Rex en Daan bespreek die taak wat Daan vir die Meyers moet voltooi. Adriaan neem vir Annabel uit om te gaan roei. Daan word 'n groot hoeveelheid geld betaal, en dit maak Luann agterdogtig. Annabel en Adriaan het 'n oomblik, en dit krap weer ou gevoelens oop wat die twee vir mekaar gehad het. Sal Daan deurvoer op die taak wat Rex wil hê hy moet voltooi?

Rex en Adriaan speel golf, en hoe nader hulle aan die einde van die ronde kom, hoe ernstiger raak die spel. Jonathan gee vir Luann 'n saamrygeleentheid, en die twee raak aan die gesels oor Luann se keuses in mans. Sally raak aan die praat oor die geskiedenis van Karatara.

Rex probeer om sy verhouding met Annabel nuwe lewe te gee. Sally en Margie bedink 'n blink plan om vir die skool geld in te samel. Rex het 'n werk vir Daan, maar wat presies is dit?

Adriaan wys en verduidelik aan Rex watter ou kaarte van die gebied hy kon kry. Rex wil hom steeds nie sê waarvoor hy die planne nodig het nie. Sally en Margie kry die perfekte idee vir 'n geldinsamelingsgeleentheid.

Rex konfronteer vir Adriaan oor sy aand uit saam met Annabel. Adriaan maak dit af as vriende wat saam kuier. Rex het nog 'n guns om te vra van Adriaan. Daan en Luann se eerste geldmaakplan het gewerk, maar nou het Daan eers groot planne.

Luann en Daan beraam 'n plan om geld te maak uit ouer mense. Adriaan praat by die skool se saal opening, en vra Annabel of sy die aand saam met hom na 'n geleentheid toe sal gaan. Sal die twee jonges se plan uitwerk, of sal dit hulle in die moeilikheid kry. En sal Annabel ja of nee sê?

Luann Michaels is Solly se susterskind, en is 'n handvol, maar vandat sy met klein Daan Spiere uithang, is die gort gaar. Die twee sukkel met hulle geldsake en soek maniere om hulle inkomste aan te vul. Annabel probeer Sally aan haar kant kry met 'n geldinsamelingsgeleentheid vir die skool. Raymond praat met Sally oor sy kerk in die sportsaal. Hoe het hy toestemming daarvoor gekry, en watter idee het Annabel om op die arm dorpie geld in te samel?

Rex , Adriaan en Annabel besluit om te gaan roei. Margie weet nie of sy nog 'n dag by die skool sal kan oorleef nie. Rex kom tot die besef dat Adriaan nog gevoelens het vir Annabel. Sal Annabel agterkom dat Adriaan meer as net vriendskap van haar wil hê? Raymond Ross wil met Sally praat, maar sy het geen idee waaroor nie.

Dit is Margie se eerste dag by die skool, en Victoria is nie gelukkig oor die nuwe verwikkelinge nie. Adriaan en Jonathan monitor die bobbejaantrop, en moet seker maak hulle brousel het gewerk. Margie en Adriaan praat oor Annabel, en sy waarsku hom dat die Meyers haar inkatrol en as hy 'n sê wil hê, sal hy iets moet begin doen.

Victoria en Raymond weet nie of hulle die regte ding gedoen het deur Ulrigh te vertrou nie. Hulle reël om hom te ontmoet. Annabel gaan sien vir Margie, en maak haar 'n offer wat sy nie verwag het nie. Sal Margie ja sê, en wat kan Ulrigh aan Victoria en Raymond bied om hulle vertroue te koop?