Minsan, iniisip ko kung ang pinakamasayang nangyari ba sa buhay ko ay iyung minahal mo ako dati. Ang dami kong gustong sabihin, lagi, at wala akong nasasabi hanggang sa ako na lang ulit ang maiwan. Mahalagang itanong ng manunulat sa sarili ang kaniyang pinagmulan para linawin din sa sarili kung bakit niya ito iniwan.

Sa sandali ng pagkawala ng sinumang mahalaga sa atin, parang napakahirap magpatuloy sa mga plano sa buhay. Minsan, kailangan natin ng magpapayo sa atin, ng pakikinggan natin, ng magsasabi sa atin na kailangan nating subukin, kailangan nating mabuhay ulit para sa sarili natin. Narito ang pagbasa ko sa kabanatang “Isang Maling Hakbang” mula sa nobela kong SA KASUNOD NG 909.

Malungkot ka, subalit may panahon pang alalahanin ang kalungkutan ng iba. Kaya ka nagbabasa. At kailangang ipaalala sa sarili na ang mas matindi at mas mapanganib na pantasya ay na isiping realistiko ang wakas ng isang kuwentong hindi nagkatuluyan ang mga tauhan dahil lang gusto nating salaminin nito ang ating mga kabiguan at kalungkutan.

Maganda rin iyung pakiramdam na nasa pagitan ka ng lahat-lahat sa isang banda at sa kabila, ng biglang wala na lang lahat. Pagitan ng lahat at wala. Na kahit nagpapaka-safe ako sa buhay ko, may fantasy rin ako na gustong mapalagay sa panganib. Kaya kahit hindi talaga ako namumundok, mabilis niya akong nahilang umakyat. Narito ang pagbasa ko sa revised na unang kabanata ng bagong edisyon ng SA KASUNOD NG 909 na lalabas ngayong buwan.

Buhay pa ba tayo? Matatawag pa bang buhay itong binabata natin sa araw-araw na ni hindi magawang makita’t mahawakan ang isa’t isa? Parang ang hirap itanong nito kung may mga totoong kamatayan sa paligid, araw-araw, at hindi tayo makahabol sa pagbibilang. Gusto kong kumustahin ka, ang mga mahal mo, pero natatakot na ako sa magiging sagot mo. Wala naman talagang katiyakan ang buhay pero tinitiyak ng bawat araw ngayon sa atin na wala nga pala talagang katiyakan ang buhay.

Maraming mundo ang bawat tao. Gagawin mo iyon kung wala kang makapa. Dadagdagan mo kung kulang, hahanapin kapag nawawala. Kung matagpuan na, pilit iyong tatakasan ng mga duwag at wawaratin naman ng matatapang para makagawa ng iba. Ito ang ikatlong episode tungkol sa MGA AKLAT NG TULAMBUHAY, tampok ang pagsusulat ko ng isang yunit ng Sambotani at ng una kong nobelang Walong Diwata ng Pagkahulog.

Narito ang recording ko ng panayam at pakikipagtalakayan ko para sa Concepts: Creative Talks ng Yabang Pinoy ngayong 12 Hulyo 2020.

Napakaraming ugat ng sugat sa nagdaan at sa mga nangyayari sa kasalukuyan, subalit kailangan lagi nating ipaalala sa sarili na may pagbalikwas sa pag-unawa sa mga pagkabihag at paglaya na maghahatid sa atin sa pag-unawang totoo lamang nasasaktan dahil totoong walang katiyakan.