Föstudagsgestur Mannlega þáttarins í þetta sinn var Marentza Poulsen. Marentza hefur kennt okkur Íslendingum svo ótal marga hluti eins og til dæmis hvernig á að haga sér á jólahlaðborðum. Við forvitnuðumst um æsku hennar og uppvöxt í Færeyjum, ferðina til Vestmannaeyja þar sem hún fann hann Hörð sinn og hlustendur fengu líka að vita af hverju hún er alltaf svona jákvæð.

Í dag er föstudagur og þá er auðvitað matarspjall með Sigurlaugu Margréti, besta vini bragðlaukanna og eðlilega stóðumst við ekki mátið, þar sem Marentza var föstudagsgestur okkar, að fá hana til að sitja áfram með okkur í matarspjalli dagsins.

UMSJÓN GUNNAR HANSSON OG SIGURLAUG MARGRÉT JÓNASDÓTTIR