«La Callas» – la chantadura da renum mundial pudess festivar quest onn ses 100avel anniversari.

Ses fans talians numnavan Maria Callas «La Divina» e vairamain è ella stada ils onns 1950 ina regina, ina dieua sin las tribunas d'operas da l'entir mund. Il 1951 ha ella chantà per l'emprima giada en la Scala a Milaun, il 1953 l'emprima giada a Londra en il Royal Opera House, in onn pli tard a Chicago al Civic Opera House. Il 1955 l'emprima preschentaziun a Berlin sut la direcziun da Herbert von Karajan ed il 1956 l'emprima giada a la Wiener Staatsoper sco er a New York, a la Metropolitan Opera. Ina carriera fabulusa. Main fabulusa era però sia vita privata.