు.

'అమ్మా! అమ్మా! నాన్న కింద కూర్చొనే భోజనం చేశాడు ఏంటి' అని అడిగింది.

'అమ్మా చైత్రా! మన ఇంటిలో భోజనం చేయడానికి ఒకటే కుర్చీ ఉన్నది. అది నీకు తెలుసు కదా!. తాతయ్య వయసులో నాన్న కన్నా పెద్దవారు. కింద కూర్చోలేరు. పెద్దలను గౌరవించడం మన సంప్రదాయం. మనకన్నా వయసులో పెద్దవారిని మనం గౌరవించాలి. అందుకే నాన్నగారు కింద కూర్చున్నారు ' అని అమ్మ చెప్పగానే తన తప్పు తెలుసుకున్న చైత్ర నాన్నపై ఉన్న కోపాన్ని విడిచిపెట్టింది.

ఇంటికి పెద్దలెవరు వచ్చినా తను లేచి వారికి కుర్చీ ఇచ్చి, వారిని గౌరవించేది. వారికి కావలసిన పనులు చేసి పెట్టి ప్రేమగా మాట్లాడేది. చైత్రలో వచ్చిన మార్పుకు తల్లి చాలా సంతోషించింది.

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/dINpGfkV-Hk

(కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 10

రచన : పాండ్రంకి సుబ్రమణి

(కథా పఠనం: మల్లవరపు సీతారాం కుమార్)

పాండ్రంకి సుబ్రమణి గారి ధారావాహిక 'ది ట్రాప్' పదవ భాగం

గత ఎపిసోడ్ లో

చనిపోయిన తమ కూతురు సుభాషిణి పుట్టిన రోజున వరూధిని ఇంటికి వెడతారు భువనేష్, ప్రభావతులు.

మందాకినిలో తమ కూతుర్ని చూసుకోవాలనుకుంటారు.

వరూధిని, ఆఫీసుకి వెళ్లకుండా వాళ్ళతో గడుపుతుంది

ఇక ది ట్రాప్.. పదవ భాగం చదవండి…

ఆరోజు పరమేశ్వర్ యేదో ప్రోజెక్ట్ ప్రిపరేషన్ లో బిజీగా పని చేసి ఇల్లు చేరేటప్పటికి ఆలస్యమైంది. గుమ్మం వద్ద మట్టి దివ్వెలు పెడ్తూ తులసీ స్తుతి పాడుతూంది తల్లి- “యన్మూలే సర్వ తీర్థాని యన్మధ్యే సర్వదేవతా:”

కాని— అదే సమయాన ఇంట్లోపల నుంచి తండ్రి కేకలు వినిపించడం గమనించి స్టన్నయాడు. వేదమూర్తికి కోపం వస్తే పట్టలేడని అతడికి తెలుసు. ఆపు కోవడానికి ప్రయత్నిస్తే మరింతగా రెచ్చిపోతుంటాడని కూడా తెలుసు. మొత్తానికిది మంగళకర సాయంత్రమనేదా లేక భీతావహ వాతావరణ మనేదా-- ఇలా తడబడుతూ త్వర త్వరగా బూట్సు విప్పి లోపలికి చొచ్చుకు వెళ్లాడు పరమేశ్వర్. అక్కడ తమ్ముడు పవన్ భీతిల్లే వదనంతో ఒదిగి ఒదిగి జంకుతూ ఏదో విషయంపై తండ్రికి నచ్చచెప్పడానికి అవస్థ పడుతున్నాడు. దగ్గరకు వెళ్ళింతర్వాత తెలిసింది, తండ్రి తమ్ముణ్ణి యెడాపెడా వాయిస్తున్నాడని-

“చచ్చు తెలివి తేటలు కట్టిపెట్టి ఒళ్ళు దగ్గర పెట్టుకుని నడచుకో! లేకపోతే ఏమవుతుందో తెలుసు కదూ? మీ బాబు నీకంటే ముందు పుట్టాడన్నది గుర్తు పెట్టుకో— తొక్కేస్తానని చెప్పను గాని చీల్చేస్తా!”

అప్పుడు కలుగ చేసుకున్నాడు పరమేశ్వర్ తండ్రికి గ్లాసులో మంచి నీళ్లు పోసి అందిస్తూ- “ఏమైంది నాన్నగారూ! కాని తప్పేమైనా చేసాడా! ”

“ఇంకేమి కావాలి? ఏమి జరక్కూడదో అదే జరిగేటట్లుంది. ఇద్దరన్నయ్యలున్నారు. ఇవన్నీగమనిస్తున్నారా!”

“ఏమి గమనించలేదంటున్నారు నాన్నా! చెప్తే కదా తెలుస్తుంది? ”

“అవన్నీ ఈ వయసులో నా నోటమ్మట చెప్పాలన్న మాట. కర్మ! కోమటి కోదండం రెండవ కూతురు ప్రణీత లేదూ— ఆ పిల్లతో ఈ మధ్య మీ తమ్ముడు మరీ క్లోజ్ ఫ్రెండు షిప్పుతో మెసలుతున్నట్టున్నాడు. ఎక్కడ చూసినా ఎప్పుడు చూసినా ఒకటే పకపకలూను విక వికలూను-”

కోపంగా ఉన్న తండ్రిని శాంతపర్చడం కోసం పరమేశ్వర్ అన్నాడు- “మీరు అనుకుంటున్నది వాస్తవం కాకపోవచ్చు నాన్నగారూ! ఇటువంటి విషయాలలో ధైర్యం కావాలి. వాడికి అంతటి ధైర్యం ఉండదు నాన్నా!”

“నోర్మూస్తావా! ఇటు వంటి విషయాలలో ధైర్యం కాదు కావలసింది. పెడ బుధ్ది ఉంటే చాలు— అప్పుడే అనుకున్నాను వీడు మునుపులా టాకీలకు పోకుండా తరచుగా గుళ్ళూ గోపురాలు తిరుగుతున్నప్పుడే— ఆ పిల్ల యెప్పుడెప్పుడు మన షాపుకి వస్తుందో—  

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/cSRdQ_5JQGQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

కస్తూరి రంగ రంగా!! 4

రచన: సిహెచ్. సీఎస్. శర్మ 

(కథా పఠనం: మల్లవరపు సీతారాం కుమార్)

సిహెచ్. సీఎస్. శర్మ గారి  ధారావాహిక కస్తూరి రంగ రంగా నాలుగవ భాగం

గత ఎపిసోడ్ లో

కిడ్నాపర్లలో తనకు దొరికిన వ్యక్తిని విచారిస్తాడు ఎస్సై సుల్తాన్.

కిడ్నాపర్లు ఉన్న స్థలంలో దొరికిన సిల్వర్ రింగ్ తన అన్న ఇర్ఫాన్ దని అనుమానిస్తాడు.

ఇర్ఫాన్ నేరస్థుడైతే అతన్ని అరెస్ట్ చేయడానికి వెనుకాడనని తన తల్లిదండ్రులతో చెబుతాడు.

ఇక కస్తూరి రంగ రంగా - ఎపిసోడ్ 4 చదవండి...

సమయం రాత్రి ఎనిమిది గంటల ప్రాంతం. సయ్యద్... మిత్రులు బ్రహ్మయ్య... పుండరీకయ్యలను కలసి తన చిన్న కొడుకు చెప్పిన మాటలను వారికి చెప్పి... పెద్దకొడుకు ఇర్ఫాన్ ను పట్టుకొనేటందుకు సుల్తాన్ హైదరాబాద్ వెళ్లాడని చెప్పి... ఇంటికి తిరిగి వచ్చాడు.

“ఎక్కడినుంచి రాక..." అడిగింది ఫాతిమా.

"బ్రహ్మయ్య దగ్గరనుండి... "

“చిన్నోడు హైదరాబాదు... వెళ్లిన విషయం చెప్పావా?...”

“ఆ... చెప్పాను...”

“ఎందుకు చెప్పారు?...”

“మనవాడు వెళ్లాడు కాబట్టి చెప్పాను!..."

"ఇర్ఫాన్ మీద అనుమానంతో వెళ్లాడని చెప్పారా?...".

“చెప్పలేదు...” మెల్లగా చెప్పాడు.

ఫాతిమా తన్ను ఆ ప్రశ్న అడగటంలోని ఆంతర్యం... సయ్యద్ కు తెలుసు. బిడ్డలు ఎంత చెడ్డవారైనా వారిని నిందించడం, బెదిరించడం... మరీ కోపమొస్తే రెండు తగిలించడం... తన హక్కే అనుకొంటుంది ప్రతి మాతృమూర్తి...

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/MGULwnosXsc

(కథ manatelugukathalu.com లో చదవడానికి కథ పేరు మీద క్లిక్ చేయండి)

ప్రభాత కిరణాలు

రచన :  M R V సత్యనారాయణ మూర్తి

(కథా పఠనం: మల్లవరపు సీతారాం కుమార్)

బ్యాంకు నుండి ఇంటికి వస్తున్న కిరణ్ కాలనీ మొగలో ఉన్న అమ్మవారి గుడి ముందు జనాన్ని చూసి బైక్ స్లో చేసి పక్కగా ఆగాడు. గుడి ముందు  బుర్రకథ చెబుతున్నారు కళాకారులు.

సత్య హరిశ్చంద్ర కథ చెబుతోంది మధ్యన ఉన్న అమ్మాయి. ముగ్గురూ రంగు రంగుల బట్టలు వేసుకున్నారు.

కథ చెప్పే అమ్మాయి కంఠం బాగుండడంతో కాసేపు నిలబడి కథ విన్నాడు. ఒక పావుగంట ఉండి ఇంటికి వచ్చాడు. అప్పుడు సమయం ఎనిమిది గంటలు అయ్యింది. రాఘవయ్య మాస్టారు భోజనం ముగించి  భాగవతం చదువుకుంటున్నారు. కిరణ్ స్నానం చేసి వచ్చేసరికి టేబుల్ మీద భోజనం సిద్ధంచేసి ఉంచింది జానకమ్మ.

“అబ్బాయ్! నువ్వు తింటూ ఉండు. నేను ఇప్పుడే వస్తాను” అని వంటింట్లోకి వెళ్ళింది జానకమ్మ.

రోజూ తన పక్కనే కూర్చుని కబుర్లు చెప్పే తల్లి ఇంకా, లోపల ఏం చేస్తోందా?అని ఆలోచిస్తూ భోజనం చేయసాగాడు కిరణ్.

“అమ్మా, ఇంకా వంట చేస్తున్నావేమిటి?” ఆత్రం ఆపుకోలేక అడిగాడు తల్లిని.

“ముగ్గురు భోజనానికి వస్తామన్నారు నాయినా, అందుకే మళ్ళీ వంట చేస్తున్నాను” వంటింట్లోంచే  జవాబు చెప్పింది జానకమ్మ.

రోజూ ఎనిమిది గంటలకు ఖచ్చితంగా భోజనం చేస్తాడు రాఘవయ్య. కొడుకు వచ్చాక అతనికి పెట్టి, ఆ తర్వాత తను తింటుంది జానకమ్మ.

‘అమ్మా, నువ్వూ నాన్నతో పాటే భోజనం చేసెయ్’ అని చాలా సార్లు చెప్పాడు తల్లికి. కానీ ఆవిడ ఒప్పుకోదు. భర్తా, కొడుకూ

భోజనం చేసాకా మాత్రమే తను తింటుంది. వచ్చేది ఎవరా? అని ఆలోచిస్తూ భోజనం కానిచ్చాడు కిరణ్. అతను  తిన్న ప్లేటు తీసి సింకు లో పడేసి టేబుల్ శుభ్రం చేసింది

జానకమ్మ.

తన గదిలోకి వెళ్లి టి. వి. తక్కువ సౌండ్ లో పెట్టుకుని న్యూస్ చానల్ చూస్తున్నాడు కిరణ్. కాసేపటికి తల్లీ తండ్రీ కబుర్లు చెప్పుకోవడం వినిపించింది కిరణ్ కి. ఒక గంట గడిచాక

కాలింగ్ బెల్ మోగడం, తల్లి వెళ్ళి తలుపు తీయడం చూసి హాలు లోకి వచ్చాడు కిరణ్.

తండ్రి లేచి నిలబడి ‘రండి.. రండి’ అంటూ ఆహ్వానించాడు. ముగ్గురు మనుషులు వచ్చారు. ఒక పెద్దాయన, ఒక యువకుడు, ఒక యువతి. ముగ్గురూ తల్లికీ, తండ్రికీ నమస్కరించారు.

“మిమ్మల్ని ఇబ్బంది పెడుతున్నాం” అన్నాడు పెద్దాయన.

“భలేవారే, ఇబ్బందేం లేదు. ఇప్పటికే పొద్దుపోయింది. కాళ్ళు కడుక్కుని రండి, భోజనం చేద్దురుగాని” అని బాత్ రూమ్ చూపించాడు రాఘవయ్య.

ముగ్గురూ ఫ్రెష్ అయిరాగానే డైనింగ్ టేబుల్ మీద భోజనాలు వడ్డించింది జానకమ్మ.

“ఆంటీ, నేను ఏమైనా సాయం చెయ్యనా” అడిగింది ఆ

అమ్మాయి జానకమ్మని.

ఏమీ అవసరం లేదు అన్నట్టు తలాడించింది జానకమ్మ. వాళ్లకు కొసరి కొసరి వడ్డిస్తోంది జానకమ్మ. హాలులో ఉన్న కిరణ్ కి వచ్చిన వాళ్ళు ఎవరో అర్ధం కావడం లేదు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/ZVZTAz4yyTA

(కథ manatelugukathalu.com లో చదవడానికి కథ పేరు మీద క్లిక్ చేయండి)

నాకేమవుతోంది ఎపిసోడ్ 1 

రచన: మల్లవరపు సీతారాం కుమార్

మల్లవరపు సీతారాం కుమార్ రచించిన కొత్త ధారావాహిక 'నాకేమవుతోంది' ప్రారంభం

పెళ్ళై మూడు నెలలే అయింది.

అంతలో అనుకోని సమస్యలు ఎదురయ్యాయి ప్రియ అనే అమ్మాయికి.

ఆ సమస్యలను అధిగమించే ప్రయత్నంలో ఆమె పడ్డ మానసిక సంఘర్షణను ఈ ధారావాహికలో కళ్ళకు కట్టినట్లు వివరించడం జరిగింది.

ఈ సీరియల్ ను మల్లవరపు సీతారాం కుమార్ రచించారు.

మీకు చదివి వినిపిస్తున్నది కే. లక్ష్మి శైలజ.

ఇక కథ ప్రారంభిద్దాం.

"ప్రియా... ప్రియా! మెలకువలోకి రా. ఎందుకలా కేకలు పెడుతున్నావు?" నా భుజం పట్టి కుదుపుతూ అడిగాడు నా భర్త తరుణ్.

"ఉలిక్కి పడ్డాను. నేను మంచి నిద్రలో ఉండగా తరుణ్ నన్ను లేపాడు.

"ఏమైంది తరుణ్? ఎందుకు లేపావు.." అంటూ లేచి కూర్చో బోయాను.

"వెంటనే లేవకు. కాస్త రిలాక్స్ అవ్వు" అంటూ నన్ను ఆపబోయాడు.

నేను అతని చేతుల్ని నెట్టేస్తూ బెడ్ మీద లేచి కూర్చుని "ఇప్పుడు చెప్పు తరుణ్! అసలు ఏం జరిగింది?" అని అడిగాను.

అతను నా ముఖం లోకి ఆశ్చర్యంగా చూస్తూ "అంటే.. జరిగింది నీకు నిజంగా గుర్తుకు రావడం లేదా?" అన్నాడు.

"కామెడీలు  చేయకు తరుణ్. నువ్వు మరేదో ఉద్దేశంతో లేపి ఉంటావు. మంచి నిద్రను పాడు చేశావు" అన్నాను కాస్త కోపంగా.

"బీ సీరియస్ ప్రియా! మరో సారి అడుగుతున్నాను.. నిజంగా నీకేమీ గుర్తుకు రాలేదా?" అన్నాడు తరుణ్.

అతని గొంతులో తీవ్రత చూస్తుంటే నిజంగానే ఏదో జరిగి ఉంటుంది అనిపించింది.

"ప్రామిస్ తరుణ్! డిన్నర్ అయ్యాక కాస్త తల తిరుగుతున్నట్లు అనిపించింది. టీవీలో మూవీ చూద్దామని నువ్వు అడుగుతున్నా, నిన్ను చూసుకోమని చెప్పి నేను పడుకున్నాను. తర్వాత ఇదిగో.. ఇప్పుడే నువ్విలా  నా భుజం కదిలిస్తూ నిద్ర లేపావు. అంతకుమించి నాకేమీ తెలియదు. మళ్లీ మళ్లీ గుర్తు లేదా అని అడక్కు. అసలు విషయం ఏమిటో చెప్పు" అన్నాను.

"సారీ డార్లింగ్! నువ్వు చేసిన పనికి నేను షాక్ తిన్నాను కాబట్టే అన్ని మార్లు  అలా అడగాల్సి వచ్చింది"  అంటూ పక్కనే ఉన్న  వాటర్ బాటిల్ మూత తీసి, నాకు అందించాడు.

"కాస్త మంచినీళ్లు తాగి రిలాక్స్ అవ్వు. విషయం చెబుతాను"  అన్నాడు తరుణ్.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/J0-3iwCOJk8

(కథ manatelugukathalu.com లో చదవడానికి కథ పేరు మీద క్లిక్ చేయండి)

సైనైడ్ - ఎపిసోడ్ 9

రచన : లక్ష్మీనాగేశ్వర రావు వేల్పూరి

(కథా పఠనం: మల్లవరపు సీతారాం కుమార్)

వేల్పూరి లక్ష్మీనాగేశ్వర రావు  గారి  ధారావాహిక 'సైనైడ్' ఎనిమిదవ భాగం

గత ఎపిసోడ్ లో

శేఖర్ మరణ వార్త తెలుసుకుంది అతని భార్య.

శత్రువులకు దొరక కూడదని, భర్త ఇచ్చిన హార్డ్ డిస్క్ ని ముక్కలు చేసిందామె.

సెలూన్ అతను, చెప్పుల షాప్ సేల్స్ మాన్ హంతకుడి ఆనవాళ్లు చెబుతారు.

ఇక సైనైడ్ తొమ్మిదవ  భాగం చదవండి

ఆ రోజు ఉదయం ఏ-వన్ మధురవాడ లో మరో పెద్ద జోళ్ళ షాప్ లోకి వెళ్లి, 6వ సైజు షూస్, 7వసైజ్ షూస్, నల్లని లెదర్ కలర్ వి ఇమ్మని చెప్పి, తను వేసుకున్న జోళ్ళు విప్పాడు. అక్కడే ఉన్న సేల్స్ మెన్ ఏ-వన్ కి కావలసినవి ఇచ్చి, షూలు అతని కాలికి తొడగ బోయాడు.

“నో.. నో.. నేనే వేసుకుంటాను. నువ్వు వెళ్ళు!” అని, ఒక కాలికి 6 వ నెంబరు షూ, మరో కాలికి 7 వ నెంబరు షూ వేసుకున్నాడు.  మిగతావి బాక్స్లో పెట్టి, బిల్లు కౌంటర్ లో పే చేశాక ఆయన నడుస్తున్న తీరును చూసి, అనుమానించాడు సేల్స్ మాన్.

అంతకు ముందు రోజే పోస్టర్ లో వేసిన విధంగా ఉన్న ఆ మనిషిని,  అతను కుంటుకుంటూ నడుస్తున్న తీరుని అనుమానించి, పోలీసులకు ఫోన్ చేశాడు.

అంతే! ఒక అరగంటలో రాజశేఖర్ గారు తన పోలీస్ స్క్వాడ్ తో జోళ్ళ షాప్ కు వచ్చి, ఆ సేల్స్ మెన్ ని దగ్గర అన్ని వివరాలు సేకరించారు.

“నువ్వు చేసిన ఈ సహాయానికి కేంద్ర ప్రభుత్వం నుంచి నీకు అవార్డు లభిస్తుంది!” అని అతని భుజం తట్టి అభినందించారు రాజశేఖర్ గారు.

వెనువెంటనే తన సెల్ ఫోన్ లో మధురవాడ కనెక్ట్ అయ్యే, అన్ని దారులు మూసి వేయమని, ఎలాంటి అనుమతులు ఉండకుండా, ఒక గంట సేపు ఆపాలని ట్రాఫిక్ పోలీస్ శాఖ వారికి చెప్పారు. ఇది కలెక్టర్ గారు కూడా అనుమతించారని చెప్పి, గట్టి బందోబస్తు ఏర్పాటు చేయమన్నారు.

అంతే! ఎక్కడ ట్రాఫిక్ అక్కడ ఆగిపోయింది. జనాల్లో ఆందోళన, భయం ఎక్కువైపోయాయి. ఒక యాభై మంది పోలీసులు అన్ని వాహనాలను తనిఖీ చేస్తూ, ఒక్కొక్కటిగా వదులుతున్నారు. అసలే విశాఖపట్నం ఎంతో అభివృద్ధి చెందుతున్న టూరిస్ట్ సిటీ కాబట్టి వందలాది వాహనాలు ఆగిపోయాయి.

మరోపక్క ఏ-వన్ నడుచుకుంటూ, హైవే దాటి సందులు, సందులు తిరుగుతూ తన ఇంటికి చేరుకొని, వెంటనే బి-వన్ కి కాల్ చేశాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

సగటు మనిషి

రచన : గొర్తి వాణిశ్రీనివాస్

(ఉత్తమ రచయిత్రి బిరుదు గ్రహీత)

(కథా పఠనం: మల్లవరపు సీతారాం కుమార్)

"అమ్మాయి సీమంతం కూడా పెళ్లి చేసినంత ఘనంగా చేస్తారని మాకు  తెలుసన్నయ్యగారూ..

ఎప్పుడు, ఎలా చేద్దామో మాట్లాడుకుని

ఆ డేట్ ఖరారు చేయడానికే మిమ్మల్ని పిలిపించాను." అంది మోహనమ్మ.

రాఘవయ్య గొంతులో పచ్చివెలక్కాయ పడ్డట్టయింది.

పెళ్లికి పదహారు లక్షల అప్పు చేసాడు.

మొత్తం ముఫై లక్షలు ఖర్చుపెట్టి పెళ్లి చేసాడు.

అదే ఇంకా తీరలేదు. మళ్లీ ఇదోటా?

సీమంతానికి రెండు లక్షలు పట్టుకోవాలి?

మరి పురుటి ఖర్చు, బారసాల, కానుకలు దేవుడా!

మధ్యతరగతి మనుషుల్లో కూడా ఈ గ్రాండ్ నెస్ అనే బీజం పడటం ఎన్ని అనర్ధాలకు దారితీస్తుందో.పెళ్లి కుదిరిందనే ఆనందంలో

ముందూ వెనకా చూసుకోలేదు.

ఆ తర్వాత వచ్చే ఖర్చుల్ని తట్టుకునే శక్తి సామర్ధ్యాలను

సమకూర్చుకోవాలని ధ్యాస తనకప్పుడు రాలేదు.

"ఏమంటారు అన్నయ్యగారూ!"

మోహనమ్మ పిలుపుకు సర్దుకుంటూ

"సరేనమ్మా అలాగే చేద్దాం.మాఇంట్లో తొమ్మిదోనెల సూడిదలిచ్చే ఆనవాయితీ ఉంది.  ఇచ్చి ఏకంగా పిల్లని పురిటికి తీసుకువెళతాం.అంతే కదటే. ఏవంటావ్?"

అన్నాడు భార్య సుమిత్ర వంక చూస్తూ.

"అవును అంతే వదినగారు" అంది సుమిత్ర.

హమ్మయ్య అప్పటిలోగా డబ్బు సమకూర్చుకోవచ్చని ఊపిరి పీల్చుకున్నాడు రాఘవయ్య.

"మా పెద్ద కోడలికి ఏడో నెలలో ఇచ్చాము.

అదే ఆనవాయితీ చిన్నకోడలి విషయంలోనూ పాటించాలి. మీరివ్వకుండా మేం ఇవ్వకూడదు. మీరూ మేమూ కలిసి ఏడో నెలలో ఇచ్చేద్దాం. ఏమంటారు."

మహా మాటకారి తనంగా చెప్పేసింది మోహనమ్మ.

నీళ్లు నవిలాడు రాఘవయ్య.

అన్నిటికీ కావాల్సింది డబ్బే.

నెలకి ముఫై వేల జీతగాడు. అప్పుచేసిమరీ

పెళ్లి అట్టహాసంగా చేసాడు.

మిగిలినవి ఘనంగా కావాలని వాళ్ళు కోరుకోవడంలో వింతేముంది.

కానీ ఘనానికి అంతేముంటుంది.

నాకు అప్పులున్నాయ్ అని చెప్పలేని నిస్సహాయతలో అవుననలేక కాదనలేక సతమతమయ్యాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/PhWsBhm6F_Y