Anton skakel vir Rina en vra of sy vir Connie na hom gestuur het. Rina bevestig dit, en besef dadelik dat sy jaloers op Connie is en nie weet wat sy volgende moet doen nie.

Connie erken haar spioenasie-rol vir Boelie oor die Huis, en bied aan om vir Anton inligting oor Boelie te verky. Anton moedig dit aan. Wanneer Boelie weer vir Connie sien, kry sy 'n vreemde versoek van hom in verband met Karolus en die Chinese gas by die Huis op die Hawe.

Boelie skiet op Japie se hommeltuig, en die tuig maak dit net-net terug tot op die Bloublits. Connie maak 'n ete-afspraak met Boelie, en skakel direk daarna vir Anton om de volgende dag met hom te gesels. Dit lyk asof Connie haar eie planne met die twee mans het.

Karolus bekla sy lot teenoor Tania dat die dames van die Huis hom vermy, maar sy het min simpatie. Rina skinder saam met Connie oor Boelie se planne, maar net daarna skakel sy vir Boelie en vra ewe koketterig om hom weer te sien.

Boelie wil weer vir Connie as spioen probeer werf, maar sy is al hoe minder geneë. Pauline is kwaad vir Nigel omdat hy haar nie ook as spioen vir hom en die goeie saak van die Huis wil gebruik nie.

Boelie probeer om 'n dokument wat deur Rina opgestel is, vir sy “vennote” te verkry, maar sy weier. Hy kry later by Connie ook die koue skouer weens sosiale redes. Dit lyk asof sy nie meer saam met hom om op Mooi Hawens gesien wil word nie.

Japie vind dat hulle kommunikasiestelsel kwesbaar is, en hy beveel spesiale beskermingsmaatreëls aan. Die nuwe Sjinese gas vra vir spesiale ruimte om sy kamera en kommunikasiestelsel op te stel.Tania vra vir Japie en Nigel om die Sjinees te help om 'n ateljee op die boonste vloer se balkonstoep in te rig.

Anton en Nigel vang 'n ton vis. Japie begrawe die strydbyle oor Rina, maar Rina kry 'n uitnodiging van 'n derde hond wat probeer om met die been weg te kom, en gee 'n interessante antwoord.

Anton kry interessante videomateriaal, deur Boelie se skiboot na die diepsee te volg in die nag. Karolus vind uit dat die nuwe Chinese gas vir Boelie ken, en Tania rig 'n belangrike versoek tot Karolus en Pauline.

Die broers volg een van Boelie se nagvaarte met die hommeltuig wat nou nagsig-toerusting dra, en vind dat hulle 'n jetski gebruik om sakke vol perlemoen na die diepsee te sleep, maar die uiteinde is teleurstellend.