Ils 19 da mars 1873 nascha Johann Baptist Joseph Maximilian Reger a Brand en il Fichtelgebirge sco figl d'in magister. Ina visita als gieus festivs da Wagner a Bayreuth duain avair impressiunà el uschè fitg ch'el ha decis da sa deditgar a la musica per vita duranta.

Max Reger lavura sco in chaval, el cumpona, dat concerts ed instruescha bunamain senza pausa. Sia vita è in'aivrezza tranter fugas, armonias, vin ed intemperanza e prenda perquai ina fin prematura. El mora cun be 43 onns.