Már Gunnarsson hefur vakið talsverða athygli undanfarin ár, en hann hefur verið meðal fremstu blindu sundmönnum heims auk þess að stunda tónlist. Flest ættu að muna eftir honum úr Söngvakeppninni í ár þar sem hann söng ásamt systur sinni, Ísold, í dúettnum Amarosis, en þau höfnuðu í þriðja sæti. Hann hefur ákveðið að leggja sundskýluna á hilluna, aðeins 22 ára gamall og einbeita sér að tónlisinni. Hann komst í virtan tónlistarháskóla í Englandi og heldur nú tónleikaröð sem hann kallar Sjáumst, sem er liður í að fjármagna námið í Englandi, þeir fyrstu verða í kvöld og verður sérstakur gestur á þeim Páll Óskar Hjálmtýsson. Már kom, ásamt leiðsöguhundinum Max, í þáttinn og sagði okkur frá þessum tímamótum og tónleikunum.

Elín Björk Jónasdóttir veðurfræðingur verður hjá okkur einu sinni í viku á næstunni með mannlegt veðurspjall. Veður er alltaf vinsælt umræðuefni hér á landi og víðar og í mannlega veðurspjallinu munum við velta fyrir okkur áhugaverðum fyrirbærum í veðri með Elínu Björk og í dag sagði hún okkur meðal annars frá kuldakasti í Suður Ameríku sem rekja má til eldgoss.

Árni Árnason Hafstað kom svo til okkar og fræddi okkur um lestrarkennslu og fugla, en hann gaf nýlegi út bók sína Stafróf fuglanna hjá Bókaútgáfunni Hólum. Í bókinni eru tvær flugur slegna í einu höggi, því þar geta börn lært stafina og kynnst og lært um algenga fugla sem sjást í náttúru landsins.

Tónlist í þættinum í dag:

Negro José / Páll Óskar Hjálmtýsson (erlent lag, texti Páll Óskar Hjálmtýsson)

Þú ert / Már Gunnarsson (Þórarinn Guðmundsson og Guðmundur Björnsson)

Út í veður og vind / Stuðmenn (Egill Ólafsson og Valgeir Guðjónsson)

Núna / Pálmi Gunnarsson (Magnús Eiríksson)

UMSJÓN: GUÐRÚN GUNNARSDÓTTIR OG GUNNAR HANSSON