Mana Telugu Kathalu | మనతెలుగుకథలు.కామ్ | Telugu Short Stories

(కథ manatelugukathalu.com లో చదవడానికి కథ పేరు మీద క్లిక్ చేయండి)

పశ్చాత్తాపం

రచన: నీరజ హరి ప్రభల

(కథా పఠనం: మల్లవరపు సీతారాం కుమార్)

హాస్పిటల్ లో వార్డులోని పేషెంట్లను చూసి తన గదిలోకి వచ్చి, కాస్త విశ్రాంతి గా కూర్చున్నాడు ఆర్థోపెడిక్ డాక్టర్ శ్రీకర్. రాత్రి ఒక పేషెంట్ కు అర్జెంట్ గా ఆపరేషన్ చేసి ఇంటికెళ్లి సరిగ్గా నిద్ర పోకపోయినా, మరలా తన రోజు వారీ డ్యూటీగా హాస్పిటల్ కు వచ్చాడు శ్రీకర్. అలసటగా ఉంటే కుర్చీలో కాస్త వెనక్కి వాలి కనులు మూసుకోగానే తన సెల్ ఫోను రింగయింది. ఉలిక్కిపడి 'ఎవరా' అని ఫోన్ చూస్తే ‘శోభ’ అనే పేరు కన్పించి లిఫ్టు చేశాడు శ్రీకర్.

" హలో! బావా! " అన్న పిలుపు వినగానే సంతోషంగా " హలో! శోభా! ఎలా ఉన్నావు?" అని పలకరించాడు శ్రీకర్.

శోభ తను బాగానే ఉన్నానని, తను ఆ ఊరికి రెండు నెలల మెడికల్ కాన్ఫరెన్స్ కోసం వస్తున్నట్లు, ఎక్కడైనా వాళ్లకు దగ్గరగా ఒక గదిని చూడమని చెప్పింది.

"రెండు నెలలకోసం వేరే గది ఎందుకు? మా ఇంట్లోనే ఉండు. నీకు తోడుగా అమ్మ, సుధ కూడా ఉంటారు." అని చెప్పిన శ్రీకర్ మాటలకు "వద్దు బావా! అలాగ బావుండదు " అని చెప్పింది శోభ.

"నీవేమన్నా పరాయిదానివా? మా ఇంట్లోనే ఉండు." అన్న శ్రీకర్ మాటలకు "సరే" అని తను ఆ ఊరికి వచ్చే తేదీని చెప్పి ఫోన్ పెట్టింది శోభ.

ఒక్కసారిగా శ్రీకర్ ఆలోచనలు గతంలోకి వెళ్లాయి. శోభ తన మేనత్త కూతురు. తమ ఊరు, మేనత్త ఊరు దగ్గర దగ్గర ఊళ్లు అవటంతో చిన్నతనం నుంచి కలిసిమెలిసి పెరిగారు శోభా, తను. ఎదిగేకొద్దీ చుట్టుపక్కల వాళ్లు, బంధువులు చాలా మంది వాళ్లిద్దరూ కాబోయే భార్యాభర్తలనుకునేవారు.

వ్యవసాయదారులైన రామయ్య, తులశమ్మ దంపతులకు శ్రీకర్ ఏకైక కొడుకు. చిన్నతనం నుంచి కష్టపడి చదివే శ్రీకర్ తను డాక్టరు అవ్వాలని ఎన్నోకలలు కనేవాడు. అందుకోసం ఎంతో కష్టపడి చదువుతూ టెంత్ క్లాసు మంచిమార్కులతో పాసయ్యాడు. అతని ఇష్టాన్ని గ్రహించిన రామయ్య వాళ్లు అతన్ని పట్నంలో మంచి కాలేజీలో చేర్పించి, అక్కడే హాస్టల్ లో ఉండేట్లు ఏర్పాటు చేశారు.

శ్రీకర్ కష్టపడి చదువుతూ ఇంటర్ పూర్తి చేసి మెడిసిన్ లో చేరాడు. అతను మెడిసిన్ 3వ సం… చదువుతూండగా రామయ్య కార్డియాక్ అరెస్టుతో అకాలమరణం చెందాడు. జరిగిన దారుణానికి తులశమ్మ, శ్రీకర్ లు చాలా బాధపడి మిగిలిన తంతు పూర్తి చేశారు. ప్రక్క ఊరిలోనే ఉండే మేనత్త శకుంతల కుటుంబం కూడా బాధపడి శ్రీక‌ర్ వాళ్లను ఓదార్చారు. తర్వాత కొన్నాళ్లకు శ్రీకర్ తన తల్లిని ఒంటరిగా ఉంచలేక తనతో తీసుకుని వెళ్లాడు. ఆ తర్వాత 2 సం..కి శ్రీకర్ మెడిసిన్ పూర్తిచేసి, M.D కూడా చేసి హాస్పిటల్ లో డాక్టర్ గా చేరి క్రమేణా మంచిపేరు తెచ్చుకున్నాడు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/yKrysbwu6GY

(కథ manatelugukathalu.com లో చదవడానికి కథ పేరు మీద క్లిక్ చేయండి)

నేనూ సదూకున్న

రచన : అయ్యల సోమయాజుల సుబ్రహ్మణ్యము

(కథా పఠనం: మల్లవరపు సీతారాం కుమార్)

ఆనకాలం మండుతున్న ఎండతో పొద్దంతా ఎగసిపడ్డ సూరీడు, తన కోపం చల్లారనట్టు ఎర్రని రంగుతో మెల్లగా గుట్టల సాటుకు పాకుతూ, గుంకుతుండు.

కొద్దికొద్దిగా ఎలుగున్నా, నల్లని నీడతో నాలుగు దిక్కులనుంచి చీకటి అలుముకుంది. ఆనకాలం మెరిసి మెరిసి కొట్టే ఎండతో చెమటకు పెయ్యంత తడిసి పొద్దుగూకే యేళ

కు సల్లవడుతుంది. మేకలన్ని మందకు జేరుకుని అరుస్తూ, అంగడంగడి జేస్తున్నయి.

తల్లులకోసం తల్లడిల్లుతున్న పిల్లలను మేకలకు గుడుపుతూ సతమతమైతున్న.

గప్పుడే సూరీడు గుంకిన దిక్కు నుంచి మా మామ నెత్తిమీద సంచి మూటతో బస్సు దిగి మందదిక్కు వస్తుండు. మామ నెత్తి మీద మూట సూడంగనే నాకు మస్తు ఖుషీ

ఆకాశమంటింది.

మామంటే భయం. వాళ్ళ తానే మూడేండ్ల సంది మేకలు మేపుతున్న. పరుగెత్తి అటకాయించ లేను. కాని పాణం నిల్వక జర ముందుకెళ్ళి " ఇప్పుడే వస్తున్నవ మామ, ఇంటికాడంత మంచిగుండ్రా" అని అడిగిన.

" ఆ అందరు మంచిగుండ్రు" అని చెప్పుకుంట, గుడిసెల దిక్కువోయిండు. అక్కడున్నోళ్ళేమో ఆళ్ళఆళ్ళ ఇంటికాడ ముచ్చట్లు మాట్లాడతండ్రు.

ఎండకాలమే అప్పుజేసి ఇరవై మేకలు కొన్నం. మా కాడ ముప్పై మేకలుండే. అన్నిటిని కొట్టుకుని మేపెటందుకు మా మెదకు ఇడిసి నర్సాపూర్‌ అడవులకు అచ్చినం. ఆ ఆనలకు తడిసి గుట్టలెక్కి మేసే మేకలకు ' అడవులపొంటి తిరిగే అల్వాటు లేదు. పన్నెండు మేకలు సచ్చిపోయినై. ఆ బుగులుతోనే నేను ఓ మూల కూసున్న.

అప్పుడు మా మామ నన్న పిలిసి ' నీ తమ్ముడు యాదిగాడు ఏదో కాయితం ఇచ్చిండు. గా సంచిలుంది సూసుకో" అన్నడు. అప్పటికే చీకటైపాయే. కాయితం తీసి సదువరాదు.

మంట ఎల్గుకు సూద్దామని నాలుగు కట్టెలు ఒక్క దగ్గరేసి మంటవెట్టిన.

"పొద్దుగాల్ల సూతువులే శీకట్లేం కనిపిస్తది" అని మామ గరమయిండు. మూటను తీస్కపోయి ఓ మూలకు నెట్టిన. సినుకులు పడ్తుండగనే ఇన్ని బియ్యం ఉడ్కవెట్టుకుని తొక్కేస్కోని, తలో బుక్క డు దిని మంటసుట్టు అందరం పన్నం.

వారం రోజుల నుంచి ఇడువని వాన. ఎండ సక్కగా లేక గొంగడి ముక్క వాసన వట్టింది. ఆ గొంగడి కప్పుకొని, దానిమీదనుంచి ప్లాస్టిక్‌ కాయితమేస్కోని, కింద ఓ అరుస రాళ్ళు, ఆటి మీద టేకు ఆకులు ఏసుకొని పండుకున్నం. మక్కవాసనైతే అలవాటైంది గాని సినుకుల సప్పుడు సిటపట ఇన్పిస్తుంది. కిందేసుకున్న రాళ్ళు పక్క బొక్కలను ఒత్తుతున్నై.

నా కేమో నిద్రస్త లేదు.

ఆ మూటలున్న పేపర్‌ మీదనే.

అందులో పదో తరగతి పాసైనోళ్ళ నంబర్లున్నై. వాటిలో నా నంబర్‌ సూసుకుందామని.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/_GwOqA19occ

కస్తూరి రంగ రంగా!! 2

రచన: సిహెచ్. సీఎస్. శర్మ

(కథా పఠనం: మల్లవరపు సీతారాం కుమార్)

సిహెచ్. సీఎస్. శర్మ గారి  ధారావాహిక కస్తూరి రంగ రంగా రెండవ భాగం

గత ఎపిసోడ్ లో

బ్రహ్మయ్య మనవడు శాలివాహనను  కిడ్నాప్ చేసినట్లు అగంతకులు ఫోన్ చేసి చెబుతారు.

భయపడ్డ బ్రహ్మయ్యకు ధైర్యం చెబుతారు అతని స్నేహితులు పుండరీకయ్య, సయ్యద్ లు.

కిడ్నాపర్లు అడిగిన సొమ్ము సమకూర్చుకోవడంలో బ్రహ్మయ్యకు సహకరిస్తారు.

ఇక కస్తూరి రంగ రంగా - ఎపిసోడ్ 2  చదవండి...

ఉత్తరం సాంతం చదివేసరికి, కుసుమ కళ్లల్లో నీళ్లు నిండాయి. చెక్కిళ్లపైకి జారాయి.

"ఏమ్మా కుమమా! జాబు వ్రాసింది శశాంకేనా!” అడిగాడు పుండరీకయ్య.

"ఆ. అవునన్నా!” కన్నీటితో దీనంగా పలికింది కుసుమ. క్షణం తర్వాత “తన కొడుకు శాలివాహన మా దగ్గర క్షేమంగా ఉన్నాడని వాడు, కోడలు అనుకుంటున్నారు. ఇక్కడ పరిస్థితి…" భోరున ఏడ్చింది కుసుమ.

"అమ్మా..! ఏడవకు. మనం అంతా సిద్ధం చేసుకొన్నాముగా! డబ్బు వాడి ముఖాన కొట్టి బిడ్డని రేపు తెచ్చుకొంటాం కదమ్మా. బాధపడకు.. భయపడకు." ఓదార్చాడు పుండరీకయ్య. అతని మాటలకు కుసుమకు కొంత వూరట కలిగింది.

* * * * *

బ్రహ్మయ్యగారు సుల్తాన్ సాయంతో బ్యాంకునుంచి పదిలక్షలను తీసుకొన్నాడు. ఇంటికి వచ్చి ఇరవై లక్షలను ఒక జిప్ బ్యాగ్లో భద్రంగా వుంచి, ఆ రాత్రంతా అతను, భార్య కుసుమ, పుండరీకయ్య బ్యాగ్ ముందు కూర్చొని జాగరణ చేశారు. సుల్తాన్ రెండు పర్యాయాలు వచ్చి వారిని చూచి ధైర్యం చెప్పి వెళ్లిపోయాడు. భారంగా ఆ ముగ్గురి మధ్యన ఆ రాత్రి గడిచింది.

బ్రహ్మయ్యకు ఇద్దరు కొడుకులు. పెద్దబ్బాయి శశాంక్ ఢిల్లీలో మిలటరీలో ఉద్యోగం. చిన్న అబ్బాయి చంద్రహాస్ అమెరికాలో సైంటిస్ట్. అతని భార్య వినోదిని. డిగ్రీ ఇన్ టెలీకమ్యూనికేషన్.. పనిచేస్తూ వుంది. శశాంక్ వివాహం చాలా ఆలస్యంగా జరిగింది. చంద్రహాస్ కు కొడుకు రఘునాథ్.. కూతురు ప్రగతి. ఇరువురి మధ్యన వయస్సు వ్యత్యాసం రెండు సంవత్సరాలు. వివాహం అయిన మరుసటి సంవత్సరంలో రఘునాధ్ పుట్టాడు.

శశాంక్ కాలేజీ రోజుల్లో ఓ లవ్ అఫైర్లో పడ్డాడు. ఆమె పేరు మహిమ. తన మహిమతో శశాంక్ ను పిచ్చివాణ్ణి చేసింది. తల్లిదండ్రులు చెప్పిన మాటలు విని శశాంక్ సంబంధంకన్నా గొప్ప కలవారి కొడుకును పెండ్లి చేసికొని ఆస్ట్రేలియా వెళ్లిపోయింది. ఆ షాక్ నుండి తేరుకొనేదానికి శశాంక కు చాలా కాలం పట్టింది. తల్లిదండ్రులు, హితుల మంచి మాటలతో మనస్సును మార్చుకొని ముఫ్పైమూడవ ఏట మధ్యతరగతి కుటుంబానికి చెందిన నిర్మలను.. తల్లిలేని పిల్లను తన తండ్రి, తల్లి ఇష్టానుసారంగా వివాహం చేసుకొన్నాడు.

వివాహం అయిన మూడు సంవత్సరాలకు కవలలు కవిత కమల, ఆ తర్వాత ఐదు సంవత్సరాలకు శాలివాహన జన్మించారు.

బ్రహ్మయ్యగారి అన్నయ్య గోపాలయ్య. వారి భార్య కాత్యాయని. వారికీ వివాహం అయిన చాలా కాలం సంతానం లేదు. ఎన్నో గుళ్లు గోపురాలు, నదీస్నానాలు పూజలు పునస్కారాలు చేశారు. ఫలితంగా పాతిక సంవత్సరాల తర్వాత బంగారు బొమ్మలాంటి ఆడపిల్ల పుట్టింది. ఎంతో ఆనందంగా ఆ దంపతులు బ్రహ్మయ్య కుసుమల.. బంధుమిత్రుల సమక్షంలో ఆ బిడ్డకు కస్తూరి అని నామకరణం చేశారు.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

(కథ manatelugukathalu.com లో చదవడానికి కథ పేరు మీద క్లిక్ చేయండి)

పద్మనాభం

రచన : జీడిగుంట శ్రీనివాసరావు

(ప్రముఖ రచయిత బిరుదు గ్రహీత)

(కథా పఠనం: మల్లవరపు సీతారాం కుమార్)

“ఏమిటీ అలా కదలకుండా పడుకున్నారు..? టైం పది అయ్యింది, లేవండి. మరీ బద్ధకం ఎక్కువ అయ్యింది ఈ మధ్య!” అంటూ గలగలా మాట్లాడేస్తోంది కమల.

“అప్పుడే ఎందుకు లేచావు కోడిలాగా.. ఈ రోజు గ్రహణం, కదలకుండా పడుండాలి” అన్నాడు పద్మనాభం.

“అయ్యో రాత, చూడక చూడక ఒక్కసారి నిన్న భక్తి టీవీ చూసారు. ఏమి విన్నారో ఏమిటో! అందులో చెప్పింది గర్భిణీ స్త్రీలు కదలకుండా పడుకోవాలి అని.. మీరెందుకు, మనవలు వుండి..?” అంది నవ్వుతూ కమల.

“ఏడిచినట్లు వుంది వాళ్ళు చెప్పింది. గర్భిణీలకా..! ఏదీ వివరంగా చెప్పరు. యివ్వాలిసిన దానాల గురించి తప్పా.. అనవసరంగా కదలకుండా పడుకునే సరికి కాళ్ళు చేతులు బిగసుకు పోయాయి” అంటూ మెల్లగా లేచి నుంచుని, మళ్ళీ మంచం మీద పడిపోయాడు పద్మనాభం.

కమల కంగారు పడుతూ “ఏమైంది? మెల్లగా లేవండి. పెద్ద.. ఒక గంట కూడా కాలేదు గ్రహణం మొదలై.. ఈ కాస్తకేనా ఈ నాటకాలు?” అంటూ మళ్ళీ పైకి లేపి, “మీ నాన్నగారు సరైన పేరు పెట్టారు- ‘పద్మనాభం’ అని” అంది నవ్వుతూ.

“చాలు.. ఆపు నీ ఎత్తిపొడుపులు. మార్నింగ్ వాకింగ్ లో ఈ పాటికి పది కిలోమీటర్లు వెళ్ళివుండే వాడిని. అనవసరంగా టీవీ వాళ్ళు నన్ను కన్ఫ్యూస్ చేసారు” అన్నాడు పద్మనాభం ఒళ్ళు విరుచుకుంటో.

“అవును.. ‘వెళ్తే’ కానీ ఎప్పుడైనా సూర్యోదయం చూస్తేగా తమరు? రేపటినుండి అయినా నడక మొదలు పెట్టండి, లేదంటే ఆపొట్ట తో నిజంగా పడుకోవాలి. కరెక్ట్ గా సూట్ అవుతుంది గ్రహణం రోజులకి” అంది పక్కున నవ్వుతూ కమల.

“అవునోయ్! రేపటినుండి వాకింగ్ మొదలుపెట్టాలి. సాయంత్రం వెళ్ళి షూస్ కొనుక్కుంటా” అన్నాడు పద్మనాభం బ్రష్ నోట్లో పెట్టుకుంటో.

“ఆలా అని చెప్పి అమెరికాలో మీ అమ్మాయి చేత నాలుగు రకాల షూస్ కొనిపించుకుని, ఒక్కటీ వేసుకోవడం లేదు. అవి వాడండి చాలు. అయినా మీ విషయం నాకు తెలియదా! నడిచి వెళ్లడం, వచ్చేడప్పుడు ఆటోలో రావడం. మీరూ, మీ మార్నింగ్ వాక్” అంటూ  పొగలు కక్కుతున్న కాఫీ గ్లాస్ అందించింది మొగుడి చేతికి.

కాఫీ తాగుతూ, “ఈ రోజు టిఫిన్ ఏమిటి?” అన్నాడు పద్మనాభం.

“టిఫిన్ తినకూడదు, గ్రహణం విడిచిన తరువాత ఒకేసారి అన్నం వండుతాను. అప్పటి వరకు ఓపిక పట్టండి” అంది కమల.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/AtbngmYMwFM

(కథ manatelugukathalu.com లో చదవడానికి కథ పేరు మీద క్లిక్ చేయండి)

రచన: యశోద పులుగుర్త

(కథా పఠనం: మల్లవరపు సీతారాం కుమార్)

రాధమ్మ కి ఎనిమిదవ సంవత్సరంలోనే పెళ్లిచేసేసారు ఆమె తల్లితండ్రులు.. పన్నెండేళ్ళకే కాపురానికి పంపేశారు.కట్నాలు ఇచ్చుకోలేక తమ కూతుళ్లను వయస్సు వ్యత్యాసం గానీ రెండో పెళ్లివాడనిగానీ ఆలోచించకుండా కట్టబెడ్తున్న రోజులవి..

రాధమ్మకూ, ఆమె భర్త పరమేశ్వరానికి ఇరవై సంవత్సరాల వ్యత్యాసం.. అత్తవారింటికి వచ్చిన రాధమ్మ ముగ్ధ.. ఇంకా పరిపక్వత రానివయస్సు, పాలుగారే బుగ్గలతో, బెదురుచూపులతో ఇంటి పెద్దకోడలిగా అత్తవారింట ఒదిగిపోయింది..

భర్త ఏ పని చేస్తాడో తెలియదు.. తను చూచాయగా విన్నది ఏమిటంటే వ్యవసాయం అని.. పొద్దుటే వెళ్లిపోయిన మనిషి అర్ధరాత్రి రావడం, ఎక్కడో అలసిన శరీరంతో ఏ కొట్టుగదిలోనో నిద్రపోతున్న రాధమ్మను బలవంతంగా బర బరా ఈడ్చుకుంటూ తనగదిలోకి తీసుకుపోయి ఆమె శరీరాన్ని పశువులా ఆక్రమించుకునేవాడు.. భర్తను చూడగానే చిగురుటాకులా వణికిపోయే రాధమ్మ పదునాలుగేళ్ల వయస్సులోనే తల్లి అయింది..

" ఇదా, పెళ్లంటే "? తన స్నేహితురాలు పూర్ణకు తనకంటే ముందరే పెళ్లి అయింది.. తానూ వెళ్లిందా పెళ్లికి.. ముత్యాలపల్లకీలో పూర్ణ ఎదురుగా అందాల రాకుమారుడు ఉరేగుతుంటే తన పెళ్లి కూడా అలాగే అంగరంగ వైభవంగా అవుతుందని కలలుగంది. భర్త తనతో ఒక్క మాట మాటలాడడు.. అతని రూపం ఎలా ఉంటుందో కూడా తనకి పూర్తిగా తెలియదు.. అర్ధరాత్రి అతని స్పర్శలో నలిగిపోవడం మాత్రమే తనకు తెలుసు.. తన పెళ్లికి పరమార్ధం ఇదా అనుకుంటూ దిండులో తలదాచుకుంటూ ఏడిచేది.. ఆ నిశీధి రాత్రులలో ఆమె మూగ ఆవేదనను వినేదెవరు?..

ఒకరోజు ఒంట్లో నలతగా ఉండి ఏడాది పసిపిల్ల వకుళని పక్కలో పెట్టుకుని నిద్రపోతోంది..

ఆకొన్న సింహలా తిరిగాడు పరమేశ్వరం.. " రాధా!" అని గర్జిస్తున్నట్లుగా పిలిచాడు.. ఒణికిపోతూ భయంతో ముడుచుకు పోయింది.. అతని పైశాచిక ప్రవర్తన రాధ కు భరింపరాని చీదర జుగుప్స కలిగేది.. మరో మగబిడ్డ కు జన్మనిచ్చింది..

పరమేశ్వరానికి ఉన్నట్టుండి విపరీతమైన జ్వరం దగ్గు వచ్చేది.. డాక్టర్ టి..బి.. అనిచెప్పాడు.. అతనికున్న చెడు వ్యసనాలు, సరైన వైద్యం చేయించుకోకపోవడంతోజబ్బు ముదిరిపోయి మూడునెలలో శాశ్వతంగా రాధమ్మ జీవితంనుండి వీడ్కోలు తీసుకున్నాడు..

పదహారు సంవత్సరాలకే రాధమ్మ నుదుట కుంకుమ చెరిగిపోయి ఇద్దరు పసిబిడ్డలతో పుట్టినింట చేరింది.. అప్పటికే రాధమ్మ తండ్రి చనిపోతే ఏ ఆధారంలేని తల్లి తన ఇద్దరి మగబిడ్డలతో అన్నగారి పంచన చేరింది.. రాధమ్మ కూడా మేనమామ పంచన చేరక తప్పలేదు.. అతను పెద్ద ఆస్తిపరుడు కాకపోయినా లౌక్యం తెలిసిన మనిషి.. సమాజంలోని దొంగ పెద్ద మనుషులకు ప్రతీక… మాయమాటలతో పబ్బం గడుపుకునేవాడు… అతని ప్రయోజనం కోసం ఇతరులకు కష్టపెట్టడానికి కూడా వెనుకాడడు..

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/iA94nL4m4HM

(కథ manatelugukathalu.com లో చదవడానికి కథ పేరు మీద క్లిక్ చేయండి)

ది ట్రాప్ ఎపిసోడ్ 8

రచన : పాండ్రంకి సుబ్రమణి

(కథా పఠనం: మల్లవరపు సీతారాం కుమార్)

పాండ్రంకి సుబ్రమణి గారి ధారావాహిక 'ది ట్రాప్' ఎనిమిదవ భాగం

గత ఎపిసోడ్ లో

దివాకర్ ఉద్దేశమేమిటో వివరిస్తాడు కామేశ్వర్.

పరమేశ్వర్ అభిప్రాయం అడుగుతాడు వేదమూర్తి.

వరూధిని, మందాకినితో కలిసి భువనేష్ ఇంటికి వస్తుంది.

ఇక ది ట్రాప్.. ఎనిమిదవ భాగం చదవండి…

ఈసారి మందాకిని భువనేష్ చేయి పట్టుకుని లాగింది. “ఔను అంకుల్. మీరూ మాతో రండి. మీరు గాని వస్తే యెంత జాలీగా ఉంటుందని —ప్లీజ్ అంకుల్! ”

అప్పుడతడు బ్రతిమిలాడే ధోరణితో మందాకిని రెండు చేతులూ అందుకుని యేదో చెప్పబోయాడు. ప్రభావతి భర్తకు అడ్డు తగిలింది- “ప్రమోషన్లూ పోస్టింగుల గొడవలో పడి మీరు యిచ్చిన మాటను తప్పుతున్నారు మిస్టర్ భువనేష్”.

నేనా అన్నట్టు ఆశ్చర్యంగా చూసాడు సతీమణి వేపు.

“ఔను. మీరే! మన ప్లాను ప్రకారం మీరు వరూధిని గారి యింటి వద్ద కదూ దిగబెట్టి వెళ్తానన్నారూ? దానికి చిన్నపాటి సవరణతో మమ్మల్ని గుడిలో దిగబట్టి అటు ఆఫీసుకి వెళ్ళిపోదురు గాని- ఈజిటే ఓకే! ”

ఆ మాటతో అతడిక బదులివ్వకుండా వెనక్కి తగ్గి, పనిగత్తె వేపు చూసాడు కాఫీ కప్పులు త్వరగా తీసుకు రమ్మనమని.

“ఇదిగో బాబూ! పది నిమిషాలలో తేనూ—“ అంటూ వంట గది వేపు నడచింది. అతడలా భాగ్యానికి చూపులతో అదేశం జారీ చేస్తూ అసంకల్పితంగా వరూధిని వేపు చూసాడు. ఆమె అతణ్ణే నవ్వుతూ చూస్తూంది. అతడికప్పుడు చప్పున ప్రభావతి వరూధిని గురించి అన్న మాటలు గుర్తుకి వచ్చాయి.

కళగా నిండారోగ్యంతో పొడవుగా ఉన్నమాట వాస్తవమేనేమో కాని, మధుబాలలా ఉందీ— ఏమో! అతడు తేల్చుకోలేక పోయాడు. మధుబాలా యేమో భారతీయ ముస్లిమ్ స్త్రీ— వదూధినీ యేమో తెలుగు హైందవ స్త్రీ-- ఇద్దరూ బాగానే ఉంటారు.

కాని— అంతర్నేత్రంతో పోల్చి చూడటమే కష్టం. వీళ్ళద్దరి మధ్యా తన భార్య ప్రభావతిని నిల్చుండబెడితే—సెంట్ ఆఫ్ ది వుమెన్, షేఫ్ ఆఫ్-ది-విమన్ వేరు వేరు కోణాలలోనే ఉంటుంది. దగ్గరగా కొందరు ఒక విధంగా-దూరపు కోణం నుంచి చూస్తే మరొకరు మరొక విధంగా మొగ్గయి విరబోస్తారేమో-- అతడలా ఆలోచించుకుంటూ కాఫీకప్పు చేతికి తగలగానే తట్టున ముఖం తిప్పుకుని చేతిలోకి అందుకుని కాఫీ చప్పరించ సాగాడు.

మరి కాసేపటికి కాఫీలు తాగడం పూర్తయిన తరవాత మాటలు కొనసాగించాలి కాబట్టి భువనేష్ అడిగాడు- “కాఫీ బాగుందా మైడియర్ యంగ్ లేడీ? ”

మందాకిని వెంటనే బదులిచ్చింది- “నేను కాఫీ తాగలేదు అంకుల్! భాగ్యం అత్త నాకు హార్లిక్స్ కలిపి యిచ్చింది”.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/JnmhSkLTKHc

(కథ manatelugukathalu.com లో చదవడానికి కథ పేరు మీద క్లిక్ చేయండి)

కాకతి రుద్రమ ఎపిసోడ్ 20

రచన : అయ్యల సోమయాజుల సుబ్రహ్మణ్యము

అయ్యల సోమయాజుల సుబ్రహ్మణ్యము గారు రచించిన ధారావాహిక కాకతి రుద్రమ 20 వ భాగం

గత ఎపిసోడ్ లో

రామప్ప దేవాలయ శిల్పకళా వైభవం గురించి, అక్కడ చెక్కబడ్డ వివిధ నాట్య భంగిమల గురించి చక్కగా వివరించారు రచయిత.

కాకతీయులకు అండగా ఉన్న గన్నారెడ్డికి వర్ధమాన పురాన్ని అప్పగించబోతున్నట్లు సభాముఖంగా ప్రకటిస్తాడు శివదేవయ్య.

యుద్ధానికి సన్నద్ధులుగా ఉండమని అందరినీ కోరుతాడు.

ఇక కాకతి రుద్రమ ఎపిసోడ్ 20 చదవండి..

కాకతీయ దేవాలయ శిల్పము, చాళుక్యశిల్పమున కొన్నిమార్పులు కల్పించింది. ఆంధ్ర శాతవాహనుల కాలంలో గుహవాస్తు, స్తూపవాస్తులతో పాటు, దేవాలయ వాస్తు కూడా వర్ధిల్లినది. ఆంధ్రులు, బౌద్దులు కాకమునుపు శైవమతావలంబకులు.

ఆంధ్రలు నెలకొల్పిన దేవాలయ శిల్పము అద్భుతమయినది. వారు గోడలు కట్టుటకు రాళ్ళు వుపయోగించలేదు. వివిధ మృత్తికలను కలిపి, ఇటుకలు చేసి వానితో నాలుగైదు అంతస్థుల భవనములు నిర్మించేవారు. అటుల ఇటుకలతోనే వారు దేవాలయాలు నిర్మించుకునేవారు.

బౌద్దయుగంలోనూ ఆంధ్రులు స్థూపాలు ఇటుకలతోనే నిర్మించిరి. విగ్రహాలకు, ద్వారాలకు, ఆలయస్థంభాలకు శిలలను ఉపయోగించెడివారు. కొండలు తొలిచి చైత్యాలుగా, విహారాలుగా, గుహలూ నిర్మించారు. ఇక్ష్వాకుల కాలంలో రాతితో ప్రథమచైత్య గృహ

నిర్మాణము జరిగెను. పల్లవుల కాలములో ఒకేరాతితో చెక్కిన దేవాలయాలు నిర్మాణములు చేసినారు. ఆంధ్రశిల్పులు చాళుక్యులకాలం నాటికిగూడా పూర్వరీతినే దేవాలయాలు ఇటుకలతో, సున్నముతో కట్టుచూ, మండపాలు, స్థంభాలు, విగ్రహాలు రాళ్ళతో నిర్మింపసాగిరి.

రానురాను చాళుక్యుల కాలము వరకూ ఆంధ్రశిల్పులు ప్రతిభతో గర్భాలయము, వివాహ మండపాలు శిలలో నిర్మించి, శిఖరాలు మాత్రము ఇటుకలతో నిర్మించిరి.

కాకతీయ చక్రవర్తులకాలంలో స్తంభశిల్పము, ద్వారశిల్పము ఇంకనూ అపూర్వ కౌశలముతో ముందుకు సాగెను. దేవాలయ శిఖరము గూడ చాళుక్యకాలపు రూపము నుండి మార్పుపొందెను.

చాళుక్య శైవము లో సాధుశైవము- కాకతీయ శైవము వీరశైవము. వీరశైవ శిల్పములో వీరభద్ర నందికేశ్వర లింగమూర్తుల వికాసముచే నిండిపోయినది.

వట్టి లింగమూర్తి పూజతో తృప్తిపడిన చాళుక్యశిల్పి శైవలీలా వినోది అయినాడు. రాష్ట్రకూట వంశాదరణలో కాకతీయ రసపూర్ణ జీవిత ప్రాబల్యాన, ఆంధ్రశిల్పి- నృత్య విన్యాసకుడు, దివ్యసౌందర్య లీలావిలాసుడు, అలంకార పూరితాత్ముడు ఆయెను.

మొగలిచర్ల కాకతమ్మ గుడి శ్రీకాకతీయ ప్రోలమహారాజు ప్రథమ తనయుడయిన శ్రీరుద్ర చక్రవర్తి కట్టించెను. ప్రసిద్దాంధ్ర శిల్పి ఎఱ్ఱయ ఒజ్జ నిర్మించినది. ఆచార్య ఎఱ్ఱయ ఒజ్జ ప్రసిద్ర ఆంధ్రశిల్పి. అతని శిల్ప కౌశలము అనుమకొండ రుద్రేశ్వరాలయంలో ఆకాశమును చుంబించు చున్నట్లనిపించును.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/5PWXsRPnykQ

(కథ manatelugukathalu.com లో చదవడానికి కథ పేరు మీద క్లిక్ చేయండి)

జీవన స్వరాలు

రచన :  M R V సత్యనారాయణ మూర్తి

పెళ్లి పందిట్లోంచి వినిపిస్తున్న సుస్వరాల సన్నాయి మేళాన్ని అందరూ మెచ్చుకుంటున్నారు.

“చక్కని అన్నమయ్య కీర్తనలు విని చాలా రోజులు అయ్యింది. ఈ మధ్యన చెవులు చిల్లులు పడే వాయిద్యాల హోరు, పిచ్చి పిచ్చి పాటలు విని విసుగెత్తిపోయింది. మనసు ప్రశాంతంగా ఉంది” అన్నాడు రామమూర్తి, పక్కన ఉన్న జగన్నాధంతో.

“ఈ సన్నాయి మేళం వాళ్ళది రాఘవాపురంట. రాయుడు గారు ప్రత్యేకంగా పురమాయిన్చారుట’ అన్నాడు జగన్నాధం.

రాయుడుగారి మేనకోడలు పెళ్లి శివపురం బాలాజీ ఎ.సి. ఫంక్షన్ హాలులో చాలా వేడుకగా జరిగింది. విందు భోజనం కూడా చాలా ఘనంగా ఏర్పాటు చేశారు. చాలా మంది భోజనాలు చేసి వెళ్ళిపోయారు. దగ్గర బంధువులు ఉన్నారు. మధ్యాహ్నం మూడు గంటల సమయం. సన్నాయి రమణ, రాయుడుగారి దగ్గరికి వచ్చి దణ్ణంపెట్టి “వెళ్తామండి అయ్యగారూ” అన్నాడు వినయంగా.

“భోజనాలు చేసారుగా. టీ తాగి వెళ్ళండి” అన్నారు రాయుడుగారు.

ఆయన మాట కాదనలేక “అలాగే నండి” అని మండపం చివర తమకు కేటాయించిన చోటు దగ్గరకి వచ్చి తమ వాళ్ళతో ‘దొర గారు టీ తాగి వెళ్ళమన్నారు’ అని చెప్పాడు.

సన్నాయి మేళానికి డబ్బులు ముందుగానే ఇచ్చేశారు రాయుడు గారు.

భోజనాలప్పుడు గుమాస్తా గారు వచ్చి దారి ఖర్చులు డబ్బులు కూడా ఇచ్చేశారు. డబ్బులు దండిగా వచ్చినందుకు అందరూ సంతోషించారు. పావుగంట గడిచేసరికి ఒక అమ్మాయి ట్రే లో మైసూరు పాకు, కారబ్బూంది ప్లేట్లలో తీసుకువచ్చి సన్నాయి బృందం ఆరుగురికీ ఇచ్చింది.

డోలు వాయించే శేఖర్, ఆ అమ్మాయి కట్టుకున్న పరికిణీ చూసి ఆశ్చర్యపోయాడు. పెళ్లి ఊరేగింపు బొమ్మలు, ఆ అమ్మాయి పరికిణీ మీద చాలా అందంగా కుట్టి ఉన్నాయి. జాకెట్టు చేతులమీద కూడా హంస బొమ్మలు రంగు రంగుల దారాలతో కుట్టి ఉన్నాయి.

“అమ్మాయి గారూ, మీ పరికిణీ చాలా బాగుందండి. బొమ్మలు కూడా బాగా కుట్టారు” అన్నాడు శేఖర్.

ఆ అమ్మాయి చిన్నగా నవ్వి “రాజమండ్రిలో కుట్టించారు. నెల్లాళ్ళు పట్టింది ఈ బొమ్మలు కుట్టడానికి” అని వెళ్ళిపోయింది.

రాయుడు గారి అబ్బాయి వెంకటాద్రి రాయుడు ఆ అమ్మాయిని పిలిచి అడిగాడు ‘ఆ కుర్రాడు నీతో ఏం మాట్లాడాడు’ అని.

‘పరికిణీ గురించి అడిగాడు. అంతే’ అని చెప్పి ఆ అమ్మాయి లోపలకు వెళ్ళిపోయింది.

తన స్నేహితులు ఇద్దర్ని తీసుకుని శేఖర్ దగ్గరకు వచ్చి లాగి చెంప మీద కొట్టాడు వెంకటాద్రి రాయుడు. సన్నాయి మేళం వాళ్ళు అందరూ నివ్వెరపోయారు ఆ సంఘటనకి.

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/scSC7Zx2k2w

(కథ manatelugukathalu.com లో చదవడానికి కథ పేరు మీద క్లిక్ చేయండి)

మాతృ హృదయం

రచన: సిహెచ్. సీఎస్. శర్మ

కథ చదివి వినిపించిన వారు: మల్లవరపు సీతారాం కుమార్

ప్రతి తల్లి తన బిడ్డల క్షేమాభివృద్ధికి ... తాను కొవ్వొత్తిలా కరిగి... తన జీవితాంతం పాటుపడుతుంది. అందుకే 'తల్లికి సాటి తల్లే' అని పెద్దలు అన్నారు.

"అమ్మా!... స్నేహా!..." అనారోగ్యంతో మంచంలో వున్న హారతి మెల్లగా పిలిచింది.

మాత్రలు... మంచినీళ్లు ఆమెకు ఇచ్చి గది నుండి బయటికి వెళుతున్న హారతి వెనుతిరిగి మంచాన్ని సమీపించింది.

"ఏం అమ్మా..." ప్రీతిగా హారతి ముఖంలోకి చూస్తూ అడిగింది స్నేహ..

"నాన్నగారు ఎక్కడికి వెళ్లారమ్మా!..." అడిగింది హారతి.

"బజారుకు వెళ్లారమ్మా!... వెళ్లి చాలా సేయింది. ఈపాటికి తిరిగి వస్తూవుంటారు."

గదిలో ప్రవేశించిన శ్రీనివాస్... "వచ్చేశాను..." చిరునవ్వుతో చెప్పాడు..

తన చేతిలోని సంచిని స్నేహకు అందించి... "నీవు చెప్పినవన్నీ తెచ్చానమ్మా... చూచుకో..." అన్నాడు.

స్నేహ... సంచితో వంటగది వైపుకు వెళ్లింది.

"ఎలావుంది హారతి!..." ప్రీతిగా ఆమె ముఖంలోకి చూస్తూ మంచం ప్రక్కన వున్న స్టూలు మీద కూర్చున్నాడు.

హారతి అతని ముఖంలోకి చూచి... విరక్తిగా నవ్వింది. కళ్లు మూసుకొంది.

శ్రీనివాస్ ఆమె నొసటిపై తన చేతిని వుంచాడు.

"త్వరలో నీవు కోలుకొంటావు హారతి... నీకు ఏ వ్యాధి లేదు. మనోవేదన తప్ప. దైవాన్ని ఎంతగానో నమ్మేదానివి కదా!... నీ మనోభావాన్ని తీర్చమని ఆ సర్వేశ్వరుని... వేడుకో..." మంటూ అనునయంగా చెప్పాడు శ్రీనివాస్.

హారతి మెల్లగా కళ్లు తెరిచింది. అంతవరకూ కళ్లల్లో వున్న కన్నీళ్లు చెక్కిళ్లపైకి జారాయి.

"శ్రీ... నాకు సాగర్ ను ఒకసారి చూడాలని వుంది..." గద్గద స్వరంతో చెప్పింది హారతి.

కొన్ని క్షణాలు హారతి ముఖంలోకి దీక్షగా చూచాడు శ్రీనివాస్. కన్నకొడుకును చూడాలని హారతి మనస్సు ఎంతగా ఆరాట పడుతూవుందో... హారతి చెప్పిన ఆ ఒక్క మాటలో అతనికి అర్ధం అయింది...

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/XxCB67YQ_iw

(కథ manatelugukathalu.com లో చదవడానికి కథ పేరు మీద క్లిక్ చేయండి)

సైనైడ్ - ఎపిసోడ్ 7

రచన : లక్ష్మీనాగేశ్వర రావు వేల్పూరి

గత ఎపిసోడ్ లో

బి - వన్ మాటలకు లొంగిపోతాడు శేఖర్.

ఆమె అడిగిన రహస్యాలు సేకరిస్తాడు.

సమాచారం లీక్ అవుతున్న విషయం ఇంటెలిజెన్స్ విభాగం గమనించి నిఘా పెడుతుంది.

ఏ - వన్ బి - వన్ లు ఒక పావులా వాడుకున్నారని నిర్ధారించుకున్నాడు శేఖర్

ఇక సైనైడ్ ఏడవ భాగం చదవండి

శేఖర్ ఎంతో బాధతో,మరొకసారి బి - వన్ కి ఫోన్ చేసి, “నేను సేకరించిన వివరాలు- విశాఖపట్నం లోని నేవల్ బేస్,హెపిసిఎల్ అయిన కేంద్ర ప్రభుత్వ సంస్థల వివరాలను, అన్నీ రికార్డ్ చేసి ఉంచాను! కానీ ఇప్పట్లో నేను ముంబై, ఢిల్లీ వెళ్ళలేను. ఢిల్లీలోని మా ఆఫీస్ లో కూడా తనిఖీలు మొదలుపెట్టారు. నేను ఖచ్చితంగా దొరికి  పోతాను! అని బాధపడుతూ చెప్పేసరికి,

బి - వన్ ధైర్యం చెబుతూ, “శేఖర్ ! నీకు ఏమీ కాదు, నువ్వు ఢిల్లీ, ముంబై వెళ్లి ఆ పనులు కూడా ముగించి,రెడీగా ఉండు. నిన్ను కెనడా తీసుకురావడానికి ఏర్పాటు చేస్తున్నాను.

నువ్వు భయపడనవసరం లేదు” అని చెప్పగానే,

"ఆర్ యూ మాడ్? ఇక్కడ నా పరిస్థితి గందరగోళంగా ఉంది. గూడచారి విభాగం, అత్యంత రహస్యమైన భారతదేశ రక్షణ వ్యవస్థ కు చెందిన వివరాలు ఎక్కడికో  పంపడుతున్నాయి. అందువల్ల ఇంటెలిజెన్స్ విభాగం అన్ని డిఫెన్స్ ఆఫీసులలో హై సెక్యూరిటీ ఎలర్ట్ పెట్టారు. నేను పట్టుబడడం ఖాయం” అంటూ అరుస్తూ, మందు కొడుతూ ఏడుస్తూ మాట్లాడాడు శేఖర్.

ఆ సమాధానం విన్న వెంటనే బి - వన్ ఢిల్లీలో ఉన్న తన సహచరుడు ఏ - వన్ కు ఫోన్ చేసి "హాయ్, ప్లీజ్ లుక్ ఆఫ్టర్ మిస్టర్ శేఖర్. ఆయన చాలా పిరికితనంగా మాట్లాడుతున్నాడు. మన చేతిలో పడబోయే భారతదేశ రక్షణ వివరాలు అతనితోనే ఉన్నాయి. నువ్వు ఎలాగైనా అవి సంపాదించి,నాకు పంపించు. ఇది హైకమాండ్ ఆర్డర్...

Read the full story on www.manatelugukathalu.com

ఈ కథ మనతెలుగుకథలు.కామ్ లో ప్రచురింప బడింది.

మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ

ఈ కథను యూట్యూబ్ లో చూడండి.

Video link

https://youtu.be/_Iau-zH26WE